IND vs AFG: ஒருநாள் தொடரில் அதிக ரன்கள் – சுப்மன் கில் முன்னிலை
IndvsAfg : ஆப்கானிஸ்தானுக்கு எதிரான 3 போட்டிகள் கொண்ட ஒருநாள் தொடரை 2 -0 என்ற கணக்கில் இந்திய அணி ஏற்கனவே கைப்பற்றிவிட்டது. இருப்பினும், இத்தொடருக்குள் மற்றொரு போட்டியும் நடைபெற்று வருகிறது. அதில் சுப்மன் கில் வெற்றி பெறுவது கிட்டத்தட்ட உறுதியாகிவிட்டது.
இந்தியா மற்றும் ஆப்கானிஸ்தான் இடையிலான ஒருநாள் தொடர் இப்போது இறுதிக்கட்டத்தை எட்டியுள்ளது. 3வது மற்றும் கடைசி ஒருநாள் போட்டி ஜூன் 20, 2026 அன்று சென்னையில் நடைபெறவுள்ளது. இந்த தொடரில் அதிக ரன்கள் குவித்த வீரர்கள் பட்டியலில் இந்திய அணியின் சுப்மன் கில் முன்னிலை வகிக்கிறார். அவரது ரன்களை முந்துவது ஒரு கடினமான காரியமாக இருக்கும். ஆப்கானிஸ்தானுக்கு எதிரான முதல் 2 ஒருநாள் போட்டிகளில் சுப்மன் கில் முன்னணியில் இருக்கிறார்.
முதல் 2 ஒருநாள் போட்டிகளில் சுப்மன் கில் 238 ரன்கள் குவிப்பு
ஆப்கானிஸ்தானுக்கு எதிரான ஒருநாள் தொடரின் முதல் 2 போட்டிகளில், சுப்மன் கில் ஒரு சதம் மற்றும் ஒரு அரை சதம் உட்பட மொத்தம் 238 ரன்களைக் குவித்துள்ளார். இக்காலகட்டத்தில் அவர் 238 என்ற சராசரியை தக்கவைத்துள்ளார். சுப்மன் கில்லுக்கும், 2வது இடத்தில் உள்ள சக வீரர் இஷான் கிஷனுக்கும் இடையே 79 ரன்கள் வித்தியாசம் உள்ளது.
இதையும் படிக்க : IND vs AFG: சேப்பாக்கத்தில் கடைசி ஒருநாள் போட்டி… ஓய்வை அறிவிக்கிறாரா ரோஹித் சர்மா..?
ஆப்கானிஸ்தானுக்கு எதிரான இரண்டு ஒருநாள் போட்டிகளில் இஷான் கிஷன் ஒரு சதம் உட்பட 179 ரன்களைக் குவித்துள்ளார். அவர் 79.50 என்ற சராசரியைக் கொண்டுள்ளார். இஷான் கிஷனைத் தவிர, ஆப்கானிஸ்தானின் ரஹ்மானுல்லா குர்பாஸ் இந்த பட்டியலில் 3வது இடத்தில் உள்ளார். அவர் இரண்டு போட்டிகளில் ஒரு சதம் உட்பட 143 ரன்களை எடுத்து 71.50 சராசரி வைத்துள்ளார்.
200 ரன்களைக் கடந்த ஒரே பேட்ஸ்மேன்
இந்தியா மற்றும் ஆப்கானிஸ்தான் ஒருநாள் தொடரில் முதல் 2 போட்டிகளில் 100 ரன்கள் என்ற மைல்கல்லைக் கடந்த பேட்ஸ்மேன்கள் இவர்கள் மூவர் மட்டுமே. சுப்மன் கில் 200 ரன்கள் என்ற மைல்கல்லைக் கடந்துள்ளார். இத்தொடரில் இந்த சாதனையைப் படைத்த ஒரே வீரர் சுப்மன் கில் மட்டுமே என்பது குறிப்பிடத்தக்கது. மேலும், இஷான் கிஷனை விட 79 ரன்கள் முன்னிலையில் உள்ள கில், ஆப்கானிஸ்தானின் ரஹ்மானுல்லா குர்பாஸை விட 95 ரன்கள் முன்னிலையில் உள்ளார்.
இதையும் படிக்க : வயது மாற்றத்தால் 2 ஆண்டுகள் தடை.. தளறாத மனம்.. இந்திய அணிக்கு அறிமுகமான பிரின்ஸ் யாதவ் பாதை!
புள்ளிவிவரங்கள் மற்றும் சுப்மன் கில்லின் தற்போதைய ஃபார்மை வைத்து பார்க்கும்போது, இந்தத் தொடரில் அதிக ரன்கள் குவித்தவர் என்ற இடத்திலிருந்து அவரை முந்துவது மற்றவர்களுக்குக் கடினமான காரியமாக இருக்கும். ஆப்கானிஸ்தானுக்கு எதிரான 3வது மற்றும் கடைசி ஒருநாள் போட்டியில் அவர் பெரிய அளவில் ரன் குவிக்கத் தவறினாலும், அவர் கொண்டுள்ள கணிசமான முன்னிலை அவரை ரன்கள் பட்டியலில் தொடர்ந்து முதலிடத்தில் தக்கவைக்கக்கூடும். இதனால் ஆப்கானிஸ்தானுக்கு எதிரான 3வது ஒருநாள் போட்டியிைக் காண ரசிகர்கள் ஆவலுடன் காத்திருக்கின்றனர்.
