திரையரங்குகளில் மாஸ் காட்டிய கூலி படத்தின் ஓடிடி ரிலீஸ் எப்போது? வைரலாகும் தகவல்
Coolie Movie OTT Update: நடிகர் ரஜினிகாந்த் நடிப்பில் கடந்த ஆகஸ்ட் மாதம் திரையரங்குகளில் வெளியான படம் கூலி. இந்தப் படம் திரையரங்குகளில் வெளியாகி ரசிகர்களிடையே மாபெரும் வரவேற்பைப் பெற்றது. இந்த நிலையில் படம் எப்போது ஓடிடியில் வெளியாகும் என்பது குறித்த தகவல் இணையத்தில் வெளியாகி வைரலாகி வருகின்றது.
சூப்பர் ஸ்டார் ரஜினிகாந்த் (Super Star Rajinikanth) நடிப்பில் மாபெரும் எதிர்பார்ப்புக்கு மத்தியில் திரையரங்குகளில் வெளியான படம் கூலி. இந்தப் படத்தை இயக்குநர் லோகேஷ் கனகராஜ் எழுதி இயக்கி இருந்த நிலையில் படம் கடந்த ஆகஸ்ட் மாதம் 14-ம் தேதி 2025-ம் ஆண்டு திரையரங்குகளில் வெளியானது. இந்தப் படம் திரையரங்குகளில் வெளியானதில் இருந்து ரசிகர்களிடையே விமர்சன ரீதியாகவும் வசூல் ரீதியாகவும் மாபெரும் வரவேற்பைப் பெற்று வருவது குறிப்பிடத்தக்கது. மேலும் கூலி படத்தில் நடிகர் ரஜினிகாந்த் உடன் இணைந்து பான் இந்திய நட்சத்திரங்களான நாகர்ஜுனா, உபேந்திரா ராவ், அமீர் கான், சௌபின் ஷாகிர், சத்யராஜ், ஸ்ருதி ஹாசன், ரச்சிதா ராம், கண்ணா ரவி, சார்லி, கார்த்திகேய தேவ் என பலர் இந்தப் படத்தில் நடித்து இருந்தனர்.
இந்தப் படத்தை பிரபல தயாரிப்பாளர் கலாநிதி மாறன் சன் பிக்சர்ஸ் நிறுவனம் சார்பாக தயாரித்து இருந்தார். மேலும் இந்தப் படத்திற்கு இசையமைப்பாளர் அனிருத் இசையமைத்து இருந்த நிலையில் படத்தைப் போல பாடல்களும் ரசிகர்களிடையே நல்ல வரவேற்பைப் பெற்றது குறிப்பிடத்தக்கது. மேலும் படத்தில் இருந்து வீடியோ பாடல்களையும் தற்போது படக்குழு தொடர்ந்து வெளியிட்டு வருவது ரசிகர்களிடையே மகிழ்ச்சியை ஏற்படுத்தி வருகின்றது.
கூலி படத்தின் ஓடிடி ரிலீஸ் எப்போது:
இந்த நிலையில் படம் திரையரங்குகளில் ரசிகர்களிடையே நல்ல வரவேற்பைப் பெற்று வரும் நிலையில் படத்தின் ஓடிடி உரிமம் குறித்த தகவல் தற்போது இணையத்தில் வெளியாகி வைரலாகி வருகின்றது. முன்னதாக படம் வெளியாவதற்கு முன்பு திரையரங்கில் படம் வெளியானதில் இருந்து 8 வாரங்களுக்குப் பிறகே ஓடிடியில் வெளியிடப்படும் என்று தெரிவிக்கப்பட்டு இருந்தது.
ஆனால் தற்போது படம் வருகின்ற 11-ம் தேதி செப்டம் மாதம் 2025-ம் ஆண்டே ஓடிடியில் வெளியிட உள்ளதாக இணையத்தில் தகவல்கள் வெளியாகி வைரலாகி வருகின்றது. ஆனால் இதுகுறித்து படக்குழு எந்தவித அதிகாரப்பூர்வ அறிவிப்பையும் வெளியிடவில்லை என்பது குறிப்பிடத்தக்கது.
Also Read… கோலிவுட் சினிமாவில் வரிசைக்கட்டும் பார்ட் 2 படங்களின் லிஸ்ட் இதோ!
கூலி படக்குழு வெளியிட்ட சமீபத்திய எக்ஸ் தள பதிவு:
Sound-ah yethu!📣 Here’s the exclusive BTS of #Chikitu from #Coolie💥#Coolie ruling in theatres worldwide🌟@rajinikanth @Dir_Lokesh @anirudhofficial #AamirKhan @iamnagarjuna @nimmaupendra #SathyaRaj #SoubinShahir @shrutihaasan @hegdepooja @Reba_Monica @monishablessyb @anbariv… pic.twitter.com/B4GFyhK8iw
— Sun Pictures (@sunpictures) September 2, 2025
Also Read… அப்படிலாம் ரசிகர்கள பிடிச்சுட முடியாது – நடிகர் சிவகார்த்திகேயன் ஓபன் டாக்
