பொங்கல் பண்டிகை

தமிழ்நாட்டை பொறுத்தவரை பொங்கல் என்பது தமிழர்களின் முக்கியமான பண்டிகையாகும். தமிழ் மாதமான தை மாதம் முதல் நாள் பொங்கல் கொண்டாடப்படுகிறது. இயற்கைக்கு, குறிப்பாக சூரியன், மழை, மண், மாடுகள் ஆகியவற்றிற்கு நன்றி கூறும் பண்டிகையாக இது கொண்டாடப்படுகிறது. தை மாதம் (ஜனவரி) தொடக்கத்தில் 4 நாட்கள் இந்த பொங்கல் விழா நடைபெறும். முதல் நாளான போகி, பழையவற்றை அகற்றி, புதிய தொடக்கத்தை வரவேற்கும் நாளாக இருக்கிறது. வீட்டில் உள்ள பழைய பொருட்களை அகற்றுவதே இதன் நோக்கம். அடுத்த நாள்தான் பெரும் பொங்கல் கொண்டாடப்படுகிறது. சூரியனுக்கு நன்றி செலுத்தி, புதுப்பானையில் பொங்கல் சமைக்கும் முக்கிய நாளாகும். மூன்றாவது நாள் மாட்டுப் பொங்கல் கொண்டாடப்படுகிறது. விவசாயத்தில் உதவும் மாடுகளை போற்றி வழிபடும் நாளாக உள்ளது. கடைசி பொங்கலானது, காணும் பொங்கலாகும். உறவினர்கள், நண்பர்களை சந்தித்து மகிழும் நாளாக கொண்டாடப்படும்.