AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

பாகிஸ்தான் ஏ அணி அதிரடி ஆட்டம் – இந்தியா ஏ அணிக்கு 314 ரன்கள் இலக்கு

ரைசிங் ஸ்டார்ஸ் ஆசியக் கோப்பை தொடரில் இந்தியா ஏ அணிக்கு எதிரான போட்டியில் முதலில் பேட்டிங் செய்த பாகிஸ்தான் ஏ அணி, இந்திய அணிக்கு 314 ரன்கள் இலக்கு நிர்ணயித்துள்ளது. தற்போது இந்தியா ஏ அணி 314 ரன்கள் எடுத்தால் வெற்றி என்ற இலக்கை நோக்கி விளையாட உள்ளது.

பாகிஸ்தான் ஏ அணி அதிரடி ஆட்டம் – இந்தியா ஏ அணிக்கு 314 ரன்கள் இலக்கு
ரைசிங் ஸ்டார்ஸ் ஆசியக் கோப்பை
Karthikeyan S
Karthikeyan S | Updated On: 22 Nov 2026 20:05 PM IST

ரைசிங் ஸ்டார்ஸ் ஆசியக் கோப்பை தொடரில் இந்தியா ஏ அணிக்கு (India A ) எதிரான போட்டியில் முதலில் பேட்டிங் செய்த பாகிஸ்தான் ஏ அணி, இந்திய அணிக்கு 314 ரன்கள் இலக்கு நிர்ணயித்துள்ளது. தற்போது இந்தியா ஏ அணி 314 ரன்கள் எடுத்தால் வெற்றி என்ற இலக்கை நோக்கி விளையாட உள்ளது.

இந்தியா ஏ அணிக்கு 314 ரன்கள் இலக்கு

ஏசிசி ரைசிங் ஸ்டார்ஸ் ஆசிய கோப்பை போட்டியில், பாகிஸ்தான் ஏ அணி இந்தியா ‘ஏ’ அணிக்கு எதிராக 314 ரன்கள் என்ற இலக்கை நிர்ணயித்துள்ளது. டாஸ் வென்று பேட்டிங் தேர்வு செய்த பாகிஸ்தான் ஷஹீன்ஸ் அணி 49.2 ஓவர்களில் 313 ரன்களுக்கு அனைத்து விக்கெட்டுகளையும் இழந்தது. பாகிஸ்தான் அணிக்கு ஹசன் நவாஸ், மஸ் சதாக்கத் மற்றும் ஃபர்ஹான் யூசுஃப் போன்ற பேட்ஸ்மேன்களின் சிறப்பான ஆட்டம் பாகிஸ்தான் ‘ஏ’ அணிக்கு ஒரு நல்ல ஸ்கோரைப் பெற்றுத் தந்தது.

இதையும் படிக்க : Team India: டிரெஸ்ஸிங் ரூம் சர்ச்சை.. காம்பீர் ஆறுதல்.. மனவேதனையை பகிர்ந்த சர்பராஸ் கான்!

அதிரடி காட்டிய பாகிஸ்தான் வீரர்கள்

பாகிஸ்தான் ஏ அணியில், ஹசன் நவாஸ் 82 பந்துகளில் 79 ரன்கள் எடுத்து அதிகபட்ச ஸ்கோரை அடித்தார். மஸ் சதாக்கத் 63 பந்துகளில் 59 ரன்கள் எடுத்தார். தொடக்க ஆட்டக்காரர்களான மஸ் சதாக்கத் மற்றும் ஷமீல் ஹுசைன் இருவரும் முதல் விக்கெட்டுக்கு 7.5 ஓவர்களில் 66 ரன்கள் சேர்த்தனர். பாகிஸ்தான் தொடக்க ஆட்டக்காரர்கள் டி20 பாணியில் பேட்டிங் செய்தனர். முதல் விக்கெட்டுக்குப் பிறகு பாகிஸ்தான் ரன் வேகத்தைக் குறைத்தது. 23 பந்துகளில் 33 ரன்கள் எடுத்திருந்த ஷாமிலை ஆட்டமிழக்கச் செய்து, ஆயுஷ் படோனி இந்தியா ‘ஏ’ அணிக்கு முதல் விக்கெட்டைப் பெற்றுத் தந்தார்.

ஒரு விக்கெட் இழப்பிற்குப் பிறகு களமிறங்கிய ரோஹைல் நசீர், ஹர்ஷித் ராணாவால் ரன் ஏதும் எடுக்காமல் ஆட்டமிழந்தார். பின்னர், மஸ் சதாக்கத் மற்றும் ஹசன் நவாஸ் மூன்றாவது விக்கெட்டுக்காக பாகிஸ்தானின் ரன் குவிப்பை முன்னெடுத்துச் சென்றனர். சதாக்கத் மற்றும் நவாஸ் தவிர, ஃபர்ஹான் யூசுஃபும் 48 பந்துகளில் 56 ரன்கள் குவித்து மிகப்பெரிய ஸ்கோரை எட்ட உதவினார்

மேலும் அப்துல் சமத் 35 பந்துகளில் 28 ரன்களும், முகமது இம்ரான் 14 பந்துகளில் 23 ரன்களும் எடுத்தனர் மேலும் சாத் மசூத் 13 பந்துகளில் 9 ரன்களும், அகமது தானியால் 9 பந்துகளில் 8 ரன்களும் சுஃபியான் முகிம் 5 பந்துகளில் ஆட்டமிழக்காமல் 3 ரன்களும் எடுத்தனர். இந்தியா ‘ஏ’ அணியில், ஹர்ஷித் ராணா, சூர்யான்ஷ் ஷெட்ஜ், விப்ராஜ் நிகம் மற்றும் பிரின்ஸ் யாதவ் தலா இரண்டு விக்கெட்டுகளையும், ஆயுஷ் படோனி ஒரு விக்கெட்டையும் கைப்பற்றினர்.

இதையும் படிக்க : IPL 2026: பஞ்சாப் அணியில் ஹர்திக் ரோல் என்ன..? ரிக்கி பாண்டிங் ப்ளான் இதுதான்!

தொடரின் தங்களது முதல் போட்டிகளில் இரு அணிகளும் வெற்றி பெற்றன. முதல் போட்டியில் இந்தியா ‘ஏ’ அணி நேபாளை 306 ரன்கள் வித்தியாசத்தில் தோற்கடித்தது. 333 ரன்கள் இலக்கைத் துரத்திய இந்தியா ‘ஏ’ அணி, நேபாளை வெறும் 26 ரன்களுக்குள் ஆட்டமிழக்கச் செய்தது. முதல் போட்டியில் பாகிஸ்தான் ‘ஏ’ அணி ஐக்கிய அரபு அமீரகத்தை 61 ரன்கள் வித்தியாசத்தில் தோற்கடித்தது. 246 ரன்கள் இலக்கைத் துரத்திய ஐக்கிய அரபு அமீரகம் 184 ரன்களுக்குள் அனைத்து விக்கெட்டுகளையும் இழந்தது.

Follow Us