தன்னம்பிக்கையைத் தகர்க்கும் 6 சொற்கள்: உங்கள் பேச்சில் இவை இருக்கிறதா?
Communication Skills: உரையாடலில் தன்னம்பிக்கையை வெளிப்படுத்த "இங்கே பாருங்கள்", "நான் நினைக்கிறேன்" மற்றும் "உண்மையைச் சொல்ல வேண்டும் என்றால்" போன்ற தயக்கத்தைக் காட்டும் சொற்களைத் தவிர்க்க வேண்டும். தேவையற்ற சொற்றொடர்களையும் நிரப்பு வார்த்தைகளையும் பயன்படுத்துவதற்குப் பதிலாக, நேர்மறையான சொற்களையும் சிறிய அமைதி இடைவெளிகளையும் (Pause) கையாள்வது நல்லது.
வேலை செய்யும் இடங்களிலும் பொது மேடைகளிலும் பேசும்போது நமது தன்னம்பிக்கையை வெளிப்படுத்துவது மிகவும் அவசியமானது. உரையாடலின் போது “இங்கே பாருங்கள்” அல்லது “நான் சொல்வதைக் கேளுங்கள்” போன்ற அதிகாரத் தொனியிலான சொற்களைப் பயன்படுத்துவது நமது தயக்கத்தையே வெளிப்படுத்தும். அதேபோல, “நான் என்ன சொல்ல வருகிறேன் என்றால்…” என்று மீண்டும் விளக்குவது நமது பேச்சின் தெளிவின்மையைக் காட்டிவிடும். ஆழ்ந்து யோசிக்காமல் “நான் நினைக்கிறேன்…” எனக் கூறுவதற்குப் பதிலாக, தெளிவான முடிவுகளை நேரடியாக முன்வைக்க வேண்டும். மேலும், “உண்மையைச் சொல்ல வேண்டும் என்றால்…” போன்ற சொற்றொடர்கள் கேட்பவர்களிடம் தேவையற்ற சந்தேகத்தை உருவாக்கும். பேச்சின் நடுவே “உங்களுக்குத் தெரியுமா…” போன்ற தேவையற்ற நிரப்பு வார்த்தைகளைப் பயன்படுத்துவதைத் முற்றிலும் தவிர்க்க வேண்டும்.
அதிகாரத் தொனியைத் தவிர்த்தல்
பேச்சின் போது “இங்கே பாருங்கள்” (Look!) அல்லது “நான் சொல்வதைக் கேளுங்கள்” (Listen!) போன்ற சொற்களைப் பயன்படுத்துவது கேட்பவர்களைக் கட்டாயப்படுத்துவது போல் அமையும். தலைவர்கள் அல்லது திறமையான பேச்சாளர்கள் இத்தகைய சொற்களைப் பயன்படுத்துவதைத் தவிர்க்க வேண்டும். அதிகாரத்தைப் பிரயோகிப்பதற்குப் பதிலாக, “நான் உறுதியாக நம்புகிறேன்” என்ற நேர்மறையான சொற்களைப் பயன்படுத்திப் பேசுவது மக்களின் கவனத்தை இயல்பாகவே ஈர்க்கும்.
தெளிவற்ற விளக்கங்களைத் தவிர்த்தல்
நாம் பேசியதை நாமே மீண்டும் விளக்கும் நோக்கில் “நான் என்ன சொல்ல வருகிறேன் என்றால்…” (What I mean is) என்ற சொற்றொடரைப் பயன்படுத்துவது, நமது முந்தைய பேச்சு தெளிவற்று இருந்ததை ஒப்புக்கொள்வது போலாகிவிடும். இதன் மூலம் கேட்பவர்கள் நமது பேச்சின் மீதான நம்பகத் தன்மையை இழக்க நேரிடும். எனவே, கூடுதல் விளக்கங்களைத் நேரடியாகவும் சுருக்கமாகவும் தெளிவாகவும் வழங்குவதே சிறந்தது.
தயக்கமற்ற கருத்துப் பதிவு
ஆழ்ந்து யோசிக்காமல் அரைகுறையாகப் பேசும்போது “நான் நினைக்கிறேன்…” (I’m thinking that) போன்ற சொற்கள் வெளிப்படுகின்றன. கேட்கும் நபர்கள் உங்களின் சிந்தனைச் செயல்பாட்டை விட, உங்களின் தெளிவான முடிவையே எதிர்பார்க்கிறார்கள். அதேபோல, “உண்மையைச் சொல்ல வேண்டும் என்றால்…” (I’ll be honest) எனக் கூறுவது, நீங்கள் இதுவரை கூறிய கருத்துகள் உண்மையற்றவையோ என்ற சந்தேகத்தை விதைக்கும். யோசிப்பதற்குச் சிறிய இடைவெளி (Pause) விடுவது இத்தகைய சொற்களைத் தவிர்க்க உதவும்.
Also Read: ORS பற்றி இதெல்லாம் உங்களுக்கும் தெரியாதா? உஷார் மக்களே!
தேவையற்ற நிரப்பு வார்த்தைகளை நீக்குதல்
உரையாடல்களின் போது இயல்பாக வரும் “உங்களுக்குத் தெரியுமா…” (You know) போன்ற சொற்களும், தயக்கத்தால் வெளிப்படும் “ம்ம்…”, “ஆஹ்…” போன்ற சப்தங்களும் பேச்சின் மதிையைக் குறைக்கின்றன. உரையாடலில் தேவையற்ற சொற்களை நிரப்புவதற்குப் பதிலாக, அமைதியான சிறிய இடைவெளிகளைப் பின்பற்றுவது உங்கள் பேச்சை மேலும் சக்திவாய்ந்ததாகவும் தன்னம்பிக்கை நிறைந்ததாகவும் மாற்றும்.
பொறுப்புத் துறப்பு: இத்தளத்தில் உள்ள லைப்ஸ்டைல், ஆரோக்கியம் மற்றும் உணவு சார்ந்த தகவல்கள் பொதுவான விழிப்புணர்விற்காக மட்டுமே; இவை மருத்துவ ஆலோசனையல்ல. இதில் உள்ள குறிப்புகளைப் பின்பற்றும் முன் தகுந்த நிபுணர் அல்லது மருத்துவரின் ஆலோசனையைப் பெறுவது அவசியமாகும்.
