Rajinikanth

இந்திய திரையுலகில் கிட்டத்தட்ட 50 ஆண்டுகளாக உச்ச நட்சத்திரமாக இருந்து வருகிறார் சூப்பர் ஸ்டார் ரஜினிகாந்த். இயக்குநர் சிகரம் கே.பாலசந்தரின் இயக்கத்தில் கடந்த 1975 ஆம் ஆண்டு ஆகஸ்ட் 15 ஆம் தேதி வெளியான அபூர்வ ராகங்கள் படத்தின் மூலம் நடிகராக அறிமுகமானவர் ரஜினிகாந்த். அந்தப் படத்தில் துவக்க காட்சியிலேயே ஒரு கேட்டை திறந்து உள்ளே நுழைவார் ரஜினிகாந்த், மறைமுகமாக தமிழ் ரசிகர்கள் மனதின் உள்ளேயும் நுழைந்து சிம்மாசனம் போட்டு அமர்ந்திருக்கிறார். தமிழ், தெலுங்கு, கன்னடம், ஹிந்தி, ஆங்கிலம் என 170 படங்களுக்கும் மேல் நடித்திருக்கிறார். ஆட்டோ டிரைவர், டாக்ஸி டிரைவர், மெக்கானிக், பால்காரர் என எளிய மக்களின் வேடங்களை தனக்கே உரிய ஸ்டைலில் கையாண்டு ரசிகர்களின் மனங்களைக் கவர்ந்தார். ஆரம்பகால படங்களான முள்ளும் மலரும் ஆறிலிருந்து அறுபது வரை உள்ளிட்ட படங்களில் தனது நடிப்புத் திறமையை வெளிப்படுத்தினார். தற்போது 70 வயதைக் கடந்த பின்னும் அதே எனர்ஜியுடன் திரையில் தோன்றி ரசிகர்களை மகிழ்வித்து வருகிறார். குழந்தைகள் முதல் பெரியவர்கள் வரை அனைவரையும் மகிழ்விக்க கூடிய படங்களை செய்து வருகிறார். இன்னும் அவரது கால்ஷீட்டுக்காக இயக்குநர்களும் தயாரிப்பாளர்களும் போட்டிபோட்டு காத்திருக்கின்றனர். ரஜினிகாந்த் தொடர்பான அத்தனை செய்திகளையும் நாம் காணலாம்.