IND A vs AUS A: ஆஸ்திரேலியா ஏ அணிக்கு எதிரான ஒருநாள் போட்டி.. ஹர்திக் இல்லாத நிலையில் யாருக்கு வாய்ப்பு?
India A vs Australia A ODI Series 2026: இந்தியா 'ஏ' - ஆஸ்திரேலியா 'ஏ' அணிகள் மோதும் ஒருநாள் தொடர் அக்டோபர் 6, 2026 அன்று புதுச்சேரியில் தொடங்குகிறது. ருதுராஜ் கெய்க்வாட் தலைமையில் இந்திய 'ஏ' அணி விளையாட, காயம் காரணமாக ஹர்திக் பாண்டியா தொடரிலிருந்து விலக்கப்பட்டு, சூர்யான்ஷ் ஷெட்ஜ் சேர்க்கப்பட்டுள்ளார். பாண்டியா நியூசிலாந்து தொடரையும் தவறவிட வாய்ப்புள்ளது.
இந்திய கிரிக்கெட் அணி (Indian Cricket Team) ஒன்று, வருகின்ற 2026 அக்டோபர் 6ம் தேதி தொடங்கும் வெஸ்ட் இண்டீஸ் அணிக்கு எதிரான டி20 தொடரில் விளையாட உள்ளது. இந்தியாவின் மற்றொரு அணி ஆஸ்திரேலியாவை எதிர்கொள்ளும். இந்தியா ‘ஏ’ மற்றும் ஆஸ்திரேலியா ‘ஏ’ அணிகளுக்கு (IND A vs AUS A) இடையேயான ஒருநாள் தொடர் வருகின்ற 2026 அக்டோபர் 6ம் தேதி தொடங்குகிறது. ருதுராஜ் கெய்க்வாட் தலைமையில் இந்திய அணி விளையாடும் நிலையில், ஹர்திக் பாண்டியா இந்தத் தொடரிலிருந்து நீக்கப்பட்டுள்ளார்.
ஆஸ்திரேலியா ‘ஏ’ அணியின் இந்திய சுற்றுப்பயணம் 2026 செப்டம்பர் 22ம் தேதி தொடங்கியது. ஆஸ்திரேலியா ‘ஏ’ அணி முதலில் இந்தியா ‘ஏ’ அணிக்கு எதிராக இரண்டு டெஸ்ட் போட்டிகள் கொண்ட தொடரில் விளையாடினர், இதில் இந்தியா 1-0 என்ற கணக்கில் வெற்றி பெற்றது. முதல் அதிகாரப்பூர்வமற்ற டெஸ்ட் போட்டியில் இந்தியா ‘ஏ’ அணி 162 ரன்கள் வித்தியாசத்தில் வெற்றி பெற்றது, அதே நேரத்தில் இரண்டாவது போட்டி சமநிலையில் முடிந்தது. இரு அணிகளும் இப்போது வருகின்ற 2026 அக்டோபர் 6 முதல் 2026 அக்டோபர் 11 வரை 3 ஒருநாள் போட்டிகளில் விளையாட உள்ளன.
ALSO READ: முடிந்த ஒருநாள் தொடர்! IND vs WI டி20 தொடர் எப்போது..? முழு அட்டவணை!
காயத்தால் வெளியேறிய ஹர்திக் பாண்ட்யா:
முன்னதாக, ஆஸ்திரேலியா ஏ அணிக்கு எதிரான ஒருநாள் தொடருக்கான இந்தியா ‘ஏ’ அணியில் ஹர்திக் பாண்டியா சேர்க்கப்பட்டிருந்தார். இருப்பினும், ஹர்திக் இன்னும் காயத்திலிருந்து குணமடையாததால், வரவிருக்கும் ஒருநாள் தொடரில் இருந்து விலக்கப்பட்டுள்ளார். அவருக்குப் பதிலாக சூர்யான்ஷ் ஷெட்ஜ் அணியில் சேர்க்கப்பட்டுள்ளார்.
சமீபத்திய அறிக்கையின்படி, ஹர்திக் பாண்ட்யா குணமடைய நீண்ட காலம் ஆகலாம் என பிசிசிஐ-யின் சென்டர் ஆஃப் எக்ஸலன்ஸ் தெரிவித்திருந்தது. இதன் விளைவாக, நியூசிலாந்துக்கு எதிரான தொடரில் ஹர்திக் பாண்ட்யா திரும்புவதற்கான வாய்ப்புகள் குறைந்துள்ளன. ருதுராஜ் கெய்க்வாட் தலைமையிலான இந்திய ஏ அணியில், ரஜத் படிதார், தேவ்தத் படிக்கல் மற்றும் சாய் சுதர்ஷன் ஆகியோரும் ஆஸ்திரேலியா ‘ஏ’ அணிக்கு எதிரான ஒருநாள் தொடரில் இடம் பெற்றுள்ளனர்.
ALSO READ: பயம்காட்டிய நவாஸ்.. போராடிய இந்திய பவுலர்கள்.. தங்கத்தை தூக்கிய ஷ்ரேயாஸ் படை!
இந்தியா-ஆஸ்திரேலியா ஒருநாள் தொடர் அட்டவணை
இந்தியா ‘ஏ’ மற்றும் ஆஸ்திரேலியா ‘ஏ’ அணிகளுக்கு இடையேயான முதல் ஒருநாள் போட்டி 2026 அக்டோபர் 6ம் தேதியும், இரண்டாவது போட்டி 2026 அக்டோபர் 9ம் தேதியும், இறுதிப் போட்டி 2026 அக்டோபர் 11ம் தேதியும் நடைபெறும். இந்த மூன்று போட்டிகளையும் புதுச்சேரியில் உள்ள கேப்ஸ் மைதானம் நடத்தும்.
- 2026 அக்டோபர் 6 – முதல் ஒருநாள் போட்டி – இந்தியா ‘ஏ’ பிரிவு vs ஆஸ்திரேலியா ‘ஏ’ பிரிவு
- 2026 அக்டோபர் 9 – 2வது ஒருநாள் போட்டி – இந்தியா ஏ எதிராக ஆஸ்திரேலியா ஏ
- 2026 அக்டோபர் 11 – 3வது ஒருநாள் போட்டி – இந்தியா A vs ஆஸ்திரேலியா A
இந்திய ஏ ஒருநாள் அணி:
ருதுராஜ் கெய்க்வாட் (கேப்டன்), சாய் சுதர்ஷன், தேவ்தத் படிக்கல், ரஜத் படிதார், பிரப்சிம்ரன் சிங், பிரியன்ஸ் ஆர்யா, நமன் தீர், நிஷாந்த் சிந்து, அர்ஷின் குல்கர்னி, அர்ஷத் கான், விப்ராஜ் நிகம், குமார் குஷாக்ரா, யஷ் தாகூர், சூர்யான்ஷ் ஷெட்ஜ்.
