இனி ஈஸியா படிக்கலாம்! மாணவர்களுக்கான 10 சிறந்த ஏஐ கருவிகள்
இன்று மாணவர்களின் படிக்கும் முறை முன்பை விட நவீனமாக மாறி வருகிறது. புத்தகங்களை மட்டுமே நம்பியிருப்பதற்குப் பதிலாக, மாணவர்கள் இப்போது ஏஐ கருவிகளைப் பயன்படுத்த தொடங்கியிருக்கின்றனர். இந்த கட்டுரையில் மாணவர்களின் படிப்பிற்கு உதவக்கூடிய 10 சிறந்த ஏஐ கருவிகள் குறித்து விரிவாக பார்க்கலாம்.
இன்று மாணவர்களின் படிக்கும் முறை வேகமாக மாறி வருகிறது. புத்தகங்களை மட்டுமே நம்பியிருப்பதற்குப் பதிலாக, மாணவர்கள் இப்போது ஏஐ கருவிகளைப் பயன்படுத்த தொடங்கியிருக்கின்றனர். சிக்கலான பாடங்களை எளிய மொழியில் விளக்குவது, குறிப்புகளை உருவாக்குவது, ஆராய்ச்சி செய்வது, பிரசன்டேஷன் தயாரிப்பது மற்றும் அசைன்மென்ட்கள் எழுதுவது போன்ற பணிகளுக்கு இந்தக் கருவிகள் உதவுகின்றன. இந்த ஏஐ கருவிகளை சரியாகப் பயன்படுத்தும்போது, இவை படிப்பை எளிதாக்குவதோடு நேரத்தையும் மிச்சப்படுத்துகின்றன. அத்தகைய 10 பயனுள்ள AI கருவிகள் குறித்து பார்க்கலாம்.
மாணவர்களுக்கான 10 சிறந்த ஏஐ கருவிகள்
1. சாட்ஜிபிடி (ChatGPT)
கடினமான கேள்விக்கான விடையைப் புரிந்துகொள்வது, கணிதம் தொடர்பான சந்தேகங்களை தீர்ப்பது, வரலாற்று நிகழ்வுகளை சுருக்கமாக அறிவது அல்லது கோடிங் கற்றுக்கொள்வது என எதுவாக இருந்தாலும், சாட்ஜிபிடி விஷயங்களை எளிய விளக்கங்களுடன் நமக்கு பதிலளிக்கும் இது 24 மணிநேரமும் செயல்படும் ஒரு தனிப்பட்ட ஆசிரியராகச் செயல்படும்.
இதையும் படிக்க : BMW கார் நிறுவனம் இல்லையா?.. அந்த நிறுவனம் ஆரம்ப காலக்கட்டத்தில் எதனை தயாரித்தது தெரியுமா?
2. நோட்புக் எல்எம் (NotebookLM)
கூகுளின் இந்த ஏஐ கருவி, பிடிஎஃப்கள், குறிப்புகள் மற்றும் கூகுள் டாக்ஸில் உள்ளவற்றைப் படித்து, அதனடிப்படையில் கேள்விகளுக்குப் பதிலளிக்கிறது. மேலும், ஒரு முழுப் பாடப்பகுதியையும் ஆடியோ பாட்காஸ்டாக மாற்றும் திறன் கொண்டது; இது கற்றல் செயல்முறையை இன்னும் எளிதாக்குகிறது.
3. கிராமர்லி (Grammarly)
அசைன்மென்ட்கள், மின்னஞ்சல்கள் அல்லது கட்டுரைகளை எழுதும்போது, எழுத்துப்பிழை, இலக்கணம் மற்றும் மொழி சார்ந்த பிழைகளைச் சரிசெய்ய கிராமர்லி உதவுகிறது. இது உங்கள் எழுத்து நடையைத் தெளிவானதாகவும் தொழில்முறைத் தரத்துடனும் மாற்ற உதவும்.
4. QuillBot
ஒரே பாராகிராஃபை எளிமையான அல்லது வேறுபட்ட சொற்களைப் பயன்படுத்தி மீண்டும் எழுத வேண்டிய சூழல் அடிக்கடி ஏற்படலாம். புதிய சொற்களைப் பயன்படுத்தி அதே பாராகிராஃபை இன்னும் சிறப்பாக மாற்றி எழுத இந்க ஏஐ டூல் உதவுகிறது.
5. பெர்ப்லெக்ஸிட்டி ஏஐ (Perplexity AI)
இது கேள்விகளுக்கு நேரடிப் பதில்களை வழங்கும் ஏஐ சார்ந்த தேடல் கருவியாகும். இதன் முக்கிய அம்சம் என்னவென்றால், பதிலுடன் சேர்த்துத் தகவல் பெறப்பட்ட இணையதளங்களின் விவரங்களையும் இது வழங்குகிறது. இதனால் ஆராய்ச்சி செய்வது எளிதாகிறது.
6. Wolfram Alpha
கணிதம், இயற்பியல் அல்லது அறிவியல் பாடங்களில் உள்ள சிக்கலான கேள்விகளைக் கையாள்வதில் சிரமம் இருந்தால், இந்த ஏஐ டூல் முழுமையான மற்றும் படிப்படியான தீர்வுகளை வழங்குகிறது. இது கணக்குகளை அல்லது சிக்கல்களைப் புரிந்துகொள்வதை எளிதாக்குகிறது.
7. Otter.ai
வகுப்புகள் அல்லது ஆன்லைன் விரிவுரைகளின்போது எல்லாவற்றையும் குறிப்பெடுத்து எழுத வேண்டிய அவசியமில்லை. இந்த ஏஐ டூல் ஆடியோவைக் கேட்டு, அதைத் தானாகவே டெக்ஸ்ட் வடிவில் நோட்ஸ்களாக குறிப்புகளாக மாற்றி தரும்.
8. Anki
இந்த ஏஐ கருவி டிஜிட்டல் ஃப்ளாஷ் கார்டுகளை உருவாக்குவதன் மூலம் மாணவர்கள் படிப்பதற்கு உதவுகிறது. இது ஃபார்முலா, டிக்ஷனரி, முக்கியத் தகவல்களை நீண்ட காலத்திற்கு நினைவில் வைத்துக்கொள்வதை எளிதாக்கும் ஒரு நுட்பத்தைப் பயன்படுத்துகிறது.
இதையும் படிக்க : Swiggy, Zomato-க்கு போட்டியாக களமிறங்கும் Flipkart.. விரைவில் உணவு டெலிவரி சேவையை அறிமுகம் செய்கிறது!
9. Gamma App
பள்ளி அல்லது கல்லூரிக்காக ஒரு பிரசென்டேஷன் நீங்கள் உருவாக்க வேண்டியிருந்தால், இந்த ஏஐ டூல் சில நிமிடங்களிலேயே ஈர்க்கக்கூடிய ஸ்லைடுகளையும் உள்ளடக்கத்தையும் உருவாக்கித் தருகிறது. இதன் மூலம் பல மணிநேர உழைப்பு மிச்சமாகிறது.
10. Consensus
ஆராய்ச்சியில் ஈடுபட்டுள்ள மாணவர்களுக்கு இந்தக் கருவி மிகவும் பயனுள்ளதாக இருக்கும். இது கேள்விகளுக்கான பதில்களைக் கண்டறிய லட்சக்கணக்கான ஆய்வுக் கட்டுரைகளைத் தேடி, அறிவியல் பூர்வமான தகவல்களை வழங்குகிறது.
