ஜிஎஸ்டி குறைப்பு – எந்ததெந்த மாடல் கார்களின் விலை குறையும்? முழு விவரம்

GST Impact on Cars: இந்தியாவில் அனைத்து விதமான பொருட்களும் 18% மற்றும் 5% என இரண்டு வகைகளின் கீழ் கொண்டுவரப்படவுள்ளன. சிறிய ரக கார்கள் 18 சதவிகித ஜிஎஸ்டி விகிதத்தின் கீழ் வரவிருக்கிறது. எந்த மாடல் கார்களின் விலை குறையும் என பார்க்கலாம்.

மாதிரி புகைப்படம்

Karthikeyan S | Published: 04 Sep 2025 17:28 PM IST

மத்திய நிதி அமைச்சர் நிர்மலா சீதாராமன் (Nirmala Sitharaman) தலைமையில் ஜிஎஸ்டி கவுன்சில் கூட்டம் செப்டம்பர் 3, 2025 அன்று நடைபெற்றது. இதில் தற்போது நடைமுறையில் உள்ள ஜிஎஸ்டி வரிவிகிதங்களை மாற்றி 18% மற்றும் 5% என இரண்டு பிரிவுகளில் வரி விதிக்கப்படும் நடைமுறைக்கு ஒப்புதல் அளிக்கப்பட்டுள்ளது. இதனால் அத்தியாவசிய பொருட்கள் மற்றும் சேவைகளின் விலை அதிரடியாக குறையவுள்ளது. குறிப்பாக கார்கள் என்பது நடுத்தர வர்க்கத்தினரின் கனவு. இந்த நிலையில் சிறிய கார்கள் 18 சதவிகித வரம்புக்குள் கொண்டுவரப்படவுள்ளது. அதன் படி இந்த கட்டுரையில் எந்தெந்த மாடல் கார்களின் விலை குறையும் என பார்க்கலாம்.

சிறிய கார்களின் விலை குறைய வாய்ப்பு

முன்னர் 28 சதவிகிதம் ஜிஎஸ்டி மற்றும் 1 சதவிகிதம் முதல் 3 சதவிகிதம் காம்பன்சேஷன் செய் விதிக்கப்பட்ட சிறிய கார்கள் இனி 18 சதவிகிதம் என்ற பிரிவின் கீழ் கொண்டுவரப்பட்டுள்ளது. இதன் காரணமாக 1,200சிசிக்கு குறைவாக உள்ள பெட்ரோல், எல்பிஜி, சிஎன்ஜி கார்கள், மற்றும் 1,500 சிசிகள் குறைவான டீசல் கார்கள் ஆகியவற்றின் விலை அதிரடியாக குறையவுள்ளது.

இதையும் படிக்க : டூத் பேஸ்ட் முதல் கார் வரை.. அதிரடியாக குறைந்த ஜிஎஸ்டி.. விலையும் குறையும்!

இதையும் படியுங்கள்

GST: வணிக நிறுவனங்களுக்கான சுமையை குறைக்கும் திட்டம் – ஜிஎஸ்டி கவுன்சில் ஒப்புதல்

ஜிஎஸ்டி கவுன்சில் கூட்டம் – டூத் பேஸ்ட் முதல் கார் வரை… எந்தெந்த பொருட்களுக்கு வரி குறையும்?

GST : ஷாம்பூ முதல் ஹைபிரிட் கார்கள் வரை.. ஜிஎஸ்டி மாற்றத்தால் அதிரடியாக குறையபோகும் விலை?

GST 2.0: ஜிஎஸ்டி 2.0.. பால், பட்டர் உள்ளிட்ட அத்தியாவசிய பொருட்களின் விலை குறையுமா?

விலை குறையும் கார்களின் பட்டியல்

ஹாட்ச்பேக்

மாருதி சுசூகி ஸ்விஃப்ட்
மாருதி சுசூகி பாலினோ
மாருதி சுசூகி வேகன் ஆர்
மாருதி சுசூகி இக்னிஸ்
ஹூண்டாய் கிராண்ட் ஐ10 நியோஸ்
ஹூண்டாய் ஐ20
டாடா டியோகோ
டாடா ஆல்ட்ரோஸ்
ரெக்னால்ட் க்விட்
சிட்ரோயன் சி3

ஆகிய கார்களின் விலை குறையும் என எதிர்பார்க்கப்படுகிறது.

காம்பாக்ட் செடான்

மாருதி சுசூகி டிசையர்
ஹூண்டாய் ஆரா
டாடா டிகோர்

காம்பாக்ட் எஸ்யூவி

மாருதி சுசூகி ஃபிராங்க்ஸ்
டாடா நிக்சானின் பெட்ரோல் மாடல்கள்
ஹூண்டாய் வென்யூ
கியா சோனெட்டின் பெட்ரோல் மாடல்கள்
கியா சோனெட் பெட்ரோல் மாடல்கள்
மகிந்திரா எக்ஸ்யூவி 3எக்ஸ்ஓ பெட்ரோல் மாடல்கள்
டாடா பஞ்ச்
ஹூண்டாய் எக்ஸ்டர்

இது போக 350சிசிக்கு குறைவாக உள்ள பைக்குகளுக்கு ஜிஎஸ்டி விகிதம் 28 சதவிகிதத்தில் இருந்து 18 சதவிகிதமாக குறைக்கப்பட்டுள்ளது.

இதையும் படிக்க : பால் முதல் புற்றுநோய் மருத்து வரை.. இந்த பொருட்களுக்கு இனி ஜிஎஸ்டி இல்லை.. பட்டியல் இதோ!

விலை அதிகரிக்கும் வாகனங்கள்

விலையுயர்ந்த கார்களை பொறுத்தவரை 1,500சிசிக்கு மேற்பட்ட எஞ்சின் திறன் அல்லது 4,000எம்எம் நீளத்துக்கு அதிகமான வாகனங்கள் 40 சதவிகித ஜிஎஸ்டி விகிதத்துக்குள் வரவுள்ளது. குறிப்பாக எஸ்யூவி, எம்யூவி, எக்ஸ்யூவி போன்ற வகை கார்கள் அனைத்துக்கும் அதிக வரி விதிக்க்கப்படவுள்ளது.