Latest News Tamil - தமிழில் சமீபத்திய செய்திகள், தமிழ் செய்திகள் இன்று, Tamil News Online https://www.tv9tamilnews.com/latest-news Latest News in Tamil: Latest news and headlines online in Tamil. தமிழ் செய்திகள். தமிழில் முக்கிய செய்திகளையும் சமீபத்திய தலைப்புச் செய்திகளையும் பெறுங்கள் Top headline from Tamil Nadu, India and the world in Tamil on tv9tamilnews.comTue, 10 Nov 2026 22:21:50 +0530 ta https://www.tv9tamilnews.com https://www.tv9tamilnews.com டெல்லி அக்ஷர்தாம் கோயிலில் அன்னக்கூட் திருவிழா.. 1,256 வகையான சைவ உணவுகள் படைத்து கோவர்த்தன பூஜை! https://www.tv9tamilnews.com/religion/annakut-festival-celebrated-at-delhis-akshardham-temple-with-1256-vegetarian-dishes-119330.html Tue, 10 Nov 2026 22:21:50 +0530 https://www.tv9tamilnews.com/religion/annakut-festival-celebrated-at-delhis-akshardham-temple-with-1256-vegetarian-dishes-119330.html டெல்லி அக்ஷர்தாம் கோயிலில் அன்னக்கூட் திருவிழா.. 1,256 வகையான சைவ உணவுகள் படைத்து கோவர்த்தன பூஜை!நவம்பர் 10, 2026: புதுடெல்லியில் உள்ள புகழ்பெற்ற சுவாமிநாராயண் அக்ஷர்தாம் கோயிலில் கோவர்த்தன பூஜை மற்றும் அன்னக்கூட் திருவிழா செவ்வாய்க்கிழமை பக்தி, உற்சாகத்துடன் கொண்டாடப்பட்டது. இதையொட்டி, இறைவனுக்கு 1,256 வகையான சுத்தமான சைவ உணவுகள் படைக்கப்பட்டன. அன்னக்கூட் என்பதற்கு 'உணவுகளின் மலை' என்று பொருள். இறைவன் வழங்கிய உணவு, செல்வம் உள்ளிட்ட வளங்களுக்காக நன்றி தெரிவிக்கும் விதமாக இத்திருவிழா கொண்டாடப்படுகிறது. வடமேற்கு இந்தியாவின் பல மாநிலங்களில் இந்நாளில் புத்தாண்டும் தொடங்குகிறது.

1,256 வகையான உணவுகள் படையல்

விழா காலை 11 மணிக்கு வேத முறைப்படி ஷோடசோபசார பூஜையுடன் தொடங்கியது. கோயில் வளாகத்தில் கோவர்த்தன மலையின் மாதிரி வடிவம் அமைக்கப்பட்டு, அதில் மலையின் பாறைகள் மற்றும் மண்ணும் இடம்பெற்றிருந்தன. பூஜை நிறைவடைந்ததும் மதியம் 12 மணிக்கு பக்தர்கள் அன்னக்கூட் தரிசனத்திற்காக அனுமதிக்கப்பட்டனர். நெய் இனிப்புகள், லட்டு, பேடா, அல்வா உள்ளிட்ட பாரம்பரிய இனிப்பு வகைகள், கார உணவுகள், பல்வேறு காய்கறி உணவுகள், பருப்பு, சாத வகைகள், பழங்கள், பானங்கள் மற்றும் பேக்கரி உணவுகள் என 1,256 வகையான உணவுகள் அழகாக அலங்கரிக்கப்பட்டு இறைவனுக்குப் படைக்கப்பட்டன.

1,800-க்கும் மேற்பட்ட கோயில்களில் கொண்டாட்டம்!

இதுகுறித்து டெல்லி அக்ஷர்தாம் கோயிலின் தலைமை நிர்வாகத் துறவி முனிவத்சல் தாஸ் சுவாமி கூறுகையில், சுவாமிநாராயணரின் காலம் முதல் பின்பற்றப்படும் ஆன்மிகப் பாரம்பரியத்தின்படி, BAPS சுவாமிநாராயண் அமைப்பு உலகம் முழுவதும் உள்ள 1,800-க்கும் மேற்பட்ட கோயில்களில் அன்னக்கூட் திருவிழாவைக் கொண்டாடி வருவதாகத் தெரிவித்தார். நூற்றுக்கணக்கான தன்னார்வலர்களின் சேவையும் பக்தர்களின் ஒற்றுமையும் இவ்விழாவின் சிறப்பாகும் என்றும் குறிப்பிட்டார். மகந்த் சுவாமி மகாராஜ் தனது வாழ்த்துச் செய்தியில் புத்தாண்டு வாழ்த்துகளைத் தெரிவித்து, அனைவரும் உடல், மனம், செல்வம் ஆகியவற்றில் நலமுடன் வாழ ஆசி வழங்கினார்.  விழாவையொட்டி கோயில் வளாகம் வண்ணமயமான ரங்கோலிகள், தீபங்கள் மற்றும் மலர் அலங்காரங்களால் அழகுபடுத்தப்பட்டிருந்தது. இரவு வரை ஆயிரக்கணக்கான பக்தர்கள் திரண்டு அன்னக்கூட் தரிசனம் செய்தனர். ]]> புதிய கொரோனா திரிபு PJ.2.1 கண்டுபிடிப்பு.. சளி, காய்ச்சல், தொண்டை வலி அறிகுறிகளா? உலக சுகாதார அமைப்பு எச்சரிக்கை! https://www.tv9tamilnews.com/world/new-covid-19-variant-pj-2-1-detected-in-several-countries-symptoms-risks-and-prevention-119328.html Tue, 10 Nov 2026 22:11:56 +0530 https://www.tv9tamilnews.com/world/new-covid-19-variant-pj-2-1-detected-in-several-countries-symptoms-risks-and-prevention-119328.html புதிய கொரோனா திரிபு PJ.2.1 கண்டுபிடிப்பு.. சளி, காய்ச்சல், தொண்டை வலி அறிகுறிகளா? உலக சுகாதார அமைப்பு எச்சரிக்கை!நவம்பர் 10, 2026: உலகின் பல்வேறு நாடுகளில் கொரோனா வைரஸின் புதிய திரிபான PJ.2.1 கண்டறியப்பட்டுள்ளது. இந்தத் திரிபு எவ்வாறு பரவுகிறது, என்னென்ன அறிகுறிகளை ஏற்படுத்துகிறது, முந்தைய கொரோனா திரிபுகளைவிட அதிக பாதிப்பை ஏற்படுத்துமா என்ற கேள்விகள் எழுந்துள்ளன. இதுகுறித்து உலக சுகாதார அமைப்பு (WHO) விளக்கம் அளித்துள்ளது. புதிய திரிபால் ஏற்படும் அறிகுறிகள் சாதாரண சளி அல்லது பருவகால காய்ச்சலைப் போலவே இருக்கலாம் என்றும், பரிசோதனை செய்யாமல் தொற்றை உறுதிப்படுத்துவது கடினம் என்றும் தெரிவித்துள்ளது.

PJ.2.1 திரிபு என்றால் என்ன?

PJ.2.1 என்பது கொரோனா தொற்றை ஏற்படுத்தும் SARS-CoV-2 வைரஸின் புதிய மரபணு வழித்தோன்றலாகும். 2026 அக்டோபரில் வெளியான ஆய்வுக்கு முந்தைய அறிக்கையின்படி, இதன் முதல் மாதிரி மே 2-ஆம் தேதி கனடாவின் ஒன்டாரியோவில் கண்டறியப்பட்டது. பின்னர் அமெரிக்கா, ஸ்பெயின், பிரான்ஸ், இஸ்ரேல், சிங்கப்பூர், ஆஸ்திரேலியா, நியூசிலாந்து உள்ளிட்ட நாடுகளிலும் பரவியுள்ளதாக ஆய்வாளர்கள் தெரிவித்துள்ளனர். ஆய்வக முடிவுகளின்படி, மனித உடல் செல்களில் உள்ள ACE2 ஏற்பிகளுடன் இந்த வைரஸ் அதிக திறனுடன் இணையும் தன்மையைக் கொண்டிருக்கலாம். இது அதன் பரவலுக்கு உதவக்கூடும் எனக் கருதப்படுகிறது. மேலும் படிக்க: வெள்ளத்தில் சிக்கிய சிம்பன்சி குரங்குகள்.. ட்ரோன் மூலம் உணவு வழங்கிய ஊழியர்கள்.. வைரல் வீடியோ!

என்னென்ன அறிகுறிகள் ஏற்படும்?

PJ.2.1 திரிபால் ஏற்படக்கூடிய பொதுவான அறிகுறிகள்:
  • காய்ச்சல், தொடர் இருமல்
  • தொண்டை வலி
  • மூக்கில் நீர் வடிதல், மூக்கடைப்பு
  • தலைவலி, உடல் வலி
  • அதிகப்படியான சோர்வு
  • வாசனை, சுவை உணரும் திறனில் மாற்றம்
  • செரிமானப் பிரச்சினைகள், மூச்சுத்திணறல்
இந்த அறிகுறிகள் சாதாரண சளி, காய்ச்சல் மற்றும் பிற சுவாசத் தொற்றுகளிலும் ஏற்படலாம். எனவே, அறிகுறிகளை மட்டும் வைத்து எந்த வைரஸ் பாதிப்பு என்பதை உறுதிப்படுத்த முடியாது என WHO தெரிவித்துள்ளது. மருத்துவப் பரிசோதனை அவசியமாக இருக்கலாம் என்றும் குறிப்பிட்டுள்ளது. மேலும் படிக்க: ரஷ்யா – உக்ரைன் போரை முடிவுக்குக் கொண்டுவர இந்தியா தயார்! அதிபர் ஜெலென்ஸ்கி உடன் பேசிய பிரதமர் மோடி..

முந்தைய திரிபுகளைவிட ஆபத்தானதா?

தற்போதைய ஆய்வுகளின்படி, PJ.2.1 திரிபு நோய் எதிர்ப்புச் சக்தியைத் தவிர்க்கும் திறனில் மற்ற திரிபுகளைவிட குறிப்பிடத்தக்க முன்னேற்றம் கொண்டிருப்பதாகத் தெரியவில்லை. மேலும், தீவிர பாதிப்பு, மருத்துவமனை அனுமதி மற்றும் உயிரிழப்புகளை அதிகரிக்கிறது என்பதற்கும் போதிய ஆதாரங்கள் இல்லை. முதியவர்கள், நோய் எதிர்ப்புச் சக்தி குறைந்தவர்கள், நீரிழிவு மற்றும் இதய நோய் உள்ளவர்கள் கூடுதல் கவனத்துடன் இருக்க வேண்டும்.

தற்காத்துக் கொள்வது எப்படி?

கைகளை அடிக்கடி கழுவுதல், போதிய காற்றோட்டத்தை உறுதி செய்தல், உடல்நிலை சரியில்லாதவர்களுடன் நெருங்கிய தொடர்பைத் தவிர்த்தல் மற்றும் மக்கள் அதிகம் கூடும் இடங்களில் முகக்கவசம் அணிதல் போன்றவற்றைப் பின்பற்ற வேண்டும். அறிகுறிகள் தென்பட்டால் மருத்துவரை அணுகி உரிய பரிசோதனை செய்துகொள்ள வேண்டும்.   ]]> டெல்லி எனக் கூறி வங்கதேசத்தின் ஏழைப் பகுதிகளைப் படம்பிடிக்கும் சீனர்கள்.. இந்தியாவுக்கு எதிராகப் போலி பிரச்சாரமா? வெளியுறவு அமைச்சகம் கண்டனம்! https://www.tv9tamilnews.com/india/chinese-vloggers-accused-of-showing-dhaka-slums-as-new-delhi-indias-mea-calls-it-a-false-narrative-urges-action-against-anti-india-campaign-119323.html Tue, 10 Nov 2026 22:03:46 +0530 https://www.tv9tamilnews.com/india/chinese-vloggers-accused-of-showing-dhaka-slums-as-new-delhi-indias-mea-calls-it-a-false-narrative-urges-action-against-anti-india-campaign-119323.html டெல்லி எனக் கூறி வங்கதேசத்தின் ஏழைப் பகுதிகளைப் படம்பிடிக்கும் சீனர்கள்.. இந்தியாவுக்கு எதிராகப் போலி பிரச்சாரமா? வெளியுறவு அமைச்சகம் கண்டனம்!நவம்பர் 10, 2026: வங்கதேச தலைநகர் டாக்காவில் உள்ள ஏழ்மையான குடியிருப்புப் பகுதிகளை இந்தியாவின் தலைநகர் டெல்லி எனக் கூறி, சீன யூடியூபர்கள் மற்றும் சமூக வலைதள நேரலைப் பதிவர்கள் வீடியோ வெளியிட்டு வருவதாகப் புகார்கள் எழுந்துள்ளன. இந்தியாவின் வாழ்க்கை முறை, சுகாதாரம், உணவுப் பழக்கம் மற்றும் வறுமை குறித்து அவதூறான கருத்துகளைப் பதிவிட்டு வருவது சர்ச்சையை ஏற்படுத்தியுள்ளது. இந்த விவகாரத்துக்கு இந்திய வெளியுறவு அமைச்சகமும் கண்டனம் தெரிவித்துள்ளது. டாக்காவின் டெக்பாரா மற்றும் உத்தரா பகுதிகளில் சுமார் 150-க்கும் மேற்பட்ட சீனர்கள் வீடியோ பதிவு மற்றும் நேரலை ஒளிபரப்பில் ஈடுபட்டு வருவதாகத் தகவல்கள் தெரிவிக்கின்றன. கடந்த சில மாதங்களாக அதிகாலை முதல் இரவு வரை இத்தகைய நடவடிக்கைகள் நடைபெறுவதாகக் கூறப்படுகிறது.

டெல்லி எனக் கூறி அவதூறு வீடியோக்கள்!

குறிப்பாக, சீனாவைச் சேர்ந்த 'மியான்மியான்' என்ற பெண், கடந்த நவம்பர் 1-ஆம் தேதி டாக்காவின் உத்தரா பகுதியில் உள்ள 12-வது செக்டாரில் கால்வாய் அருகே நின்று நேரலை செய்துள்ளார். அப்போது அந்தப் பகுதியை டெல்லி என அறிமுகப்படுத்திய அவர், அங்குள்ள வீடுகள் மற்றும் சுற்றுப்புறங்கள் அசுத்தமாகவும், வளர்ச்சியடையாமலும் இருப்பதாகக் கூறியுள்ளார். இதேபோல், டாக்காவின் டெக்பாரா பகுதியில் தேநீர்க் கடையில் இருந்து நேரலை செய்த மற்றொரு சீனர், அங்கு வழங்கப்படும் தேநீர் மாட்டு சிறுநீரில் தயாரிக்கப்படுவதாகக் கூறி அவதூறு பரப்பியதாகத் தகவல்கள் வெளியாகியுள்ளன. மேலும், அப்பகுதி மக்களின் வாழ்க்கை முறை, சுகாதாரம் மற்றும் உணவுப் பழக்கங்கள் குறித்தும் இழிவான கருத்துகளைப் பதிவிட்டதாகக் கூறப்படுகிறது.

பல மாதங்களாகத் தொடரும் நடவடிக்கை

கடந்த மே 2026 முதல் டாக்காவின் ஏழ்மையான பகுதிகளில் சீன சமூக வலைதளப் பதிவர்கள் வீடியோ எடுத்து வருவதாகத் தகவல்கள் தெரிவிக்கின்றன. இவர்களுக்கு உதவியாகச் செயல்பட்ட ரிது அக்தர் என்ற வங்கதேசப் பெண், நாளொன்றுக்கு 700 முதல் 800 டாக்கா வரை ஊதியம் பெற்றதாகக் கூறியுள்ளார். இதேபோல், மேலும் சில பெண்களும் இப்பணியில் ஈடுபடுத்தப்பட்டதாகத் தகவல்கள் வெளியாகியுள்ளன. மேலும் படிக்க: நாடு முழுவதும் புற்றுநோய் மருந்துகளின் விலை அதிரடி குறைப்பு! 137 மருந்துகளுக்கு 96.45% வரை விலை குறைவு.. சீனாவின் குறுகிய காணொளித் தளமான டூயின் (Douyin), தகவல் தொடர்புத் தளமான வீசாட் (WeChat) ஆகியவற்றில் இந்த நேரலைக் காட்சிகள் ஒளிபரப்பப்படுவதாகக் கூறப்படுகிறது. இதன் மூலம் பார்வையாளர்களை ஈர்ப்பது, பொருட்களை விளம்பரப்படுத்துவது உள்ளிட்ட வணிக நோக்கங்களும் இருக்கலாம் எனச் சந்தேகிக்கப்படுகிறது.

இந்திய வெளியுறவு அமைச்சகம் கண்டனம்

இந்த விவகாரம் தொடர்பாக இந்திய வெளியுறவு அமைச்சகம் வெளியிட்டுள்ள அறிக்கையில், "ஒரு நாட்டைப் பற்றித் திரித்துக் காட்டும் இத்தகைய முயற்சிகள் வருத்தமளிக்கின்றன. டாக்காவின் சில பகுதிகளை டெல்லி எனச் சித்தரிப்பது போன்ற வெளிநாட்டுத் தரப்பினரின் முயற்சிகள், இதன் பின்னணியில் இருப்பவர்களின் நம்பகத்தன்மையைக் கேள்விக்குள்ளாக்குகின்றன. சம்பந்தப்பட்ட அதிகாரிகள் உரிய நடவடிக்கை எடுக்க வேண்டும்" எனத் தெரிவித்துள்ளது. மற்றொரு நாட்டின் பகுதிகளை இந்தியாவாகச் சித்தரித்து, தவறான தகவல்களையும் அவதூறான கருத்துகளையும் பரப்புவது சர்வதேச அளவில் இந்தியாவின் நற்பெயருக்குப் பாதிப்பை ஏற்படுத்தும் முயற்சியாகப் பார்க்கப்படுகிறது. சமூக வலைதளங்களில் பரவும் தகவல்களின் உண்மைத்தன்மையைச் சரிபார்ப்பதன் அவசியத்தையும் இந்தச் சம்பவம் மீண்டும் உணர்த்தியுள்ளது. ]]> திருப்பத்தூரில் இரவில் திடீர் அலறல் சத்தம்.. சிறுமி அருகில் படுத்து இளைஞர் பாலியல் தொல்லை.. போக்சோவில் அதிரடி கைது! https://www.tv9tamilnews.com/tamil-nadu/man-arrested-for-harassing-15-year-old-girl-in-tirupattur-119321.html Tue, 10 Nov 2026 21:51:15 +0530 https://www.tv9tamilnews.com/tamil-nadu/man-arrested-for-harassing-15-year-old-girl-in-tirupattur-119321.html திருப்பத்தூரில் இரவில் திடீர் அலறல் சத்தம்.. சிறுமி அருகில் படுத்து இளைஞர் பாலியல் தொல்லை.. போக்சோவில் அதிரடி கைது!திருப்பத்தூர் மாவட்டத்தில் வீட்டின் வெளியே தூங்கிக் கொண்டிருந்த 15 வயது சிறுமிக்கு பாலியல் தொல்லை அளித்த இளைஞரை போலீசார் கைது செய்து தீவிர விசாரணை மேற்கொண்டு வருகின்றனர். திருப்பத்தூர் அருகே உள்ள ஒரு கிராமத்தை சேர்ந்தவர் 15 வயது சிறுமி. இவர், நேற்று திங்கட்கிழமை ( நவம்பர் 9- ஆம் தேதி) தனது வீட்டின் படுத்து தூங்கிக் கொண்டிருந்தார். அப்போது, அந்த வழியாக வந்த ஒருவர் சிறுமியின் அருகில் படித்ததுடன் அவருக்கு ரீதியாக தொல்லை கூறப்படுகிறது. இதனால், அதிர்ச்சி அடைந்த அந்த சிறுமி கத்தி கூச்சலிட்டார். உடனே, அந்த சிறுமியின் பெற்றோர் மற்றும் கிராமத்தினர் திரண்டு வருவதை பார்த்த அந்த நபர் அங்கிருந்து தப்பி ஓடிவிட்டார். இந்த சம்பவம் தொடர்பாக சிறுமியின் பெற்றோர் திருப்பத்தூர் அனைத்து மகளிர் காவல் நிலையத்தில் புகார் அளித்தனர்.

வீட்டின் வெளியே தூங்கிய சிறுமிக்கு பாலியல் தொந்தரவு

அந்த புகாரின் பேரில், போலீசார் விசாரணை மேற்கொண்டு வந்தனர். இதில், சிறுமியிடம் பாலியல் அத்துமீறலில் ஈடுபட்டது கனமந்தூர் பகுதியில் வசித்து வரும் பவுல்ராஜ் என்பவரின் மகன் ஜூலியன் ( 23 வயது) என்பது தெரியவந்தது. அவரை மகளிர் போலீசார் கைது செய்து நிலையத்துக்கு அழைத்து சென்றனர். அங்கு, அவரிடம் போலீசார் தீவிர விசாரணை மேற்கொண்ட நிலையில், மதுபோதையில் சிறுமிக்கு பாலியல் தொல்லை அளித்தது உறுதி செய்யப்பட்டது. மேலும் படிக்க: குடும்பத் தகராறில் எல்லை மீறிய வெறி.. உறவினர் விரலை கடித்து துப்பிய நபர்.. அம்பாசமுத்திரத்தில் அதிர்ச்சி சம்பவம்!

போக்சோவில் கைது- சிறையில் அடைப்பு

அதன் அடிப்படையில், இளைஞர் ஜூலியன் மீது போக்சோ சட்டத்தின் கீழ் வழக்குப்பதிவு செய்த போலீசார், அவரை ஆஜர்படுத்தி சிறையில் அடைத்தனர். இந்த சம்பவம் அந்தப் பகுதியில் பெரும் பரபரப்பை ஏற்படுத்தி உள்ளது. தமிழகத்தில் புதிதாக ஆட்சி அமைத்த தமிழக வெற்றிக் கழகம் 6 மாதங்கள் நிறைவடைந்துள்ளது. திமுக அதிமுக இருபெறும் திராவிட கட்சிகளுக்கு மாற்றாக அரசியலை முன்னெடுத்து ஆட்சிக்கு வந்தனர். திமுக ஆட்சியில் இருந்த சட்டம் ஒழுங்கு பிரச்சனைகளை குறிப்பிட்டு முதல்வர் விஜய் கடுமையாக விமர்சித்து இருந்தார்.

பெண்களுக்கு எதிரான பாலியல் குற்றங்கள்

தற்போது, தவெக ஆட்சியில் பெண்கள் மற்றும் குழந்தைகளுக்கு எதிராக நடைபெறும் பாலியல் குற்றங்களை தடுக்கும் வகையில் சிங்கப் பெண்கள் சிறப்பு அதிரடிப்படை அமைக்கப்பட்டது. இருப்பினும், தவெக ஆட்சியில் கொலை, கொள்ளை, பாலியல் குற்றங்கள் உள்ளிட்ட சம்பவங்கள் அதிகரித்து வருகிறது. இந்த நிலையில்தான், திருப்பத்தூரில் தூங்கிக் கொண்டிருந்த சிறுமியிடம் பாலியல் அத்துமீறல் சம்பவம் நிகழ்ந்துள்ளது குறிப்பிடத்தக்கது. மேலும் படிக்க: தேனியில் தேசத்துரோக செயல்? அரசுப் பள்ளி கொடிக்கம்பத்தில் காலி மதுபாட்டில்.. அதிர்ச்சியில் உறைந்த ஆசிரியர்கள்! ]]> அல்லு அர்ஜுன் – லோகேஷ் கனகராஜின் கூட்டணி படத்தின் டைட்டில் இதுவா? – வைரலாகும் தகவல்! https://www.tv9tamilnews.com/entertainment/allu-arjun-and-lokesh-kanagarajs-collaboration-film-is-titled-gang-star-source-says-119284.html Tue, 10 Nov 2026 21:42:19 +0530 https://www.tv9tamilnews.com/entertainment/allu-arjun-and-lokesh-kanagarajs-collaboration-film-is-titled-gang-star-source-says-119284.html அல்லு அர்ஜுன் – லோகேஷ் கனகராஜின் கூட்டணி படத்தின் டைட்டில் இதுவா? – வைரலாகும் தகவல்!கோலிவுட் சினிமாவில் மக்கள் மத்தியில் அதிகம் பிரபலமான இயக்குநர்களில் ஒருவராக இருந்துவருபவர் இயக்குநர் லோகேஷ் கனகராஜ் (Lokesh Kanagaraj). இவர் தமிழ் சினிமாவில் இயக்குநராக மட்டுமல்லாமல், நடிகராகவும் சினிமாவில் அறிமுகமாகியுள்ளார். இவர் இயக்குநர் அருண் மாதேஸ்வரன் இயக்கத்தில், டிசி (DC Movie) என்ற திரைப்படத்தின் மூலம் கோலிவுட் சினிமாவில் ஹீரோவாக அறிமுகமான நிலையில், இப்படமானது சுமார் ரூ 100 கோடிகளுக்கு மேல் வசூல் செய்து சூப்பர் ஹிட் வெற்றியை பெற்றிருந்தது. இந்த படத்தின் வெற்றிக்கு பிறகு இவர், தெலுங்கு நட்சத்திரம் அல்லு அர்ஜுனின் (Allu Arjun) 22வது திரைப்படத்தை இயக்குவதாக அறிவிக்கப்பட்டிருந்தது. இந்த படத்தின் அப்டேட் கடந்த 2026ம் ஆண்டு ஜனவரி மாதத்திலே வெளியான நிலையில், இன்றளவிலும் இன்னும் இப்படத்தின் ஷூட்டிங் தொடங்கவில்லை. ஆனால் இப்பரத்தின் பின்னணி பணிகள் சிறப்பாக நடைபெற்றுவருகிறது. அந்த வகையில் தற்போது இந்த திரைப்படத்தின் டைட்டில் மற்றும் கதையின் ஜானர் குறித்த தகவல்கள் இணையத்தில் வைரலாகிவருகிறது. இதையும் படிங்க: நான் ராம் சரண் படத்தில் நடிக்கிறேனா? நடிகர் ரிஷிகாந்த் விளக்கம்

அல்லு அர்ஜுன் மற்றும் லோகேஷ் கனகராஜ் கூட்டணி படத்தின் டைட்டில் அப்டேட்:

நடிகர் அல்லு அர்ஜுன் தற்போது, இயக்குநர் அட்லீயின் இயக்கத்தில் உருவாக்கப்பட்டுவரும் ராக்கா என்ற திரைப்படத்தின் ஷூட்டிங்கில் பிசியாக உள்ளார். இந்த படத்தின் ஷூட்டிங் கிட்டத்தட்ட ஒன்றரை ஆண்டுகளாக நடந்துவரும் நிலையில், இன்னும் முழுமையாக நிறைவடையவில்லை. இந்த படத்திற்கு பிறகு இயக்குநர் லோகேஷ் கனகராஜ் இயக்கத்தில், அல்லு அர்ஜுன் தனது 22வது படத்தில் இணைகிறார். இதையும் படிங்க: மீண்டும் இணையும் விஷால் – பி.எஸ்.மித்திரன்? வைரலாகும் தகவல் இந்த படம் கேங்ஸ்டர் கதைக்களத்தில் உருவாக்கப்படவுள்ளதாம். அந்த விதத்தில் இப்படத்துக்கு கேங் ஸ்டார் என டைட்டில் வைக்கப்படவுள்ளதாக வட்டாரங்களில் தகவல்கள வெளியாகிவருகிறது. இது அதிரடி ஆக்ஷன் கேங்ஸ்டர்கள் கதைக்களமாக உருவாக்கப்படுவதாகக் கூறப்படும் நிலையில், விரைவில் அப்டேட்டுகளும் வெளியாகவும் என கூறப்படுகிறது.

அல்லு அர்ஜுன் - லோகேஷ் கனகராஜ் கூட்டணி படம் குறித்து இணையத்தில் வைரலாகும் தகவல்:

இயக்குநர் லோகேஷ் கனகராஜ் மற்றும் அல்லு அர்ஜுன் கூட்டணியில் உருவாக்கப்படவுள்ள இப்படம் தற்காலிகமாக AA23 என அழைக்கப்பட்டுவருகிறது. இந்த படத்தில் அல்லு அர்ஜுன் ஹீரோவாக நடிக, தமிழ் நடிகர் ஒருவர் வில்லனாக நடிப்பதாக கூறப்படுகிறது. மேலும் இப்படத்தில் நடிகை பூஜா ஹெக்டே கதாநாயகியாக நடிக்க அதிக வாய்ப்புகள் இருப்பதாக கூறப்படுகிறது. இன்னும் இப்படத்தின் ஷூட்டிங் தொடங்கவில்லை என்ற நிலையில், எப்போது தொடங்கும் என மக்கள் எதிர்பார்கிறார்கள். இப்படத்தின் ஷூட்டிங் வரும் 2026 டிசம்பர் அல்லது 2027ம் ஆண்டு ஜனவரியில் தொடங்கும் என வட்டாரங்கள் கூறுகிறது. ]]> பாக்கு வெத்தல மாத்தி முடிச்சி பையன் வந்தாச்சு… அனிருத் – காவியா மாறனின் திருமணம் எப்போது? எங்கு நடைபெறுகிறது? https://www.tv9tamilnews.com/entertainment/anirudh-and-kavya-marans-greece-wedding-venue-and-guests-details-119308.html Tue, 10 Nov 2026 21:26:22 +0530 https://www.tv9tamilnews.com/entertainment/anirudh-and-kavya-marans-greece-wedding-venue-and-guests-details-119308.html பாக்கு வெத்தல மாத்தி முடிச்சி பையன் வந்தாச்சு… அனிருத் – காவியா மாறனின் திருமணம் எப்போது? எங்கு நடைபெறுகிறது?கோலிவுட் சினிமாவில் பல்வேறு உச்ச நடிகர்களின் திரைப்படங்களில் இசையமைப்பாளராக பணியாற்றி மக்கள் மத்தியில் மிகவும் நெருக்கமானவர் ராக்ஸ்டார் அனிருத் ரவிச்சந்தர் (Anirudh Ravichander). இவரின் இசையில் முதல்வர் விஜய் (CM Vijay) முதல் சூப்பர்ஸ்டார் ரஜினிகாந்த் (Superstar Rajinikanth) வரை பல்வேறு நட்சத்திர நடிகர்களின் படங்கள் வெளியாகியிருக்கிறது. அதிலும் இவரின் இசையில் இறுதியாக தமிழில் வெளியாகி சூப்பர் டூப்பர் ஹிட் கொடுத்த திரைப்படம்தான் ஜெயிலர் 2 (Jailer 2). இந்த திரைப்படத்தில் சூப்பர் ஸ்டார் ரஜினிகாந்த் நடிக்க, நெல்சன் திலீப்குமார் இசையமைத்திருந்தார். இந்த வெற்றிகொண்டாட்டத்துடன் அனிருத் தனது நீண்டநாள் காதலியும், சன் ரைஸஸ் ஆப் ஹைதராபாத் அணியின் மேலாளர் காவியா மாறனை (Kavya Maran) திருமணம் செய்யவுள்ளார். இவர்களின் திருமணம் மிக பிரம்மாண்டமாக நடைபெறவுள்ள நிலையில், எங்கு மற்றும் எப்போது நடைபெறுகிறது என்பது குறித்த தகவல்களை இணையத்தில் வைரலாகப் பரவிவருகிறது. அது குறித்த விவரங்களை விரிவாக பார்க்கலாம். இதையும் படிங்க: சண்டியர் திரைப்படத்தின் ஷூட்டிங்கில் இணைந்த கமல்ஹாசன் – வைரலாகும் போட்டோ!

அனிருத் - காவியா மாறனின் திருமணம் எங்கு? எப்போது?

அனிருத் மற்றும் காவியா மாறன் இருவருமே சில வருடங்களாக காதலித்து வந்தனர். இவர்கள் இருவருமே வெளிநாடுகளில் ஒன்றாக சுற்றித்திரியும் வீடியோக்கள் அவ்வப்போது இணையத்தில் வெளியாகி வைரலாகிவந்தது. அந்த விதத்தில் ஜெயிலர் 2 படத்தின் வெளியீட்டின்போதே இவர்கள் இருவரின் திருமணம் குறித்த தகவல்கள் அதிகாரப்பூர்வமாக உறுதியாகியிருந்தது. காவியா மாறன் மற்றும் அனிருத் இருவருமே திருமணம் செய்யவுள்ள நிலையில், எங்கு நடைபெறுகிறது என பலரும் எதிர்பார்த்திருந்தனர். இவர்கள் இருவரின் திருமணம் கிரீஸ் நாட்டில் மிக பிரம்மாண்டமாக நடைபெறுகிறதாம். நவம்பர் 11ம் தேதியில் இவர்கள் இருவரின் திருமணம் நடைபெறுகிறதாம்.

அனிருத் மற்றும் காவியா மாறனின் திருமணத்தில் பங்குபெறும் பிரபலங்கள்;

இவர்கள் இருவரின் திருமணமானது மிக பிரம்மாண்டமாக நெருங்கிய உறவினர்கள் மத்தியில் நடைபெறுகிறதாம். மேலும் ஆந்திர முதல்வர், சூப்பர்ஸ்டார் ரஜினிகாந்த், முன்னாள் முதல்வர் மு.க.ஸ்டாலி மற்றும் அவரின் குடும்பம் இணைந்து இந்த திருமணத்தில் பங்குபெறுகிறார்களாம். இதையும் படிங்க: இந்த பிராங் நல்லா இல்ல.. ஜூனியர் பிக் பாஸ் கொடுத்த சீக்ரட் டாஸ்க்கால் காண்டான போட்டியாளர்கள்!

அனிருத்தின் திருமணம் குறித்து இணையத்தில் பரவிவரும் பதிவு:

அனிருத் மற்றும் காவியா மாறனின் திருமணம் கிரீஸ் நாட்டில் நடக்கும் நிலையில், அதை தொடர்ந்து வரும் 2026ம் ஆண்டு நவம்பர் 21ம் தேதியில், சென்னையில் இவர்களின் திருமணம் வரவேற்பு நிகழ்வு நடைபெறுமாம். இதில் தமிழக முதல்வர் உட்பட பல்வேறு நட்சத்திர நடிகர்களும் கலந்துகொள்வார்கள் என எதிர்பார்க்கப்படுகிறது. ]]> 100 ஆண்டுகளைக் கடந்த பாரம்பரியம்.. வடசித்தூரில் கோலாகலமாகக் கொண்டாடப்பட்ட மயிலம் தீபாவளி! https://www.tv9tamilnews.com/videos/100-year-old-tradition-mayilam-diwali-celebrated-grandly-in-vadachithur-village-119320.html Tue, 10 Nov 2026 21:06:59 +0530 https://www.tv9tamilnews.com/videos/100-year-old-tradition-mayilam-diwali-celebrated-grandly-in-vadachithur-village-119320.html 100 ஆண்டுகளைக் கடந்த பாரம்பரியம்.. வடசித்தூரில் கோலாகலமாகக் கொண்டாடப்பட்ட மயிலம் தீபாவளி!

கோவை மாவட்டம், பொள்ளாச்சியை அடுத்த வடசித்தூர் கிராமத்தில் நூறு ஆண்டுகளுக்கும் மேலான பாரம்பரியத்துடன் மயிலம் தீபாவளி உற்சாகமாகக் கொண்டாடப்பட்டது. ஜாதி, மத பேதமின்றி அனைத்து தரப்பு மக்களும் ஒன்றிணைந்து கொண்டாடும் இந்தத் திருவிழா, தீபாவளிக்கு மறுநாள் ஆண்டுதோறும் நடைபெறுகிறது. இக்கிராமத்தில் பிறந்து வெளியூர்களில் வசிக்கும் பெண்கள், தீபாவளியன்று தங்களது பிறந்த வீட்டுக்குத் திரும்பி குடும்பத்தினருடன் பண்டிகையைக் கொண்டாடுவது இதன் தனிச்சிறப்பாகும். திருவிழாவையொட்டி ராட்டினங்களில் ஏறியும், பாரம்பரிய கண்ணாடி கொத்து வளையல்கள் அணிந்தும், அச்சு மருதாணி வைத்தும் பெண்கள் மகிழ்ந்தனர். பட்டாசுகள் வெடிப்பதற்குப் பதிலாக உறவினர்களுடன் மகிழ்ச்சியைப் பகிர்ந்து கொண்டனர். உள்ளூர் மக்கள் மட்டுமின்றி வெளியூர்கள், வெளிமாநிலங்களில் இருந்தும் ஏராளமானோர் பங்கேற்றனர். குழந்தைகள் முதல் முதியவர்கள் வரை அனைத்து வயதினரும் ஒன்றிணைந்து கொண்டாடிய இந்த விழா, ஒற்றுமை மற்றும் பாரம்பரியத்தின் அடையாளமாகத் திகழ்ந்தது.]]> செஞ்சி சிறுமி மாயமாகி 30 நாளாகிறது.. தவெக அரசு என்ன செய்கிறது.. கனிமொழி எம்.பி.எழுப்பிய கேள்வி! https://www.tv9tamilnews.com/tamil-nadu/kanimozhi-mp-questions-the-tvk-government-regarding-the-case-of-the-missing-girl-in-gingee-119314.html Tue, 10 Nov 2026 21:04:34 +0530 https://www.tv9tamilnews.com/tamil-nadu/kanimozhi-mp-questions-the-tvk-government-regarding-the-case-of-the-missing-girl-in-gingee-119314.html செஞ்சி சிறுமி மாயமாகி 30 நாளாகிறது.. தவெக அரசு என்ன செய்கிறது.. கனிமொழி எம்.பி.எழுப்பிய கேள்வி!விழுப்புரம் மாவட்டம், செஞ்சி அருகே உள்ள ஆலம்பூண்டி கிராமத்தில் 7 வயது சிறுமி காணாமல் போனார். இந்த சம்பவம் நிகழ்ந்து சுமார் ஒரு மாத காலம் ஆகும் நிலையில், தற்போது வரை இந்த வழக்கில் துப்பு துலங்காமல் உள்ளது. இது தொடர்பாக திராவிட முன்னேற்றக் கழகத்தின் துணை பொதுச் செயலாளரும், எம். பி.யுமான கனிமொழி தனது எக்ஸ் தளத்தில் வெளியிட்டுள்ள பதிவில் கூறியிருப்பதாவது: செஞ்சியில் சிறுமி காணாமல் போய் இன்றுடன் 30 நாள்கள் கடந்துள்ளன. இந்த வழக்கில் சிபிசிஐடி போலீசார் தீவிர விசாரணை மேற்கொண்டும் சிறுமி குறித்த தகவல் கிடைக்கவில்லை. அவரும் மீட்கப்படவில்லை. இந்த பரபரப்பு அடங்குவதற்குள் செஞ்சி அருகே உள்ள ஜெயங்கொண்டான் பகுதியில் மற்றொரு சிறுமி கடத்த முயன்றதாக வரும் செய்தி அதிர்ச்சி அளிக்கிறது.

தவெக அரசு என்ன செய்து கொண்டிருக்கிறது

தமிழக வெற்றிக் கழக அரசு அமைந்து 6 மாதங்கள் ஆகியும் சிறிதும் பொறுப்பு இல்லாத இந்த அரசின் ஆட்சியில் கொலை, கொள்ளை சம்பவங்கள் அடுத்தடுத்து நடந்து வருகிறது. தற்போது, குழந்தை கடத்தல் சம்பவமும் அதிகரித்துள்ளது. செஞ்சியில் காணாமல் போன சிறுமியை இன்னும் மீட்க முடியாமல், தவெக அரசு என்ன செய்து கொண்டிருக்கிறது என்று கேள்வி எழுப்பி உள்ளார். செஞ்சியில் வசித்து வரும் வடிவேலு, பவானி தம்பதியின் 7 வயது மகள் ஹேமலதா. இவர், கடந்த அக்டோபர் 11- ஆம் தேதி இரவு காணாமல் போனார். மேலும் படிக்க: Part Time முதல்வர்.. Full Time கண்டன்ட் கிரியேட்டர்.. ஜோசப் விஜய்க்கு பொறுப்பே இல்லை.. ரவுண்டு கட்டி விளாசிய மு.க.ஸ்டாலின்!

சிபிசிஐடி போலீஸ் விசாரணையிலும் துப்பு துலங்கவில்லை

வீட்டில் தனது தந்தை, தாய் ஆகியோருடன் தூங்கிக் கொண்டிருந்த சிறுமி காணாமல் போனது பெரும் அதிர்ச்சியை ஏற்படுத்தி இருந்தது. இது தொடர்பாக சத்தியமங்கலம் போலீசார் வழக்கு பதிவு செய்து விசாரணை மேற்கொண்டு வந்த நிலையில், துப்பு துலங்காத காரணத்தால் வழக்கு சிபிசிஐடி போலீசாருக்கு மாற்றப்பட்டு விசாரணை மேற்கொள்ளப்பட்டு வருகிறது. சிபிசிஐடி போலீஸார் விசாரணையும் தொடங்கப்பட்டு 20 நாட்கள் ஆகும் நிலையில், தற்போது வரை எந்த முன்னேற்றமும் இல்லை என்று கூறப்படுகிறது.

சிறுமி காணமல் போனது குறித்து தீவிர விசாரணை

இதனிடையே, சிறுமி காணாமல் போன நாளில் அந்தப் பகுதியில் உள்ள 2 செல்போன் டவர்களில் பதிவான செல்போன் அழைப்புகளை மேற்கொண்ட சுமார் 600 பேரிடமும், சிறுமியின் தாய், தந்தை உள்ளிட்டோரிடமும் போலீசார் விசாரணை மேற்கொண்டு இருந்தது குறிப்பிடத்தக்கது. அத்துடன், நாமக்கல்லில் சிறுமி இருந்ததாக தகவல் வெளியான நிலையில் தனிப்படை அங்கு விரைந்திருந்தது. ஆனால், தற்போது வரை சிறுமி குறித்த அதிகாரப்பூர்வ அறிவிப்பு எதுவும் வெளியாகவில்லை. மேலும் படிக்க: தவெக 6 மாத ஆட்சியில் 50 கொலைகள்.. விஜய் அரசுக்கான கெடு நிறைவு.. போராட்டங்களில் குதிக்கும் பாஜக.. நயினார் நாகேந்திரன்! ]]> உணவகத்தில் குடும்பத்துடன் வந்தவர் வாடிக்கையாளரின் செல்போனை லபக்கிய நபர்! சிசிடிவியில் அதிர்ச்சி காட்சி! https://www.tv9tamilnews.com/videos/man-steals-customers-phone-while-dining-with-family-at-coimbatore-restaurant-cctv-footage-goes-viral-119317.html Tue, 10 Nov 2026 21:04:12 +0530 https://www.tv9tamilnews.com/videos/man-steals-customers-phone-while-dining-with-family-at-coimbatore-restaurant-cctv-footage-goes-viral-119317.html உணவகத்தில் குடும்பத்துடன் வந்தவர் வாடிக்கையாளரின் செல்போனை லபக்கிய நபர்! சிசிடிவியில் அதிர்ச்சி காட்சி!

கோவை சின்னியம்பாளையத்தில் உள்ள ஆதித்யா செட்டிநாடு உணவகத்தில், குடும்பத்துடன் உணவருந்த வந்த நபர் ஒருவர், வாடிக்கையாளரின் செல்போனைத் திருடிச் சென்ற சம்பவம் அதிர்ச்சியை ஏற்படுத்தியுள்ளது. கடந்த தீபாவளிக்கு முந்தைய சனிக்கிழமை ஜெயக்குமார் என்பவர் நண்பருடன் உணவருந்திக் கொண்டிருந்தார். அப்போது அருகிலுள்ள மேஜையில் மனைவி, குழந்தைகளுடன் அமர்ந்திருந்த நபர், உணவு முடிந்து கை கழுவிவிட்டுத் திரும்பியபோது ஜெயக்குமாரின் மேஜையில் இருந்த செல்போனை நைசாக எடுத்துப் பின்பாக்கெட்டில் மறைத்துச் சென்றுள்ளார். சாப்பிட்டு முடித்த ஜெயக்குமார் செல்போனைக் காணாமல் அதிர்ச்சியடைந்து சிசிடிவி காட்சிகளை ஆய்வு செய்தார். அதில் திருட்டுச் சம்பவம் பதிவாகியிருந்தது. இதுகுறித்து பீளமேடு காவல் நிலையத்தில் புகார் அளிக்கப்பட்டுள்ளது. போலீசார் வழக்குப்பதிவு செய்து சிசிடிவி காட்சிகளின் அடிப்படையில் அந்த நபரைத் தேடி வருகின்றனர்.]]> வயலூர் முருகன் கோயிலில் கந்தசஷ்டி விழா தொடக்கம்.. நவம்பர் 15-ல் சூரசம்ஹாரம்! https://www.tv9tamilnews.com/videos/kanda-sashti-festival-begins-at-vayalur-murugan-temple-soorasamharam-on-november-15th-119305.html Tue, 10 Nov 2026 20:59:53 +0530 https://www.tv9tamilnews.com/videos/kanda-sashti-festival-begins-at-vayalur-murugan-temple-soorasamharam-on-november-15th-119305.html வயலூர் முருகன் கோயிலில் கந்தசஷ்டி விழா தொடக்கம்.. நவம்பர் 15-ல் சூரசம்ஹாரம்!

திருச்சி அருகே உள்ள புகழ்பெற்ற வயலூர் முருகன் கோயிலில் கந்தசஷ்டி விழா இன்று ரக்ஷாபந்தனம் எனப்படும் காப்புக் கட்டுதலுடன் தொடங்கியது. 7 நாட்கள் நடைபெறும் இவ்விழா நவம்பர் 16-ஆம் தேதி நிறைவடைகிறது. விழாவையொட்டி வள்ளி, தெய்வானை சமேத சுப்பிரமணிய சுவாமிக்கு சிறப்பு அபிஷேகம், அலங்காரம் மற்றும் லட்சார்ச்சனை நடைபெற்றது. நவம்பர் 11 முதல் 14-ஆம் தேதி வரை தினமும் காலை 8 மணிக்கு சிங்காரவேலவர் பச்சை மயில், சேஷ, ரிஷபம், அன்னம், வெள்ளி மயில் உள்ளிட்ட பல்வேறு வாகனங்களில் வீதியுலா வருகிறார். நவம்பர் 15-ஆம் தேதி காலை வேல் வாங்கும் நிகழ்ச்சியும், மாலை சூரசம்ஹாரமும் நடைபெறுகின்றன. நவம்பர் 16-ஆம் தேதி இரவு 7 மணிக்கு திருக்கல்யாண உற்சவம் நடைபெற உள்ளது. விழா ஏற்பாடுகளை இந்து சமய அறநிலையத்துறையினர் மேற்கொண்டுள்ளனர்.]]> Jailer 2: அட அது இல்லையா? ஜெயிலர் 2 படத்தின் ஓடிடி ரிலீஸில் ரசிகர்களுக்கு ஷாக்! https://www.tv9tamilnews.com/entertainment/superstar-rajinikanths-jailer-2-will-not-be-released-on-ott-with-extended-version-scenes-source-says-119302.html Tue, 10 Nov 2026 20:35:54 +0530 https://www.tv9tamilnews.com/entertainment/superstar-rajinikanths-jailer-2-will-not-be-released-on-ott-with-extended-version-scenes-source-says-119302.html Jailer 2: அட அது இல்லையா? ஜெயிலர் 2 படத்தின் ஓடிடி ரிலீஸில் ரசிகர்களுக்கு ஷாக்!தென்னிந்திய சினிமாவில் நடிகர்களே கொண்டாடும் முன்னணி நட்சத்திர நாயகனாக இருந்துவருபவர் ரஜினிகாந்த் (Rajinikanth). இவரின் நடிப்பில் 172வது திரைப்படமாக கடந்த 2026ம் ஆண்டு அக்டோபர் மாதத்தில் வெளியான திரைப்படம்தான் ஜெயிலர் 2 (Jailer 2 Movie). இந்த திரைப்படத்தில் இயக்குநர் நெல்சன் திலீப்குமார் (Director Nelson Dilipkumar) இயக்கியிருந்த நிலையில், மிகவும் பிரம்மாண்டமாக உருவாக்கப்பட்டிருந்தது. இந்த படமானது கடந்த 2023ம் ஆண்டில் வெளியான ஜெயிலர் 1 படத்தின் தொடர்ச்சியான கதைக்களத்தில் அமைந்திருந்தது. இந்த படத்தில் சூப்பர்ஸ்டார் ரஜினிகாந்த் ஹீரோவாக நடிக்க, அவருடன் சிவராஜ்குமார் (Shivaraj Kumar), மோகன்லால் (Mohanlal), ஹ்ரித்திக் ரோஷன், எஸ்.ஜே.சூர்யா மற்றும் வித்யா பாலன் என பல்வேறு நடிகர்களும் இணைந்து நடித்திருந்தனர். இந்த படமானது பான் இந்திய மொழிகளில் வெளியான நிலையில், சிறப்பான வரவேற்பை பெற்றிருந்தது. தற்போது இப்படத்தின் ஓடிடி ரிலீஸ் குறித்த தகவல்கள் இணையத்தில் வைரலாகப் பரவிவருகிறது. இதையும் படிங்க: இந்த பிராங் நல்லா இல்ல.. ஜூனியர் பிக் பாஸ் கொடுத்த சீக்ரட் டாஸ்க்கால் காண்டான போட்டியாளர்கள்!

ஜெயிலர் 2 திரைப்படத்தின் ஓடிடி ரிலீஸில் காத்திருக்கும் அதிர்ச்சி:

ஜெயிலர் 2 திரைப்படமானது பிரம்மாண்ட பட்ஜெட்டில் உருவாக்கியுள்ள ஒரு பான் இந்திய திரைப்படமாகும். இந்த படத்தில் ரஜினிகாந்த் உள்ளிட்ட பான் இந்திய நட்சத்திர நடிகர்கள் இணைந்து நடித்திருந்தனர். அந்த விதத்தில் இப்படமானது வெளியாகி கிட்டத்தட்ட 20 நாட்களை கடந்திருக்கும் நிலையில், அதை ஓடிடி ரிலீஸ் குறித்த தகவல்கள் இணையத்தில் வைரலாகப் பரவிவருகிறது. இதையும் படிங்க: சண்டியர் திரைப்படத்தின் ஷூட்டிங்கில் இணைந்த கமல்ஹாசன் – வைரலாகும் போட்டோ! இப்படத்தின் நடிகர்க சந்தானம் நடித்த காட்சி மற்றும் மோகன்லால் நடித்த காட்சிகள் நீக்கப்பட்டிருந்த நிலையில், அது மொத்தமாக நீட்டிக்கப்பட்ட காட்சிகளுடன் ஓடிடியில் வெளியாகும் என ரசிகர்கள் எதிர்பார்த்து காத்திருந்தனர். ஆனால் அவ்வாறு வெளியாகாது என தற்போது இணையத்தில் தகவல்கள் பரவிவருகிறது. அமேசான் ப்ரைம் வீடியோவில் 2 மணி நேரம் 43 நிமிடமாகவே ஜெயிலர் 2 படம் வெளியாகிறதாம். வரும் 2026 நவம்பர் 12ம் தேதியில் ஸ்ட்ரீம் செய்யப்படும் என எதிர்பார்க்கப்படுகிறது.

ஜெயிலர் 2 திரைப்படத்தின் ஓடிடி ஸ்ட்ரீம் குறித்து வைரலாகும் எக்ஸ் பதிவு:

இந்த ஜெயிலர் 2 திரைப்படமானது தற்போதும் திரையரங்குகளில் வெளியாகி மக்களின் வரவேற்பை பெற்றுவருகிறது. இப்படம் உலகமெங்கும் சுமார் ரூ 800 கோடிகளுக்கு மேல் வசூலை பெற்றுள்ள நிலையில், இந்த படம் சிறப்பான வெற்றிப் படமாக அமைந்துள்ளது. இப்படத்தின் நீடிக்கப்பட்ட காட்சிகள் ஓடிடியில் வெளியாகும் என எதிர்பார்க்கப்பட்ட நிலையில், சன் நெஸ்ட் ஓடிடியிலாவது வெளியாகுமா என பொறுத்திருந்து பார்க்கலாம். ]]> நீலகிரியில் மீண்டும் மலை ரயில் சேவை ரத்து.. கன மழையால் திடீர் அறிவிப்பு.. சுற்றுலா பயணிகள் ஏமாற்றம்! https://www.tv9tamilnews.com/tamil-nadu/mountain-railway-service-in-the-nilgiris-cancelled-due-to-heavy-rain-warning-119313.html Tue, 10 Nov 2026 20:14:28 +0530 https://www.tv9tamilnews.com/tamil-nadu/mountain-railway-service-in-the-nilgiris-cancelled-due-to-heavy-rain-warning-119313.html நீலகிரியில் மீண்டும் மலை ரயில் சேவை ரத்து.. கன மழையால் திடீர் அறிவிப்பு.. சுற்றுலா பயணிகள் ஏமாற்றம்!நீலகிரி மாவட்டத்தில் கனமழை எச்சரிக்கை காரணமாக மேட்டுப்பாளையம் டூ உதகை சிறப்பு ரயில் வருகிற 13- ஆம் தேதி வரை ரத்து செய்யப்படுவதாக அறிவிப்பு வெளியிடப்பட்டுள்ளது. நீலகிரி ரயில் பாதையில், மண்சரிவு சீரமைப்பு பணிகள் தொடர்ந்து நடைபெற்று வந்ததால் மேட்டுப்பாளையம் டூ ஊட்டி மலை ரயில் சேவை இன்று செவ்வாய்க்கிழமை ( நவம்பர் 10- ஆம் தேதி வரை) ரத்து செய்யப்பட்டிருந்தது. முன்னதாக, நீலகிரி மாவட்டத்தில் அக்டோபர் 23- ஆம் தேதி நள்ளிரவில் பலத்த மழை பெய்தது. இதன் காரணமாக மேட்டுப்பாளையம் - ஊட்டி மலை ரயில் பாதையில் பல்வேறு இடங்களில் மண், பாறைகள், மரங்கள் சரிந்து விழுந்து பெரும் விபத்து ஏற்பட்டது. இதனால், மலை ரயில் தண்டவாளத்தில் பெரிய அளவிலான பாறைகள், மணல் மற்றும் மரங்கள் விழுந்ததால் மேட்டுப்பாளையம் டூ ஊட்டி மலை ரயில் சேவை ரத்து செய்யப்பட்டது.

மீண்டும் மேட்டுப்பாளையம் டூ உதகை மலை ரயில் ரத்து

இந்த மண் சரிவை சரி செய்யும் பணிகளில் பாதையில் ரயில்வே ஊழியர்கள் தண்டவாளத்தை சீரமைக்கும் பணிகளில் ஈடுபட்டு வந்தனர். அந்தப் பகுதியில், மீண்டும் மண்சரிவு ஏற்பட்டதால் சீரமைப்பு பணிகள் நடைபெறவில்லை. இதன் காரணமாக மேட்டுப்பாளையம் டூ ஊட்டி மலை ரயில் மற்றும் சிறப்பு ரயில் இன்று செவ்வாய்க்கிழமை வரை ரத்து செய்யப்பட்டிருந்தது. இதனால், மீண்டும் மேட்டுப்பாளையம் மலை ரயில் சேவை தொடங்கப்படும் என்று பொதுமக்கள் எதிர்பார்த்து வந்தனர். ஆனால், மீண்டும் மலை ரயில் சேவை ரத்து செய்யப்படுவதாக அறிவிப்பு வெளியாகியுள்ளது. மேலும் படிக்க: Part Time முதல்வர்.. Full Time கண்டன்ட் கிரியேட்டர்.. ஜோசப் விஜய்க்கு பொறுப்பே இல்லை.. ரவுண்டு கட்டி விளாசிய மு.க.ஸ்டாலின்!

நவம்பர் 11 முதல் 13-ஆம் தேதி வரை ரயில் ரத்து

இதில், நீலகிரி மாவட்டத்தில் பெய்து வரும் பலத்த மழை காரணமாக மேட்டு்பாளையம் டூ உதகமண்டலம் இடையேயான மலை ரயில் நாளை புதன்கிழமை ( நவம்பர் 11- ஆம் தேதி) முதல் (நவம்பர் 13- ஆம் தேதி) வரை ரத்து செய்யப்படுவதாக ரயில்வே நிர்வாகம் தெரிவித்துள்ளது. ஏற்கனவே, கடந்த சில நாட்களுக்கு முன்பு தமிழகத்தின் பல்வேறு இடங்களில் கனமழை எச்சரிக்கை விடுக்கப்பட்ட நிலையில் பலத்த மழை பெய்தது. இதில், கோயம்புத்தூர், நீலகிரி மாவட்டத்தில் மழை கொட்டி தீர்த்தது.

கோவை- நீலகிரியில்  மண் சரிவு

இதன் காரணமாக, பல்வேறு இடங்களில் திடீர் மண்சரிவு ஏற்பட்டு போக்குவரத்து துண்டிக்கப்பட்டது. கோவையில் ஏற்பட்ட மண் சரிவில் சிக்கி அரசு பேருந்து பள்ளத்தில் கவிழ்ந்து விபத்துக்குள்ளானது. இதில், பேருந்து ஓட்டுநர் பரிதாபமாக உயிரிழந்திருந்தார். இதேபோல, நீலகிரியில் மண்சரிவு என்பது குறிப்பிடத்தக்கது. முன்னெச்சரிக்கையாக இந்த அறிவிப்பு வெளியிடப்பட்டுள்ளது. மேலும் படிக்க: தவெக 6 மாத ஆட்சியில் 50 கொலைகள்.. விஜய் அரசுக்கான கெடு நிறைவு.. போராட்டங்களில் குதிக்கும் பாஜக.. நயினார் நாகேந்திரன்! ]]> தவெக 6 மாத ஆட்சியில் 50 கொலைகள்.. விஜய் அரசுக்கான கெடு நிறைவு.. போராட்டங்களில் குதிக்கும் பாஜக.. நயினார் நாகேந்திரன்! https://www.tv9tamilnews.com/tamil-nadu/bjp-state-president-nainar-nagendran-criticizes-the-6-month-governance-of-the-tvk-led-administration-119303.html Tue, 10 Nov 2026 19:35:49 +0530 https://www.tv9tamilnews.com/tamil-nadu/bjp-state-president-nainar-nagendran-criticizes-the-6-month-governance-of-the-tvk-led-administration-119303.html தவெக 6 மாத ஆட்சியில் 50 கொலைகள்.. விஜய் அரசுக்கான கெடு நிறைவு.. போராட்டங்களில் குதிக்கும் பாஜக.. நயினார் நாகேந்திரன்!தவெகவின் 6 மாத ஆட்சிக்கான கெடு முடிவடைந்ததால் ஆட்சி நிர்வாக குறைபாடுகளை கண்டித்து பாஜக சார்பில் போராட்டம் மேற்கொள்ளப்படும் என்றார் பாஜக மாநில தலைவர் நயினார் நாகேந்திரன். இது தொடர்பாக திருச்சி ஜங்ஷன் ரயில் நிலையத்தில் அவர் செய்தியாளர்களிடம் கூறியதாவது: தவெகவின் 6 மாத ஆட்சி குறித்து என்ன கூறுவது என்று தெரியவில்லை. தமிழக விவசாயிகளுக்கு முழு கடன் தள்ளுபடி என்று அறிவித்துவிட்டு தற்போது 75000 வரை மட்டுமே தள்ளுபடி என தெரிவிக்கப்பட்டுள்ளது. இது குறித்து யாரும் பேசவில்லை. கடந்த 6 மாத தவெக ஆட்சியில் 50 படுகொலைகளுக்கு மேல் நடந்துள்ளது. தீபாவளி நாளில் மட்டும் 15 கொலைகள் நிகழ்ந்துள்ளன. ஆனால், அமைச்சர் ராஜ்மோகன் கடந்த தீபாவளி பண்டிகைகளில் இது போன்ற குறைகள் நடந்துள்ளது என்றும், தற்போது குறைவாக கொலைகள் நடந்துள்ளதாக தெரிவித்துள்ளார்.

மேகதாது விவகாரத்தில் பாஜக உறுதியான நிலைப்பாடு

ஒரு அமைச்சர் இவ்வாறு பேசலாமா. முதல்வர் இது குறித்து எந்த கேள்வியும் கேட்க மாட்டாரா. ஒரு அமைச்சர் இப்படி கூறுவது எந்த வகையில் நியாயம். ஆட்சியாளர்கள் கையில் ஆட்சி அதிகாரம் இல்லை என்பதே இந்த சம்பவங்கள் காட்டுகின்றன. கர்நாடக மாநிலத்தில் மேகதாது உள்ளிட்ட எந்த அணைகளும் கட்டக்கூடாது என்பதுதான் தமிழக பாஜகவின் உறுதியான நிலைப்பாடாகும். தமிழக மக்களின் நலனே எங்களது முழுமூச்சாகும். தமிழகத்தில் சட்டம்- ஒழுங்கு எங்கு உள்ளது என்று கேள்வி எழுப்பும் நிலை இருந்து வருகிறது. தமிழகத்தில் போலீசாருக்கே பாதுகாப்பு இல்லாத நிலை ஏற்பட்டுள்ளது. தேனியில் நடந்த சம்பவத்தில் பணியில் இருந்த போது நிகழ்ந்துள்ளதாக முதல்வர் கூறியுள்ளார். மேலும் படிக்க: அடிதடி,பாலியல் தொல்லை,கட்டப்பஞ்சாயத்து.. அதிகரிக்கும் தவெக எம்எல்ஏக்களின் அட்ராசிட்டி.. சாமானியர் முதல் பெண் ஐஏஎஸ் வரை பாதிப்பு.. உதயநிதி அட்டாக்!

திருச்சியில் ஒருவர் மீது துணை சபாநாயகர் தாக்குதல்

ஆனால், உயர் அதிகாரிகள் அவர் அணியவில்லை என்று கூறுகின்றனர். அப்படி எனில் அவர் சீருடை அணியவில்லை என்றால் யார் வேண்டுமானாலும் வெட்டி கொலை செய்யலாமா. இதற்கு முதல்வர் தான் விளக்கம் அளிக்க வேண்டும். தமிழக மக்களை பாதுகாக்க தான் உள்ளது. ஆனால், அவர்களுக்கே பாதுகாப்பு இல்லையெனில் மக்கள் என்ன செய்வார்கள். அமைச்சர்களுக்கு நாங்கள் எந்தத் துறையில் இருக்கிறோம் என்பது தெரிகிறதா, இல்லையா என்ற சந்தேகம் உள்ளது. திருச்சியில் மனு அளிக்க வந்த நபரை துணை சபாநாயகர் தாக்கியுள்ளார்.

தவெக ஆட்சிக்கான 6 மாத கெடு நிறைவு

பின்னர், அவரை சமாதானம் செய்து போலி வீடியோவை பதிவிட்டுள்ளார். ஒவ்வொரு எம்எல்ஏக்களும் எல்லை சாமிகளாக இருந்து மக்களை காப்பார்கள் என்று முதல்வர் கூறியிருந்தார். ஆனால், கள்ளக்குறிச்சி எல்லை சாமியான எம்எல்ஏ அருள் விக்னேஷ் ஆட்சியருக்கு ஆபாச குறுஞ்செய்தி அனுப்பியுள்ளார். அவர் மீது பல புகார்கள் இருந்தும் நடவடிக்கை எடுக்கவில்லை. எனவே, முதல்வர் பதவி விலக வேண்டும். தவெகவின் 6 மாத ஆட்சிக்கான கெடு முடிந்ததால் பாஜக போராட்டங்களில் ஈடுபடும் என்று தெரிவித்தார் என்று தெரிவித்தார். மேலும் படிக்க: Part Time முதல்வர்.. Full Time கண்டன்ட் கிரியேட்டர்.. ஜோசப் விஜய்க்கு பொறுப்பே இல்லை.. ரவுண்டு கட்டி விளாசிய மு.க.ஸ்டாலின்! ]]> அச்சம் வேண்டாம், தடுப்பூசி அவசியம்: நோய் எதிர்ப்பு சக்திக்கு இதுவே ஒரே வழி! https://www.tv9tamilnews.com/lifestyle/world-immunisation-day-child-vaccination-myths-and-facts-explained-119285.html Tue, 10 Nov 2026 19:30:16 +0530 https://www.tv9tamilnews.com/lifestyle/world-immunisation-day-child-vaccination-myths-and-facts-explained-119285.html அச்சம் வேண்டாம், தடுப்பூசி அவசியம்: நோய் எதிர்ப்பு சக்திக்கு இதுவே ஒரே வழி!குழந்தைப் பிறப்பு முதல் பல்வேறு பருவங்களில் அடுத்தடுத்து செலுத்தப்படும் தடுப்பூசிகள் குறித்துப் பெற்றோர்கள் மத்தியில் பல சந்தேகங்களும் அச்சங்களும் நிலவுகின்றன. சமூக வலைதளங்களில் பரவும் வதரிகளால் ஏற்படும் இந்தக் குழப்பங்களைத் தீர்க்கும் வகையில், ஆண்டுதோறும் நவம்பர் 10-ம் தேதி உலக தடுப்பூசி தினம் அனுசரிக்கப்படுகிறது. காவேரி மருத்துவமனையின் மூத்த குழந்தைகள் நல மருத்துவர் டாக்டர் அருள்ராஜ் ரூசெலியன், குழந்தைகளுக்குத் தடுப்பூசி போடுவது ஏன் அவசியமானது என்பது குறித்தும், அதிலுள்ள உண்மைகள் குறித்தும் விரிவான விளக்கங்களை அளித்துள்ளார். Also Read: பெற்றோர்களே! குழந்தைகளுக்கு பேபி வைப்ஸ் பயன்படுத்துகிறீர்களா?

குழந்தைகளுக்கு தடுப்பூசி ஏன் அவசியம்?

நவீன மருத்துவத்தின் மிகப்பெரிய சாதனைகளில் ஒன்றாகத் தடுப்பூசிகள் கருதப்படுகின்றன. வளரும் பருவத்தில் இருக்கும் குழந்தைகளின் நோய் எதிர்ப்பு மண்டலத்தை பலவீனப்படுத்தும் கொடிய தொற்றுகளிலிருந்து பாதுகாப்பதில் இவை முக்கியப் பங்கு வகிக்கின்றன. குறிப்பிட்ட நோய்களின் அபாயத்தை முற்றிலுமாகத் தடுத்து, பாதுகாப்பான முறையில் நோய் எதிர்ப்பு சக்தியை உடலில் உருவாக்கத் தடுப்பூசிகள் பெரிதும் உதவுகின்றன.

தடுப்பூசி போட்டால் ஆட்டிசம் ஏற்படுமா?

தடுப்பூசிகள் குறித்துப் பெற்றோர்களிடம் நிலவும் மிகவும் பொதுவான கட்டுக்கதைகளில் ஒன்று, இதனால் குழந்தைகளுக்கு ஆட்டிசம் பாதிப்பு ஏற்படும் என்பதாகும். ஆனால், தடுப்பூசிகளுக்கும் ஆட்டிசத்திற்கும் எந்தவொரு அறிவியல் பூர்வமான தொடர்பும் இல்லை என்று மருத்துவர் அருள்ராஜ் தெளிவாகக் கூறியுள்ளார். எனவே, ஆதாரமற்ற வதநிதிகளை நம்பி குழந்தைகளுக்குத் தேவையான பாதுகாப்பான தடுப்பூசிகளைத் தவிர்க்கக் கூடாது.

சிறு வயதிலேயே அதிக தடுப்பூசிகள் போடுவது நோய் எதிர்ப்பு சக்தியைப் பாதிக்குமா?

ஒரே காலகட்டத்தில் குழந்தைகளுக்குப் பல தடுப்பூசிகள் பரிந்துரைக்கப்படுவதால், அவற்றின் உடலின் நோய் எதிர்ப்பு மண்டலம் பாதிக்கப்படுமா என்ற கவலை பலரிடம் உள்ளது. ஆனால், குழந்தைகளின் உடல் ஒரே நேரத்தில் பல தடுப்பூசிகளை எதிர்கொள்ளும் அளவிற்குக் கட்டமைக்கப்பட்டுள்ளது. எனவே, மருத்துவர்கள் பரிந்துரைக்கும் சரியான அட்டவணையின்படி தடுப்பூசிகளைச் செலுத்துவது குழந்தைகளின் எதிர்கால நலனைப் பாதுகாக்கும்.

இயற்கையாக நோய் வந்து குணமடைவதுதான் சிறந்ததா?

சிலர் இயற்கையாக நோய்த்தொற்று ஏற்பட்டு அது சரியாவதன் மூலமாக வலுவான நோய் எதிர்ப்பு சக்தி கிடைக்கும் என நம்புகின்றனர். ஆனால், இயற்கையான தொற்றுகள் உயிருக்கே ஆபத்தான தீவிர பாதிப்புகளை ஏற்படுத்தக் கூடும். எனவே, தொற்று வந்து அவதிப்படுவதைக் காட்டிலும், பாதுகாப்பான முறையில் நோய் எதிர்ப்பு சக்தியை முன்கூட்டியே வழிகாட்டும் தடுப்பூசிகளையே மருத்துவ உலகம் பரிந்துரைக்கிறது. Also Read: பெற்றோர்களே! குழந்தைகளுக்கு பேபி வைப்ஸ் பயன்படுத்துகிறீர்களா?

தடுப்பூசி போட்ட பிறகு காய்ச்சல் வந்தால் என்ன செய்வது?

தடுப்பூசி செலுத்தப்பட்ட பின் குழந்தைகளுக்கு லேசான காய்ச்சல், வலி அல்லது ஊசி போட்ட இடத்தில் சிறிய வீக்கம் ஏற்படுவது இயல்பான உடலியல் மாற்றமாகும். இவை தற்காலிகமானவை மட்டுமே என்பதால், இதைக் காரணம் காட்டி அடுத்தடுத்த தடுப்பூசிகளைத் தவிர்க்கக் கூடாது. ஒருவேளை காய்ச்சல் தீவிரம் அடைந்தால் உடனடியாக மருத்துவரின் ஆலோசனையைப் பெறுவது அவசியமாகும். ]]> பெரியார் அறிவுலக புத்தகக் கொள்முதல் முறைகேடு புகார்.. லஞ்ச ஒழிப்புத்துறை விசாரணைக்கு உத்தரவிடக் கோரி உயர்நீதிமன்றத்தில் வழக்கு! https://www.tv9tamilnews.com/tamil-nadu/periyar-arivulagam-book-procurement-scam-dmk-legal-wing-secretary-moves-madras-high-court-seeking-dvac-probe-119300.html Tue, 10 Nov 2026 19:15:04 +0530 https://www.tv9tamilnews.com/tamil-nadu/periyar-arivulagam-book-procurement-scam-dmk-legal-wing-secretary-moves-madras-high-court-seeking-dvac-probe-119300.html பெரியார் அறிவுலக புத்தகக் கொள்முதல் முறைகேடு புகார்.. லஞ்ச ஒழிப்புத்துறை விசாரணைக்கு உத்தரவிடக் கோரி உயர்நீதிமன்றத்தில் வழக்கு!நவம்பர் 10, 2026: கோவை பெரியார் அறிவுலகத்துக்கு புத்தகங்கள் கொள்முதல் செய்ததில் முறைகேடுகள் நடைபெற்றதாகக் கூறப்படும் புகார் தொடர்பாக, வழக்குப்பதிவு செய்து விசாரணை நடத்த லஞ்ச ஒழிப்புத்துறைக்கு உத்தரவிடக் கோரி சென்னை உயர்நீதிமன்றத்தில் வழக்கு தொடரப்பட்டுள்ளது. திமுக சட்டப்பிரிவு இணைச் செயலாளர் இ.பரந்தாமன் சார்பில் வழக்கறிஞர் தாமோதரன் இந்த மனுவைத் தாக்கல் செய்துள்ளார்.

ரூ.50 கோடி புத்தகக் கொள்முதலில் முறைகேடு?

அந்த மனுவில், கோவை பெரியார் அறிவுலகத்துக்கு ரூ.50 கோடி மதிப்பில் புத்தகங்கள் கொள்முதல் செய்ய நிதி ஒதுக்கீடு செய்யப்பட்டதாகவும், கடந்த அக்டோபர் 16-ஆம் தேதி பெரியார் அறிவுலகம் திறந்து வைக்கப்பட்டதாகவும் தெரிவிக்கப்பட்டுள்ளது. புத்தகங்களைப் பரிந்துரைப்பதற்காக 117 பேர் கொண்ட குழு கடந்த 2025-ஆம் ஆண்டு நவம்பர் மாதம் அமைக்கப்பட்டது. இந்நிலையில், அகல் விளக்கு மற்றும் ஃபீனிக்ஸ் பதிப்பகங்களில் இருந்து அதிக எண்ணிக்கையில் புத்தகங்கள் கொள்முதல் செய்யப்பட்டதாகவும், அவற்றில் சில செயற்கை நுண்ணறிவு (ஏஐ) தொழில்நுட்பத்தைப் பயன்படுத்தித் தயாரிக்கப்பட்டிருக்கலாம் என்றும் மனுவில் குற்றம்சாட்டப்பட்டுள்ளது. மேலும் படிக்க: தேனியில் தேசத்துரோக செயல்? அரசுப் பள்ளி கொடிக்கம்பத்தில் காலி மதுபாட்டில்.. அதிர்ச்சியில் உறைந்த ஆசிரியர்கள்! குறிப்பாக, மோனிகா ரவி என்ற ஒரே எழுத்தாளரிடம் இருந்து 6 மாதங்களில் 162 புத்தகங்களும், லட்சுமி மோகன், தாமரை பன்னீர், தாமரை முரளி, ஜோதி ஹரிஹரன் உள்ளிட்ட எழுத்தாளர்களின் பெயர்களில் நூற்றுக்கணக்கான புத்தகங்களும் கொள்முதல் செய்யப்பட்டுள்ளதாகக் குறிப்பிடப்பட்டுள்ளது. இந்தப் பெயர்களில் உண்மையாகவே எழுத்தாளர்கள் இருக்கிறார்களா என்பதிலும் சந்தேகம் எழுந்துள்ளதாக மனுவில் தெரிவிக்கப்பட்டுள்ளது.

லஞ்ச ஒழிப்புத்துறையில் புகார் அளித்தும் நடவடிக்கை இல்லை

புத்தகப் பரிந்துரைக் குழுவில் உறுப்பினராக இருந்த எழுத்தாளர் பெருமாள் முருகன், அகல் விளக்கு பதிப்பகத்தில் இருந்து 1,800 புத்தகங்கள் பெரியார் அறிவுலகத்துக்காக வாங்கப்பட்டதாகத் தெரிவித்திருந்தார். இந்த விவகாரம் அரசியல் ரீதியாகவும் பெரும் சர்ச்சையை ஏற்படுத்தியது. இதற்கிடையே, புத்தகக் கொள்முதல் முறைகேடு தொடர்பாக விசாரணை நடத்த பள்ளிக்கல்வித்துறை அமைச்சர் குழு அமைத்துள்ளார். இருப்பினும், நிர்வாக ரீதியிலான விசாரணை மட்டும் போதுமானதாக இருக்காது என்றும், பாரபட்சமற்ற விசாரணை அவசியம் என்றும் மனுதாரர் குறிப்பிட்டுள்ளார். மேலும், இந்த விவகாரம் தொடர்பாக கடந்த 7-ஆம் தேதி லஞ்ச ஒழிப்புத்துறையில் புகார் அளித்தும் இதுவரை முதல் தகவல் அறிக்கை பதிவு செய்யப்படவில்லை எனக் கூறியுள்ளார். மேலும் படிக்க: தமிழகத்தில் ரவுடிகள் வேட்டை.. ஒரே நாளில் 467 பேர் கைது.. 6540 பேருக்கு எச்சரிக்கை.. காவல் காட்டிய அதிரடி!

உயர்நீதிமன்றத்தில் முன்வைக்கப்பட்ட கோரிக்கை

பெரியார் அறிவுலகத்துக்கான புத்தகக் கொள்முதல் தொடர்பான அனைத்து ஆவணங்களையும் பறிமுதல் செய்து பாதுகாக்க லஞ்ச ஒழிப்புத்துறைக்கு உத்தரவிட வேண்டும் என்றும், தனது புகாரின் அடிப்படையில் முதல் தகவல் அறிக்கை பதிவு செய்து முறைகேடுகள் குறித்து விசாரணை நடத்த உத்தரவிட வேண்டும் என்றும் மனுவில் கோரிக்கை விடுக்கப்பட்டுள்ளது. இந்த வழக்கு சென்னை உயர்நீதிமன்றத்தில் விரைவில் விசாரணைக்கு வரும் என எதிர்பார்க்கப்படுகிறது. ]]> இந்த பிராங் நல்லா இல்ல.. ஜூனியர் பிக் பாஸ் கொடுத்த சீக்ரட் டாஸ்க்கால் காண்டான போட்டியாளர்கள்! https://www.tv9tamilnews.com/entertainment/mukesh-and-dhanyas-claim-of-fighting-over-prank-on-bigg-boss-has-angered-fellow-contestants-119295.html Tue, 10 Nov 2026 19:04:48 +0530 https://www.tv9tamilnews.com/entertainment/mukesh-and-dhanyas-claim-of-fighting-over-prank-on-bigg-boss-has-angered-fellow-contestants-119295.html இந்த பிராங் நல்லா இல்ல.. ஜூனியர் பிக் பாஸ் கொடுத்த சீக்ரட் டாஸ்க்கால் காண்டான போட்டியாளர்கள்!பிக் பாஸ் சீசன் 10 (Bigg Boss Season 10) நிகழ்ச்சியானது தொடங்கி கிட்டத்தட்ட 9 வாரங்களை கடந்து, தற்போது 10வது வாரத்தில் உள்ளது. இந்நிகழ்ச்சியானது தமிழில் ஸ்டார் விஜய் (Star Vijay Tv) மற்றும் ஜியோ ஹாட்ஸ்டார் ஓடிடி போன்றவற்றில் ஒளிபரப்பாகிவருகிறது. இந்த ஷோவை விஜய் சேதுபதி தொகுத்துவரும் நிலையில், சிறப்பாக வரவேற்கப்படுகிறது. இந்த நிகழ்ச்சியானது மொத்தம் 19 போட்டியாளர்களுடன் ஆரம்பமான நிலையில், தற்போது வெறும் 12 போட்டியாளர்கள் மட்டுமே இருக்கிறார்கள். கடந்த வாரத்தில் அஸ்மிதா மற்றும் அக்ஷிதா இருவருமே வெளியேற்றப்பட்டிருந்தனர். இந்நிலையில் இந்த வராத்தில் பிக் பாஸ் குரல் இல்லாமல் பிக் பாஸ் வீடு இருக்கிறது. அந்த விதத்தில் ஜூனியர் பிக் பாஸாக (Junior Bigg Boss) வினோத் பாபு குரல் கொடுத்துவரும் நிலையில், அந்த பதவிக்கு போட்டியாளர்கள் போட்டியிட்டுவருகிறார்கள். இந்நிலையில், ஜூனியர் பிக் பாஸான வினோத் பாபு தன்யா மற்றும் முகேஷ் இருவருக்கும் சண்டையிடும்படி சீக்ரட் டாஸ்க் கொடுத்திருந்தார். அது போட்டியாளர்கள் உண்மை என நினைத்திருந்தனர். இந்நிலையில் அது உண்மையில்லை என்ற ப்ரோமோ வெளியாகி இணையத்தில் வைரலாகிவருகிறது. இதையும் படிங்க: ஆலுமா டோலுமா…. 11 ஆண்டுகளைக் கடந்தது அஜித் குமாரின் வேதாளம் படம்!

சீக்ரட் டாஸ்க்கினால் ஜூனியர் பிக் பாஸ் மீது காண்டான போட்டியாளர்கள்:

இந்த ப்ரோமோவில், வினோத் பாபு தன்யா மற்றும் முகேஷ் சண்டை குறித்து பேசியிருந்தார். மேலும் அந்த உண்மையை போட்டியாளர்களிடம் கூறும்படி அவர் கூறினாரா. உடனே தன்யா மற்றும் முகேஷ் இருவருமே இது பிராங் என கூறியதும். சக போட்டியாளர்கள் கடுப்பாகிவிட்டனர். இந்நிலையில் லக்ஷ்மி பிரியா மற்றும் சாதிகா மிகவும் கோபப்பட்ட நிலையில், ஜூனியர் பிக் பாஸை மாற்றியே ஆகவேண்டும் என சாதிகா கத்தியுள்ளார். இதையும் படிங்க: சீன் படத்தின் வெற்றியைத் தொடர்ந்து ஜித்து மாதவன் அடுத்து இயக்கப்போவது யாரை? வைரலாகும் தகவல் இது தொடர்பான ப்ரோமோ வெளியாகி இணையத்தில் வைரலாகப் பரவிவருகிறது. கடந்த ப்ரோமோவில் தன்யா மற்றும் முகேஷ் இருவரும் கைகலப்பாக சண்டையிட்டிருந்த நிலையில், அதை உண்மை என போட்டியாளர்கள் நம்பியிருந்தனர். ஆனால் அந்த சண்டையின்போது தன்யா சிரித்திருந்தார். அப்போதே இது பிராங் என தெரிந்தது. ஆனால் இது சக போட்டியாளர்களிடையே கோபத்தை ஏற்படுத்தியுள்ளது என்பது குறிப்பிடத்தக்கது.

பிக் பாஸ் சீசன் 10 நிகழ்ச்சியின் 65வது நாளின் 4வது ப்ரோமோ குறித்த எக்ஸ் பதிவு:

இந்த சீசன் ஆரம்பமானத்திலிருந்தே சண்டை, சாப்பாட்டிற்கு சண்டை, போட்டி பொறாமைகள் என மிகவும் வித்தியாசமாகவே அமைந்திருந்தது. அந்த விதத்தில் இன்னும் இந்த நிகழ்ச்சியின் முடிவிற்கு சில வாரங்கள் மட்டுமே இருக்கிறது. அந்த வகையில் இந்த நிகழ்ச்சியில் எந்த போட்டியாளர் வெற்றியை பெறுவார் என கணிக்கமுடியவில்லை. ஆனால் டிடிஃஎப் வாசன் மற்றும் ஜேசன் இருவரில் ஒருவர் வெற்றிபெறுவார் என வட்டாரங்கள் தெரிவிக்கிறது. ]]> தேனியில் தேசத்துரோக செயல்? அரசுப் பள்ளி கொடிக்கம்பத்தில் காலி மதுபாட்டில்.. அதிர்ச்சியில் உறைந்த ஆசிரியர்கள்! https://www.tv9tamilnews.com/tamil-nadu/empty-liquor-bottle-found-on-the-flagpole-of-a-government-primary-school-in-theni-119293.html Tue, 10 Nov 2026 19:01:12 +0530 https://www.tv9tamilnews.com/tamil-nadu/empty-liquor-bottle-found-on-the-flagpole-of-a-government-primary-school-in-theni-119293.html தேனியில் தேசத்துரோக செயல்? அரசுப் பள்ளி கொடிக்கம்பத்தில் காலி மதுபாட்டில்.. அதிர்ச்சியில் உறைந்த ஆசிரியர்கள்!தேனி மாவட்டத்தில் செயல்பட்டு வரும் பள்ளியில் தேசியக் கொடி ஏற்றப்படும் கொடி கம்பத்தில் காலி மது பாட்டில் ஏற்றப்பட்ட சம்பவம் பெரும் பரபரப்பை ஏற்படுத்தி உள்ளது. தேனி மாவட்டம், தேவாரம் அருகே பண்ணைப்புரத்தில் ஊராட்சி ஒன்றிய தொடக்கப்பள்ளி செயல்பட்டு வருகிறது. இந்தப் பள்ளியில் பண்ணைப்புரம், கரியணம்பட்டி உள்ளிட்ட கிராமங்களைச் சேர்ந்த ஏராளமான மாணவ, மாணவிகள் கல்வி பயின்று வருகின்றனர். இந்த நிலையில், தீபாவளி பண்டிகை மற்றும் வார விடுமுறை காரணமாக அடுத்தடுத்து 3 நாட்கள் விடுமுறை அறிவிக்கப்பட்டது. இதன் காரணமாக, பள்ளிக்கும் விடுமுறை விடப்பட்டிருந்தது. இதனால், பள்ளிகள் மூடப்பட்டு பள்ளி வளாகமும் ஆட்கள் நடமாட்டம் இன்றி இருந்தது. இதனை தவறான முறையில் பயன்படுத்திக் கொண்ட சில மர்ம நபர்கள் காலி மது பாட்டில்களை பள்ளி வளாகத்தில் அமைந்துள் தேசியக் கொடி ஏற்றப்படும் கொடிக் கம்பத்தில் கயிற்றில் கட்டி ஏற்றியுள்ளனர்.

பள்ளி கொடி கம்பத்தில் காலி மது பாட்டில்

அத்துடன் இதனை வீடியோவாக பதிவு செய்து சமூக வலைத்தளங்களில் பதிவிட்டுள்ளனர். இந்த வீடியோ காட்சிகள் சமூக வலைதளங்களில் வைரலாக பரவி வருகிறது. இந்த நிலையில், வழக்கம் போல இன்று செவ்வாய்க்கிழமை ( நவம்பர் 10- ஆம் தேதி) பள்ளிகள் திறக்கப்பட்டது. அப்போது, பள்ளிக்கு வந்த ஆசிரியர்கள் மற்றும் மாணவர்கள் தேசியக் கொடி கம்பத்தில் காலி மது பாட்டில் தொங்கவிடப்பட்டு இருப்பதை பார்த்து கடும் அதிர்ச்சி அடைந்தனர். தொடர்ந்து, அந்த மது பாட்டிலை கீழே இறக்கி போலீசாருக்கு தகவல் தெரிவித்தனர். மேலும் படிக்க: இன்ஸ்பெக்டர் சட்டையை பிடித்து இழுத்த இளைஞர்.. கடலூரில் பெரும் பரபரப்பு.. 3 பேர் அதிரடி கைது!

கோம்பை போலீசார் வழக்குப் பதிந்து விசாரணை

அந்த தகவலின் பேரில், கோம்பை போலீசார் சம்பவ இடத்துக்கு விரைந்து சென்று கொடிக் கம்பத்தில் ஏற்றப்பட்டிருந்த காலி மது பாட்டிலை அகற்றி விசாரணை மேற்கொண்டு வருகின்றனர். அத்துடன், சமூக வலைதளங்களில் வைரலாக பரவி வரும் இது தொடர்பான வீடியோ காட்சிகளை நீக்கவும் போலீசார் நடவடிக்கை எடுத்துள்ளனர். இது தொடர்பாக, பள்ளியின் தலைமை ஆசிரியர் கோம்பை காவல் நிலையத்தில் அளித்த புகாரின் அடிப்படையில், போலீசார் வழக்குப்பதிவு செய்து விசாரணை மேற்கொண்டு வருகின்றனர்.

மர்ம நபர்களுக்கு வலை வீசிய போலீசார்

இதில், பள்ளி வளாகத்தில் அத்துமீறி நுழைந்த மர்ம நபர்கள் மது அருந்திவிட்டு, மது போதையில் காலி மது பாட்டிலை கயிறு கட்டி கொடி கம்பத்தில் ஏற்றியது தெரியவந்தது. இதில், ஈடுபட்ட நபர்கள் யார் என்பது தொடர்பாகவும், அவர்களை கைது செய்யும் நடவடிக்கையிலும் போலீசார் தீவிரமாக ஈடுபட்டு வருகின்றனர். இந்த சம்பவம் அந்தப் பகுதியில் பெரும் பரபரப்பை ஏற்படுத்தியுள்ளது. மேலும் படிக்க: குடும்பத் தகராறில் எல்லை மீறிய வெறி.. உறவினர் விரலை கடித்து துப்பிய நபர்.. அம்பாசமுத்திரத்தில் அதிர்ச்சி சம்பவம்! ]]> பிரதீப் ரங்கநாதனின் புதுப் படத்தின் நிலை என்ன? வைரலாகும் தகவல் https://www.tv9tamilnews.com/entertainment/sources-said-pradeep-ranganathan-yet-to-lock-his-next-project-119291.html Tue, 10 Nov 2026 18:58:33 +0530 https://www.tv9tamilnews.com/entertainment/sources-said-pradeep-ranganathan-yet-to-lock-his-next-project-119291.html பிரதீப் ரங்கநாதனின் புதுப் படத்தின் நிலை என்ன? வைரலாகும் தகவல்தமிழ் சினிமாவில் இயக்குநராக அறிமுகம் ஆகி தற்போது நாயகனாக ஹிட் படங்களை கொடுத்து வருகிறார் பிரதீப் ரங்கநாதன் (Pradeep Ranganathan). அது மட்டும் இன்றி தமிழ் சினிமாவில் தற்போது தயாரிப்பாளர் அவதாரத்தையும் எடுத்துள்ளார் என்பது குறிப்பிடத்தக்கது. அதன்படி தமிழ் சினிமாவில் கோமாளி என்ற படத்தின் மூலமாக இயக்குநராக அறிமுகம் ஆனார். இவர் இயக்குநராக அறிமுகம் ஆன முதல் படமே ரசிகர்களிடையே விமர்சன ரீதியாகவும் வசூல் ரீதியாகவும் மாபெரும் வரவேற்பைப் பெற்றது குறிப்பிடத்தக்கது. முதல் படமே சூப்பர் டூப்பர் ஹிட் அடித்ததைத் தொடர்ந்து இரண்டாவதாக இயக்கிய படத்திலேயே நாயகனாக நடித்தார் என்பது குறிப்பிடத்தக்கது. இவர் இயக்குநராக அறிமுகம் ஆன முதல் படம் ரசிகர்களிடையே மாபெரும் வரவேற்பைப் பெற்றதைப் போல அவர் நாயகனாக நடித்தப் படமும் மாபெரும் வரவேற்பைப் பெற்றது குறிப்பிடத்தக்கது. இந்த நிலையில் இவரது நடிப்பில் இறுதியாக தமிழ் சினிமாவில் வெளியான படம் லவ் இன்சூரன்ஸ் கம்பெனி. இந்தப் படம் திரையரங்குகளில் வெளியான போது ரசிகர்களிடையே எதிர்பார்த்த வெற்றியைப் பெறவில்லை. அதற்கு முன்னதாக வெளியான படங்கள் வசூலில் 100 கோடியை தாண்டிய நிலையில் இந்தப் படம் அந்த வசூலை நெறுங்கவில்லை இது அந்தப் படத்தின் தோல்வியையே குறிக்கிறது என்று சினிமா வட்டாரங்கள் தெரிவிக்கின்றது.

பிரதீப் ரங்கநாதனின் புதுப் படத்தின் நிலை என்ன?

பிரதீப் ரங்கநாதன் தனது அடுத்த படம் குறித்து ஒருவித குழப்பத்தில் உள்ளார். அவர் அதிரடி வகை திரைப்படங்களை நோக்கித் திரும்ப யோசித்து வருவதாகவும், அதே சமயம் திரில்லர் மற்றும் கற்பனை கதைகளையும் பரிசீலித்து வருவதாகவும் கூறப்படுகிறது. இருப்பினும், இதுவரை அவரிடம் சொல்லப்பட்ட கதைகள் எதுவும் அவரை ஈர்க்கவில்லை. இதற்கிடையில், அவர் இயக்கும் அடுத்த படத்திற்கான திரைக்கதையை உருவாக்கும் பணியும் எதிர்பார்த்ததை விட அதிக காலம் எடுத்துக்கொள்கிறது. எல்.ஐ.கே படத்திற்கு கிடைத்த ஏமாற்றமான வரவேற்பைத் தொடர்ந்து, தனது அடுத்த படத்தின் மூலம் ஒரு வலுவான மறுபிரவேசத்தை பிரதீப் எதிர்பார்க்கிறார். Also Read... சீன் படத்தின் வெற்றியைத் தொடர்ந்து ஜித்து மாதவன் அடுத்து இயக்கப்போவது யாரை? வைரலாகும் தகவல்

இணையத்தில் வைரலாகும் எக்ஸ் தள பதிவு:

Also Read... ரிலீஸிற்கு இன்னும் 10 நாள் தான் இருக்கு… ஓம் படக்குழு வெளியிட்ட நியூ போஸ்டர் ]]> U19 Asia Cup: 160 ரன்கள் விளாசி மிரட்டிய சேவாக் மகன் ஆர்யவீர்.. அண்டர்-19 ஆசியக் கோப்பையில் இந்தியா அபார வெற்றி! https://www.tv9tamilnews.com/sports/aryavir-sehwag-smashes-160-as-india-defeat-uae-in-under-19-asia-cup-119296.html Tue, 10 Nov 2026 18:46:02 +0530 https://www.tv9tamilnews.com/sports/aryavir-sehwag-smashes-160-as-india-defeat-uae-in-under-19-asia-cup-119296.html U19 Asia Cup: 160 ரன்கள் விளாசி மிரட்டிய சேவாக் மகன் ஆர்யவீர்.. அண்டர்-19 ஆசியக் கோப்பையில் இந்தியா அபார வெற்றி!நவம்பர் 10, 2026: அண்டர்-19 ஆசியக் கோப்பை கிரிக்கெட் தொடரில் இந்திய இளம் அணி அபார வெற்றி பெற்றுள்ளது. ஐக்கிய அரபு அமீரக அணிக்கு எதிரான போட்டியில், முன்னாள் இந்திய கிரிக்கெட் வீரர் வீரேந்திர சேவாக்கின் மகன் ஆர்யவீர் சேவாக் 160 ரன்கள் விளாசி அசத்தினார். அவரது அதிரடி ஆட்டத்தால் இந்திய அணி 309 ரன்கள் குவித்தது. தொடர்ந்து பந்துவீச்சிலும் சிறப்பாகச் செயல்பட்ட இந்திய அணி, ஐக்கிய அரபு அமீரகத்தை வீழ்த்தி வெற்றி பெற்றது.

160 ரன்கள் விளாசிய ஆர்யவீர் சேவாக்

இப்போட்டியில் டாஸ் வென்ற ஐக்கிய அரபு அமீரக அணி முதலில் பந்துவீச்சைத் தேர்வு செய்தது. இதையடுத்து பேட்டிங் செய்த இந்திய அணிக்கு தொடக்கத்திலேயே அதிர்ச்சி காத்திருந்தது. கேப்டன் லக்ஷ்ய ராஜேஷ் ராய்சந்தானி 17 ரன்களில் ஆட்டமிழந்தார். ஆனால், மறுமுனையில் நிலைத்து நின்று விளையாடிய ஆர்யவீர் சேவாக் இந்திய அணியின் ஸ்கோரை உயர்த்தினார். மேலும் படிக்க: IND Vs NZ – ஆதிக்கம் செலுத்திய மழை… இந்தியா – நியூசிலாந்து போட்டி கைவிடப்பட்டதாக அறிவிப்பு அவருக்கு வி.கே. வினீத் சிறப்பான ஒத்துழைப்பு அளித்தார். இருவரும் இணைந்து இரண்டாவது விக்கெட்டுக்கு 193 ரன்கள் சேர்த்தனர். தொடர்ந்து அதிரடியாக விளையாடிய ஆர்யவீர், 168 பந்துகளில் 17 பவுண்டரிகள், 7 சிக்ஸர்கள் உட்பட 160 ரன்கள் குவித்து ஆட்டமிழந்தார். வினீத் 69 பந்துகளில் 67 ரன்கள் எடுத்தார். இறுதிக்கட்டத்தில் அன்வய் டிராவிட் 12 ரன்கள் சேர்த்தார். இதன் மூலம் இந்திய அணி 50 ஓவர்கள் முடிவில் 7 விக்கெட் இழப்புக்கு 309 ரன்கள் எடுத்தது.

48-வது ஓவரில் அடுத்தடுத்து 2 விக்கெட்டுகள்

310 ரன்கள் என்ற கடினமான இலக்குடன் களமிறங்கிய ஐக்கிய அரபு அமீரக அணிக்கு இந்திய பந்துவீச்சாளர்கள் கடும் நெருக்கடி கொடுத்தனர். அந்த அணியின் அகமது குதாதாத் 74 ரன்களும், நூருல்லா அயூபி 25 பந்துகளில் 39 ரன்களும் எடுத்தனர். இருவரும் இணைந்து ஏழாவது விக்கெட்டுக்கு 90 ரன்கள் சேர்த்து இந்திய அணிக்கு சவால் அளித்தனர். இந்நிலையில், 48-வது ஓவரில் பந்துவீசிய இஷான் சூத் ஆட்டத்தின் போக்கையே மாற்றினார். முதலில் அயூபியை கேட்ச் அண்ட் பவுல்டு முறையில் ஆட்டமிழக்கச் செய்த அவர், தொடர்ந்து குதாதாத் விக்கெட்டையும் வீழ்த்தினார். அடுத்தடுத்து இரண்டு விக்கெட்டுகளை இழந்ததால் ஐக்கிய அரபு அமீரக அணியின் வெற்றி வாய்ப்பு முடங்கியது.

ஆர்யவீரின் சதமும் பந்துவீச்சாளர்களின் பங்களிப்பும்

இறுதிக்கட்டத்தில் தேவையான ரன் வேகம் அதிகரித்ததால் ஐக்கிய அரபு அமீரக அணியால் இலக்கை எட்ட முடியவில்லை. இந்திய பந்துவீச்சாளர்கள் முக்கியமான நேரங்களில் விக்கெட்டுகளை வீழ்த்தி அணியின் வெற்றியை உறுதி செய்தனர். ஆர்யவீர் சேவாக்கின் 160 ரன்கள் என்ற பிரமாண்ட ஆட்டமும், இஷான் சூத்தின் முக்கியமான விக்கெட்டுகளும் இந்திய அணியின் வெற்றிக்கு முக்கியக் காரணங்களாக அமைந்தன. ]]> அப்படியெல்லாம் படத்தில் இல்ல.. தனுஷ் ரசிகர்களுக்கு ஷாக் கொடுத்த இயக்குநர் ராஜ்குமார் பெரியசாமி! https://www.tv9tamilnews.com/entertainment/director-rajkumar-periyasamy-clarifies-that-the-viral-scene-of-dhanush-and-sreeleela-dancing-is-not-in-the-film-om-119270.html Tue, 10 Nov 2026 18:40:27 +0530 https://www.tv9tamilnews.com/entertainment/director-rajkumar-periyasamy-clarifies-that-the-viral-scene-of-dhanush-and-sreeleela-dancing-is-not-in-the-film-om-119270.html அப்படியெல்லாம் படத்தில் இல்ல.. தனுஷ் ரசிகர்களுக்கு ஷாக் கொடுத்த இயக்குநர் ராஜ்குமார் பெரியசாமி!நடிகர் தனுஷ் (Dhanush) மற்றும் அமரன் திரைப்பட இயக்குநர் ராஜ்குமார் பெரியசாமியின் (Director Rajkumar Periasamy) கூட்டணியில் மிகவும் பிரம்மாண்டமாக உருவாக்கப்பட்டுள்ள திரைப்படம்தான் ஓம் (Om Movie). இந்த படத்தில் தனுஷ் ஹீரோவாக நடிக்க, அவருக்கு ஜோடியாக இளம் நடிகை ஸ்ரீலீலா (Sreeleela) நடித்துள்ளார். மேலும் இப்படத்தில் மிக முக்கியமான வேடத்தில் மம்முட்டி (Mammootty) மற்றும் நடிகை சாய் பல்லவி (Sai Pallavi) இணைந்து நடித்துள்ளனர். இந்த படமானது செம்மர கடத்தல் தொடர்பாக தமிழகம் மற்றும் ஆந்திர எல்லையில் நடக்கும் கதையை மையமாக கொண்டு இயக்கப்பட்டுள்ளது. இந்த படத்தின் ஷூட்டிங் நிறைவடைந்த நிலையில், இப்படமானது வரும் 2026 நவம்பர் 20ம் தேதியில் வெளியாகிறது. இப்பாத்தின் வெளியீட்டிற்கு இன்னும் சில நாட்கள் மட்டுமே இருக்கும் நிலையில், இப்படத்தின் ப்ரோமோஷன் பணிகள் சிறப்பாக நடைபெற்றுவருகிறது. இந்த படத்தின் தொடர்பாக சமீபத்தில் நேர்காணல் ஒன்றில் இயக்குநர் ராஜ்குமார் பெரியசாமி பேசிய நிலையில், இப்படத்தில் இல்லாத விஷயம் குறித்து தெரிவித்துள்ளார். அது என்ன என்பது குறித்து விவரமாக பார்க்கலாம். இதையும் படிங்க: சீன் படத்தை வெகுவாகப் பாராட்டிய மகேஷ் பாபு… நன்றி தெரிவித்த நடிகர் சூர்யா – வைரலாகும் எக்ஸ் தள பதிவு!

ஓம் திரைப்படத்தில் இல்லாத விஷயம் குறித்து விளக்கிய இயக்குனர் ராஜ்குமார் பெரியசாமி:

அந்த நேர்காணலில் பேசிய ராஜ்குமார் பெரியசாமி, "ஓம் படத்தின் ஷூட்டிங்கின்போது செயற்கையாக உருவாக்கப்பட்ட சில புகைப்படங்கள் இணையத்தில் வைரலாகிவந்தது. ஸ்ரீலீலா மற்றும் தனுஷ் சார் இருவரும் நடனமாடுவதுபோல அதில் காட்டப்பட்டிருந்தது. இதையும் படிங்க: முடிஞ்சா கைய வை.. தன்யாவிடம் கைகலப்பில் ஈடுபட்ட முகேஷ் – பரபரப்பில் பிக் பாஸ் வீடு! ஆனால் அதுபோல இந்த திரைப்படத்தில் எந்த காட்சிகளும் இல்லை. மேலும் தற்போது ஓம் திரைப்படத்தில் இருக்கும் "அல்லக லோவா" என்ற குரூப் பாடல், கச்சேரியின்போது நிஜமாக நடப்பதுபோல எடுக்கப்பட்ட பாடல்" என அதில் இயக்குநர் ராஜ்குமார் பெரியசாமி வெளிப்படையாக பகிர்ந்திருந்தார்.

ஓம் திரைப்படத்தின் பாடல் குறித்து படக்குழு வெளியிட்ட எக்ஸ் பதிவு:

இந்த ஓம் திரைப்படத்தில் தனுஷ், மம்முட்டி, சாய் பல்லவி, ஸ்ரீலீலா மற்றும் இந்திரன்ஸ் என பல்வேறு நட்சத்திர நடிகர்கள் இணைந்து நடித்துவருகிறார். இந்த படத்திற்கு சாய் அபயங்கர் இசையமைத்துள்ள நிலையில், இதுவரை இப்படத்திலிருந்து மொத்தமாக 4 பாடல்கள் வெளியாகியுள்ளது. இந்த படமானது வரும் 2026ம் ஆண்டு நவம்பர் 20ம் தேதியில் உலகமெங்கும் வெளியாக காத்திருக்கிறது. இன்னும் இப்படத்தின் வெளியீட்டிற்கு சில நாட்கள் மட்டுமே இருக்கும் நிலையில், இப்படத்தின் ட்ரெய்லர் மற்றும் டிக்கெட் புக்கிங் குறித்த அறிவிப்புகள் எல்லாம் விரைவில் வெளியாகும் என எதிர்பார்க்கப்படுகிறது. ]]> சர்க்கரைக்கு நோ சொல்லும் தமிழ் சினிமா நட்சத்திரங்கள்! ரகசியம் இதுதானா? https://www.tv9tamilnews.com/lifestyle/how-tamil-actors-maintain-their-fitness-with-less-sugar-119279.html Tue, 10 Nov 2026 18:30:09 +0530 https://www.tv9tamilnews.com/lifestyle/how-tamil-actors-maintain-their-fitness-with-less-sugar-119279.html சர்க்கரைக்கு நோ சொல்லும் தமிழ் சினிமா நட்சத்திரங்கள்! ரகசியம் இதுதானா?திரையுலகில் நட்சத்திரங்களின் இளமையான தோற்றத்திற்கும் கட்டுக்கோப்பான உடலமைப்பிற்கும் பின்னால் உடற்பயிற்சி மட்டுமின்றி, அவர்கள் பின்பற்றும் உணவுப் பழக்கங்களும் முக்கியப் பங்கு வகிக்கின்றன. குறிப்பாக, உணவில் சர்க்கரையின் அளவைக் குறைப்பது தற்போது பலரது கவனத்தையும் ஈர்த்துள்ளது. தமிழ் சினிமா பிரபலங்களான நடிகை சினேகா, நடிகர் ஆர்யா உள்ளிட்டோர் சர்க்கரை உட்கொள்ளும் அளவைக் கட்டுப்படுத்துவது குறித்துப் பகிர்ந்துள்ள தகவல்கள் இதற்கு உதாரணமாக உள்ளன. முக்கியமாக, சர்க்கரையை முழுமையாகத் தவிர்ப்பதைவிட, உணவில் சேர்க்கப்படும் சர்க்கரையின் அளவைக் கட்டுப்படுத்தி சத்தான உணவுகளைத் தேர்ந்தெடுப்பதே நீண்டகால ஆரோக்கியத்திற்கு ஏற்ற அணுகுமுறையாகும். நட்சத்திரங்களின் உணவுமுறையை அப்படியே பின்பற்றாமல், தங்களது உடல்நிலைக்கு ஏற்ற உணவுப் பழக்கத்தை நிபுணர்களின் ஆலோசனையுடன் தேர்வு செய்வது நல்லது. Also Read: புடவை ஜொலிக்கணுமா? தீபாவளிக்குப் பின் செய்ய வேண்டிய டிப்ஸ்!

சர்க்கரையைத் தவிர்க்கும் நடிகை சினேகா

நடிகை சினேகா தனது உடற்பயிற்சி மற்றும் உணவுமுறை குறித்து அளித்த பேட்டியில், சர்க்கரையை மாதத்திற்கு ஒருமுறை மட்டுமே எடுத்துக்கொள்வதாகத் தெரிவித்துள்ளார். மேலும், உடல் எடையைக் கட்டுப்படுத்த கலோரி கணக்கீடு செய்வதுடன், புரதம், நார்ச்சத்து, தாதுக்கள் மற்றும் கார்போஹைட்ரேட்டுகள் நிறைந்த உணவுகளையும் சேர்த்துக்கொள்வதாகக் குறிப்பிட்டுள்ளார். குறைவான உப்பு, மசாலா கொண்ட உணவுகள், கிரில் செய்யப்பட்ட உணவுகள் மற்றும் அதிக தண்ணீர் குடிப்பது ஆகியவற்றையும் தனது வாழ்க்கைமுறையின் ஒரு பகுதியாகப் பின்பற்றுகிறார்.

டயட்டின்போது 80 சதவீதம் சர்க்கரையைக் குறைக்கும் ஆர்யா

நடிகர் ஆர்யா இனிப்புகள் மீது அதிக விருப்பம் கொண்டவர். இருப்பினும், உடல் எடையைக் குறைக்கும் டயட்டில் இருக்கும்போது சர்க்கரையின் அளவை சுமார் 80 சதவீதம் குறைத்துக்கொள்வதாகத் தெரிவித்துள்ளார். டயட்டில் இல்லாத நாட்களில் உணவுக்குப் பிறகு இனிப்பு சாப்பிடுவதையும் விரும்புவதாகக் கூறியுள்ளார். சர்க்கரையை முழுமையாகத் தவிர்ப்பதற்குப் பதிலாக அதன் அளவைக் கட்டுப்படுத்துவது நடைமுறைக்கு ஏற்ற அணுகுமுறை என உணவியல் நிபுணர்களும் தெரிவிக்கின்றனர்.

சர்க்கரையைத் தவிர்க்கும் ரஜினிகாந்த்

சூப்பர் ஸ்டார் ரஜினிகாந்தின் உணவுப் பழக்கங்கள் குறித்தும் சர்க்கரை தவிர்ப்பு பேசுபொருளாகியுள்ளது. சர்க்கரை, உப்பு, மைதா உள்ளிட்ட சில உணவுப் பொருட்களைத் தவிர்ப்பதாக அவர் முன்பு தெரிவித்த கருத்துகளும், அவரது உணவுமுறை குறித்து மருத்துவர் பகிர்ந்த தகவல்களும் கவனத்தைப் பெற்றுள்ளன. வீட்டில் தயாரிக்கப்படும் உணவுகள், உடற்பயிற்சி மற்றும் தியானம் ஆகியவற்றுக்கும் அவர் முக்கியத்துவம் அளிப்பதாகக் கூறப்படுகிறது. Also Read: புடவை ஜொலிக்கணுமா? தீபாவளிக்குப் பின் செய்ய வேண்டிய டிப்ஸ்!

சர்க்கரையைக் குறைப்பதால் கிடைக்கும் நன்மைகள்

உணவில் சேர்க்கப்படும் கூடுதல் சர்க்கரையைக் குறைப்பது தேவையற்ற கலோரி உட்கொள்ளலைக் கட்டுப்படுத்த உதவும். இதனால் உடல் எடை மேலாண்மைக்கும் உதவியாக இருக்கலாம். அதேசமயம், சர்க்கரையை மட்டும் குறைத்தால் உடல் எடை குறைந்துவிடும் என்று கூற முடியாது. சத்தான உணவு, போதிய தூக்கம், உடற்பயிற்சி மற்றும் ஆரோக்கியமான வாழ்க்கைமுறை ஆகியவையும் அவசியம் என மருத்துவ நிபுணர்கள் வலியுறுத்துகின்றனர். ]]> ஆலுமா டோலுமா…. 11 ஆண்டுகளைக் கடந்தது அஜித் குமாரின் வேதாளம் படம்! https://www.tv9tamilnews.com/entertainment/ajith-kumar-starred-in-the-movie-vedalam-which-completes-11-years-today-119275.html Tue, 10 Nov 2026 18:16:43 +0530 https://www.tv9tamilnews.com/entertainment/ajith-kumar-starred-in-the-movie-vedalam-which-completes-11-years-today-119275.html ஆலுமா டோலுமா…. 11 ஆண்டுகளைக் கடந்தது அஜித் குமாரின் வேதாளம் படம்!தமிழ் சினிமாவில் உச்ச நடிகராக வலம் வருபவர் நடிகர் அஜித் குமார் (Actor Ajith Kumar). இவரது நடிப்பில் வெளியாகும் படங்கள் ரசிகர்களிடையே விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்று வருகின்றது. தொடர்ந்து பிசியான நாயகனாக மட்டும் இன்றி ரேஸராகவும் வலம் வருகிறார். கடந்த ஆண்டு படம் திரையரங்குகளில் வெளியான நிலையில் இந்த ஆண்டில் இன்னும் அடுத்தப் படத்தில் படப்பிடிப்பு தொடங்காதது அவரது ரசிகர்களிடையே வருத்தத்தை ஏற்படுத்தி இருந்தாலும் தொடர்ந்து முன்னதாக வெளியான படங்களை ரசிகர்களிடையே அதிக அளவில் வரவேற்பைப் பெற்ற படங்களை கொண்டாடி வருகின்றனர். அந்த வகையில் கடந்த நவம்பர் மாதம் 10-ம் தேதி 2015-ம் ஆண்டு திரையரங்குகளில் வெளியானது. படம் வெளியாகி இன்றுடன் 15 ஆண்டுகளை நிறைவு செய்துள்ளது குறிப்பிடத்தக்கது. இந்தப் படத்தினை இயக்குநர் சிவா எழுதி இயக்கி உள்ளார். இவரது இயக்கத்தில் ஆக்‌ஷன் செண்டிமெண்ட் பாணியில் வெளியாகி ரசிகர்களிடையே வரவேற்பைப் பெற்றது. மேலும் இந்த வேதாளம் படத்தில் அஜித் குமார் உடன் இணைந்து நடிகர்கள் ஸ்ருதி ஹாசன், லட்சுமி மேனன், ராகுல் தேவ், அஸ்வின் கக்குமானு, அனிகேத் சவுகான், கபீர் துஹான் சிங், சூரி, தம்பி ராமையா, ராஜேந்திரன், அவினாஷ், சுதா, மயில்சாமி, மன்சூர் அலி கான், அப்புக்குட்டி, கோவை சரளா, யோகி பாபு, ரவிராஜ், ஸ்ரீரஞ்சனி,  ஷர்மிளா தாபா, வித்யுல்லேகா ராமன், நாகிநீடு, சுவாமிநாதன், பால சரவணன், ரமேஷ் திலக், ஸ்ரீஜா ரவி, ராஜ்குமார், தமிழ்செல்வி, கலைராணி, மீரா கிருஷ்ணன், ஆர்.என்.ஆர்.மனோகர், அமித் திவாரி, டி.ஆர்.கே.கிரண், ஜாஸ்பர், முக்தர் கான், தேஜ் சப்ரு, சுக்ரன், மிப்பு, ஆர்யன் ஆஷிக் மற்றும் கண்ணன் பொன்னையா ஆகியோர் நடித்து இருந்தனர். Also Read... Mammootty: அவர் சண்டையிடுவதை பார்த்தல் ஹீரோவே தோற்றுவிடுவார்கள்.. சாய் பல்லவியை புகழ்ந்த மம்முட்டி!

11 ஆண்டுகளைக் கடந்தது அஜித் குமாரின் வேதாளம் படம்:

இந்தப் படம் திரையரங்குகளில் வெளியான போது ரசிகர்களிடையே அதிக அளவில் வரவேற்பைப் பெற்றது. இந்தப் படத்திற்கு இசையமைப்பாளர் அனிருத் ரவிச்சந்தர் இசையமைத்து இருந்த நிலையில் படத்தைப் போல பாடல்களும் நல்ல வரவேற்பைப் பெற்றது குறிப்பிடத்தக்கது. மேலும் இந்த வேதாளம் படம் திரையரங்குகளில் வெளியாகி இன்றுடன் 15 ஆண்டுகளை நிறைவு செய்துள்ள நிலையில் ரசிகர்கள் அதனைக் கொண்டாடி வருகின்றனர். Also Read... மம்பட்டியான், பொன்னர் சங்கர் படங்களின் ஒளிப்பதிவாளர் மரணம் – சோகத்தில் திரையுலகம் ]]> தமிழகத்தில் ரவுடிகள் வேட்டை.. ஒரே நாளில் 467 பேர் கைது.. 6540 பேருக்கு எச்சரிக்கை.. காவல் காட்டிய அதிரடி! https://www.tv9tamilnews.com/tamil-nadu/police-stated-that-467-people-were-arrested-in-tamil-nadu-in-a-single-day-119278.html Tue, 10 Nov 2026 18:13:13 +0530 https://www.tv9tamilnews.com/tamil-nadu/police-stated-that-467-people-were-arrested-in-tamil-nadu-in-a-single-day-119278.html தமிழகத்தில் ரவுடிகள் வேட்டை.. ஒரே நாளில் 467 பேர் கைது.. 6540 பேருக்கு எச்சரிக்கை.. காவல் காட்டிய அதிரடி!தமிழகத்தில் நாளுக்கு நாள் கொலை, கொள்ளை, வழிப்பறி, பாலியல் தொந்தரவு உள்ளிட்ட குற்ற சம்பவங்கள் அதிகரித்து வருகின்றன. இதனால், தமிழகத்தில் சட்டம்- ஒழுங்கு பெருமளவு சீர்குலைந்து உள்ளதாக எதிர்க்கட்சிகள் கடும் குற்றச்சாட்டுகளை முன்வைத்து வருகின்றனர். இந்த நிலையில், தமிழகம் முழுவதும் சட்டம்- ஒழுங்கை நிலைநாட்டும் பணியில் ஒரு பகுதியாக போலீசார் அதிரடி ரவுடி வேட்டை மேற்கொண்டனர். இதில், சுமார் 467 ரவுடிகள் கைது செய்யப்பட்டுள்ளதாக தமிழக துறை தரப்பில் தெரிவிக்கப்பட்டுள்ளது. தமிழகம் முழுவதும் கடந்த 24 மணி நேரத்தில் போலீசார் நடத்திய அதிரடி வேட்டையில் மாநிலம் முழுவதும் உள்ள பல்வேறு மாவட்டங்களில் 467 ரவுடிகள் கைது செய்யப்பட்டுள்ளனர்.

6540 ரவடிகளுக்கு போலீசார் கடும் எச்சரிக்கை

அத்துடன், 6540 ரவுடிகளுக்கு குற்ற செயல்களி்ல ஈடுபடக்கூடாது என்று போலீசார் எச்சரிக்கை விடுத்துள்ளனர். அத்துடன், சுமார் 305 ரவுடிகளுகளிடம் குற்ற செயல்களில் ஈடுபட மாட்டேன் என்று பிணை பத்திரம் எழுதி வாங்கியுள்ளனர். தமிழகத்தில் பொதுமக்களுக்கு எதிராக பல்வேறு குற்ற சம்பவங்கள் நிகழ்ந்து வரும் நிலையில், அதனை தடுக்கும் வகையில் ரவுடிகள் அதிரடியாக கைது செய்யப்பட்டுள்ளதாகவும், 305 ரவுடிகளிடம் பிணை பத்திரம் எழுதி வாங்கப்பட்டுள்ளதாகவும், 6540 ரவுடிகளுக்கு எச்சரிக்கை விடுக்கப்பட்டுள்ளதாகவும் போலீசார் தரப்பில் தெரிவிக்கப்பட்டுள்ளது. மேலும் படிக்க: தீபாவளிக்கு ஊருக்கு போனது குத்தமா? 7 பேராசிரியர்கள் வீடுகளில் பல லட்சம் நகை, வெள்ளி கொள்ளை.. திருவாரூரில் அடுத்தடுத்து நடந்த சம்பவம்!

222 பேரை பிடித்து போலீசார் தீவிர விசாரணை

அத்துடன், 185 ரவுடிகள் உள்பட சுமார் 222 பேரை பிடித்து சார் விசாரணை மேற்கொண்டு வருகின்றனர். சிவகங்கை மாவட்டத்தில் ஒரே நாள் இரவில் 43 சரித்திர பதிவேடு குற்றவாளிகள் கைது செய்யப்பட்டுள்ளன. 948 வழக்குகள் பதிவு செய்யப்பட்டு, 130 வாகனங்கள் பறிமுதல் செய்யப்பட்டுள்ளன. திருநெல்வேலி மாவட்டத்தில் தற்போது வரை 10 பேர் கைது செய்யப்பட்டுள்ள நிலையில், தஞ்சாவூர் மாவட்டத்தில் ஒரே இரவில் 33 ரவுடிகள் உள்பட 295 பேர் கைது செய்யப்பட்டுள்ளனர். தமிழகத்தில் சட்டம்- ஒழுங்கு குற்றச்சாட்டுக்கு மத்தியில் இந்த அதிரடி நடவடிக்கை முக்கியத்துவம் வாய்ந்ததாக பார்க்கப்படுகிறது.

தமிழகத்தில் அடுத்தடுத்து கொலை சம்பவங்கள் - சட்டம் ஒழுங்கு சீர்குலைவு

இதனிடையே, தீபாவளி பண்டிகை நாளில் சிறப்பு உதவி ஆய்வாளர் உள்பட 13 பேர் கொலை செய்யப்பட்டிருந்தனர். இதில், நடு ரோட்டில் தீபாவளி பட்டாசு வெடித்த இளைஞர்களை தட்டிக்கேட்ட காவல் உதவி ஆய்வாளர் முறையில் தாக்கப்பட்டு கொலை செய்யப்பட்டிருந்தார். இதேபோல, தமிழகத்தின் பல்வேறு மாவட்டங்களில் பல்வேறு காரணங்களால் கொலை சம்பவங்கள் நிகழ்ந்திருந்தன. இதன் காரணமாக தமிழகம் முழுவதும் போலீசார் இந்த அதிரடி வேட்டைய தொடங்கி உள்ளது. வரும் காலங்களில் இந்த அதிரடி வேட்டை தொடரும் என தெரிவிக்கப்பட்டுள்ளது. மேலும் படிக்க: இன்ஸ்பெக்டர் சட்டையை பிடித்து இழுத்த இளைஞர்.. கடலூரில் பெரும் பரபரப்பு.. 3 பேர் அதிரடி கைது! ]]> மேகதாது அணை விவகாரம்.. முதல்வர் விஜய் மௌனம் காப்பது ஏன்? எடப்பாடி பழனிசாமி காட்டம்.. https://www.tv9tamilnews.com/tamil-nadu/edappadi-palaniswami-slams-karnataka-over-mekedatu-dam-issue-questions-cm-vijays-silence-119269.html Tue, 10 Nov 2026 17:56:38 +0530 https://www.tv9tamilnews.com/tamil-nadu/edappadi-palaniswami-slams-karnataka-over-mekedatu-dam-issue-questions-cm-vijays-silence-119269.html மேகதாது அணை விவகாரம்.. முதல்வர் விஜய் மௌனம் காப்பது ஏன்? எடப்பாடி பழனிசாமி காட்டம்..நவம்பர் 10, 2026: மேகதாது அணை கட்டுவதற்கு தமிழகத்தின் அனுமதி தேவையில்லை என்று கர்நாடக முதலமைச்சர் டி.கே. சிவக்குமார் தெரிவித்ததாக வெளியான தகவலுக்கு அதிமுக பொதுச்செயலாளர் எடப்பாடி பழனிசாமி கடும் கண்டனம் தெரிவித்துள்ளார். மேலும், தமிழகத்தின் காவிரி உரிமைகளைப் பாதுகாக்க நடவடிக்கை எடுக்காமல் மௌனம் காப்பதாக முதலமைச்சர் விஜய்யையும் அவர் விமர்சித்துள்ளார்.

மேகதாது அணை விவகாரத்தில் முதல்வர் சிவக்குமார் கருத்து

காவிரி ஆற்றின் குறுக்கே மேகதாது அணை கட்டுவதற்கு தமிழகத்தின் அனுமதி தேவையில்லை என்றும், இந்த அணை கட்டப்படுவதால் தமிழகத்திற்கு கூடுதல் நன்மைகள் கிடைக்கும் என்றும் கர்நாடக முதலமைச்சர் டி.கே. சிவக்குமார் அண்மையில் தெரிவித்திருந்தார். மேலும், மேகதாது அணை திட்டம் தொடர்பாக ஆய்வு மேற்கொள்ள தமிழக முதலமைச்சர் விஜய் ஒரு குழுவை அனுப்ப வேண்டும் என்றும் அவர் கோரிக்கை விடுத்திருந்தார். திட்ட அறிக்கை விரைவில் சமர்ப்பிக்கப்படும் என்றும், உச்சநீதிமன்றத் தீர்ப்பே முதன்மையானது என்றும் அவர் கூறியிருந்தார். இந்தக் கருத்துகள் தமிழக அரசியல் வட்டாரத்தில் சர்ச்சையை ஏற்படுத்தின.

உச்சநீதிமன்றத் தீர்ப்பை சுட்டிக்காட்டிய எடப்பாடி பழனிசாமி

இந்நிலையில், இது தொடர்பாக அறிக்கை வெளியிட்டுள்ள எடப்பாடி பழனிசாமி, காவிரியில் தமிழகத்தின் உரிமைகளை நிலைநாட்ட முன்னாள் முதலமைச்சர்கள் எம்.ஜி.ஆர்., ஜெயலலிதா மற்றும் அதிமுக அரசு தொடர்ந்து சட்டப் போராட்டங்களை நடத்தியதாகக் குறிப்பிட்டுள்ளார். அதன் விளைவாக, உச்சநீதிமன்றம் இறுதித் தீர்ப்பை வழங்கியதுடன், காவிரி மேலாண்மை ஆணையம் மற்றும் காவிரி நீர் ஒழுங்காற்றுக் குழு அமைக்கப்பட்டதாகவும் தெரிவித்துள்ளார். மேலும் படிக்க: குடும்பத் தகராறில் எல்லை மீறிய வெறி.. உறவினர் விரலை கடித்து துப்பிய நபர்.. அம்பாசமுத்திரத்தில் அதிர்ச்சி சம்பவம்! மேலும், பன்மாநில நதிகள் தேசிய சொத்து என்றும், எந்த மாநிலமும் தனி உரிமை கோர முடியாது என்றும் உச்சநீதிமன்றம் தெரிவித்துள்ளதை அவர் சுட்டிக்காட்டியுள்ளார். கீழ்படுகை மாநிலங்களின் ஒப்புதல் இல்லாமல் மேல்படுகை மாநிலங்கள் கட்டுமானப் பணிகளை மேற்கொள்ளக் கூடாது என்பதே உச்சநீதிமன்றத்தின் தெளிவான நிலைப்பாடு என்றும் குறிப்பிட்டுள்ளார்.

தமிழகத்தின் அனுமதி தேவையில்லை என்ற கருத்துக்கு எதிர்ப்பு

மேகதாது அணை திட்டத்திற்கு மத்திய அரசு அனுமதி வழங்கக் கூடாது என 2017, 2018 ஆகிய ஆண்டுகளில் பிரதமருக்குக் கடிதங்கள் மூலமாகவும், நேரில் சந்தித்தும் தொடர்ந்து வலியுறுத்தியதாக எடப்பாடி பழனிசாமி தெரிவித்துள்ளார். காவிரி மேலாண்மை ஆணையம் உத்தரவிட்டும் கர்நாடக அரசு தமிழகத்திற்குரிய நீரைத் திறந்துவிடவில்லை என்றும், தற்போது மேகதாது அணை கட்ட யாருடைய அனுமதியும் தேவையில்லை எனக் கூறி தமிழக மக்களிடையே பீதியை ஏற்படுத்துவதாகவும் அவர் குற்றம்சாட்டியுள்ளார். மேலும் படிக்க: நீர்நிலைகளைச் சீரமைக்க தன்னார்வ அமைப்புகளுக்கு புதிய வசதி! ‘ஏரி’ இணையதளத்தைத் தொடங்கி வைத்தார் முதல்வர் விஜய்

முதலமைச்சர் விஜய்க்கு எடப்பாடி பழனிசாமி கேள்வி

கர்நாடக முதலமைச்சரின் கருத்துகளுக்கு உரிய பதிலளிக்காமல், தமிழகத்தின் உரிமைகளைக் காக்க நடவடிக்கை எடுக்காமல் முதலமைச்சர் ஜோசப் விஜய் மௌனம் காப்பது கண்டிக்கத்தக்கது எனவும் எடப்பாடி பழனிசாமி தனது அறிக்கையில் விமர்சித்துள்ளார். மேகதாது அணை விவகாரம் தொடர்பாக தமிழக அரசு தனது நிலைப்பாட்டைத் தெளிவுபடுத்த வேண்டும் என்ற கோரிக்கையும் அரசியல் வட்டாரத்தில் எழுந்துள்ளது. ]]> ஈரத் தலைமுடியை உடனே சீவுவதால் ஆபத்தா? முடி கொட்டுமா? https://www.tv9tamilnews.com/lifestyle/why-wet-hair-brushing-damages-hair-and-best-practices-119277.html Tue, 10 Nov 2026 17:39:33 +0530 https://www.tv9tamilnews.com/lifestyle/why-wet-hair-brushing-damages-hair-and-best-practices-119277.html ஈரத் தலைமுடியை உடனே சீவுவதால் ஆபத்தா? முடி கொட்டுமா?குளித்து முடித்தவுடன் ஈரமான தலைமுடியைச் சீவுவது முடியின் வேர்க்கால்களைத் தளரச் செய்து கடுமையான முடி உதிர்வுக்கு வழிவகுக்கும். ஈரமான முடியின் நெகிழ்வுத்தன்மை அதிகமாக இருப்பதால், சீப்பு படும்போது ஏற்படும் உராய்வு அதன் கட்டமைப்பைச் சேதப்படுத்துகிறது. இதனால் தலைமுடி (Hair Brushing Damages) எளிதில் உடைந்து வெடித்துப் போவதுடன், தனது இயற்கையான பொலிவையும் முழுமையாக இழந்துவிடும். இந்தத் தீங்குகளைத் தவிர்க்கக் குளிப்பதற்கு முன்பாகவே தலைமுடியை நன்கு சீவிச் சிக்கை நீக்கிவிடுவது மிகவும் அவசியமான ஒன்றாகும். குளித்த பிறகு முடியை இறுக்கித் தேய்க்காமல், மென்மையான துண்டைக் கொண்டு ஈரத்தை மென்மையாக ஒத்தெடுக்க வேண்டும். ஒருவேளை ஈர முடியைச் சீவ வேண்டிய கட்டாயம் ஏற்பட்டால், சாதாரண சீப்புக்குப் பதிலாக அகலமான பற்கள் கொண்ட சீப்பைப் பயன்படுத்தலாம். இந்த எளிய வழிமுறைகளைப் பின்பற்றுவதன் மூலம் தலைமுடியின் ஆரோக்கியத்தைப் பாதுகாத்து முடி கொட்டுவதைக் கணிசமாகக் குறைக்க முடியும். Also Read: அடிக்கடி முகம் கழுவுகிறீர்களா? சருமத்திற்கு ஆபத்தாக முடியலாம்!

தலைக்கு குளித்த உடனே தலை சீவுவது ஆபத்தா?

அதிகாலையில் அவசரமாகக் குளித்து முடித்துவிட்டு, ஈரமான தலைமுடியைச் சீப்பு கொண்டு வாரிவிட்டு அலுவலகம் அல்லது கல்லூரிக்குச் செல்லும் வழக்கம் பலரிடம் உள்ளது. ஆனால் அழகு மற்றும் சுகாதார நிபுணர்களின் எச்சரிக்கை என்னவென்றால், தலைமுடி ஈரமாக இருக்கும்போது அதன் வேர்க்கால்கள் மற்றும் கட்டமைப்பு மிகவும் பலவீனமான நிலையில் இருக்கும். அந்தச் சமயத்தில் சீப்பைப் பயன்படுத்தி முடியை இழுக்கும்போது அது எளிதில் உடைந்து போகவும், நாளடைவில் வேரோடு பிடுங்கி வந்து கடுமையான முடி உதிர்வுப் பிரச்சனைக்கும் வழிவகுக்கும்.

ஈரப்பதத்தால் ஏற்படும் கட்டமைப்பு சேதம்

தலைமுடி ஈரமாக இருக்கும்போது அதன் இயற்கையான நெகிழ்வுத்தன்மை மாறுபட்டு, வழக்கத்தை விட அதிகமாக நீளும் தன்மை பெறுகிறது. இதனால் ஈரத் தலைமுடியில் சீப்பு படும்போது ஏற்படும் உராய்வு, முடியின் வெளிப்பகுதியைப் பலவீனமாக்கி அதன் கட்டமைப்பைச் சேதப்படுத்துகிறது. இதனால் முடி சுலபமாக வெடித்துப் போவதுடன், காலப்போக்கில் தனது பொலிவை இழந்து வரண்டுபோன மற்றும் உயிரற்ற தோற்றத்தைப் பெறுகிறது. Also Read: அடிக்கடி முகம் கழுவுகிறீர்களா? சருமத்திற்கு ஆபத்தாக முடியலாம்!

நிபுணர்கள் பரிந்துரைக்கும் சரியான முறைகள்

முடி ஆரோக்கியத்தைப் பாதுகாக்க வேண்டுமெனில், குளிப்பதற்கு முன்பே தலைமுடியை நன்கு சீவிச் சிக்கை நீக்கிவிடுவது சிறந்த வழியாகும். குளித்த பிறகு மென்மையான காட்டன் துண்டு அல்லது மைக்ரோஃபைபர் டவலைப் பயன்படுத்தி ஈரத்தை ஒத்தெடுக்க வேண்டுமே தவிர, முடியை இறுக்கித் தேய்க்கக் கூடாது. ஒருவேளை ஈரத்துடன் சீவ வேண்டிய கட்டாயம் ஏற்பட்டால், சாதாரண சீப்புக்குப் பதிலாக அகலமான பற்கள் கொண்ட சீப்பைப் பயன்படுத்தி மிக மென்மையாகச் சிக்கெடுக்க வேண்டும் என்று நிபுணர்கள் அறிவுறுத்துகிறார்கள். ]]> குடும்பத் தகராறில் எல்லை மீறிய வெறி.. உறவினர் விரலை கடித்து துப்பிய நபர்.. அம்பாசமுத்திரத்தில் அதிர்ச்சி சம்பவம்! https://www.tv9tamilnews.com/tamil-nadu/man-arrested-in-ambasamudram-for-biting-off-a-relative-finger-during-a-family-dispute-119271.html Tue, 10 Nov 2026 17:31:35 +0530 https://www.tv9tamilnews.com/tamil-nadu/man-arrested-in-ambasamudram-for-biting-off-a-relative-finger-during-a-family-dispute-119271.html குடும்பத் தகராறில் எல்லை மீறிய வெறி.. உறவினர் விரலை கடித்து துப்பிய நபர்.. அம்பாசமுத்திரத்தில் அதிர்ச்சி சம்பவம்!திருநெல்வேலி குடும்ப தகராறில் ஒருவரது விரலை கடித்து துப்பிய நபரை அம்பாசமுத்திரம் போலீசார்  கைது செய்து விசாரணை மேற்கொண்டு வருகின்றனர். திருநெல்வேலி மாவட்டம், அம்பாசமுத்திரம் அருகே அமைந்துள்ளது பிரம்மதேசம் கிராமம். இங்கு, செக்கடி தெருவில் வசித்து வருபவர் சீனிவாசன். இவரது மகன் ஹரிஷ் ( 25 வயது). இதே பகுதியில் உள்ள அம்மன் கோவில் தெருவில் ஹரிஷின் அத்தை மகன் கார்த்திக் ( 27 வயது) என்பவர் வசித்து வருகிறார். இவர்களது குடும்பத்தினர் இடையே குடும்ப தகராறு இருந்து வந்ததாக தெரிகிறது. இதன் காரணமாக இரு குடும்பத்தினர் முன்விரோதம் இருந்து வந்துள்ளது. இந்த நிலையில், சம்பவத்தன்று கார்த்திக் தனது மனைவியுடன் சண்டை போட்டுக் கொண்டிருந்தார். இதை அறிந்த அக்கம், பக்கத்தில் உள்ள வசிப்பவர்கள் மற்றும் ஹரிஷின் தம்பி ரகுராம் ஆகியோர் வேடிக்கை பார்த்துள்ளனர்.

செல்போன் மூலம் உறவினருக்கு கொலை மிரட்டல் விடுப்பு

இதனால், ஆத்திரம் அடைந்த கார்த்திக், ரகுராமின் செல்போனுக்கு தொடர்பு கொண்டு தகாத வார்த்தைகளால் ஆபாசமாக திட்டியதாக தெரிகிறது. இதில், ஆத்திரமடைந்த ரகுராம் தட்டிக்கேட்டு உள்ளார். இதனால், இருவர் இடையே வாக்குவாதம் ஏற்பட்டு கடும் மோதலாக மாறியுள்ளது. அத்துடன், ரகு ராமுக்கு, கார்த்திக் கொலை மிரட்டல் விடுத்து விட்டு செல்போன் அழைப்பை துண்டித்துள்ளார். இந்தச் சம்பவம் நடந்து சில நாட்கள் கழித்து ஹரிஷ் ஷங்கர் மற்றும் ரகுராம் அவர்களது வீட்டின் முன் நின்று கொண்டிருந்தனர். அப்போது, அந்த வழியாக கார்த்திக் திடீரென அவர்களது பெற்றோரை குறிப்பிட்டு ஆபாசமான வார்த்தைகளால் திட்டியதாக தெரிகிறது. மேலும் படிக்க: இன்ஸ்பெக்டர் சட்டையை பிடித்து இழுத்த இளைஞர்.. கடலூரில் பெரும் பரபரப்பு.. 3 பேர் அதிரடி கைது!

ஆத்திரத்தில் கை விரலை கடித்து துப்பிய உறவினர்

இதனை, ஹரிஷ் மற்றும் ரகுராம் ஆகியோர் தட்டி கேட்டு உள்ளனர். இதனால், இருவர் இடையே கடுமையான வாக்குவாதம் ஏற்பட்டு கைகலப்பாக மாறியுள்ளது. ஒருவரை ஒருவர் சரமாரியாக தாக்கி கடும் மோதலில் ஈடுபட்டனர். இதில், கடும் ஆத்திரம் அடைந்த கார்த்திக், ஹரிஷ் சங்கரை கன்னத்தில் பலமாக தாக்கினார். இதனை, தடுக்க வந்த ரகுராமையும் சரமாரியாக தாக்கியதுடன், திடீரென அவரது கை விரலை கடித்து துப்பினார்.

ஒருவர் கைது செய்து சிறையில் அடைப்பு

இதில், அவருக்கு ரத்தம் கொட்டிய நிலையில், அக்கம், பக்கத்தினர் அவர்களை விலக்கி விட்டதுடன், இருவரையும் மீட்டு அவசர ஆம்புலன்ஸ் மூலமாக அம்பாசமுத்திரம் அரசு மருத்துவமனைக்கு அனுப்பி வைத்தனர். மேலும், இந்த சம்பவம் தொடர்பாக கிடைத்த புகாரின் அடிப்படையில், அம்பாசமுத்திரம் போலீசார் வழக்குப்பதிவு செய்து தீவிர விசாரணை மேற்கொண்டனர். அத்துடன், கார்த்திக்கை கைது செய்து நீதிமன்றத்தி ஆஜர் படுத்தில் சிறையில் அடைத்தனர். மேலும் படிக்க: தீபாவளிக்கு ஊருக்கு போனது குத்தமா? 7 பேராசிரியர்கள் வீடுகளில் பல லட்சம் நகை, வெள்ளி கொள்ளை.. திருவாரூரில் அடுத்தடுத்து நடந்த சம்பவம்! ]]> நான் ராம் சரண் படத்தில் நடிக்கிறேனா? நடிகர் ரிஷிகாந்த் விளக்கம் https://www.tv9tamilnews.com/entertainment/actor-rishikanth-said-i-am-not-part-of-the-rc-17-movie-119251.html Tue, 10 Nov 2026 17:16:30 +0530 https://www.tv9tamilnews.com/entertainment/actor-rishikanth-said-i-am-not-part-of-the-rc-17-movie-119251.html நான் ராம் சரண் படத்தில் நடிக்கிறேனா? நடிகர் ரிஷிகாந்த் விளக்கம்தமிழ் சினிமாவில் சின்ன சின்ன வேடங்களில் நடித்து வந்த நடிகர் ரிஷிகாந்த் (Actor Rishikanth) தொடர்ந்து ரசிகர்களிடையே கவனத்தை ஈர்த்து வந்தார். மேலும் நடிகர் ரிஷிகாந்த் தற்போது தொடர்ந்து படங்களில் கதையின் நாயகனாக நடித்து வருகிறார். இவர் முன்னதாக சின்ன சின்ன வேடங்களில் நடித்த போது இவரது நடிப்பைப் பாராட்டிய மக்கள் நாயகனாக நடிக்கத் தொடங்கிய பிறகு தொடர்ந்து ரசிகர்களால் கொண்டாடப்பட்டு வருகிறார் என்பது குறிப்பிடத்தக்கது. அந்தபடி இந்த 2026-ம் ஆண்டில் முன்னதாக நடிகர் ரிஷிகாந்த் நாயகனாக நடித்து தமிழ் சினிமாவில் வெளியான படம் மொத ராத்திரி. இந்தப் படம் திரையரங்குகளில் விமர்சன ரீதியாகவும் வசூல் ரீதியாகவும் மாபெரும் வரவேற்பைப் பெற்றது. இந்தப் படத்தை தொடர்ந்து நடிகர் ரிஷிகாந்த் நடிப்பில் அடுத்ததாக வெளியான படம் டோரதி. முன்னதாக வெளியான மொத ராத்திரி படத்திற்கு முற்றிலும் மாறுபட்ட வேடத்தில் இந்தப் படத்தில் நடிகர் ரிஷிகாந்த் நடித்து இருந்தார். மேலும் இந்தப் படத்திலும் நடிகர் ரிஷிகாந்தின் நடிப்பை ரசிகர்கள் பாராட்டித்தள்ளியது குறிப்பிடத்தக்கது. அடுத்தடுத்து ஹிட் படங்களில் நடித்து வரும் நடிகர் ரிஷிகாந்த் நடிப்பில் உருவாகும் படங்கள் தொடர்பான அப்டேட்களும் தொடர்ந்து வெளியாகி வைரலாகி வருகின்றது.

நான் ராம் சரண் படத்தில் நடிக்கிறேனா?

இந்த நிலையில் சமீபத்தில் நடிகர் ரிஷிகாந்த் அளித்தப் பேட்டி ஒன்று இணையத்தில் வெளியாகி வைரலாகி வருகின்றது. அந்தப் பேட்டியில் நடிகர் ரிஷிகாந்த் பேசியதாவது, நான் RC 17 திரைப்படத்தின் ஒரு பகுதியாக இல்லை. மொத ராத்திரி திரைப்படத்தில் மைத்ரி புரொடக்‌ஷன்ஸுடன் இணைந்து பணியாற்றியிருந்ததால், அவர்கள் என்னை அழைத்ததன் பேரில் RC 17 படத்தின் பூஜையில் கலந்துகொண்டேன். படம் வெளியான பிறகு, நான் அதில் இல்லை என்பதைப் பார்வையாளர்கள் கண்டறிவதை விட, நானே அதைத் தெளிவுபடுத்த விரும்பினேன் என்று தெரிவித்துள்ளார். அந்தப் பேட்டி தற்போது இணையத்தில் வைரலாகி வருகின்றது. Also Read... Suriya: மிகவும் வேடிக்கை… சூர்யாவின் சீன் படத்தை பாராட்டிய நடிகர் மகேஷ் பாபு!

இணையத்தில் வைரலாகும் எக்ஸ் தள பதிவு:

Also Read... தலைவர் வேற பாஸ் வேற.. முனியம்மாளிடம் வாக்குவாதத்தில் ஈடுபட்ட ஜேசன் – ப்ரோமோ இதோ! ]]> Kamal Haasan: சண்டியர் திரைப்படத்தின் ஷூட்டிங்கில் இணைந்த கமல்ஹாசன் – வைரலாகும் போட்டோ! https://www.tv9tamilnews.com/entertainment/kamal-haasan-joining-the-shooting-of-the-movie-sandiyar-photos-go-viral-119263.html Tue, 10 Nov 2026 17:11:22 +0530 https://www.tv9tamilnews.com/entertainment/kamal-haasan-joining-the-shooting-of-the-movie-sandiyar-photos-go-viral-119263.html Kamal Haasan: சண்டியர் திரைப்படத்தின் ஷூட்டிங்கில் இணைந்த கமல்ஹாசன் – வைரலாகும் போட்டோ!கோலிவுட் சினிமாவில் நடிகர்களே கொண்டாடி, புகழ்ந்துவரும் நாயகனாக இருந்துவருபவர் உலகநாயகன் கமல்ஹாசன் (Kamal Haasan). இவரின் நடிப்பில் தமிழ் சினிமாவில் தொடர்ந்து பிரம்மாண்டமான திரைப்படங்கள் வெளியாகிவருகிறது. இவரின் நடிப்பிலும், இயக்குநர் மணிரத்தினத்தின் (Director Mani Ratnam) இயக்கத்திலும் இறுதியாக வெளியான திரைப்படம் தக் லைஃப் (Thug Life Movie). இப்படமானது கடந்த 2025ம் ஆண்டில் வெளியாகியிருந்த நிலையில், எதிர்பார்த்த வரவேற்பை பெறவில்லை. இந்த படத்திற்கு பிறகு இவர் மற்ற இயக்குநர்களுடன் படங்களில் இணைவதாக பேசப்படுவந்தது. அந்த வரிசையில் தற்போது கமல், சித்தா மற்றும் வீர தீர சூரன் போன்ற படங்களை இயக்கி ஹிட் கொடுத்த இயக்குநர் எஸ்.யு. அருண் குமார் (Director SU Arun Kumar) இயக்கத்தில், சண்டியர் (Sandiyar Movie) என்ற திரைப்படத்தில் இணைந்துள்ளார். இப்படத்தின் அதிகாரப்பூர்வ அறிவிப்புகள் சில நாட்களுக்கு முன் வெளியாகியிருந்தது. அந்த விதத்தில் தற்போது கமல்ஹாசன் இப்படத்தின் ஷூட்டிங்கில் இணைந்ததாக புகைப்படம் வெளியாகி இணையத்தில் வைரலாகிவருகிறது. இதையும் படிங்க: முடிஞ்சா கைய வை.. தன்யாவிடம் கைகலப்பில் ஈடுபட்ட முகேஷ் – பரபரப்பில் பிக் பாஸ் வீடு!

சண்டியர் திரைப்படத்தின் ஷூட்டிங்கில் கமல் இணைந்தது தொடர்பாக வெளியான பதிவு:

இயக்குநர் எஸ்.யு. அருண் குமார் இயக்கும் இப்படத்தை, கமல்ஹாசனின் ராஜ்கமல் பிலிம்ஸ் நிறுவனமானது தயாரிக்கிறது. இந்த நிறுவனம் இதை தயாரிக்க, தென்னிந்திய சினிமாவில் ராக்ஸ்டார் அனிருத் ரவிச்சந்தர் இப்படத்திற்கு இசையமைக்கிறார். இப்படம் ஆரம்பத்தில் கமல்ஹாசன் x அருண்குமார் திரைப்படம் என அழைக்கப்பட்டுவந்த நிலையில், பின் கடந்த சில நாட்களுக்கு முன் சண்டியர் என இப்படத்திற்கு டைட்டில் வைக்கப்பட்டுள்ளதாக படக்குழு அறிவித்திருந்தது. இதையும் படிங்க: விஜய் சேதுபதியின் நடிப்பில் பேக் டூ பேக் வெளியாக காத்திருக்கும் படங்கள் என்னென்ன தெரியுமா? இந்த படத்தில் கமல்ஹாசன் ஹீரோவாக நடிக்க, அவருக்கு ஜோடியாக எந்த நடிகை நடிக்கிறார் மற்றும் எந்நெந்த நடிகர்கள் நடிக்கிறார்கள் என இன்னும் அறிவிக்கப்படவில்லை. இப்படத்தில் நடிகர் கமல்ஹாசன் அதிரடி ஆக்ஷன் கதாநாயகனாக நடிக்கிறார். கிராமத்து பட பாணியில் இந்த திரைப்படமானது உருவாக்கப்படவுள்ளதாக கூறப்படுகிறது. அந்த விதத்தில் வரும் 2027ம் ஆண்டு இறுதியில் இப்படம் வெளியாகும் என எதிர்பார்க்கப்படுகிறது. மேலும் இப்படத்தை பற்றிய அப்டேட்டுகளும் தொடர்ந்து வெளியாகும் என கூறப்படுகிறது. இந்த படமானது விருமாண்டி படத்தை போலவே ஒரு கேங்ஸ்டர் படத்தை போல உருவாக்கப்பட்டுவருவதாக கூறப்படும் நிலையில், கமல்ஹாசனுக்கு இது கம்பேக் படமாக அமையும் என எதிர்பார்க்கப்படுகிறது. ]]> நீர்நிலைகளைச் சீரமைக்க தன்னார்வ அமைப்புகளுக்கு புதிய வசதி! ‘ஏரி’ இணையதளத்தைத் தொடங்கி வைத்தார் முதல்வர் விஜய் https://www.tv9tamilnews.com/tamil-nadu/tamil-nadu-cm-vijay-launches-aeri-portal-to-facilitate-restoration-of-water-bodies-119228.html Tue, 10 Nov 2026 16:57:09 +0530 https://www.tv9tamilnews.com/tamil-nadu/tamil-nadu-cm-vijay-launches-aeri-portal-to-facilitate-restoration-of-water-bodies-119228.html நீர்நிலைகளைச் சீரமைக்க தன்னார்வ அமைப்புகளுக்கு புதிய வசதி! ‘ஏரி’ இணையதளத்தைத் தொடங்கி வைத்தார் முதல்வர் விஜய்நவம்பர் 10, 2026: தமிழகத்தில் ஏரி, குளம் உள்ளிட்ட நீர்நிலைகளைப் புனரமைக்கும் பணிகளில் அரசுசாரா அமைப்புகள் மற்றும் தன்னார்வலர்கள் எளிதாகப் பங்கேற்கும் வகையில், ‘ஏரி’ (AERI) என்ற புதிய இணையதளத்தை முதலமைச்சர் விஜய் தொடங்கி வைத்தார். சென்னை தலைமைச் செயலகத்தில் இன்று (நவம்பர் 10) நடைபெற்ற நிகழ்ச்சியில், நீர்வளத் துறை சார்பில் உருவாக்கப்பட்ட இந்த இணையதளத்தைத் தொடங்கி வைத்த முதலமைச்சர், நீர்நிலைகளைச் சீரமைக்கும் பணிகளை மேற்கொள்ள 5 அரசுசாரா அமைப்புகளின் பிரதிநிதிகளுக்குத் தடையின்மைச் சான்றிதழ்களையும் வழங்கினார்.

அரசுத் துறைகளின் அனுமதி பெறுவதில் இருந்த சிக்கல்களுக்கு தீர்வு!

இதுவரை பெருநிறுவன சமூகப் பொறுப்பு (CSR) நிதி மூலம் நீர்நிலைகளைப் புனரமைக்க விரும்பும் அமைப்புகள், பல்வேறு அரசுத் துறைகளிடம் தடையின்மைச் சான்றிதழ் பெறுவதில் நடைமுறைச் சிக்கல்களை எதிர்கொண்டு வந்தன. இதனைத் தவிர்த்து, விண்ணப்ப நடைமுறைகளை எளிமைப்படுத்தும் நோக்கில் புதிய இணையதளம் உருவாக்கப்பட்டுள்ளது.

ஒரே இணையதளத்தில் ஒரு லட்சத்திற்கும் மேற்பட்ட நீர்நிலைகள்

இந்தத் தளத்தில் 5 அரசுத் துறைகளின் கட்டுப்பாட்டில் உள்ள ஒரு லட்சத்திற்கும் மேற்பட்ட நீர்நிலைகளின் விவரங்கள் ஒருங்கிணைக்கப்பட்டுள்ளன. இதன் மூலம் ஏரி, குளங்களைத் தூர்வாருதல், கரைகளைப் பலப்படுத்துதல் உள்ளிட்ட அனுமதிக்கப்பட்ட பணிகளுக்கு இணையவழியில் விண்ணப்பிக்கலாம். மேலும் படிக்க: “குரங்கு கையில் கிடைத்த பூமாலை போல தமிழ்நாடு சீரழிந்துவிட்டது” – தவெக ஆட்சியை கடுமையாக விமர்சித்த திமுக நிர்வாகி பரந்தாமன்!

15 நாட்களுக்குள் தடையின்மைச் சான்றிதழ்

புதிய இணையதளத்தின் மூலம் சமர்ப்பிக்கப்படும் தகுதியான விண்ணப்பங்களுக்கு 15 நாட்களுக்குள் தடையின்மைச் சான்றிதழ் வழங்க இலக்கு நிர்ணயிக்கப்பட்டுள்ளது. விண்ணப்பப் பரிசீலனை, ஒப்புதல் நடவடிக்கைகளைக் கண்காணித்தல் மற்றும் அரசுத் துறைகளுக்கு இடையிலான ஒருங்கிணைப்புப் பணிகளுக்காக மாநில நீர்வள மேலாண்மை முகமையின் (SWaRMA) தலைமைப் பொறியாளர் மற்றும் இயக்குநர் நியமிக்கப்பட்டுள்ளார்.

5 அரசுசாரா அமைப்புகளுக்கு முதல்வர் சான்றிதழ் வழங்கினார்

தொடர்ந்து, சிறுதுளி, இந்திய சுற்றுச்சூழல் அறக்கட்டளை, எக்ஸ்னோரா சர்வதேச அறக்கட்டளை, மெகா அறக்கட்டளை மற்றும் தானம் அறக்கட்டளை ஆகிய 5 அமைப்புகளின் பிரதிநிதிகளுக்கு முதலமைச்சர் விஜய் தடையின்மைச் சான்றிதழ்களை வழங்கினார். மேலும் படிக்க: Part Time முதல்வர்.. Full Time கண்டன்ட் கிரியேட்டர்.. ஜோசப் விஜய்க்கு பொறுப்பே இல்லை.. ரவுண்டு கட்டி விளாசிய மு.க.ஸ்டாலின்! இந்த இணையதளத்தின் மூலம் நீர்நிலைகளைப் புனரமைப்பதில் தன்னார்வ அமைப்புகள் மற்றும் பொதுமக்களின் பங்களிப்பை அதிகரித்து, தமிழகத்தின் நீர்வளத்தை மேம்படுத்த முடியும் என எதிர்பார்க்கப்படுகிறது.   ]]> தீபாவளிக்கு ஊருக்கு போனது குத்தமா? 7 பேராசிரியர்கள் வீடுகளில் பல லட்சம் நகை, வெள்ளி கொள்ளை.. திருவாரூரில் அடுத்தடுத்து நடந்த சம்பவம்! https://www.tv9tamilnews.com/tamil-nadu/jewelry-and-cash-stolen-from-professors-homes-in-the-central-university-of-tiruvarur-residential-complex-119264.html Tue, 10 Nov 2026 16:49:55 +0530 https://www.tv9tamilnews.com/tamil-nadu/jewelry-and-cash-stolen-from-professors-homes-in-the-central-university-of-tiruvarur-residential-complex-119264.html தீபாவளிக்கு ஊருக்கு போனது குத்தமா? 7 பேராசிரியர்கள் வீடுகளில் பல லட்சம் நகை, வெள்ளி கொள்ளை.. திருவாரூரில் அடுத்தடுத்து நடந்த சம்பவம்!திருவாரூர் மாவட்டத்தில் தமிழ்நாடு மத்திய பல்கலைக்கழகத்தில் உள்ள 7 பேராசிரியர்களின் வீடுகளில் வீடுகளின் பூட்டை உடைத்து பல லட்சம் ரூபாய் மதிப்பிலான நகை மற்றும் பணத்தை மர்ம நபர்கள் கொள்ளையடித்து சென்றனர். திருவாரூர் மாவட்டம், நீலக்குடி பகுதியில் தமிழ்நாடு மத்திய பல்கலைக்கழகம் செயல்பட்டு வருகிறது. இங்கு, தமிழகம் இன்றி இந்தியாவின் பல்வேறு மாநிலங்களை சேர்ந்த சுமார் 2 ஆயிரத்துக்கும் மேற்பட்ட மாணவ, மாணவிகள் கல்வி பயின்று வருகின்றனர். இந்தப் பல்கலைக்கழக வளாகத்தில் பேராசிரியர்களுக்கான குடியிருப்புகளும் அமைந்துள்ளது. இங்கு, 100- க்கும் மேற்பட்ட பேராசிரியர்கள் தங்களது குடும்ப உறுப்பினர்களுடன் வசித்து வருகின்றனர். இந்த நிலையில், தீபாவளி பண்டிகை தொடர் விடுமுறை காரணமாக பல்கலைக்கழகத்துக்கு விடுமுறை அறிவிக்கப்பட்டிருந்தது.

7-க்கும் மேற்பட்ட பேராசிரியர்கள் வீடுகளில் கொள்ளை

இதனால், பல்கலைக்கழகத்தில் பணிபுரிந்து வரும் பேராசிரியர்கள் பலர் தங்களது குடியிருப்பு வீடுகளை பூட்டி விட்டு தங்களது சொந்த ஊர்களுக்கு சென்றிருந்தனர். இதனை நோட்டமிட்ட மர்ம நபர்கள் அந்த குடியிருப்பு வளாகத்துக்குள் அத்து மீறி நுழைந்து, 7- க்கும் மேற்பட்ட பேராசிரியர்களின் வீடுகளின் உடைத்து உள்ளே சென்றனர். அங்கு, பீரோ, அலமாரி, மேஜை உள்ளிட்டவற்றில் வைக்கப்பட்டிருந்த நகை, பணம், வெள்ளி உள்ளிட்ட பொருள்களை கொள்ளையடித்து விட்டு அங்கிருந்து தப்பிச் சென்றனர். தீபாவளி விடுமுறை முடிவடைந்து சொந்த ஊர்களுக்கு சென்றிருந்த பேராசிரியர்கள் தங்களது குடும்ப உறுப்பினர்களுடன் பல்கலைக்கழக குடியிருப்புகளுக்கு திரும்பிய நிலையில், வீட்டின் உடைக்கப்பட்டு கதவு திறந்து கிடந்தது. மேலும் படிக்க: இன்ஸ்பெக்டர் சட்டையை பிடித்து இழுத்த இளைஞர்.. கடலூரில் பெரும் பரபரப்பு.. 3 பேர் அதிரடி கைது!

நன்னிலம் போலீசார் வழக்குப் பதிந்து விசாரணை

இதைப் பார்த்து, அதிர்ச்சி அடைந்த பேராசிரியர்கள் உள்ளே சென்று பார்த்தபோது பீரோ, அலமாரி உள்ளிட்டவற்றில் வைக்கப்பட்டிருந்த நகை மற்றும் பணம் திருடு போயிருந்தது தெரிய வந்தது. இதை பார்த்து அதிர்ச்சி அடைந்த பேராசிரியர்கள் நன்னிலம் காவல் நிலையத்தில் புகார் அளித்தனர். அந்த புகாரின் பேரில், போலீசார் சம்பவ இடத்திற்கு விரைந்து சென்று தீவிர விசாரணை மேற்கொண்டனர். அத்துடன் தடய அறிவியல் நிபுணர்கள் சம்பவ இடத்திற்கு வரவழைக்கப்பட்டு தடயங்கள் சேகரிக்கப்பட்டன. அத்துடன் குடியிருப்பு வளாகம் மற்றும் அந்த குடியிருப்புக்கு செல்லும் சாலைகளில் பொருத்தப்பட்டுள்ள கண்காணிப்பு கேமரா காட்சிகளை கைப்பற்றி போலீசார் தீவிர ஆய்வு செய்து வருகின்றனர்.

பல லட்ச ரூபாய் மதிப்பிலான பொருள்கள் கொள்ளை

அதில், கொள்ளைக் கும்பலின் உருவம் பதிவாகி இருப்பதாக கூறப்படுகிறது. இந்த கொள்ளை சம்பவத்தில் ஈடுபட்ட நபர்களை கைது செய்யும் நடவடிக்கையில் போலீசார் தீவிரமாக ஈடுபட்டு வருகின்றனர். 7 பேராசிரியர்கள் வீடுகளில் கொள்ளையடிக்கப்பட்ட நகை, வெள்ளி உள்ளிட்ட பொருட்களின் மதிப்பு ரூபாய் இருக்கும் என்று போலீசார் தரப்பில் தெரிவிக்கப்பட்டுள்ளது. மேலும் படிக்க: Part Time முதல்வர்.. Full Time கண்டன்ட் கிரியேட்டர்.. ஜோசப் விஜய்க்கு பொறுப்பே இல்லை.. ரவுண்டு கட்டி விளாசிய மு.க.ஸ்டாலின்! ]]> அடிக்கடி முகம் கழுவுகிறீர்களா? சருமத்திற்கு ஆபத்தாக முடியலாம்! https://www.tv9tamilnews.com/lifestyle/experts-reveal-how-often-you-should-wash-your-face-119231.html Tue, 10 Nov 2026 16:30:09 +0530 https://www.tv9tamilnews.com/lifestyle/experts-reveal-how-often-you-should-wash-your-face-119231.html அடிக்கடி முகம் கழுவுகிறீர்களா? சருமத்திற்கு ஆபத்தாக முடியலாம்!முகத்தை அடிக்கடி கழுவுவது சருமத்திற்கு நல்லதல்ல என்று நிபுணர்கள் தெரிவிக்கின்றனர். அதிகமுறை முகத்தைக் கழுவும்போது சருமத்தில் உள்ள இயற்கையான எண்ணெய் நீங்கி வறட்சி ஏற்படலாம். பொதுவாக ஒரு நாளைக்கு இரண்டு முறை முகத்தைக் கழுவுவது போதுமானது. காலையில் எழுந்ததும், இரவில் தூங்குவதற்கு முன்பும் முகத்தைச் சுத்தம் செய்யலாம். எண்ணெய் பசை சருமம் கொண்டவர்கள் சருமத்திற்கு ஏற்ற மென்மையான ஃபேஸ் வாஷ் பயன்படுத்தலாம். முகத்தைக் கழுவும்போது சூடான நீர் மற்றும் கடினமான ஸ்கிரப்பர்களைப் பயன்படுத்துவதைத் தவிர்க்க வேண்டும். இறுதியாக, சருமத்தின் ஈரப்பதத்தைப் பாதுகாக்க மாய்ஸ்சரைசர் பயன்படுத்துவதுடன், தொடர்ந்து எரிச்சல் அல்லது வறட்சி ஏற்பட்டால் சரும மருத்துவரை அணுக வேண்டும். Also Read: முகத்தில் கரும்புள்ளிகள் அதிகரிக்க இதுவும் காரணமா? தவிர்க்க வேண்டிய பழக்கங்கள்!

முகத்தை அடிக்கடி கழுவுவதால் ஏற்படும் பாதிப்புகள்

முகத்தை அடிக்கடி கழுவினால் சருமம் புத்துணர்ச்சியுடனும், தூய்மையாகவும் இருக்கும் என்று பலரும் நினைக்கின்றனர். ஆனால், அளவுக்கு அதிகமாக முகத்தைக் கழுவுவது சருமத்திற்கு நன்மையைவிட பாதிப்பையே ஏற்படுத்தக்கூடும் என சரும நிபுணர்கள் எச்சரிக்கின்றனர். முகத்தில் இயற்கையாகவே சுரக்கும் எண்ணெய் சருமத்தின் ஈரப்பதத்தையும் பாதுகாப்பையும் பராமரிக்க உதவுகிறது. அடிக்கடி சோப்பு அல்லது ஃபேஸ் வாஷ் பயன்படுத்திக் கழுவும்போது இந்த இயற்கையான எண்ணெய் நீங்குவதுடன், சருமம் வறண்டு போகவும் வாய்ப்புள்ளது.

ஒரு நாளைக்கு எத்தனை முறை முகம் கழுவலாம்?

பொதுவாக ஒரு நாளைக்கு இரண்டு முறை முகத்தைக் கழுவுவது பெரும்பாலானவர்களுக்கு ஏற்றதாக இருக்கும் என்று நிபுணர்கள் தெரிவிக்கின்றனர். காலையில் தூங்கி எழுந்ததும், இரவில் தூங்குவதற்கு முன்பும் முகத்தைக் கழுவலாம். குறிப்பாக, நாள் முழுவதும் முகத்தில் படியும் தூசி, அழுக்கு, வியர்வை மற்றும் மேக்கப் போன்றவற்றை இரவில் அகற்றுவது அவசியம். உடற்பயிற்சி அல்லது அதிக வியர்வை ஏற்படும் செயல்களுக்குப் பிறகும் முகத்தை மென்மையாகக் கழுவலாம்.

சரும வகைக்கு ஏற்ப கவனம் தேவை

எண்ணெய் பசை அதிகம் உள்ளவர்கள் மற்றும் முகப்பரு பிரச்சினை கொண்டவர்கள் தினமும் இரண்டு முறை முகத்தைக் கழுவுவது உதவியாக இருக்கும். அதேசமயம், வறண்ட சருமம் மற்றும் சென்சிடிவ் சருமம் கொண்டவர்கள் அடிக்கடி ஃபேஸ் வாஷ் பயன்படுத்துவதைத் தவிர்க்க வேண்டும். காலையில் வெறும் தண்ணீரில் முகத்தைக் கழுவிவிட்டு, இரவில் மென்மையான கிளென்சரைப் பயன்படுத்தலாம். முகத்தைக் கழுவிய பிறகு சருமத்தின் தன்மைக்கு ஏற்ற மாய்ஸ்சரைசரைப் பயன்படுத்துவதும் அவசியம். Also Read: முகத்தில் கரும்புள்ளிகள் அதிகரிக்க இதுவும் காரணமா? தவிர்க்க வேண்டிய பழக்கங்கள்!

முகம் கழுவும்போது பின்பற்ற வேண்டிய வழிமுறைகள்

முகத்தைக் கழுவுவதற்கு மிகவும் சூடான அல்லது குளிர்ந்த நீரைப் பயன்படுத்துவதைவிட மிதமான வெதுவெதுப்பான நீரைப் பயன்படுத்துவது நல்லது. ஆல்கஹால் இல்லாத, சருமத்திற்கு எரிச்சல் ஏற்படுத்தாத மென்மையான கிளென்சர்களைத் தேர்வு செய்ய வேண்டும். முகத்தைத் தேய்த்துக் கழுவுவது, கடினமான ஸ்கிரப்பர்களைப் பயன்படுத்துவது போன்றவற்றைத் தவிர்க்க வேண்டும். கழுவிய பிறகு மென்மையான துணியால் ஒற்றி எடுத்து, மாய்ஸ்சரைசர் பயன்படுத்தலாம். சருமத்தில் தொடர்ந்து வறட்சி, அரிப்பு அல்லது சிவத்தல் ஏற்பட்டால் சரும மருத்துவரின் ஆலோசனையைப் பெறுவது அவசியம். ]]> Part Time முதல்வர்.. Full Time கண்டன்ட் கிரியேட்டர்.. ஜோசப் விஜய்க்கு பொறுப்பே இல்லை.. ரவுண்டு கட்டி விளாசிய மு.க.ஸ்டாலின்! https://www.tv9tamilnews.com/tamil-nadu/m-k-stalin-criticism-regarding-tvk-mlas-and-law-and-order-119238.html Tue, 10 Nov 2026 16:02:18 +0530 https://www.tv9tamilnews.com/tamil-nadu/m-k-stalin-criticism-regarding-tvk-mlas-and-law-and-order-119238.html Part Time முதல்வர்.. Full Time கண்டன்ட் கிரியேட்டர்.. ஜோசப் விஜய்க்கு பொறுப்பே இல்லை.. ரவுண்டு கட்டி விளாசிய மு.க.ஸ்டாலின்!தமிழகத்தில் தீபாவளி தினத்தில் பல்வேறு இடங்களில் 13 படுகொலைகள் நிகழ்ந்திருந்தன. இது ஒரு புறம் இருக்க தமிழக வெற்றிக் கழகத்தின் எம்எல்ஏக்கள் அடுத்தடுத்து பல்வேறு சர்ச்சைகளில் சிக்கி வந்தனர். இவற்றையெல்லாம் குறிப்பிட்டு திமுக தலைவரும், முன்னாள் முதல் அமைச்சருமான மு. க. ஸ்டாலின் கடும் விமர்சனத்தை முன் வைத்துள்ளார். இது தொடர்பாக அவர் தனது எக்ஸ் தள பக்கத்தில் பதிவில் கூறியிருப்பதாவது: தமிழகத்தின் சட்டம்- ஒழுங்கு ஐ. சி. யு. வில் உள்ளது. ஆட்சி நிர்வாகம் கோமாவில் உள்ளது. ஒரே நாளில் 17 படுகொலை சம்பவங்கள் நிகழ்ந்துள்ளன. சட்டப்பேரவை துணை தலைவர் பதவியின் மாண்பு குழிதோண்டி புதைக்கப்பட்டுள்ளது. கள்ளக்குறிச்சி மாவட்ட பெண் ஆட்சியருக்கு வாட்ஸ் ஆப்பில் ஆபாச குறுஞ்செய்தி அனுப்பியதாக தமிழக வெற்றிக் கழக எம்எல்ஏ மீது குற்றச்சாட்டு எழுந்துள்ளது.

பார்ட் டைம் முதல்வர் - புல் டைம் கண்டன்ட் கிரியேட்டர்

முதல் அமைச்சர் ஜோசப் விஜய் தலைமையிலான சோப்ளாங்கி ஆட்சியில், குற்றவாளிகளுக்கு பயமில்லாத நிலை உருவாகியுள்ளது. காவல்துறையினருக்கு பாதுகாப்பு இல்லாத நிலை ஏற்பட்டுள்ளது. தமிழக வெற்றிக் கழகத்தை சேர்ந்த மக்கள் பிரதிநிதிகள் கட்டுப்பாடு இல்லாமல் செயல்பட்டு வருகின்றனர். மொத்தத்தில் பார்ட் டைம் முதல்- அமைச்சராகவும், ஃபுல் டைம் கண்டன்ட் கிரியேட்டர் ஆகவும் இருக்கும் ஜோசப் விஜய் அவர்களுக்கு பொறுப்பே இல்லை என்று கடுமையாக விமர்சித்துள்ளார். மேலும் படிக்க: அடிதடி,பாலியல் தொல்லை,கட்டப்பஞ்சாயத்து.. அதிகரிக்கும் தவெக எம்எல்ஏக்களின் அட்ராசிட்டி.. சாமானியர் முதல் பெண் ஐஏஎஸ் வரை பாதிப்பு.. உதயநிதி அட்டாக்!

தீபாவளி நாளில் எஸ்.எஸ்.ஐ. உள்பட 15 பேர் கொலை

தமிழகத்தில் தீபாவளி பண்டிகை நாளில் பல்வேறு இடங்களி ஒரு சிறப்பு உதவி ஆய்வாளர் உள்பட 15 பேர் கொடூரமான முறையில் கொலை செய்யப்பட்டுள்ளனர். இந்த சம்பவம் தமிழகத்தில் பெரும் அதிர்வலைகளை ஏற்படுத்தி இருந்தது. தேனி மாவட்டத்தில் நடு ரோட்டில் பட்டாசு வெடித்துக் கொண்டிருந்த இளைஞர்களை மஃப்டியில் சென்ற சிறப்பு உதவி காவல் ஆய்வாளர் கொலை செய்யப்பட்டது பெரும் அதிர்ச்சியை ஏற்படுத்தியிருந்தது.

ஆபாச மெசெஜ் புகாரில் சிக்கிய தவெக எம்எல்ஏ

இது ஒருபுறம் இருக்க தமிழக வெற்றுக் கழகத்தின் துறையூர் எம்எல்ஏ வும், துணை சபாநாயகருமான ரவிசங்கர் தன்னிடம் மனு அளிக்க வந்த ஒருவரை சரமாரியாக தாக்கி கொலை மிரட்டல் பிடித்த சம்பவம் கடும் அதிர்வலைகளை ஏற்படுத்தி இருந்தது. இதைத் தொடர்ந்து, கள்ளக்குறிச்சி தொகுதி தவெக எம்எல்ஏ அருள் விக்னேஷ் அந்த மாவட்டத்தின் ஆட்சியர் பத்மஜாவுக்கு வாட்ஸ்ஆப் மூலமாக ஆபாச குறுஞ்செய்தி அனுப்பி தொந்தரவு செய்ததாகவும் புகார் எழுந்தது. இவ்வாறாக தமிழகத்தில் அடுத்தடுத்து சட்டம்- ஒழுங்கும் பிரச்சனையை குறிப்பிட்டு மு. க. ஸ்டாலின் பல்வேறு குற்றச்சாட்டுகளை முன்வைத்துள்ளார். மேலும் படிக்க: இன்ஸ்பெக்டர் சட்டையை பிடித்து இழுத்த இளைஞர்.. கடலூரில் பெரும் பரபரப்பு.. 3 பேர் அதிரடி கைது! ]]> முடிஞ்சா கைய வை.. தன்யாவிடம் கைகலப்பில் ஈடுபட்ட முகேஷ் – பரபரப்பில் பிக் பாஸ் வீடு! https://www.tv9tamilnews.com/entertainment/mukesh-getting-into-a-fight-with-dhanya-on-bigg-boss-promo-is-going-viral-on-the-internet-119233.html Tue, 10 Nov 2026 16:00:59 +0530 https://www.tv9tamilnews.com/entertainment/mukesh-getting-into-a-fight-with-dhanya-on-bigg-boss-promo-is-going-viral-on-the-internet-119233.html முடிஞ்சா கைய வை.. தன்யாவிடம் கைகலப்பில் ஈடுபட்ட முகேஷ் – பரபரப்பில் பிக் பாஸ் வீடு!சின்னத்திரை மக்கள் மத்தியில் பிரபலமான ரியாலிட்டி நிகழ்ச்சியாக இருந்துவருவது பிக் பாஸ் சீசன் 10 (Bigg Boss Season 10). இந்த நிகழ்ச்சியானது மக்கள் மத்தியில் மிகவும் பிரம்மாண்டமான வரவேற்பை பெற்றுவருகிறது. இந்த பிக் பாஸ் சீசன் 10 நிகழ்ச்சியை மக்கள் செல்வன் விஜய் சேதுபதி (Vijay Sethupathi) தொகுப்பாளராக தொகுத்துவரும் நிலையில், கிட்டத்தட்ட 9 வாரங்களை கடந்துள்ளது. மேலும் 10வது வாரத்தில் இந்த நிகழ்ச்சியானது இருக்கும் நிலையில், மொத்தம் இந்த வீட்டில் 12 போட்டியாளர்கள் மட்டுமே இருகிறார்கள். இந்த வாரத்தில் ஜூனியர் பிக் பாஸ் என்ற டாஸ்க் இருக்கும் நிலையில், அந்த பதவிக்காக மற்ற போட்டியாளர்கள் சண்டையிடுவது தொடர்பான ப்ரோமோ வெளியாகி இணையத்தில் வைரலாகிவந்தது. அந்த விதத்தில் இன்று (10/11/2026) வெளியான 3வது ப்ரோமோவில், தன்யாவிடம், முகேஷ் வம்பிழுக்கும் ப்ரோமோ வெளியாகி தீயாக வைரலாகிவருகிறது. மேலும் இந்த சண்டை உண்மையா? அல்லது பொய்யா என ரசிகர்கள் கருத்துக்களை பகிர்ந்துவருகிறார்கள். இதையும் படிங்க: அவர் சண்டையிடுவதை பார்த்தல் ஹீரோவே தோற்றுவிடுவார்கள்.. சாய் பல்லவியை புகழ்ந்த மம்முட்டி!

தன்யாவிடம் கைகலப்பில் ஈடுபட்ட முகேஷ்:

இந்த ப்ரோமோவில், தன்யா , முகேஷின் காலை தெரியாமல் மிதித்துவிட்டேன் என கூறுகிறார். உடனே முகேஷ் எது எவ்வாறு தெரியாமல் மிதிப்பதை, தெரிஞ்சேதான் மிதித்தாய் என அவரிடம் வாக்குவாதத்தில் ஈடுபட்டார். மேலும் தன்யாவை தனது கையை கொண்டு முகேஷ் தள்ளிவிடுவதுபோல இந்த ப்ரோமோவில் உள்ளது. மேலும் வீட்டில் உள்ள மற்ற போட்டியாளர்கள் முகேஷ் மற்றும் தன்யா இருவரையும் தடுத்திருந்தனர். இதையும் படிங்க: விஜய் ஆண்டனியின் அப்பாகுட்டி படத்திலிருந்து வெளியானது கிளிம்ஸ் வீடியோ ஆனாலும் முகேஷ், தன்யாவை தனது கையை கொண்டும், தோள்பட்டையை கொண்டும் அவரை வேண்டுமென்றே வம்புக்கு இழுப்பதுபோல செய்திருந்தார். உடனே அவரை சாதிகா மற்றும் அவினாஷ், முகேஷை தனியாக இழுத்துக்கொண்டு சென்ற நிலையில், அவர்களிடமும் அவர் கத்தியுள்ளார். இது தொடர்பான ப்ரோமோ வெளியாகி தற்போது இணையத்தில் தீயாக பரவிவருகிறது.

பிக் பாஸ் சீசன் 10 நிகழ்ச்சியின் 65வது நாளின் 3வது ப்ரோமோ குறித்த எக்ஸ் பதிவு:

இந்த பிக் பாஸ் சீசன் 10 நிகழ்ச்சியில் இந்த வாரத்தில், இந்த வீட்டில் பிக் பாஸ் வாய்ஸ் கேட்காது. அதற்க்கு பதிலாக வினோத் பாபு ஜூனியர் பிக் பாஸாக இருந்து போட்டியாளர்களை கண்காணித்துவருகிறார். இந்நிலையில் அந்த பதவியில் யாரை சிறப்பாக செய்துவருகிறாரோ, அவருக்கு எவிக்ஷன் ஃப்ரீ பாஸ் கிடைக்கும் என்ற நிலையில், அந்த பதவிக்காக ஜேசன் மற்றும் லக்ஷ்மி பிரியா இருவருமே போட்டிபோட்டுவருகிறார்கள் என்பது குறிப்பிடத்தக்கது. ]]> “குரங்கு கையில் கிடைத்த பூமாலை போல தமிழ்நாடு சீரழிந்துவிட்டது” – தவெக ஆட்சியை கடுமையாக விமர்சித்த திமுக நிர்வாகி பரந்தாமன்! https://www.tv9tamilnews.com/tamil-nadu/tamil-nadu-has-deteriorated-under-tvk-rule-dmk-leader-parandhaman-slams-vijay-tvk-government-119203.html Tue, 10 Nov 2026 15:30:45 +0530 https://www.tv9tamilnews.com/tamil-nadu/tamil-nadu-has-deteriorated-under-tvk-rule-dmk-leader-parandhaman-slams-vijay-tvk-government-119203.html “குரங்கு கையில் கிடைத்த பூமாலை போல தமிழ்நாடு சீரழிந்துவிட்டது” – தவெக ஆட்சியை கடுமையாக விமர்சித்த திமுக நிர்வாகி பரந்தாமன்!நவம்பர் 10, 2026: சென்னை தேனாம்பேட்டையில் உள்ள திமுக தலைமை அலுவலகமான அண்ணா அறிவாலயத்தில், திமுக சட்டத்துறை இணைச் செயலாளரும் முன்னாள் சட்டமன்ற உறுப்பினருமான ஐ. பரந்தாமன் செய்தியாளர்களைச் சந்தித்தார். அப்போது தவெக அரசின் ஆறு மாத கால ஆட்சியை விமர்சித்துப் பல்வேறு குற்றச்சாட்டுகளை முன்வைத்தார். அவர் கூறுகையில், தமிழகத்தில் தீபாவளி பண்டிகை அன்று ஒரே நாளில் 17 கொலைகள் நடைபெற்றுள்ளதாகவும், பட்டாசு சத்தத்தைவிட பட்டாக்கத்தியின் சத்தமே அதிகமாகக் கேட்டதாகவும் விமர்சித்தார். பண்டிகை நாளில் நடைபெற்ற கொலைகளை சாதாரணமாக எடுத்துக்கொள்ள முடியாது என்றும், தமிழகத்தில் சட்டம் - ஒழுங்கு சீர்குலைந்து காட்டாட்சி நடைபெறுவதாகவும் குற்றம்சாட்டினார். முதல்வர் விஜய் தீபாவளி நாளில் ஓய்வு நிலைக்குச் சென்றுவிட்டதாகக் குறிப்பிட்ட அவர், பண்டிகை முடிந்த பிறகுதான் தலைமைச் செயலாளர் மற்றும் டிஜிபியுடன் ஆலோசனை நடத்தியதாக விமர்சித்தார். முதல்வர் 24 மணி நேரமும் மக்களுக்காகச் செயல்பட வேண்டியவர் என்றும் தெரிவித்தார். மேலும் படிக்க: அடிதடி,பாலியல் தொல்லை,கட்டப்பஞ்சாயத்து.. அதிகரிக்கும் தவெக எம்எல்ஏக்களின் அட்ராசிட்டி.. சாமானியர் முதல் பெண் ஐஏஎஸ் வரை பாதிப்பு.. உதயநிதி அட்டாக்!

முதல்வர் விஜய்க்கு கேள்வி

மேலும், போதைப்பொருள் பயன்பாடு குறித்து முதல்வர் விஜய் முன்பு பேசிய கருத்துகளைச் சுட்டிக்காட்டிய பரந்தாமன், போதைப்பொருள் பயன்பாட்டை ஊக்குவிக்கும் வகையில் பேசுவதன் விளைவாகவே குற்றச் சம்பவங்கள் அதிகரிப்பதாகக் குற்றம்சாட்டினார். தமிழகத்தில் துப்பாக்கிக் கலாச்சாரம் அதிகரித்து வருவதாகவும், குற்றச் சம்பவங்களைத் தடுக்க அரசு உரிய நடவடிக்கை எடுக்கவில்லை என்றும் தெரிவித்தார். துணை சபாநாயகர் பொதுமக்களைத் தாக்குவது, பெண் ஐஏஎஸ் அதிகாரிக்கு சட்டமன்ற உறுப்பினர் தொல்லை கொடுப்பதாகக் கூறப்படும் புகார் உள்ளிட்ட சம்பவங்களையும் அவர் சுட்டிக்காட்டினார். கள்ளக்குறிச்சி மற்றும் துறையூர் சட்டமன்ற உறுப்பினர்கள் மீது குற்றவியல் வழக்குப் பதிவு செய்ய வேண்டும் என்றும், அவர்கள் உடனடியாகப் பதவி விலக வேண்டும் என்றும் வலியுறுத்தினார். மேலும் படிக்க: நவ.13ஆம் தேதி உருவாகும் புதிய காற்றழுத்த தாழ்வுப் பகுதி! தமிழகத்தில் எங்கெல்லாம் மழை இருக்கும்? வானிலை அப்டேட் இதோ.. பெண் அதிகாரிகள் முன்னிலையில் பள்ளிக்கல்வித்துறை அமைச்சர் ஆண்மை குறித்துப் பேசியதாகக் குறிப்பிட்ட பரந்தாமன், முதல்வர் விஜய்க்கு ஆளுமை இருக்கிறதா எனக் கேள்வி எழுப்பினார். டிஜிபி உரிய நடவடிக்கை எடுக்காவிட்டால் திமுக இதனைச் சும்மா விடாது என்றும் எச்சரித்தார். மேலும், எதிர்க்கட்சிகளை விமர்சித்து சமூக வலைதளங்களில் அவதூறான கருத்துகள் பதிவிடப்படுவதாகவும், இதனை சைபர் கிரைம் போலீசார் கண்டுகொள்ளவில்லை என்றும் குற்றம்சாட்டினார்.

குரங்கு கையில் கிடைத்த பூமாலை போல தமிழ்நாடு சீரழிந்துவிட்டது

இறுதியாக, “முதல்வர் விஜய்யின் கையில் தமிழ்நாடு என்ற அழகான பூமாலையைக் கொடுத்துள்ளோம். ஆனால், குரங்கு கையில் கிடைத்த பூமாலை போல இந்த ஆட்சி தமிழ்நாட்டைச் சீரழித்துவிட்டது. மாற்றத்தை எதிர்பார்த்து வாக்களித்த மக்களுக்கு இது உண்மையிலேயே மாற்றமா?” என ஐ. பரந்தாமன் கேள்வி எழுப்பினார்.  ]]> திருமண பந்தம் முடியலாம்… அன்பான பெற்றோர் முறை முடிவதில்லை! https://www.tv9tamilnews.com/lifestyle/co-parenting-guidelines-for-child-mental-health-after-divorce-119174.html Tue, 10 Nov 2026 15:30:34 +0530 https://www.tv9tamilnews.com/lifestyle/co-parenting-guidelines-for-child-mental-health-after-divorce-119174.html திருமண பந்தம் முடியலாம்… அன்பான பெற்றோர் முறை முடிவதில்லை!வாழ்க்கைப் பாதையில் கருத்து வேறுபாடுகள் காரணமாகத் தம்பதிகள் பிரிவது சில நேரங்களில் தவிர்க்க முடியாததாகிவிடுகிறது. இருப்பினும், பெற்றோர் தனித்தனியாக வாழத் தொடங்கும் சூழலில், (Co Parenting Guidelines) அவர்களின் முடிவால் அதிகம் பாதிக்கப்படுபவர்கள் குழந்தைகளே. அவர்களின் அன்றாட வாழ்வியல் சூழலிலும் மனநிலையிலும் ஏற்படும் இந்த திடீர் மாற்றங்களை எதிர்கொள்ள அவர்களுக்குப் போதுமான கால அவகாசமும், வலுவான உளவியல் ஆதரவும் தேவைப்படுகிறது. பிரிந்த பின்னரும் பெற்றோர்கள் இருவரும் தங்களின் மோதல்களைப் புறந்தள்ளி, குழந்தைகளின் எதிர்காலத்துக்காகத் தொடர்ந்து இணைந்து செயல்பட வேண்டியது இன்றியமையாத கடமையாகும். Also Read: ரீல்ஸ் மோகத்திலிருந்து விடுபட வேண்டுமா? புதிய வைரல் டிரெண்ட்!

குழந்தைகளின் மனநலனைப் பாதுகாப்பதற்கான முக்கிய வழிகாட்டுதல்கள்

பெற்றோரின் பிரிவால் குழந்தைகள் மன ரீதியாகப் பாதிக்கப்படாமல் இருக்க சில அடிப்படை நெறிமுறைகளைப் பின்பற்றுவது அவசியமாகும்: தொடர்ச்சியான அன்பு மற்றும் ஆதரவு: பிரிவுக்குப் பிறகும் பெற்றோர் இருவருமே குழந்தைகளிடம் சமமான அன்பையும் அரவணைப்பையும் தொடர்ந்து வெளிப்படுத்த வேண்டும். எதிர்மறைப் பேச்சுகளைத் தவிர்த்தல்: குழந்தைகளிடம் மற்றொரு பெற்றோரைக் குறைத்து மதிப்பிடுவதோ அல்லது தவறாகப் பேசுவதோ கூடாது. கூட்டு முடிவுகள்: கல்வி, ஆரோக்கியம் மற்றும் பள்ளி சார்ந்த முக்கியமான முடிவுகளை இருவரும் கலந்தாலோசித்து ஒன்றாக எடுக்க வேண்டும். பொறுப்பைச் சுமத்தாதிருத்தல்: பெற்றோரிடையே உள்ள தனிப்பட்ட சிக்கல்களுக்குக் குழந்தைகளைக் காரணமாக்குவதையோ, அவர்களைப் பொறுப்பாக்குவதையோ முற்றிலுமாகத் தவிர்க்க வேண்டும். பாதுகாப்பான சூழல்: குழந்தைகள் எவ்வித பயமுமின்றி, மன அமைதியுடன் வாழ்வதற்கான பாதுகாப்பான சூழலை உறுதி செய்வது பெற்றோர் இருவரின் கூட்டுப் பொறுப்பாகும்.

பெற்றோர் கூட்டுறவு குறித்து உளவியல் ஆய்வுகள் கூறும் தகவல்கள்

விவாகரத்து அல்லது பெற்றோர் பிரிவுக்குப் பிறகு குழந்தைகளின் மன ஆரோக்கியம் எவ்வாறு பாதிக்கப்படுகிறது என்பது குறித்துப் பல்வேறு உலகளாவிய உளவியல் ஆய்வுகள் மேற்கோள்காட்டுகின்றன. Journal of Pediatrics இதழில் வெளியான 'Coparenting after marital dissolution and children's mental health' என்ற விரிவான ஆய்வு, 2000 முதல் 2014 வரையிலான குடும்பத் தரவுகளை ஆராய்ந்தது. இதில், பிரிந்த பிறகும் பெற்றோரிடையே தொடரும் சண்டைகளும் மோதல்களும் குழந்தைகளுக்குக் கடுமையான மனச்சோர்வு, பதற்றம் மற்றும் நடத்தைப் பிரச்சினைகளை உருவாக்குவதாகக் கண்டறியப்பட்டுள்ளது. அதேவேளையில், பெற்றோர் தங்களுக்குள் இணக்கத்துடனும் ஒத்துழைப்புடனும் செயல்படும்போது, அது குழந்தைகளின் கல்வித் திறன் மற்றும் சுயமரியாதையை கணிசமாக உயர்த்துகிறது என்பதை அந்த ஆய்வு சுட்டிக்காட்டுகிறது. Also Read: ரீல்ஸ் மோகத்திலிருந்து விடுபட வேண்டுமா? புதிய வைரல் டிரெண்ட்!

தம்பதியர் உறவில் சிக்கல்கள் எழும்போது செய்ய வேண்டியவை

திருமண உறவில் விரிசல் ஏற்பாடுகள் தோன்றும்போதே அவசரப்பட்டு பிரிவை நோக்கி முடிவெடுக்காமல் நிதானத்தைக் கடைப்பிடிக்க வேண்டும்: வெளிப்படையான உரையாடல்: இருவருக்கும் இடையே உள்ள மனக்கசப்புகளை நேருக்கு நேர் பேசித் தீர்க்க முயல வேண்டும். மற்றவர் கூறுவதைக் கூர்ந்து கவனிப்பதே பாதி சிக்கல்களுக்குத் தீர்வாக அமையும். வல்லுநர்களின் ஆலோசனைகள்: மன அழுத்தம் மற்றும் கருத்து வேறுபாடுகளைத் தாங்களாகவே கையாள முடியாதபோது, குடும்ப நல உளவியல் நிபுணர்களின் வழிகாட்டதலைப் பெறுவது ஆரோக்கியமான முடிவாகும்.

உறவின் முடிவு வாழ்க்கையின் முடிவல்ல: பரஸ்பர மரியாதையின் அவசியம்

திருமணம் என்பது இரு குடும்பங்களை இணைக்கும் பாலமாக இருந்தாலும், சில நேரங்களில் இருவரின் நல்வாழ்வுக்காகத் தனித்தனியே பயணிப்பதே சரியான தேர்வாக மாறக்கூடும். அப்படிப்பட்ட சூழலில், பிரிவைப் பகையாக மாற்றாமல் நாகரிகமாக எதிர்கொள்வதும், குழந்தைகளின் நலனுக்கு முன்னுரிமை அளிப்பதும் மிகவும் முக்கியம். ஒரு திருமண உறவு முடிவுக்கு வந்தாலும், அதில் இருந்த பரஸ்பர மரியாதையும் மனிதநேயமும் என்றுமே முடிவுக்கு வர வேண்டியதில்லை என்பதை அனைவரும் உணர வேண்டும். ]]> விஜய் ஆண்டனியின் அப்பாகுட்டி படத்திலிருந்து வெளியானது கிளிம்ஸ் வீடியோ https://www.tv9tamilnews.com/entertainment/glimpse-video-from-appa-kutty-movie-starring-vijay-antony-out-now-119226.html Tue, 10 Nov 2026 15:29:19 +0530 https://www.tv9tamilnews.com/entertainment/glimpse-video-from-appa-kutty-movie-starring-vijay-antony-out-now-119226.html விஜய் ஆண்டனியின் அப்பாகுட்டி படத்திலிருந்து வெளியானது கிளிம்ஸ் வீடியோதமிழ் சினிமாவில் இசையமைப்பாளராக பல ஹிட் படங்களில் இசையமைத்து ரசிகர்களிடையே மாபெரும் வரவேற்பைப் பெற்றவர் விஜய் ஆண்டனி (Vijay Antony). தொடர்ந்து இசையமைப்பாளராக பல சாதனைகளைப் படைத்த அவர் தற்போது நாயகனாக தமிழ் சினிமாவில் தொடர்ந்து ஹிட் படங்களில் நடித்து வருவது குறிப்பிடத்தக்கது. தொடர்ந்து இசையமைப்பாளர் மற்றும் நாயகனாக மட்டும் இன்றி படங்களை தயாரிக்கவும் செய்து வருகிறார் விஜய் ஆண்டனி. இவர் இறுதியாக தமிழ் சினிமாவில் தயாரித்து நடித்தப் படம் நூறு சாமி. இந்தப் படத்தில் முக்கிய கதாப்பாத்திரம் என்பது சுவாசிகாதான் என்றாலும் இரண்டாம் பாதியில்தான் விஜய் ஆண்டனி வருவார். பாதிப் படம்தான் இவர் நடித்து இருந்தாலும் இவரது நடிப்பினை ரசிகர்கள் வெகுவாகப் பாராட்டினர் என்பது குறிப்பிடத்தக்கது. இந்தப் படத்தை தொடர்ந்து நடிகர் விஜய் ஆண்டனி நடிப்பில் அடுத்ததாக வெளியாக உள்ள படம் அப்பா குட்டி. அப்பா மகள் பாசத்தை மையமாக வைத்து உருவாகி உள்ள இந்த அப்பா குட்டி படத்தை இயக்குநர் மு மாறன் எழுதி இயக்கி உள்ளார். உண்மைச் சம்பவங்களை மையமாக வைத்து உருவாகி உள்ள இந்தப் படத்தில் நடிகர்கள் விஜய் ஆண்டனி, ப்ரீத்தி ஆஸ்ராணி, பகவதி பெருமாள், வேட்டை முத்துக்குமார், அருவி மாதன், ஜென்சன் திவாகர், முருகானந்தம், ஸ்ரீஜா ரவி, பிரவீனா, சித்ரா லட்சுமணன், ஹரி பிரியா இசை, ஹரி பிரியா, குமார் நடராஜன், சுவாமிநாதன், பேபி லிதன்யா ஆகியோர் முக்கிய வேடத்தில் நடித்து உள்ளது குறிப்பிடத்தக்கது.

அப்பாகுட்டி படத்திலிருந்து வெளியானது கிளிம்ஸ் வீடியோ:

இந்தப் படம் வருகின்ற 20-ம் தேதி நவம்பர் மாதம் 2026-ம் ஆண்டு திரையரங்குகளில் வெளியாக உள்ளது. இந்தப் படத்தின் வெளியீட்டிற்கு இன்னும் சில நாட்களே உள்ள நிலையில் படம் தொடர்பான அப்டேட்கள் தொடர்ந்து வெளியாகி வருகின்றது. அந்த வகையில் இந்த அப்பா குட்டி படத்தின் கிளிம்ஸ் வீடியோவை படக்குழு தற்போது வெளியிட்டுள்ளது. இந்த வீடியோ தற்போது இணையத்தில் ரசிகர்களிடையே கவனத்தை ஈர்த்து வந்தது. Also Read... சூர்யாவின் 49வது படத்தின் கதை இப்படியா இருக்கும்? டைட்டில் என்ன தெரியுமா?

நடிகர் விஜய் ஆண்டனி வெளியிட்டுள்ள எக்ஸ் தள பதிவு:

Also Read... ஓடிடியில் வெளியாகி உள்ள டோரதி படம் எப்படி இருக்கு? விமர்சனம் இதோ ]]> இன்ஸ்பெக்டர் சட்டையை பிடித்து இழுத்த இளைஞர்.. கடலூரில் பெரும் பரபரப்பு.. 3 பேர் அதிரடி கைது! https://www.tv9tamilnews.com/tamil-nadu/3-people-arrested-in-nellikuppam-cuddalore-for-grabbing-an-inspector-by-his-shirt-collar-119232.html Tue, 10 Nov 2026 15:24:13 +0530 https://www.tv9tamilnews.com/tamil-nadu/3-people-arrested-in-nellikuppam-cuddalore-for-grabbing-an-inspector-by-his-shirt-collar-119232.html இன்ஸ்பெக்டர் சட்டையை பிடித்து இழுத்த இளைஞர்.. கடலூரில் பெரும் பரபரப்பு.. 3 பேர் அதிரடி கைது!கடலூர் மாவட்டத்தில் ஒரு இளைஞரை விசாரணைக்காக அழைத்து செல்ல முயன்ற காவல் ஆய்வாளரின் சட்டை காலரை பிடித்து அந்த இளைஞர் இழுத்து சென்ற காட்சிகள் சமூக வலைதளங்களில் வைரலாகி வருகிறது. கடலூர் மாவட்டம், நெல்லிக்குப்பம் காவல் நிலைய எல்லைக்குள்பட்ட மேல்பட்டாம்பாக்கத்தில் குளத்துமேட்டு தெருவில் குடும்ப தகராறு இரு தரப்பினர் இடையே மோதல் ஏற்பட்டிருந்தது. இந்த விவகாரம் தொடர்பாக விசாரணைக்காக ஒரு இளைஞரை போலீசார் அழைத்து செல்ல முயன்றனர். அப்போது, அந்த இளைஞர் போலீசாருடன் வாக்குவாதத்தில் ஈடுபட்டதாக தெரிகிறது. இதனால், அந்த இளைஞரை காவல் ஆய்வாளர் வேலுமணி பிடித்து அழைத்து செல்ல முயன்றார். அப்போது, திடீரென அந்த இளைஞர் ஆய்வாளரின் காலரை பிடித்து இழுத்து சென்றார்.

இன்ஸ்பெக்டர் சட்டையை பிடித்த இளைஞர்

இந்த சம்பவத்தை அங்கிருந்தவர்கள் தங்களது செல்போன்களில் வீடியோவாக பதிவு செய்த நிலையில், அந்த காட்சிகள் தற்போது சமூக வலைதளங்களில் வைரலாக பரவி வருகிறது. இதைத் தொடர்ந்து, மேலும் சில காவலர்கள் இணைந்து அந்த இளைஞரை காவல்துறை வாகனத்தில் ஏற்றி விசாரணைக்காக காவல் நிலையத்திற்கு அழைத்து சென்றனர். இதனிடையே, அந்த இளைஞர் தாக்கியதில் காவல் ஆய்வாளர் வேலுமணி, சிறப்பு உதவி ஆய்வாளர், தலைமை காவலர் ஆகிய 3 பேர் பலத்த காயமடைந்தனர். மேலும் படிக்க: “ஆட்சியருக்கே பாதுகாப்பு இல்லை!”.. தவெக எம்எல்ஏ-வை உடனடியாக கைது செய்ய வேண்டும்.. இபிஎஸ் வலியுறுத்தல்!!

இளைஞர் உள்பட 3 பேர் அதிரடி கைது

இதைத் தொடர்ந்து, நெல்லிக்குப்பம் போலீசார் வழக்குப்பதிவு செய்து நெல்லிக்குப்பம் பகுதியை சேர்ந்த புகழ் ( 23 வயது), ஹரிஹரன் ( 26 வயது), ஜெகதீஷ் ( 23 வயது) ஆகிய 3 இளைஞர்களை போலீசார் கைது செய்தனர். இந்த சம்பவத்தில் தொடர்புடைய மேலும் சில இளைஞர்களை போலீசார் தீவிரமாக தேடி வருகின்றனர். தமிழகத்தில் மக்களுக்கு எதிராக பல்வேறு குற்ற சம்பவங்கள் மற்றும் பாலியல் உங்கள் தொடர்ந்து நடைபெற்று வரும் நிலையில், மக்களை பாதுகாக்க வேண்டிய காவல்துறையினருக்கே பாதுகாப்பு இல்லாத நிலை இருப்பதாக எதிர்க்கட்சிகள் குற்றம் சாட்டி வரும் நிலையில், கடலூரில் காவல் ஆய்வாளருக்கு இத்தகைய நிலைமை ஏற்பட்டுள்ளது பெரும் பரபரப்பை ஏற்படுத்தி உள்ளது.

போலீசாரின் பாதுகாப்பை உறுதி செய்ய வேண்டும்

பொதுமக்களின் பாதுகாப்புக்காக காவல்துறையினர் சட்டம்- ஒழுங்கை பாதுகாக்கவும் வெற்றி வரும் நிலையில், விசாரணைக்காக அழைத்து செல்லப்படும் நபர்களிடம் இருந்து காவல் அதிகாரிகளுக்கு இது போன்ற சம்பவங்கள் நிகழ்வது போலீசாரின் பாதுகாப்பு குறித்து பல்வேறு கேள்விகளை எழுப்பி உள்ளது. எனவே, சட்டம் ஒழுங்கை பாதுகாக்கும் போலீசாருக்கு பாதுகாப்பு உறுதி செய்ய வேண்டும் என்று கோரிக்கை எழுந்துள்ளது. மேலும் படிக்க: அடிதடி,பாலியல் தொல்லை,கட்டப்பஞ்சாயத்து.. அதிகரிக்கும் தவெக எம்எல்ஏக்களின் அட்ராசிட்டி.. சாமானியர் முதல் பெண் ஐஏஎஸ் வரை பாதிப்பு.. உதயநிதி அட்டாக்! ]]> டாஸ்மாக் வசூல் முதல் காற்று மாசு வரை.. கோவை நகரின் தீபாவளி பண்டிகை கொண்டாட்டம்.. முழு விவரம் இதோ!! https://www.tv9tamilnews.com/tamil-nadu/coimbatore-diwali-celebration-tasmac-sales-pollution-injuries-garbage-report-119202.html Tue, 10 Nov 2026 14:54:36 +0530 https://www.tv9tamilnews.com/tamil-nadu/coimbatore-diwali-celebration-tasmac-sales-pollution-injuries-garbage-report-119202.html டாஸ்மாக் வசூல் முதல் காற்று மாசு வரை.. கோவை நகரின் தீபாவளி பண்டிகை கொண்டாட்டம்.. முழு விவரம் இதோ!!கோவை, நவ.10: தமிழகம் முழுவதும் தீபாவளி பண்டிகை கோலாகலமாகக் கொண்டாடப்பட்டு முடிந்துள்ள நிலையில், தொழில் நகரமான கோவையில் பண்டிகைக் கால கொண்டாட்டங்கள் தொடர்பான பல்வேறு சுவாரசியமான மற்றும் கவனிக்கத்தக்க தரவுகள் வெளியாகியுள்ளன. பண்டிகை நாட்களில் மக்களின் கொண்டாட்டங்கள், டாஸ்மாக் மது விற்பனை, மருத்துவமனைகளில் பதிவான விபத்துத் தரவுகள், மாநகராட்சியில் குவிந்த குப்பைகள் மற்றும் சுற்றுச்சூழல் மாசு அளவுகள் குறித்த முழுமையான ஆய்வறிக்கையை மாவட்ட நிர்வாகமும் மாசுக் கட்டுப்பாட்டு வாரியமும் வெளியிட்டுள்ளன. இதில் வர்த்தகக் கொண்டாட்டங்கள் ஒருபுறம் உச்சமடைந்த நிலையில், மறுபுறம் சுற்றுச்சூழல் மற்றும் சுகாதார ரீதியிலான தாக்கங்களும் பதிவாகியுள்ளன.

கோவை மண்டலத்தில் ரூ.78 கோடிக்கு மது விற்பனை:

கோவை, நீலகிரி, திருப்பூர் மற்றும் ஈரோடு ஆகிய நான்கு மாவட்டங்களை உள்ளடக்கிய கோவை டாஸ்மாக் மண்டலத்தில் மொத்தம் 666 சில்லறை விற்பனைக் கடைகள் இயங்கி வருகின்றன. இந்த மண்டலத்தில் தீபாவளி பண்டிகையை முன்னிட்டு 7 மற்றும் 8 ஆகிய இரண்டு நாட்களில் மட்டும் மொத்தம் ரூ.78 கோடிக்கு மதுபானங்கள் விற்பனையாகி சாதனை படைத்துள்ளன. பண்டிகைக்கு முந்தைய தினமான 7ஆம் தேதி ரூ.42 கோடிக்கும், தீபாவளி நாளான 8ஆம் தேதி ரூ.36 கோடிக்கும் மது வகைகள் விற்பனை செய்யப்பட்டுள்ளன. இதில் கோவை மாவட்டத்தில் மட்டும் இந்த இரண்டு நாட்களில் ரூ.28 கோடியே 18 லட்சத்திற்கு மது விற்பனையாகியுள்ளது குறிப்பிடத்தக்கது.

கோவையில் 23 பேருக்குப் பட்டாசு தீக்காயம்:

பண்டிகைக் காலத்தில் பாதுகாப்பு முன்னெச்சரிக்கைகள் விடுக்கப்பட்ட போதிலும், பட்டாசு வெடித்ததில் நேரிட்ட விபத்துகளால் காயமடைந்தவர்களுக்கான 48 மணி நேர மருத்துவக் கண்காணிப்புத் தரவுகள் கோவை மாவட்ட மருத்துவத்துறை சார்பில் வெளியிடப்பட்டுள்ளன. இதன்படி, கடந்த இரண்டு நாட்களில் மட்டும் மொத்தம் 25 பேர் தீக்காயங்களுடன் மருத்துவ சிகிச்சைகளுக்காக அனுமதிக்கப்பட்டனர். இதில் மேற்கொள்ளப்பட்ட தீவிர ஆய்வில், 23 பேருக்குப் பட்டாசு வெடித்ததால் நேரடியாகக் காயங்கள் ஏற்பட்டது தெரியவந்துள்ளது. பாதிக்கப்பட்டவர்களுக்கு உரிய சிகிச்சைகள் அளிக்கப்பட்டு நிலைமை தொடர் கண்காணிப்பில் வைக்கப்பட்டுள்ளது.

பட்டாசு வெடித்ததில் 2,000 டன் குப்பைகள்:

கோவை மாநகராட்சியில் தீபாவளி நாளன்று பொதுமக்கள் அதிகாலை முதல் நள்ளிரவு வரை இடைவிடாது பட்டாசுகளை வெடித்துக் கொண்டாடினர். இதன் காரணமாக ஆர்.எஸ்.புரம், பொன்னுரங்கம் வீதி, மேற்கு சம்பந்தம் வீதி, லைட் ஹவுஸ் மைதானம், பூ மார்க்கெட் மற்றும் கணபதி, ரத்தினபுரி, துடியலூர், கவுண்டம்பாளையம், சரவணம்பட்டி, பீளமேடு, சிங்காநல்லூர், உக்கடம் உள்ளிட்ட மாநகராட்சியின் பெரும்பாலான பகுதிகளில் பட்டாசுக் கழிவுகளும் காகிதக் குப்பைகளும் மலை போல் குவிந்தன. வழக்கமாக தினமும் 1,000 முதல் 1,200 டன் குப்பைகள் அகற்றப்படும் கோவையில், தீபாவளியை ஒட்டி நேற்று ஒரே நாளில் மட்டும் கூடுதலாக 2,000 டன் அளவுக்குக் குப்பைகள் தேங்கின. தூய்மைப் பணியாளர்கள் உடனடியாகக் களமிறக்கப்பட்டு இவை அப்புறப்படுத்தப்பட்டு வருகின்றன.

காற்று, ஒலி மாசு அதிகரிப்பு:

தீபாவளிப் பண்டிகையின் போது பட்டாசு வெடித்ததால் ஏற்பட்ட சுற்றுச்சூழல் பாதிப்புகளைக் கண்டறியக் கோவையின் 4 முக்கிய இடங்களில் மாசுக் கட்டுப்பாட்டு வாரியம் ஆய்வு மேற்கொண்டது. அதன்படி, தீபாவளி அன்று காலை 8 மணி முதல் 10 மணி வரை காற்று தர மாசு குறியீடு (AQI) 207 முதல் 257 ஆகப் பதிவான நிலையில், மாலை 6 மணி முதல் இரவு 10 மணி வரை பட்டாசு புகையால் 305 முதல் 365 வரை அதிகரித்து அபாயகரமான அளவை எட்டியது. அதேபோல, வழக்கமாக 70 டெசிபலுக்குள் இருக்க வேண்டிய ஒலி மாசு அளவு, சரம் மற்றும் வெடிகுண்டு ரகப் பட்டாசுகளால் 90 டெசிபலுக்கும் அதிகமாகப் பதிவாகி அதிர்ச்சியளித்துள்ளது. காற்று மற்றும் ஒலி மாசுபாடு அனுமதிக்கப்பட்ட அளவை விட வெகுவாக அதிகரித்து அபாய நிலையை ஒட்டியே இருந்ததாக அதிகாரிகள் உறுதிப்படுத்தியுள்ளனர். ]]> மீண்டும் இணையும் விஷால் – பி.எஸ்.மித்திரன்? வைரலாகும் தகவல் https://www.tv9tamilnews.com/entertainment/sources-said-vishal-and-ps-mithran-are-potentially-looking-to-reunite-for-irumbu-thirai-2-119177.html Tue, 10 Nov 2026 14:50:39 +0530 https://www.tv9tamilnews.com/entertainment/sources-said-vishal-and-ps-mithran-are-potentially-looking-to-reunite-for-irumbu-thirai-2-119177.html மீண்டும் இணையும் விஷால் – பி.எஸ்.மித்திரன்? வைரலாகும் தகவல்தமிழ் சினிமாவில் பிரபல இயக்குநர்களில் ஒருவராக வலம் வருபவர் இயக்குநர் பி.எஸ்.மித்திரன். இவரது இயக்கத்தில் தமிழ் சினிமாவில் வெளியான படங்கள் ரசிகர்களிடையே விமர்சன ரீதியாக மட்டும் இன்றி வசூல் ரீதியாகவும் நல்ல வரவேற்பைப் பெற்றது குறிப்பிடத்தக்கது. தொடர்ந்து தமிழ் சினிமாவில் பிசியாக இயக்குநர்களில் ஒருவராக வலம் வருபவர் இயக்குநர் பி.எஸ்.மித்திரன். இவரது இயக்கத்தில் தமிழ் சினிமாவில் இறுதியாக திரையரங்குகளில் வெளியான படம் சர்தார் 2. இந்தப் படத்தில் நடிகர் கார்த்தி நாயகனாக நடித்து இருந்தார். இந்தப் படம் மிகப்பெரிய எதிர்பார்ப்பிற்கு மத்தியில் வெளியாகி மக்களிடையே வரவேற்பைப் பெற தவறியது குறிப்பிடத்தக்கது. இந்தப் படம் தோல்வியை சந்தித்தது பெருத்த ஏமாற்றத்தைப் படக்குழுவிற்கு அளித்தது. இந்த நிலையில் அடுத்தப் படமே இயக்குநர் பி.எஸ்.மித்திரன் ஹிட் கொடுக்க வேண்டிய நிலை ஏற்பட்டுள்ளது குறிப்பிடத்தக்கது. இந்த நிலையில் அடுத்ததாக இயக்குநர் பி.எஸ். மித்திரன் எந்தப் படத்தை எந்த நடிகருடன் இணைந்து செய்ய உள்ளார் என்பது குறித்த தகவல்கள் சினிமா வட்டாரங்களில் வெளியாகி வைரலாகி வருகின்றது. அதில் அவர் மீண்டும் ஒரு பார்ட் 2 படத்தை இயக்க உள்ளார் என்பது தெரியவந்துள்ளது.

மீண்டும் இணையும் விஷால் - பி.எஸ்.மித்திரன்?

அதன்படி தற்போது வெளியான தகவலின்படி, மற்றொரு சிறப்பான திரைக்கதையுடன் ஒரு வலுவான மறுபிரவேசத்தை வழங்கும் நோக்கில், விஷாலும் பி.எஸ். மித்ரனும் இரும்புத் திரை 2 படத்திற்காக மீண்டும் இணையக்கூடும். இப்படம் 2027-ல் படப்பிடிப்புக்குச் செல்ல வாய்ப்புள்ளது. சர்தார் 2 நேர்காணல்களின் போது, ​​பி.எஸ். மித்ரன் அதன் இரண்டாம் பாகத்தை உருவாக்கி வருவதாக ஏற்கனவே தெரிவித்திருந்தார். முதல் பாகம் இணையக் குற்றங்களை மையமாகக் கொண்டிருந்த நிலையில், இரண்டாம் பாகம் செயற்கை நுண்ணறிவை (AI) ஆராயும் என்று கூறப்படுகிறது. நான் ஏற்கனவே செயற்கை நுண்ணறிவை அடிப்படையாகக் கொண்டு இரும்புத் திரை 2 திரைக்கதையை உருவாக்கத் தொடங்கிவிட்டேன். செயற்கை நுண்ணறிவு மற்ற செயற்கை நுண்ணறிவு அமைப்புகளை ஹேக் செய்யத் தொடங்கியுள்ளதாக செய்திகளைப் பார்த்தேன். ஒரு கட்டத்திற்குப் பிறகு செயற்கை நுண்ணறிவால் மாயத்தோற்றங்களை உருவாக்க முடியும், அது ஆபத்தானது என்று தெரிவிக்கப்பட்டுள்ளது. Also Read... ஜூனியர் பிக் பாஸாக வினோத்.. அவரின் இடத்தை மாற்ற துடிக்கும் சாதிகா – லக்ஷ்மி பிரியா – வைரலாகும் ப்ரோமோ!

இணையத்தில் வைரலாகும் எக்ஸ் தள பதிவு:

Also Read... லெஜெண்ட் சரவணனின் புதுப் பட இயக்குநர் இவரா? வைரலாகும் தகவல் ]]> Vijay Sethupathi: விஜய் சேதுபதியின் நடிப்பில் பேக் டூ பேக் வெளியாக காத்திருக்கும் படங்கள் என்னென்ன தெரியுமா? https://www.tv9tamilnews.com/photo-gallery/makkal-selvan-vijay-sethupathis-back-to-back-release-new-films-list-photo-gallery-119179.html Tue, 10 Nov 2026 14:48:43 +0530 https://www.tv9tamilnews.com/photo-gallery/makkal-selvan-vijay-sethupathis-back-to-back-release-new-films-list-photo-gallery-119179.html
Vijay Sethupathis New Movies 1

தமிழ் சினிமாவில் ஆரம்பகாலத்தில் படங்களில் சிறு சிறு வேடங்களில் நடித்து மக்கள் மத்தியில் பிரபலமானவர் விஜய் சேதுபதி. இவர் தற்போது தென்னிந்திய சினிமாவில் முன்னணி நட்சத்திர நாயகனாக இருந்துவருகிறார். இவரின் நடிப்பில் பிரம்மாண்டமான படங்கள் உருவாகிறது.

Vijay Sethupathis New Movies 2

இவரின் நடிப்பில் தமிழில் இறுதியாக வெளியாகியிருந்த திரைப்படம் பத்தா. இயக்குநர் அட்லீயின் தயாரிப்பில், இயக்குநர் பாலாஜி தரணீதரன் இதை இயக்கியிருந்தார். இந்த படம் வெளியாகி விஜய் சேதுபதிக்கு எதிர்பாராத வரவேற்பை கொடுத்திருந்தது.

Vijay Sethupathis New Movies 3

இப்படத்திற்கு பிறகு இயக்குநர் நெல்சன் திலீப்குமாரின் இயக்கத்தில், ஜெயிலர் 2 திரைப்படத்தில் கேமியோ வேடம் ஒன்றில் சிறப்பாக நடித்திருந்தார். மேலும் ஜெயிலர் 3 படத்தில் இவரின் கதாபாத்திரம் பிரம்மாண்டமாக அமையும் என எதிர்பார்க்கப்படுகிறது.

Vijay Sethupathis New Movies 4

இந்த வரிசையில் பல படங்களை தனது கைவசத்தில் நடிகர் விஜய் சேதுபதி வைத்துள்ளார். இவர் தமிழ் முதல் தெலுங்கு போன்ற மொழி இயக்குநர்களுடன் திரைப்படங்களில் பணியாற்றிவருகிறார். இந்நிலையில் நடிப்பில் பேக் டூ பேக் வெளியாக காத்திருக்கும் படங்கள் என்னென்ன என பார்க்கலாம்.

Vijay Sethupathis New Movies 5

விஜய் சேதுபதியின் நடிப்பில் இந்த ஆண்டில் 2வது வெளியாக காத்திருக்கும் படம் ட்ரெயின். இயக்குநர் மிஷ்கின் இயக்கத்தில் உருவாகியுள்ள இப்படம் 2026 டிசம்பர் 4ம் தேதியில் வெளியாகிறது. இதையடுத்து இயக்குநர் தியாகராஜன் குமாரராஜாவின் இயக்கத்தில் உருவாகிவரும் பாக்கெட் நாவல் படம் 2027 ஜனவரி 14ம் தேதியில் வெளியாகிறது.

]]> நவ.13ஆம் தேதி உருவாகும் புதிய காற்றழுத்த தாழ்வுப் பகுதி! தமிழகத்தில் எங்கெல்லாம் மழை இருக்கும்? வானிலை அப்டேட் இதோ.. https://www.tv9tamilnews.com/tamil-nadu/tamil-nadu-weather-update-november-10-chennai-imd-reports-new-low-pressure-to-be-formed-in-bay-of-bengal-119194.html Tue, 10 Nov 2026 14:44:11 +0530 https://www.tv9tamilnews.com/tamil-nadu/tamil-nadu-weather-update-november-10-chennai-imd-reports-new-low-pressure-to-be-formed-in-bay-of-bengal-119194.html நவ.13ஆம் தேதி உருவாகும் புதிய காற்றழுத்த தாழ்வுப் பகுதி! தமிழகத்தில் எங்கெல்லாம் மழை இருக்கும்? வானிலை அப்டேட் இதோ..நவம்பர் 10, 2026: தமிழகத்தில் வரும் நவம்பர் 13ஆம் தேதி தென்கிழக்கு வங்கக்கடல் பகுதியில் புதிய காற்றழுத்த தாழ்வுப் பகுதி உருவாக வாய்ப்புள்ளதாக வானிலை ஆய்வு மையம் தெரிவித்துள்ளது. இது வடமேற்கு திசையில் நகர்ந்து, அடுத்த 24 மணி நேரத்தில் ஆழ்ந்த காற்றழுத்த தாழ்வுப் பகுதியாக வலுப்பெறக்கூடும் என கணிக்கப்பட்டுள்ளது. மேலும், மன்னார் வளைகுடா மற்றும் அதனை ஒட்டிய பகுதிகளில் சுமார் 1.5 கி.மீ. உயரத்திலும், தென்கிழக்கு அரபிக்கடல் மற்றும் லட்சத்தீவு பகுதிகளில் சுமார் 0.9 கி.மீ. உயரத்திலும் வளிமண்டல சுழற்சிகள் நிலவுகின்றன. இதன் காரணமாக நவம்பர் 10 முதல் 16ஆம் தேதி வரை தமிழகத்தின் பல்வேறு மாவட்டங்களில் இடி, மின்னல் மற்றும் பலத்த காற்றுடன் மழை பெய்ய வாய்ப்புள்ளது.

தென் மாவட்டங்களில் தொடரும் கனமழை:

நவம்பர் 10: ராமநாதபுரம், தூத்துக்குடி மற்றும் திருநெல்வேலி கடலோரப் பகுதிகளில் ஓரிரு இடங்களில் இடி, மின்னலுடன் மணிக்கு 40 முதல் 50 கி.மீ. வேகத்தில் பலத்த காற்று வீசக்கூடும். கனமழைக்கும் வாய்ப்புள்ளது. நீலகிரி, கோவை, ஈரோடு, தஞ்சாவூர், திருவாரூர், மயிலாடுதுறை, நாகை, புதுக்கோட்டை, சிவகங்கை, திண்டுக்கல், மதுரை, விருதுநகர், தேனி, தென்காசி, கன்னியாகுமரி உள்ளிட்ட மாவட்டங்களில் மிதமான மழை பெய்யக்கூடும். நவம்பர் 11: சிவகங்கை, ராமநாதபுரம், தூத்துக்குடி, திருநெல்வேலி மாவட்டங்களில் கனமழைக்கு வாய்ப்புள்ளது. தஞ்சாவூர், திருவாரூர், நாகை, மயிலாடுதுறை, புதுக்கோட்டை, மதுரை, திண்டுக்கல், தேனி, விருதுநகர், தென்காசி, கன்னியாகுமரி உள்ளிட்ட மாவட்டங்களில் மிதமான மழை பெய்யக்கூடும். மேலும் படிக்க: “ஆட்சியருக்கே பாதுகாப்பு இல்லை!”.. தவெக எம்எல்ஏ-வை உடனடியாக கைது செய்ய வேண்டும்.. இபிஎஸ் வலியுறுத்தல்!! நவம்பர் 12: தஞ்சாவூர், திருவாரூர், மயிலாடுதுறை, நாகை, புதுக்கோட்டை, ராமநாதபுரம், தூத்துக்குடி, திருநெல்வேலி, கன்னியாகுமரி மாவட்டங்கள் மற்றும் காரைக்காலில் மிதமான மழைக்கு வாய்ப்புள்ளது.

வடகடலோர மாவட்டங்களுக்கு மழை எச்சரிக்கை:

நவம்பர் 13: கோவை, தேனி, தென்காசி, திருநெல்வேலி, கன்னியாகுமரி மாவட்ட மலைப்பகுதிகள், சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, நீலகிரி மாவட்டங்களில் லேசான மழை பெய்யக்கூடும். நவம்பர் 14: சென்னை, திருவள்ளூர், செங்கல்பட்டு, விழுப்புரம், கடலூர், தஞ்சாவூர், திருவாரூர், நாகை, மயிலாடுதுறை, புதுக்கோட்டை, ராமநாதபுரம், தூத்துக்குடி, திருநெல்வேலி, கன்னியாகுமரி மாவட்டங்கள் மற்றும் புதுச்சேரி, காரைக்கால் பகுதிகளில் மிதமான மழைக்கு வாய்ப்புள்ளது. மேலும் படிக்க: அடிதடி,பாலியல் தொல்லை,கட்டப்பஞ்சாயத்து.. அதிகரிக்கும் தவெக எம்எல்ஏக்களின் அட்ராசிட்டி.. சாமானியர் முதல் பெண் ஐஏஎஸ் வரை பாதிப்பு.. உதயநிதி அட்டாக்! நவம்பர் 15: தஞ்சாவூர், திருவாரூர், மயிலாடுதுறை, நாகை மாவட்டங்களில் கனமழைக்கு வாய்ப்புள்ளது. சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, விழுப்புரம், கடலூர், திருவண்ணாமலை, கள்ளக்குறிச்சி, திருச்சி, பெரம்பலூர், அரியலூர், புதுக்கோட்டை, சிவகங்கை, ராமநாதபுரம், தூத்துக்குடி உள்ளிட்ட மாவட்டங்களில் மிதமான மழை பெய்யக்கூடும். நவம்பர் 16: நீலகிரி, கோவை மாவட்டங்களில் கனமழை பெய்ய வாய்ப்புள்ளது. ஏனைய மேற்குத் தொடர்ச்சி மலை மாவட்டங்களில் மிதமான மழையும், தமிழகத்தின் பிற பகுதிகளில் லேசான மழையும் பெய்யக்கூடும்.

சென்னைக்கான வானிலை முன்னறிவிப்பு

சென்னை மற்றும் புறநகர் பகுதிகளில் இன்று (நவம்பர் 10), நாளை (நவம்பர் 11) வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 32 முதல் 33 டிகிரி செல்சியஸாகவும், குறைந்தபட்ச வெப்பநிலை 25 முதல் 26 டிகிரி செல்சியஸாகவும் இருக்கக்கூடும் என வானிலை ஆய்வு மையம் தெரிவித்துள்ளது. ]]> சேலத்தில் பரபரப்பு.. கார் மீது டூவீலர் மோதிய ஆத்திரம்.. கண்ணாடியை நொறுக்கி காருக்கு தீ வைத்த மர்ம நபர்கள்! https://www.tv9tamilnews.com/videos/car-set-on-fire-by-unknown-bike-riders-after-collision-in-salem-hasthampatti-area-119193.html Tue, 10 Nov 2026 14:37:17 +0530 https://www.tv9tamilnews.com/videos/car-set-on-fire-by-unknown-bike-riders-after-collision-in-salem-hasthampatti-area-119193.html சேலத்தில் பரபரப்பு.. கார் மீது டூவீலர் மோதிய ஆத்திரம்.. கண்ணாடியை நொறுக்கி காருக்கு தீ வைத்த மர்ம நபர்கள்!

சேலம், நவ.10: சேலம் மாநகரப் பகுதியில் தீபாவளி பண்டிகைக் கொண்டாட்டத்தின் இடையே அரங்கேறியுள்ள வன்முறைச் சம்பவம் அப்பகுதி மக்களிடையே பெரும் அதிர்ச்சியையும் அச்சத்தையும் ஏற்படுத்தியுள்ளது. சேலம் அஸ்தம்பட்டி ராமகிருஷ்ணா ரோடு பகுதியில் உள்ள அடுக்குமாடி குடியிருப்பில் வசித்து வருபவர் சரவணக்குமார் (40). இவர் நேற்று முன்தினம் இரவு தனது நண்பரின் இல்லத்தில் தீபாவளி பண்டிகையைக் குடும்பத்துடன் கோலாகலமாகக் கொண்டாடிவிட்டு, அதிகாலை சுமார் 2 மணி அளவில் தனது காரில் மனைவியுடன் வீட்டிற்குத் திரும்பி வந்து கொண்டிருந்தார். அஸ்தம்பட்டி பகுதியில் உள்ள தனது வீட்டின் திருப்பத்தில் கார் திரும்ப முயன்றபோது, புதிய பஸ் நிலையப் பகுதியிலிருந்து அதிவேகமாக வந்த இருசக்கர வாகனம் ஒன்று எதிர்பாராதவிதமாகச் சரவணக்குமாரின் கார் மீது பலமாக மோதியது.

முதல் கட்டக் காவல் துறை விசாரணை:

நடுநிசி நேரம் என்பதாலும், பாதுகாப்பு மற்றும் மனைவியின் அவசரச் சூழலைக் கருத்தில் கொண்டும் சரவணக்குமார் காரை உடனடியாக நிறுத்தாமல், தனது மனைவியைப் பத்திரமாக வீட்டில் விடுவதற்காக வீட்டிற்குச் சென்றுள்ளார். இதனால் கடும் ஆத்திரமடைந்த இருசக்கர வாகனத்தில் வந்த நபர்கள், சரவணக்குமாரைப் பின்தொடர்ந்து வந்து அவர் வீட்டின் முன் நிறுத்தியிருந்த காரின் கண்ணாடிகளைச் சரமாரியாக அடித்து நொறுக்கிவிட்டுச் சம்பவ இடத்திலிருந்து தப்பிச் சென்றனர். இச்சம்பவம் குறித்து உடனடியாக அஸ்தம்பட்டி காவல் நிலையத்திற்குத் தகவல் தெரிவிக்கப்பட்டதைத் தொடர்ந்து, சம்பவ இடத்திற்கு விரைந்து வந்த காவல்துறையினர் முதல் கட்ட விசாரணைகளை மேற்கொண்டுத் திரும்பினர்.]]> அடிதடி,பாலியல் தொல்லை,கட்டப்பஞ்சாயத்து.. அதிகரிக்கும் தவெக எம்எல்ஏக்களின் அட்ராசிட்டி.. சாமானியர் முதல் பெண் ஐஏஎஸ் வரை பாதிப்பு.. உதயநிதி அட்டாக்! https://www.tv9tamilnews.com/tamil-nadu/leader-of-the-opposition-udhayanidhi-criticizes-the-misconduct-of-tvk-mlas-119186.html Tue, 10 Nov 2026 14:36:59 +0530 https://www.tv9tamilnews.com/tamil-nadu/leader-of-the-opposition-udhayanidhi-criticizes-the-misconduct-of-tvk-mlas-119186.html அடிதடி,பாலியல் தொல்லை,கட்டப்பஞ்சாயத்து.. அதிகரிக்கும் தவெக எம்எல்ஏக்களின் அட்ராசிட்டி.. சாமானியர் முதல் பெண் ஐஏஎஸ் வரை பாதிப்பு.. உதயநிதி அட்டாக்!தமிழகத்தில் ஆளும் கட்சியின் எம்எல்ஏக்கள் அத்துமீறல் சம்பவம் தொடர்பாக எதிர்க்கட்சித் தலைவர் உதயநிதி ஸ்டாலின் கடும் கண்டனத்தை தெரிவித்துள்ளார். இது தொடர்பாக அவர் தனது எக்ஸ் தள பக்கத்தில் வெளியிட்டுள்ள பதிவில் கூறியிருப்பதாவது: தமிழகத்தில் சட்டம்- ஒழுங்கு சீர்கேட்டையும், தனது கட்சியின் சட்டமன்ற உறுப்பினர்களின் ஆட்டத்தையும் டம்மி முதல்- அமைச்சர் ஜோசப் விஜய் எப்போது கட்டுப்படுத்துவார். தமிழகத்தில் இதுவரை அளவுக்கு துப்பாக்கி கலாச்சாரத்தை இந்த சோப்ளாங்கி ஆட்சியாளர்கள் கொண்டு வந்துள்ளனர். வேலூர் மாவட்டம், குடியாத்தம் அருகே ஞானவேல் என்பவர் துப்பாக்கியால் கொலை செய்யப்பட்ட சம்பவம் அதிர்ச்சியை ஏற்படுத்தி உள்ளது. தமிழகத்தில், ஒரே நாளில் 9, 11, 13 நிமிடம் கொலைகளின் எண்ணிக்கை கொண்டை செல்வதை பார்த்து தமிழ்நாடே பதறிக் கொண்டு இருக்கிறது.

வெட்கங்கெட்ட தமிழக வெற்றிக் கழக அரசு

ஆனால், அதனையெல்லாம் பண்டிகை கால கொலைகள் என்று கூறுகிறது வெட்கங்கெட்ட தமிழக வெற்றிக் கழக அரசு. நுங்கம்பாக்கத்தில் குண்டு வீசப்பட்ட சம்பவத்தில் எரியும் பொருள் என்று கூறியுள்ளது காவல்துறை. குற்ற சம்பவங்களை கவர் அப் செய்ய இவர்கள் பெயர்களை வைத்து தனியாக டிக்ஷனரியே போடலாம். தேனி மாவட்டத்தில் பொது இடத்தில் பொதுமக்களுக்கு இடையூறு ஏற்படுத்தும் விதமாக பட்டாசு வெடித்தவர்களை கண்டித்த சிறப்பு உதவி காவல் ஆய்வாளர் தாக்கப்பட்டு கொலை செய்யப்பட்டுள்ளார். இந்த காவலர் பணியில் இருந்த போது கொலை செய்யப்பட்டார் என்று டம்மி முதல் அமைச்சரும், மேலும் படிக்க: “ஆட்சியருக்கு ஆபாச மெசேஜ் அனுப்பினேனா?”.. தவெக எம்எல்ஏ அருள் விக்னேஷ் திட்டவட்ட மறுப்பு!!

தவெக எம்எல்ஏக்கள் அட்ராசிட்டியால் அனைவரும் பாதிப்பு

பணியில் இல்லாத போது கொலை செய்யப்பட்டார் என்று டம்மி முதல்வரின் காவல்துறையும் அறிக்கைகளை விடுத்துள்ளனர். மிரட்டல், அடிதடி, கட்டப்பஞ்சாயத்து, பாலியல் தொல்லை, கமிஷன் என ஆளுங்கட்சி தவெக எம். எல். ஏ. க்களின் அட்ரா சிட்டியால் சாமானியர் முதல் பெண் ஐஏஎஸ் அதிகாரி வரை பாதிக்கப்பட்டு வருகின்றனர். இது எதற்கும் வாயை திறக்காமல், பொறுப்பேற்காமல் ஸ்லீப் மோடில் இருக்கும் டம்மி முதல் அமைச்சர் ஜோசப் விஜய் உடனே விழித்து உரிய நடவடிக்கை எடுக்க வேண்டும் என்று அந்தப் பதிவில் தெரிவித்துள்ளார்.

அடுத்தடுத்து சர்ச்சையில் சிக்கிய தவெக எம்எல்ஏக்கள்

தமிழகத்தில் தீபாவளி பண்டிகை நாளில் பல்வேறு இடங்களில் 13 கொலை சம்பவங்கள் நிகழ்ந்துள்ளன. அத்துடன், திருச்சி மாவட்டம், துறையூர் சட்டமன்ற தவெக எம்எல்ஏவும், துணை சபாநாயகருமான ரவிசங்கரிடம் குடிநீர் தொடர்பாக அளிக்க சென்ற தொகுதி நபர் ஒருவரை ரவிசங்கர் கொடூரமான முறையில் தாக்கி இருந்தார். அத்துடன், கள்ளக்குறிச்சி ஆட்சியர் செல்போனுக்கு தவெக எம்எல்ஏ அருள் விக்னேஷ் ஆபாச மெசெஜ் அனுப்பி இருந்தார். இவற்றையெல்லாம் குறிப்பிட்டு உதயநிதி ஸ்டாலின் விமர்சித்துள்ளார். மேலும் படிக்க: “ஆட்சியருக்கே பாதுகாப்பு இல்லை!”.. தவெக எம்எல்ஏ-வை உடனடியாக கைது செய்ய வேண்டும்.. இபிஎஸ் வலியுறுத்தல்!! ]]> கோவில் கோபுரப் படத்தை செல்போன் வால்பேப்பராக வைக்கலாமா? https://www.tv9tamilnews.com/religion/spiritual-benefits-of-keeping-temple-tower-photos-as-mobile-wallpaper-119152.html Tue, 10 Nov 2026 14:30:04 +0530 https://www.tv9tamilnews.com/religion/spiritual-benefits-of-keeping-temple-tower-photos-as-mobile-wallpaper-119152.html கோவில் கோபுரப் படத்தை செல்போன் வால்பேப்பராக வைக்கலாமா?கோவில் கோபுரம் என்பது வெறும் கட்டிட அமைப்பு மட்டுமல்ல. இந்து சமய வழிபாட்டு முறையில் அதற்குத் தனிச்சிறப்பான இடம் உண்டு. கோவிலுக்குச் செல்லும்போது முதலில் கோபுரத்தைத் தரிசித்துவிட்டு, பின்னர் கொடிமரம் மற்றும் கருவறையில் உள்ள மூலவரை வழிபடுவது பாரம்பரியமான வழக்கமாக இருந்து வருகிறது. அந்த வகையில், கோவில் கோபுரத்தின் புகைப்படத்தை செல்போன் வால்பேப்பராக வைத்துக்கொள்வதும், காலையில் எழுந்தவுடன் கோபுரத்தைப் பார்த்து கண் விழிப்பதும் பலரால் ஆன்மிக நம்பிக்கையுடன் பின்பற்றப்படுகிறது. மேலும், கோபுரப் படத்தைப் பார்க்கும்போது இறைவனிடம் பிரார்த்தனை செய்வது, நம்முடைய செயல்களை நல்ல எண்ணங்களுடன் தொடங்க வேண்டும் என்ற நினைவூட்டலாகவும் அமையும். மனக்கவலைகள் நிறைந்த நேரத்தில் பிடித்தமான கோவிலின் கோபுரத்தைப் பார்ப்பது சிலருக்கு மனநிம்மதியையும் ஆறுதலையும் அளிக்கலாம். Also Read: கந்த சஷ்டி: பூஜை அறையைச் சூப்பராக அலங்கரிக்க 7 கெத்து ஐடியாக்கள்!

கோபுரப் படத்தை வால்பேப்பராக வைப்பதால் என்ன பலன்?

இன்றைய காலகட்டத்தில் செல்போன் என்பது நம்முடைய அன்றாட வாழ்க்கையில் தவிர்க்க முடியாத ஒன்றாகிவிட்டது. அடிக்கடி செல்போனைப் பயன்படுத்துவதால், அதன் திரையில் கோவில் கோபுரத்தின் புகைப்படத்தை வைத்திருப்பது இறைவனை நினைவுகூரும் ஒரு வழியாக அமையலாம். ஒவ்வொரு முறையும் செல்போனைத் திறக்கும்போது கோபுரத்தைப் பார்ப்பது மனதில் பக்தி உணர்வையும் நேர்மறையான சிந்தனைகளையும் ஏற்படுத்தும் என்பது ஆன்மிக நம்பிக்கை.

தினமும் காலையில் கோபுரத்தைப் பார்த்து கண் விழித்தால் என்ன பலன்?

பாரம்பரிய ஆன்மிக நம்பிக்கைகளின்படி, காலையில் எழுந்தவுடன் கோவில் கோபுரத்தைத் தரிசிப்பது மங்களகரமான செயலாகக் கருதப்படுகிறது. இறைவனை நினைத்து நாளைத் தொடங்குவதால் மனதில் நல்ல எண்ணங்கள் உருவாகும் என்றும், அன்றைய செயல்கள் சிறப்பாக அமைய இறைவனின் அருள் கிடைக்கும் என்றும் பக்தர்கள் நம்புகின்றனர்.

கோபுர தரிசனம் செய்வதால் கிடைக்கும் என்று கூறப்படும் ஆன்மிகப் பலன்கள்

  • - மன அமைதி: காலையில் இறைவனை நினைத்து கோபுரத்தைத் தரிசிப்பது மனக்குழப்பங்களைக் குறைத்து அமைதியான உணர்வை ஏற்படுத்தும்.
  • - நல்ல சிந்தனைகள்: நாளின் தொடக்கத்திலேயே இறைவனை நினைப்பது நேர்மறையான எண்ணங்களுடன் செயல்பட உதவும்.
  • - குடும்ப நலன்: குடும்பத்தில் மகிழ்ச்சி, ஒற்றுமை மற்றும் செல்வ வளம் பெருக வேண்டும் என்று கோபுரத்தைத் தரிசித்து வழிபடுகின்றனர்.
  • - இறை அருள்: கோபுரத்தை இறைவனின் திருவடிகளாகக் கருதி வணங்குவது சிறப்பான வழிபாடாகப் போற்றப்படுகிறது.
  • - பக்தி உணர்வு: தினமும் கோபுரத்தைப் பார்ப்பது இறைவன் மீதான நம்பிக்கையையும் பக்தியையும் அதிகரிக்க உதவும்.
Also Read: கந்த சஷ்டி: பூஜை அறையைச் சூப்பராக அலங்கரிக்க 7 கெத்து ஐடியாக்கள்!

எந்த நேரத்தில் கோபுர தரிசனம் செய்வது சிறப்பு?

  • ஆன்மிக மரபுகளில் காலை, மதியம், மாலை, இரவு என வெவ்வேறு நேரங்களில் கோபுர தரிசனம் செய்வதற்குத் தனித்தனி பலன்கள் கூறப்படுகின்றன.
  • காலை நேர கோபுர தரிசனம் நோய் நீங்குவதற்கான பிரார்த்தனையாகக் கருதப்படுகிறது.
  • மதிய நேர தரிசனம் செல்வ வளம் பெருகுவதற்கான வழிபாடாக நம்பப்படுகிறது.
  • மாலை நேர தரிசனம் பாவங்கள் நீங்குவதற்கான வழிபாடாகப் போற்றப்படுகிறது.
  • இரவு நேர தரிசனம் இறைவனின் அருளையும் வீடுபேற்றையும் வேண்டி செய்யப்படும் வழிபாடாகக் கருதப்படுகிறது.
இவை பாரம்பரிய ஆன்மிக நம்பிக்கைகளே தவிர, அறிவியல் ரீதியாக நிரூபிக்கப்பட்ட பலன்கள் அல்ல. ]]> டேட்டா இல்லாத புதிய ரீச்சார்ஜ் திட்டத்தை அறிமுகம் செய்த BSNL.. சிறப்பு அம்சங்கள் என்ன என்ன? https://www.tv9tamilnews.com/technology/bsnl-rs-172-voice-only-plan-unlimited-calls-28-days-validity-trai-mandate-119191.html Tue, 10 Nov 2026 14:25:57 +0530 https://www.tv9tamilnews.com/technology/bsnl-rs-172-voice-only-plan-unlimited-calls-28-days-validity-trai-mandate-119191.html டேட்டா இல்லாத புதிய ரீச்சார்ஜ் திட்டத்தை அறிமுகம் செய்த BSNL.. சிறப்பு அம்சங்கள் என்ன என்ன?டேட்டா இல்லாத குரல் அழைப்புகளை மட்டுமே கொண்ட ரீச்சார்ஜ் திட்டங்களை டெலிகாம் நிறுவனங்கள் கட்டாயம் வைத்திருக்க வேண்டும் என டிராய் (TRAI - Telecom Regulatory Authority Of India) கூறிய நிலையில், டெலிகாம் நிறுவனங்கள் டேட்டா இல்லாத் ரீச்சார்ஜ் திட்டங்களை அறிமுகம் செய்து வருகின்றன. குறிப்பாக கடந்த சில நாட்களுக்கு முன்னதாக ஏர்டெல் நிறுவனம் இந்த டேட்டா இல்லாத ரீச்சார்ஜ் திட்டத்தை அறிமுகம் செய்த நிலையில், அதனை தொடர்ந்து தற்போது பிஎஸ்என்எல் நிறுவனமும் தற்போது டேட்டா இல்லாத ரீச்சார்ஜ் திட்டத்தை அறிமுகம் செய்துள்ளது. இந்த நிலையில், பிஎஸ்என்எல் அறிமுகம் செய்துள்ள அந்த இந்த புதிய ரீச்சார்ஜ் திட்டத்தின் சிறப்பு அம்சங்கள் என்ன என்ன என்பது குறித்து விரிவாக பார்க்கலாம்.

பிஎஸ்என்எல் அறிமுகம் செய்த புதிய ரீச்சார்ஜ் திட்டம்

தற்போதைய சூழலில் சிறியவர்கள் முதல் முதியவர்கள் வரை என அனைவரது கைகளிலும் ஸ்மார்ட்போன் உள்ளது. அதாவது, பெரும்பாலான பொதுமக்கள் தற்போது ஸ்மார்ட்போன் பயன்படுத்த தொடங்கிவிட்டனர். இதன் காரணமாக இந்தியாவில் உள்ள டெலிகாம் நிறுவனங்கள் தங்களது அனைத்து திட்டங்களையும் டேட்டா திட்டங்களாக மாற்றிவிட்டன. இதன் காரணமாக பட்டன் போன்களை பயன்படுத்தும் நபர்களும் ஸ்மார்ட்போன்களுக்கு தேவையான டேட்டா கொண்ட ரீச்சார்ஜ் திட்டங்களையே ரீச்சார்ஜ் செய்யும் நிலைக்கு தள்ளப்பட்டனர். இதையும் படிங்க : சொமேட்டோவில் இனி பிடித்த கடைகளில் ஆர்டர் செய்யலாம்.. தூரம் ஒரு Matter இல்லை.. வந்தது புதிய அம்சம்!

டேட்டா இல்லாத திட்டங்களை அறிமுகம் செய்யும் நிறுவனங்கள்

இது தொடர்பாக தொடர்ந்து புகார்கள் எழுந்து வந்த நிலையில், டிராய் இந்தியாவில் உள்ள டெலிகாம் நிறுவனங்களுக்கு முக்கிய அறிவிப்பை வெளியிட்டது. அதாவது, டெலிகாம் நிறுவனங்கள் டேட்டா இல்லாத திட்டங்களை கட்டாயம் வைத்திருக்க வேண்டும் என உத்தரவிட்டது. அந்த உத்தரவின் பேரில் டெலிகாம் நிறுவனங்கள் தற்போது டேட்டா இல்லாத திட்டங்களை அறிமுகம் செய்து வருகின்றன. இதையும் படிங்க : ChatGPT மூலம் உங்கள் புகைப்படத்தை GIF ஆக மாற்றலாம்.. எப்படி?

ரூ.172-க்கு அறிமுகம் செய்யப்பட்ட ரீச்சார்ஜ் திட்டம்

இந்த நிலையில் தான் பிஎஸ்என்எல் நிறுவனம் ரூ.172-க்கு தனது புதிய பட்ஜெட் ரீச்சார்ஜ் திட்டத்தை அறிமுகம் செய்துள்ளது. டேட்டா இல்லாமல் அறிமுகம் செய்யப்பட்டுள்ள இந்த திட்டம் அன்லிமிடெட் வாய்ஸ் கால் அம்சத்தை கொண்டுள்ளது. லோக்கல், எஸ்டிடி மற்றும் சர்வதேச கால்களையும் இந்த திட்டத்தின் மூலம் பேசலாம். இந்த திட்டத்தில் ஒரு நாளைக்கு 100 குறுஞ்செய்திகள் வரை அனுப்ப முடியும். இந்த திட்டத்தில் வேலிடிட்டி மொத்தம் 28 நாட்கள் ஆகும். ]]> “ஆட்சியருக்கே பாதுகாப்பு இல்லை!”.. தவெக எம்எல்ஏ-வை உடனடியாக கைது செய்ய வேண்டும்.. இபிஎஸ் வலியுறுத்தல்!! https://www.tv9tamilnews.com/tamil-nadu/edappadi-palaniswami-demands-arrest-of-tvk-mla-over-collector-controversy-119175.html Tue, 10 Nov 2026 14:12:51 +0530 https://www.tv9tamilnews.com/tamil-nadu/edappadi-palaniswami-demands-arrest-of-tvk-mla-over-collector-controversy-119175.html “ஆட்சியருக்கே பாதுகாப்பு இல்லை!”.. தவெக எம்எல்ஏ-வை உடனடியாக கைது செய்ய வேண்டும்.. இபிஎஸ் வலியுறுத்தல்!!சென்னை, நவ.10: தமிழக அரசியல் களத்தில் பெரும் பரபரப்பை ஏற்படுத்தியுள்ள பெண் மாவட்ட ஆட்சியர் விவகாரம் நாளுக்கு நாள் புதிய திருப்பங்களை எட்டி வருகிறது. பெண் மாவட்ட ஆட்சியருக்கு எதிராகச் செயல்களில் ஈடுபட்டதாக எழுந்துள்ள புகார்கள் குறித்துப் பேசியுள்ள எதிர்க்கட்சித் தலைவரும், அதிமுக பொதுச்செயலாளருமான எடப்பாடி கே. பழனிசாமி, தவெக ஆட்சியில் அரசு நிர்வாகத்தில் உள்ள முக்கிய அதிகாரிகளுக்கே பாதுகாப்பு இல்லாத அவல நிலை ஏற்பட்டுள்ளதாகக் கடுமையாகக் குற்றம் சாட்டியுள்ளார். இந்த விவகாரத்தில் அரசு உரிய முறையில் உடனடியாக வழக்குப்பதிவு செய்து சம்பந்தப்பட்ட தவெக சட்டமன்ற உறுப்பினரைக் கைது செய்ய வேண்டும் என்று அவர் கோரிக்கை விடுத்துள்ளார். இதையும் படிக்க: தனியார் பள்ளி அங்கீகார முறைகேடு வழக்கு.. அன்பில் மகேஷ் ஜாமீன் மனு தள்ளுபடி.. சிறப்பு நீதிமன்றம் அதிரடி உத்தரவு!!

எடப்பாடி பழனிசாமி எழுப்பிய கேள்வி:

இதுகுறித்து எடப்பாடி பழனிசாமி அவரது எக்ஸ் பதிவில், தமிழ்நாட்டில் சட்டம்-ஒழுங்கு எந்த அளவிற்குச் சீரழிந்துள்ளது என்பதற்கு இந்தச் சம்பவமே முக்கியச் சான்று என்று சுட்டிக்காட்டியுள்ளார். மாவட்ட ஆட்சியருக்கே இதுபோன்ற கொடுமைகள் நடப்பது அரசு நிர்வாகத்தின் நிர்வாகத் திறமையின்மையைக் காட்டுவதாகத் தெரிவித்த அவர், ஸ்ரீவைகுண்டம் எம்.எல்.ஏ விவகாரத்தில் நடந்ததைப் போல இந்த வழக்கையும் திசைதிருப்பி மூடி மறைக்கத் தவெக அரசு முயற்சிக்கிறதா என்று அடுக்கடுக்கான கேள்விகளை எழுப்பினார். மேலும், காவல்துறை எவ்வித அரசியல் குறுக்கீடுகளும் இன்றி, முழுமையான மற்றும் நேர்மையான விசாரணையை மேற்கொள்வதை ஆளும் அரசு உறுதி செய்ய வேண்டும் என்றும் அவர் வலியுறுத்தினார்.

அரசியல் தாக்கமும் எதிர்கால எதிர்விளைவுகளும்:

பெண் மாவட்ட ஆட்சியர் விவகாரம் மற்றும் தவெக எம்.எல்.ஏ மீதான புகார்களை மையமாக வைத்து எதிர்க்கட்சிகள் ஆளும் அரசைத் தீவிரமாக விமர்சித்து வருவது தமிழக அரசியலில் பெரும் விவாதப் பொருளாக மாறியுள்ளது. ஆட்சியின் வெளிப்படைத்தன்மை மற்றும் அதிகாரிகளின் பாதுகாப்பு குறித்த கேள்விகள் வலுத்து வரும் நிலையில், அதிமுக பொதுச்செயலாளர் எடப்பாடி பழனிசாமியின் இந்த அதிரடி அறிக்கை மற்றும் கோரிக்கை அரசியல் அரங்கில் பெரும் அதிர்வலைகளை ஏற்படுத்தியுள்ளது. இந்த விவகாரத்தில் காவல்துறையின் அடுத்த கட்ட நடவடிக்கை என்னவாக இருக்கும் என்ற எதிர்பார்ப்பும் அனைவரிடத்திலும் எழுந்துள்ளது. இதையும் படிக்க: சென்னையில் ரவுடிகளுக்கு எதிராக அதிரடி வேட்டை.. சரித்திர பதிவேடு குற்றவாளிகள் உள்பட 222 பேர் பிடிப்பு.. 36 பேர் கைது!!

குறுக்கீடற்ற சுதந்திரமான விசாரணைக் கோரிக்கை:

இந்த விவகாரம் தொடர்பாகத் தொடர்ந்து வலியுறுத்தியுள்ள எதிர்க்கட்சியினர், எந்தவொரு அரசியல் அழுத்தங்களுக்கும் காவல்துறை அடிபணியாமல், பாதிக்கப்பட்ட தரப்புக்கு நியாயம் கிடைக்கும் வகையில் சுதந்திரமான மற்றும் பக்கச்சார்பற்ற விசாரணையை உடனடியாக முன்னெடுக்க வேண்டும் எனக் கேட்டுக்கொண்டுள்ளனர். அரசு அதிகாரிகளின் பாதுகாப்பை உறுதி செய்வதும், குற்றச் செயல்களில் ஈடுபடுபவர்கள் மீது சட்டப்படி கடும் நடவடிக்கை எடுப்பதும் ஜனநாயக அமைப்பின் அடிப்படைக் கடமையாகும் என்பதைச் சுட்டிக்காட்டி, ஆளும் அரசுக்கு எதிரான கண்டனங்களை அதிமுக உள்ளிட்ட எதிர்க்கட்சிகள் தீவிரப்படுத்தியுள்ளன. ]]> நூலக புத்தக கொள்முதல் முறைகேடு.. அகல்விளக்கு பதிப்பகத்தின் வங்கிக் கணக்கை முடக்க உயர் நீதிமன்ற மதுரை கிளை உத்தரவு! https://www.tv9tamilnews.com/tamil-nadu/high-court-madurai-bench-orders-freezing-of-agalvilakku-publications-bank-account-in-library-book-procurement-scam-119176.html Tue, 10 Nov 2026 13:59:08 +0530 https://www.tv9tamilnews.com/tamil-nadu/high-court-madurai-bench-orders-freezing-of-agalvilakku-publications-bank-account-in-library-book-procurement-scam-119176.html நூலக புத்தக கொள்முதல் முறைகேடு.. அகல்விளக்கு பதிப்பகத்தின் வங்கிக் கணக்கை முடக்க உயர் நீதிமன்ற மதுரை கிளை உத்தரவு!சென்னை, நவ.10: தமிழகத்தில் உள்ள மண்டல நூலகங்களுக்குப் புத்தகங்கள் கொள்முதல் செய்வதில் நீதிமன்ற உத்தரவுகள் மீறப்பட்டதாகக் கூறப்படும் முறைகேடு விவகாரம் நீதித்துறையில் பெரும் விவாதப் பொருளாகியுள்ளது. நெல்லையைச் சேர்ந்த ராமசுப்பு என்பவர் தாக்கல் செய்த பொதுநல வழக்கில், பொது நூலகங்களுக்குப் புத்தகங்கள் வாங்கும் போது வெளிப்படையான நடைமுறைகளைப் பின்பற்ற வேண்டும் என்றும், இணையதளம் மூலம் முன்கூட்டியே அறிவிப்பு வெளியிடப்பட்டு பொதுமக்களின் கருத்துகள் கேட்கப்பட வேண்டும் என்றும் நீதிமன்றம் ஏற்கனவே உத்தரவிட்டிருந்தது. ஆனால், இந்த உத்தரவுகள் முறையாக நடைமுறைப்படுத்தப்படவில்லை என்றும், பள்ளி கல்வித்துறை செயலாளர் நீதிமன்றத்தின் உத்தரவுகளை மீறியுள்ளதாகவும் கூறி நீதிமன்ற அவமதிப்பு வழக்குத் தாக்கல் செய்யப்பட்டது. இந்த வழக்கு உயர் நீதிமன்ற மதுரை கிளை நீதிபதிகள் ஜி.ஆர். சுவாமிநாதன் மற்றும் சுமதி அமர்வு முன்பு விசாரணைக்கு வந்தது. இதையும் படிக்க: தனியார் பள்ளி அங்கீகார முறைகேடு வழக்கு.. அன்பில் மகேஷ் ஜாமீன் மனு தள்ளுபடி.. சிறப்பு நீதிமன்றம் அதிரடி உத்தரவு!!

நீதிமன்றத்தின் கடுமையான கேள்விகள்:

வழக்கு விசாரணையின் போது, கோவை பெரியார் அறிவுலக நூலகம் உள்ளிட்ட பல்வேறு மண்டல நூலகங்களுக்குப் புத்தகங்கள் கொள்முதல் செய்யப்பட்ட விவகாரத்தில் முறைகேடுகள் நடந்துள்ளதாகக் குற்றச்சாட்டுகள் முன்வைக்கப்பட்டன. குறிப்பாக, கோவை பெரியார் அறிவுலக நூலகத்திற்கு அகல்விளக்கு பதிப்பகத்தின் புத்தகங்களை வாங்குவதற்குப் பரிந்துரை செய்தது யார் என்ற முக்கியக் கேள்வியை நீதிபதிகள் எழுப்பினர். குற்றவாளி யார் என்று உடனடியாகத் தெரியாவிட்டாலும், இது போன்ற முறைகேடு புகார்கள் எழும் போது காவல்துறை உடனடியாக வழக்குப்பதிவு செய்திருக்க வேண்டும் அல்லவா என்று கேள்வி எழுப்பிய நீதிபதிகள், லஞ்ச ஒழிப்புத்துறையின் செயல்பாடுகள் குறித்தும் விசாரித்தனர். மேலும், அகல்விளக்கு பதிப்பகத்தின் வங்கிக் கணக்கிலிருந்து யார் யாருக்குப் பணம் பரிமாற்றம் செய்யப்பட்டுள்ளது என்பது குறித்து இதுவரை என்ன விவரங்கள் சேகரிக்கப்பட்டுள்ளன என்பது குறித்தும் நீதிபதிகள் விளக்கம் கோரினர்.

அகல்விளக்கு பதிப்பக வங்கிக் கணக்கு முடக்கம்:

புத்தக கொள்முதல் முறைகேடு தொடர்பான விவகாரத்தில் உரிய விதிகள் பின்பற்றப்படாததைக் சுட்டிக்காட்டிய நீதிபதிகள், உடனடியாக அகல்விளக்கு பதிப்பகத்தின் வங்கிக் கணக்கை முழுமையாக முடக்க வேண்டும் என்று அதிரடி உத்தரவு பிறப்பித்தனர். அதோடு, இந்த விவகாரம் தொடர்பாக லஞ்ச ஒழிப்புத்துறை உடனடியாக முறையான வழக்குப்பதிவு செய்து தீவிர விசாரணை நடத்த வேண்டும் என்றும் அவர்கள் உத்தரவிட்டனர். பதிப்பகத்தின் வங்கிக் கணக்கிலிருந்து மேற்கொள்ளப்பட்ட பணப் பரிமாற்றங்கள் மற்றும் இதன் பின்னணியில் உள்ள நபர்கள் குறித்த முழுமையான தேதிவாரியான விவரங்களைத் தாக்கல் செய்யும்படி உத்தரவிட்ட நீதிபதிகள், வழக்கின் விசாரளையை மறுநாள் காலை 10:30 மணிக்கு ஒத்திவைத்தனர். நூலகப் புத்தக கொள்முதல் விவகாரத்தில் உயர் நீதிமன்றத்தின் இந்த அதிரடி உத்தரவு கல்வித்துறை வட்டாரத்தில் பெரும் பரபரப்பை ஏற்படுத்தியுள்ளது. இதையும் படிக்க: சென்னையில் ரவுடிகளுக்கு எதிராக அதிரடி வேட்டை.. சரித்திர பதிவேடு குற்றவாளிகள் உள்பட 222 பேர் பிடிப்பு.. 36 பேர் கைது!!

பெருமாள் முருகனின் ஆய்வும் முறைகேட்டின் வெளிப்பாடும்:

இத்தகைய புத்தக கொள்முதல் முறைகேடுகள் வெளிச்சத்திற்கு வருவதற்கு முக்கியக் காரணமாக, கோவை பெரியார் அறிவுலக நூலகத்தைப் பார்வையிட்ட பிரபல எழுத்தாளர் பெருமாள் முருகன் அங்குள்ள நூல்களின் தரம் மற்றும் கொள்முதல் முறை குறித்துத் தனது கடுமையான வருத்தத்தைப் பதிவு செய்திருந்தது குறிப்பிடத்தக்கது. நீதிமன்றம் பிறப்பித்த வெளிப்படையான கொள்முதல் வழிமுறைகளைக் காற்றில் பறந்துவிட்டு முறைகேடான முறையில் புத்தகங்கள் சேர்க்கப்பட்டுள்ளதைச் சுட்டிக்காட்டிய பதிவுகள் விவாதமானதைத் தொடர்ந்தே, இந்தச் சட்டப்பூர்வ நடவடிக்கைகள் தீவிரமடைந்துள்ளன. ]]> சீன் படத்தை வெகுவாகப் பாராட்டிய மகேஷ் பாபு… நன்றி தெரிவித்த நடிகர் சூர்யா – வைரலாகும் எக்ஸ் தள பதிவு! https://www.tv9tamilnews.com/entertainment/actor-suriya-thanks-actor-mahesh-babu-for-appreciating-the-movie-scene-119165.html Tue, 10 Nov 2026 13:32:37 +0530 https://www.tv9tamilnews.com/entertainment/actor-suriya-thanks-actor-mahesh-babu-for-appreciating-the-movie-scene-119165.html சீன் படத்தை வெகுவாகப் பாராட்டிய மகேஷ் பாபு… நன்றி தெரிவித்த நடிகர் சூர்யா – வைரலாகும் எக்ஸ் தள பதிவு!தமிழ் சினிமாவில் மட்டும் இன்றி பான் இந்திய மொழிகளில் இந்த தீபாவளி பண்டிகையை முன்னிட்டு பலப் படங்கள் வரிசையாக திரையரங்குகளில் வெளியானது. அதிலும் குறிப்பாக தமிழ் சினிமாவில் நடிகர் சூர்யாவின் (Actor Suriya) நடிப்பில் உருவான சீன் மற்றும் நயன்தாரா நடிப்பில் உருவான மூக்குத்தி அம்மன் 2 என இரண்டு படங்கள் திரையரங்குகளில் வெளியானது. இந்த இரண்டு படங்களில் மூக்குத்தி அம்மன் 2 படம் மக்களிடையே கலவையான விமர்சனத்தைப் பெற்று வருகின்றது. மேலும் நடிகர் சூர்யாவின் நடிப்பில் வெளியான சீன் படம் ரசிகர்களிடையே விமர்சன ரீதியாக மட்டும் இன்றி வசூல் ரீதியாகவும் மாபெரும் வரவேற்பைப் பெற்று வருவது குறிப்பிடத்தக்கது. இந்த சீன் படத்தை இயக்குநர் ஜித்து மாதவன் எழுதி இயக்கி உள்ளார். மேலும் இந்தப் படத்தில் நடிகர் சூர்யா உடன் இணைந்து நடிகர்கள் பலர் முக்கிய வேடத்தில் நடித்து உள்ளனர். மேலும் இந்தப் படம் திரையரங்குகளில் வெளியான மூன்று நாட்களிலேயே ரூபாய் 145 கோடிகள் வசூல் செய்துள்ளதாக தெரிவிக்கப்பட்டுள்ளது. இந்த நிலையில் நேற்று இந்தப் படத்தைப் பார்த்துவிட்டு நடிகர் மகேஷ் பாபு தனது கருத்துகளை எக்ஸ் தள பக்கத்தில் வெளியிட்டு இருந்தார். இந்தத் திரைப்படம் பார்க்க மிகவும் ரம்மியமாகவும், சுவாரஸ்யமாகவும், புத்திசாலித்தனமாகவும், மிகுந்த மகிழ்ச்சி தருவதாகவும் உள்ளது. 'இன்பராஜ்' கதாபாத்திரத்தில் சூர்யா மிகச் சிறப்பாக நடித்துள்ளார். நஸ்ரியா மற்றும் நாஸ்லென் ஆகியோரின் நடிப்பும் அபாரம். ஜித்து மாதவனின் எழுத்துத் திறன் மற்றும் நேர்த்தியான இயக்கம் என, அனைத்து அம்சங்களிலும் படம் ஈர்க்கும் வகையில் அமைந்துள்ளது. கண்டிப்பாகப் பார்க்க வேண்டிய திரைப்படம் என்று தெரிவித்து இருந்தார்.

சீன் படத்தை பாராட்டிய மகேஷ் பாபு... நன்றி தெரிவித்த நடிகர் சூர்யா:

இந்த நிலையில் நடிகர் மகேஷ் பாபுவிற்கு நன்றி தெரிவித்து நடிகர் சூர்யா தனது எக்ஸ் தள பக்கத்தில் பதிவு ஒன்றை வெளியிட்டுள்ளார். அதில் அவர் கூறியதாவது, அன்புள்ள மகேஷ் பாபு அவர்களே, உங்கள் கனிவான வார்த்தைகளுக்கும் பாராட்டுக்கும் மிக்க நன்றி. எங்கள் திரைப்படத்தைப் பார்ப்பதற்கு நேரம் ஒதுக்கி, உங்கள் அன்பைப் பகிர்ந்துகொண்டது உங்கள் பெருந்தன்மையையும் கனிவையும் காட்டுகிறது. எங்கள் ஒட்டுமொத்த குழுவின் சார்பாகவும், என் சார்பாகவும், இந்த அழகான செயலுக்கு மனமார்ந்த நன்றியைத் தெரிவித்துக்கொள்கிறேன். அன்பும் மரியாதையும் என்று தெரிவித்துள்ளார். இது தற்போது இணையத்தில் வைரலாகி வருகின்றது. Also Read... இது சீன் தீபாவளி… வசூலில் ஹாட்ரிக் அடிக்கும் சூர்யா – வெளியானது அப்டேட்

நடிகர் சூர்யா வெளியிட்டுள்ள எக்ஸ் தள பதிவு:

Also Read... தனது அடுத்தப் படத்தின் ஊதியத்தில் முக்கிய முடிவு எடுத்துள்ள நடிகர் விஷால்? வைரலாகும் தகவல் ]]> புடவை ஜொலிக்கணுமா? தீபாவளிக்குப் பின் செய்ய வேண்டிய டிப்ஸ்! https://www.tv9tamilnews.com/lifestyle/protecting-your-silk-sarees-after-diwali-119148.html Tue, 10 Nov 2026 13:30:28 +0530 https://www.tv9tamilnews.com/lifestyle/protecting-your-silk-sarees-after-diwali-119148.html புடவை ஜொலிக்கணுமா? தீபாவளிக்குப் பின் செய்ய வேண்டிய டிப்ஸ்!தீபாவளி பண்டிகைக்குப் பிறகு பட்டுப்புடவைகளை அப்படியே அலமாரியில் வைக்காமல், நிழலில் உலர்த்தி வியர்வை மற்றும் ஈரப்பதத்தை அகற்ற வேண்டும். உணவுக் கறைகள் மற்றும் எண்ணெய் பிசுபிசுப்பு இருக்கிறதா என்பதை வெளிச்சத்தில் சரிபார்த்து, சாதாரண சோப்பு கொண்டு தேய்க்காமல் டிரை கிளீனிங் செய்ய வேண்டும். பெர்ஃபியூம் மற்றும் மேக்கப் எச்சங்கள் பட்டுத் துணியைப் (Silk Sarees After Diwali ) பாதிக்காதவாறு கவனித்து, எவ்விதக் கடுமையான ரசாயனங்களையும் பயன்படுத்தாமல் பாதுகாக்க வேண்டும். ஒரே மடிப்பில் தொடர்ந்து வைத்தால் ஜரிகை மற்றும் மடிப்புப் பகுதிகள் பலவீனமடையும் என்பதால், மடிப்பு முறையை அடிக்கடி மாற்றி வைக்க வேண்டும். பருத்தி துணிகளில் சுற்றி வைப்பதுடன், ஈரப்பதம் அண்டாதவாறு காய்ந்த வேப்பிலை அல்லது சிலிக்கா ஜெல் பைகளைப் பயன்படுத்தலாம். பிளாஸ்டிக் பைகளுக்குப் பதிலாக மென்மையான காட்டன் துணிகளைப் பயன்படுத்துவது பட்டுப்புடவையின் தரத்தை நீண்ட காலம் தக்கவைக்கும். Also Read: முகத்தில் கரும்புள்ளிகள் அதிகரிக்க இதுவும் காரணமா? தவிர்க்க வேண்டிய பழக்கங்கள்!

தீபாவளிக்குப் பிறகு பட்டுப்புடவைகளைப் பாதுகாப்பது எப்படி?

தீபாவளிப் பண்டிகைக் கொண்டாட்டங்களுக்குப் பிறகு நாம் விரும்பி அணிந்த பட்டுப்புடவைகளை அப்படியே அலமாரியில் வைக்கக் கூடாது. உடலில் உள்ள வியர்வை, மேக்கப் மற்றும் காற்றில் இருக்கும் ஈரப்பதம் போன்றவை புடவையின் ஜரிகை மற்றும் தரத்தை வெகுவாகப் பாதிக்க வாய்ப்புள்ளது.

அணிந்த உடனே மடித்து வைப்பதைத் தவிர்க்கவும்

நாள் முழுவதும் பட்டுப்புடவையை அணிந்திருப்பதால் அதில் உடல் வியர்வை மற்றும் ஈரப்பதம் தங்கியிருக்கும். எனவே, புடவையை உடனே மடித்து வைக்காமல், நிழலான மற்றும் காற்றோட்டமான அறையில் சிறிது நேரம் விரித்து வைக்க வேண்டும். நேரடி சூரிய ஒளியில் காயவைத்தால் பட்டின் இயற்கை நிறம் மங்கிவிடும் என்பதை நினைவில் கொள்ள வேண்டும்.

கறைகள் மற்றும் துர்நாற்றத்தைச் சரிபார்க்கவும்

பண்டிகை நேரங்களில் சாப்பிடும்போது அல்லது இனிப்புகள் உண்ணும்போது எதிர்பாராதவிதமாக எண்ணெய் மற்றும் உணவுக்கறைகள் பட்டுப்புடவையில் படிய வாய்ப்புண்டு. குறிப்பாக முந்தானை மற்றும் மடிப்புகளில் கறை இருக்கிறதா எனப் பார்க்க வேண்டும். சாதாரண தண்ணீரோ சோப்போ கொண்டு கடுமையாகத் தேய்க்காமல், முறையான டிரை கிளீனிங் செய்வதற்கு நிபுணர்களை அணுகுவது பாதுகாப்பானது.

வாசனைத் திரவியங்கள் மற்றும் மேக்கப்பைக் கவனியுங்கள்

பெண்கள் பயன்படுத்தும் பெர்ஃபியூம், பாடி ஸ்ப்ரே மற்றும் மேக்கப் பொருட்கள் புடவையின் மீது பட்டு நிறம் மாறக் கூடும். புடவையைச் சேமிப்பதற்கு முன்னர், அந்தப் பொருட்கள் பட்டுத்துணியில் பட்டுள்ளதா என்பதைச் சரிபார்த்து, எவ்விதக் கடுமையான ரசாயனப் பொருட்களையும் பயன்படுத்தாமல் கவனமாகப் பராமரிக்க வேண்டும். Also Read: முகத்தில் கரும்புள்ளிகள் அதிகரிக்க இதுவும் காரணமா? தவிர்க்க வேண்டிய பழக்கங்கள்!

புடவையின் மடிப்பு முறையை மாற்றி வைக்கவும்

ஒரே மாதிரியான மடிப்புகளில் தொடர்ந்து பட்டுப்புடவைகளை வைப்பது ஜரிகைப் பகுதியையும் மடிப்புக்கோடுகளையும் பலவீனப்படுத்தும். இதனால் துணி கிழிந்து போகும் அபாயம் உள்ளது. எனவே, ஒவ்வொரு முறை மடிக்கும்போதும் முந்தைய மடிப்புகளிலிருந்து சற்று மாற்றி புதிய கோடுகளில் மடித்து வைப்பது பட்டுப்புடவையின் ஆயுளை நீட்டிக்க உதவும். ]]> இனி சிறுவர்கள் இன்ஸ்டாவில் போலி வயதை போட முடியாது.. விரைவில் வரும் முக்கிய அம்சம்! https://www.tv9tamilnews.com/technology/metas-new-ai-feature-instagram-safeguards-teens-from-online-risks-119173.html Tue, 10 Nov 2026 13:25:00 +0530 https://www.tv9tamilnews.com/technology/metas-new-ai-feature-instagram-safeguards-teens-from-online-risks-119173.html இனி சிறுவர்கள் இன்ஸ்டாவில் போலி வயதை போட முடியாது.. விரைவில் வரும் முக்கிய அம்சம்!இன்ஸ்டாகிராம் (Instagram) டீனேஜர்களின் பாதுகாப்பை உறுதி செய்யும் வகையில், ஒரு மிகப்பெரிய மாற்றத்தை மேற்கொள்ள உள்ளது. அதாவது, இன்ஸ்டாகிராம் உள்ளிட்ட சமூக ஊடக செயலிகள் மூலம் சிறுவர்கள், பாலியல் தொல்லை, சைபர் மோசடிகளில் சிக்கி தவிக்கின்றனர். இதற்காக இன்ஸ்டாகிராம் தொடர்ந்து பல்வேறு நடவடிக்கைகளை மேற்கொண்டு வரும் நிலையில், தற்போது முக்கிய மாற்றத்தை மேற்கொள்ள உள்ளது. இந்த நிலையில், இன்ஸ்டாகிராமின் அந்த புதிய அம்சம் மற்றும் அதன் சிறப்பு அம்சங்கள் என்ன என்ன என்பது குறித்து விரிவாக பார்க்கலாம்.

ஏஐ அம்சத்துடன் கூடிய வயதை கணிக்கும் அம்சம் : மெட்டா அறிவிப்பு

இன்ஸ்டாகிராம் செயலியில் சிறுவர்கள் அதிக சிக்கல்களை எதிர்க்கொண்டு வருகின்றனர் . இதன் காரணமாக கட்டுப்பாடுகளுடன் சிறுவர்களுக்கான கணக்கை பயன்படுத்த அந்த நிறுவனம் நடவடிக்கை மேற்கொண்டு வருகிறது. அந்த வகையில் தான், தற்போது புதிய நடவடிக்கை ஒன்றை மேற்கொள்ள உள்ளது. அதாவது, ஏஐ அம்சத்துடன் கூடிய வயதை கணிக்கும் அம்சத்தை (AI Powered Age Guessing Technology) அறிமுகம் செய்ய உள்ளதாக கூறியுள்ளது. நேற்று (நவம்பர் 09, 2026) இந்த அறிவிப்பை மெட்டா வெளியிட்டுள்ளது. இதையும் படிங்க : சொமேட்டோவில் இனி பிடித்த கடைகளில் ஆர்டர் செய்யலாம்.. தூரம் ஒரு Matter இல்லை.. வந்தது புதிய அம்சம்!

டீன் கணக்குக்கு மாற்றப்படும் கணக்குகள்

இன்ஸ்டாகிராம் பயன்படுத்தும் சிறுவர்களின் பாதுகாப்பை உறுதி செய்யும் வகையில், டீன் கணக்கு (Teen Accounts) என்ற அம்சத்தை இன்ஸ்டாகிராம் வைத்துள்ளது. இந்த அம்சத்தில் 18 வயதுக்கு கீழ் உள்ளவர்கள் கணக்கு தொடங்கிக்கொள்ளலாம். இந்த கணக்கில் மற்ற கணக்கு உள்ளதை போல் இருக்காது. சிறுவர்களின் பாதுகாப்பை உறுதி செய்யும் வகையில், சில கட்டுப்பாடுகள் இந்த கணக்குக்கு இருக்கும். இதையும் படிங்க : ChatGPT மூலம் உங்கள் புகைப்படத்தை GIF ஆக மாற்றலாம்.. எப்படி?

போலியாக வயதை குறிப்பிடும் சிறுவர்கள்

சிறுவர்களை பாதுகாக்கும் வகையில் இன்ஸ்டாகிராம் டீன் கணக்குகளை செயல்படுத்தி வரும் நிலையில், சிறுவர்கள் சிலர் கட்டுப்பாடுகள் இல்லாமல் இன்ஸ்டகிராம் கணக்கை பயன்படுத்த போலியான வயதை குறிப்பிட்டு கணக்கு தொடங்குகின்றனர். அதாவது, 18 வயதுக்கு கீழ் உள்ளவர்கள் தங்களுக்கு 18 வயதுக்கு மேல் உள்ளதை போல போலியான வயதை குறிப்பிடுகின்றனர். இதன் மூலம் அவர்கள் மீண்டும் சிக்கல்களில் சிக்கிக்கொள்ளும் வாய்ப்பு உள்ளது. இந்த நிலையில் தான், இந்த சிக்கலை தடுக்க செயற்கை நுண்ணறிவு அம்சத்துடன் கூடிய வயதை கண்டறியும் அம்சத்தை அறிமுகம் செய்ய உள்ளதாக மெட்டா அறிவித்துள்ளது. இந்த அம்சம் விரைவில் பயன்பாட்டுக்கு வர உள்ளது குறிப்பிடத்தக்கது. ]]>