மதுரையில் கடந்த சில நாட்களுக்கு முன்பு நடைபெற்ற பல கோடி ரூபாய் மதிப்புள்ள 'தனிஷ்க்' நகைக்கடை கொள்ளை வழக்கில் முக்கியக் குற்றவாளியான யூடியூபர் நிஷாந்த் (25), தருமபுரி அருகே பேருந்தில் தப்பியோட முயன்றபோது தனிப்படை போலீசாரால் அதிரடியாகக் கைது செய்யப்பட்டுள்ளார். மதுரை பைபாஸ் சாலையில் உள்ள தனிஷ்க் நகைக்கடையில், கடந்த நவம்பர் நடுப்பகுதியில் கோடிக்கணக்கான ரூபாய் மதிப்புள்ள நகைகள் கொள்ளையடிக்கப்பட்டது பெரும் அதிர்ச்சியை ஏற்படுத்தியது. இந்தக் கொள்ளைச் சம்பவம் குறித்து தீவிர விசாரணை மேற்கொண்ட காவல்துறையினர், சிசிடிவி காட்சிகளை ஆய்வு செய்தபோது முக்கியத் துப்புகளைப் பெற்றனர். கொள்ளைக்கு முன்பு வாடிக்கையாளர் போலக் கடையை ஆய்வு செய்தபோது பதிவான சிசிடிவி காட்சிகளில் இருந்த கை டாட்டூ மற்றும் பிற அடையாளங்களைக் கொண்டு முக்கியக் குற்றவாளி நிஷாந்த் எனப் போலீசார் உறுதி செய்தனர்