அமேசான் – ஃபிளிப்கார்ட் வழங்கும் தள்ளுபடிகள் உண்மையா? எப்படி கண்டுபிடிப்பது?
ஃபிளிப்கார்ட் மற்றும் அமேசான் இ-காமர்ஸ் நிறுவனங்கள் சுநத்திர தின தள்ளுபடி விற்பனையை அறிவித்திருக்கின்றன. ஆன்லைன் விற்பனையின் போது விளம்பரப்படுத்தப்படும் மிகப்பெரிய தள்ளுபடிகள் உண்மையா என்ற சந்தேகம் பலருக்கும் இருக்கும். அதனை எப்படி தெரிந்து கொள்வது என இந்த கட்டுரையில் விரிவாக பார்க்கலாம்.
ஃபிளிப்கார்ட் மற்றும் அமேசான் இ-காமர்ஸ் நிறுவனங்கள் சுநத்திர தின தள்ளுபடி விற்பனையை அறிவித்திருக்கின்றன. ஆன்லைன் விற்பனையின் போது விளம்பரப்படுத்தப்படும் மிகப்பெரிய தள்ளுபடிகள் எப்போதும் உண்மையானதாக இருக்காது. பெரும்பாலும், பின்னர் பெரிய தள்ளுபடியைக் காட்டுவதற்காகவே, முன்னதாகவே பொருட்களின் விலைகள் உயர்த்தப்படுகின்றன. இத்தகைய சூழலில், ஒரு பொருளை வாங்குவதற்கு முன் அதன் உண்மையான விலை வரலாற்றை மூன்று டூல்கள் மூலம் எளிதாகச் சரிபார்க்கலாம்.
அமேசான் – ஃபிளிப்கார்ட் வழங்கும் தள்ளுபடிகள் உண்மையா?
தீபாவளி, பொங்கல் போன்ற பண்டிகைக் காலமோ அல்லது வார இறுதி விற்பனையோ எதுவாக இருந்தாலும், இ-காமர்ஸ் தளங்களில் 80% தள்ளுபடி மற்றும் அதிரடி விலை குறைவு போன்ற அறிவிப்புகள் எல்லா இடங்களிலும் காணப்படுகின்றன. இதைப் பார்த்து, உண்மை என நம்பி வாடிக்கையாளர்கள் பெரும்பாலும் அவசரப்பட்டு பொருட்களை வாங்கிவிடுகிறார்கள். ஆனால், அதிக தள்ளுபடியில் நீங்கள் வாங்கும் பொருளின் உண்மையான விலை என்ன என்பதைப் பற்றி எப்போதாவது யோசித்திருக்கிறீர்களா?
இதையும் படிக்க : UPI பரிவர்த்தனைக்கு வாடிக்கையாளர்கள் கட்டணம் செலுத்த வேண்டுமா? யாருக்கு பொருந்தும்? மத்திய அமைச்சர் கொடுத்த விளக்கம்..
இ – காமர்ஸ் நிறுவனங்கள் பெரும்பாலும் தள்ளுபடி விற்பனைக்குச் சில நாட்களுக்கு முன்பு பொருட்களின் விலையை உயர்த்திவிட்டு, பின்னர் அவற்றின் மீது மிகப்பெரிய தள்ளுபடி என்ற முத்திரையை ஒட்டுகின்றன. தொழில்நுட்பம் மற்றும் சந்தைப்படுத்தல் மொழியில், இது “போலி தள்ளுபடி” என்று அழைக்கப்படுகிறது. இத்தகைய ஆன்லைன் ஏமாற்று வேலைகளையும் பண இழப்பையும் தவிர்க்க விரும்பினால், இந்த மூன்று இலவசக் கருவிகள் மிகவும் பயனுள்ளதாக இருக்கும்.
1. PriceHistory.app
ஆன்லைன் பொருட்களின் கடந்தகால விலைகளைச் சரிபார்ப்பதற்கு இந்தியாவில் உள்ள மிகவும் பிரபலமான மற்றும் எளிதாகப் பயன்படுத்தக்கூடிய கருவிகளில் இதுவும் ஒன்று. அமேசான் மற்றும் ஃபிளிப்கார்ட் போன்ற முக்கிய தளங்களில் விற்கப்படும் பொருட்களின் முழுமையான விலை வரலாற்றை இது காட்டுகிறது. நீங்கள் வாங்க விரும்பும் பொருளின் லிங்க்கை காப்பி செய்து PriceHistory.app-இல் பேஸ்ட் செய்தால் மட்டும் போதும். கடந்த ஒரு மாதம், மூன்று மாதங்கள் அல்லது ஒரு வருடத்தில் அப்பொருளின் குறைந்தபட்ச மற்றும் அதிகபட்ச விலைகளை ஒரு கிராஃப் மூலம் இக்கருவி காட்டுகிறது. இதன் மூலம், விற்பனைச் சலுகை உண்மையானதா அல்லது போலியானதா என்பதை நீங்கள் உடனடியாகத் தீர்மானிக்க முடியும்.
2. Buyhatke
உங்கள் லேப்டாப் அல்லது கம்ப்யூட்டரில் கூகுள் குரோம் புரௌசரில் ஷாப்பிங் செய்பவர் என்றால், Buyhatke எக்ஸ்டென்ஷன் (உங்களுக்கு ஒரு வரப்பிரசாதமாக இருக்கும். ஒரு பொருளின் பக்கத்தைப் பார்வையிட்ட உடனேயே, அப்பொருளின் உண்மையான விலை குறித்த தகவல்களைக் கொண்ட ஒரு சிறிய மேப்பை இந்த எக்ஸ்டென்ஷன் திரையில் காட்டுகிறது. கூடுதலாக, இதில் விலை குறைப்பு எச்சரிக்கை வசதியும் உள்ளது. அதாவது, நீங்கள் விரும்பும் விலையை இதில் நிர்ணயிக்கலாம். உதாரணமாக, ரூ.20,000 மதிப்புள்ள போன் ரூ.15,000க்குக் குறைந்தால் நோட்டிஃபிகேஷன் அனுப்பப்படும். விலை உங்கள் பட்ஜெட்டிற்குள் வந்தவுடன், அது உடனடியாக உங்களுக்கு இமெயில் அல்லது நோட்டிஃபிகேஷன் அனுப்பும்.
இதையும் படிக்க : ஆப்பிள் ஐபோன் 17 ப்ரோவை ரூ.90,000-க்கு வாங்கிக்கொள்ளலாம்.. பிளிப்கார்டின் இந்த டீலை மிஸ் பண்ணிடாதீங்க!
3. Keepa
அமேசானில் ஷாப்பிங் செய்பவர்களுக்கு மிகவும் நம்பகமான கருவிகளில் ஒன்றாக Keepa கருதப்படுகிறது. இது செயலி மற்றும் புரௌசர் எக்ஸ்டன்ஷன் ஆகிய வடிவங்களில் கிடைக்கிறது. இதன் சிறப்பம்சம் என்னவென்றால், இது தள்ளுபடிகளை மட்டும் காட்டுவதில்லை. ஒரு தயாரிப்பு எப்போது மிகக் குறைந்த விலையில் கிடைத்தது என்பதையும் அப்போது பயன்படுத்தப்பட்ட வங்கிச் சலுகைகள் அல்லது கூப்பன்கள் உட்பட துல்லியமாகக் கண்காணிக்கிறது. நீங்கள் விலையுயர்ந்த ஸ்மார்ட்போன், லேப்டாப் அல்லது வீட்டு உபயோகப் பொருள் ) ஒன்றை வாங்கத் திட்டமிட்டிருந்தால், வாங்குவதற்கு முன் ‘Keepa’-வில் அதன் விலை ஏற்ற இறக்கங்களை சரிபார்க்க மறக்காதீர்கள்.
