Team India: 4 அணிகளை தேர்வு செய்ய வேண்டிய சூழல்.. சிக்கலில் பிசிசிஐ தேர்வுக்குழு!
IND vs NZ Tour 2026: நியூசிலாந்து சுற்றுப்பயணம் 2026 க்கான இந்திய அணி தேர்வு தேர்வாளர்களுக்குப் பெரிய சவாலாகியுள்ளது. ஒரே நேரத்தில் நான்கு வெவ்வேறு அணிகளைத் தேர்ந்தெடுக்க வேண்டும். பன்ட், பும்ரா, கே.எல். ராகுல் போன்ற முக்கிய வீரர்களின் பணிச்சுமை மேலாண்மை, இந்தியா 'ஏ' மற்றும் பிரதான அணிகளுக்கு இடையேயான வீரர்கள் பகிர்வு ஆகியவை இதில் அடங்கும். முகேஷ் குமார், மயங்க் யாதவ் போன்ற புதிய வீரர்களுக்கும் வாய்ப்புள்ளது.
வெஸ்ட் இண்டீஸ் (IND vs WI) தொடருக்குப் பிறகு, இந்திய அணி (Indian Cricket Team) நியூசிலாந்துக்குச் சுற்றுப்பயணம் மேற்கொள்ள உள்ளது. இந்தச் சுற்றுப்பயணத்திற்கான அணியை இந்தியத் தேர்வாளர்கள் விரைவில் அறிவிப்பார்கள் என எதிர்பார்க்கப்படுகிறது. இருப்பினும், ஒரே நேரத்தில் 4 அணிகள் தேர்ந்தெடுக்கப்பட வேண்டியிருப்பதால், இது தேர்வாளர்களுக்கு ஒரு கடினமான பணியாக இருக்கும். இந்தச் சுற்றுப்பயணத்தில் ஒரு டி20 தொடர், ஒரு ஒருநாள் போட்டி மற்றும் ஒரு டெஸ்ட் தொடர் ஆகியவை அடங்கும். இந்திய ‘ஏ’ அணியும் பங்கேற்கவிருப்பதால், தேர்வாளர்கள் 4 வெவ்வேறு அணிகளைத் தேர்ந்தெடுக்க வேண்டியிருக்கும்.
ALSO READ: ஒரே நாளில் 2 போட்டிகளில் விளையாடும் IND.. டி20 மற்றும் ஒருநாள் போட்டிகள் எந்த நேரத்தில் நடைபெறும்?
ஒரே நேரத்தில் 4 அணிகள் தேர்வு:
இந்த சுற்றுப்பயணமானது வருகின்ற 2026 அக்டோபர் 22ம் தேதி டி20 போட்டிகளுடன் தொடங்கும். தகவல்களின்படி, தேர்வுக் கூட்டம் இன்று அதாவது 2026 அக்டோபர் 5ம் தேதி நடைபெறவிருந்தது. இருப்பினும், வேகப்பந்து வீச்சாளர் பிரசித் கிருஷ்ணாவின் உடற்தகுதி அறிக்கைக்காகக் காத்திருந்ததால் இது ஒத்திவைக்கப்பட்டது. தேர்வாளர்கள் எதிர்கொள்ளும் மிகப்பெரிய சவால், ஒன்றுக்கொன்று முரண்படும் போட்டி அட்டவணைதான். நியூசிலாந்தில் வருகின்ற 2026 அக்டோபர் 24 அன்று தொடங்கும் இந்தியா ‘ஏ’ தொடர், டி20 மற்றும் ஒருநாள் தொடர்களுடன் ஒரே நேரத்தில் நடைபெறவுள்ளது.
இந்திய அணி தேர்வில் உள்ள சவால்:
- முக்கிய டெஸ்ட் அணி வீரர்களுக்கு நியூசிலாந்து சூழ்நிலைகளில் டெஸ்ட் பந்துப் பயிற்சியை அதிகமாக அளிப்பதே தேர்வாளர்களின் முதல் முன்னுரிமையாகும்.
- தற்போது டெஸ்ட் கிரிக்கெட்டில் மட்டுமே விளையாடி வரும் ரிஷப் பண்ட், தனது ஆயத்தங்களை வலுப்படுத்திக்கொள்ள குறைந்தபட்சம் ஒரு இந்தியா ‘ஏ’ அணிப் போட்டியிலாவது விளையாடுவார்.
- கே.எல். ராகுல், தேவதத் படிக்கல் மற்றும் சாய் சுதர்ஷன் ஆகியோரும் இந்தியா ‘ஏ’ அணியின் குறைந்தபட்சம் ஒரு போட்டியிலாவது பங்கேற்பார்கள்.
- 2026 அக்டோபர் 24ம் தேதி இந்தியா ‘ஏ’ அணிக்காக தனது முதல் போட்டியில் விளையாடிய பிறகு, கே.எல். ராகுல் ஆக்லாந்தில் ஒருநாள் அணியுடன் இணைவார்.
- வெலிங்டன் டெஸ்டுக்கு முன்பு பும்ராவின் பணிச்சுமையை படிப்படியாக அதிகரிக்க வேண்டும் என அணி நிர்வாகம் விரும்புகிறது. இருப்பினும், அவரை இந்தியா ‘ஏ’ அணிப் போட்டிகளில் விளையாட வைப்பது ஒருநாள் அணியை பலவீனப்படுத்தக்கூடும்.
- அதே சமயம் சில தேர்வுக்குழு அதிகாரிகள் பும்ராவை ரஞ்சி கோப்பையில் விளையாட அனுமதிப்பதில் உடன்பாடு இல்லை. எனவே, பும்ரா இந்தியா ‘ஏ’ அணியில் இடம்பெற மாட்டார்.
முகேஷ் குமார்-ஆகாஷ் தீப்க்கு மீண்டும் வாய்ப்பா?
இரானி கோப்பையில் ஜம்மு காஷ்மீருக்கு எதிராக 8 விக்கெட்டுகளை வீழ்த்திய பெங்கால் வேகப்பந்து வீச்சாளர் முகேஷ் குமாருக்கு மீண்டும் இந்திய அணியில் வாய்ப்பு கிடைக்கலாம். மேலும், முகேஷ் குமாருக்கு இந்தியா ‘ஏ’ அணியின் மூன்று போட்டிகளுக்கும் தேர்ந்தெடுக்கப்பட வாய்ப்புள்ளது. டெஸ்ட் போட்டிகளுக்குத் தயாராவதற்காக ஆகாஷ் தீப்பும் சில போட்டிகளில் விளையாடுவார். மேலும், இந்தியா ‘ஏ’ தொடர் முடிந்த பிறகு, டெஸ்ட் அணிக்கு வலைப்பயிற்சி அளிப்பதற்காக சில வேகப்பந்து வீச்சாளர்கள் நியூசிலாந்தில் தக்கவைக்கப்படலாம்.
ALSO READ: 2027 ஒருநாள் உலகக் கோப்பைக்கான இந்திய அணி.. இந்த 6 அனுபவ வீரர்கள் மட்டுமே உறுதி!
ருதுராஜ் கெய்க்வாட்டுக்கு இடம் கிடைக்குமா?
இதற்கிடையில், வேகப்பந்து மற்றும் நீண்ட நேரம் பந்துவீசுவதற்கான தனது மேம்பட்ட உடற்தகுதியால் தேர்வாளர்களைக் கவர்ந்து வரும் மயங்க் யாதவ், ஒருநாள் அணியில் இடம்பெற வாய்ப்புள்ளது. ருதுராஜ் கெய்க்வாட், நமன் திர் மற்றும் குமார் குஷாக்ரா ஆகியோரும் ஒருநாள் அணியில் சேர்க்கப்படலாம்.
