Tamil Nadu News Live Updates: கூட்டணி ஆட்சி.. அதிமுகவினருக்கு அண்ணாமலை பதில்

நீலகிரி, கோயம்புத்தூர் மாவட்டங்களுக்கு ஜூலை 17, 2025 இன்று வானிலை ஆய்வு மையம் ஆரஞ்ச் அலெர்ட் கொடுத்துள்ளது. இதனையடுத்து அங்கு கனமழை முதல் மிக கனமழையும் பெய்ய வாய்ப்பிருப்பதாக அறிவித்துள்ளது. மேலும் தேனி, திண்டுக்கல், தென்காசி, திருவண்ணாமலை, கடலூர், விழுப்புரம் உள்ளிட்ட மாவட்டங்கள் மற்றும் புதுச்சேரியில் ஒரு சில இடங்களில் கனமழை பெய்யும் என அறிவிக்கப்பட்டுள்ளது. கனமழை குறித்த தகவல்கள் மற்றும் மேற்கொள்ள வேண்டிய முன்னெச்சரிக்கை நடவடிக்கைகள் குறித்த தகவல்களை உடனுக்குடன் இந்தப் பகுதியில் தெரிந்துகொள்ளலாம். முதல்வரும் திமுக தலைவருமான மு.க.ஸ்டாலின் (Mk Stalin) தலைமையில் திமுக மாவட்டச் செயலாளர்கள் கூட்டம் ஜூலை 17 அன்று நடைபெறும் என திமுக பொதுச்செயலாளர் துரைமுருகன் அறிவித்துள்ளார். தமிழ்நாடு சட்டசபை தேர்தலுக்கு இன்னும் 10 மாதங்களே உள்ள நிலையில் தேர்தல் பணிகள் குறித்து திட்டமிட இந்த கூட்டம் நடைபெறவுள்ளதாக கூறப்படுகிறது. இந்த கூட்டத்தில் தேர்தல் தொடர்பான திமுகவின் திட்டங்கள் குறித்து இந்தப் பகுதியில் பார்க்கலாம்.

உத்திரமேரூர் அரசு பொது மருத்துவமனையில் நிலவும் சுகாதார சீர்கேடுகளால், நோயாளிகள் மிகுந்த அவதிக்குள்ளாவதாகவும், அரசு நேரடி நெல் கொள்முதல் நிலையம் சரியான முறையில் செயல்படவில்லை எனக்கூறியும் அதிமுக (Admk) சார்பில் உத்திரமேரூர் பேருந்து நிலையம் அருகில் காஞ்சிபுரம் அதிமுக சார்பில் ஜூலை 17, 2025 அன்று ஆர்ப்பாட்டம் நடைபெறவிருக்கிறது. ஆர்ப்பாட்டம் குறித்து இந்தப் பகுதியில் தகவல்களை தெரிந்துகொள்ளலாம்.

மேலும் 10 அம்சக் கோரிக்கைகளை முன் வைத்து ஜூலை 17 முதல் 18 ஆம் தேதி வரை மாவட்ட தலைநகர்களில் மறியல் போராட்டத்தில் தொடக்கக் கல்வி ஆசிரியர்கள் ஈடுபட உள்ளனர். போராட்டத்தின் போது எடுக்கப்படும் முடிவுகள் மற்றும் அரசின் நடவடிக்கைகள் குறித்து உடனுக்குடன் இந்த பகுதியின் மூலம் தெரிந்துகொள்ளலாம்.

மேலும் தமிழ்நாடு செய்திகளை அறிந்துகொள்ள இங்கே க்ளிக் செய்க