Tamil Nadu Budget 2026

தமிழ்நாடு பட்ஜெட்

தமிழ்நாடு பட்ஜெட் ஆகஸ்ட் 5, 2026 தேதி நடைபெறும் என்றும் வேளாண் பட்ஜெட் ஆகஸ்ட் 6, 2026 நடைபெறும் என்றும் சபாநாயகர் தெரிவித்துள்ளார். முதல் நாளில், 2026-27 ஆம் ஆண்டுக்கான பொது பட்ஜெட் தாக்கல் செய்யப்படுகிறது. பட்ஜெட்டை தமிழக நிதி அமைச்சர் மரிய வில்சன் தாக்கல் செய்கிறார். மேலும் ஆகஸ்ட் 6, 2026 அடுத்த நாள், 2026-27 ஆம் ஆண்டுக்கான வேளாண் பட்ஜெட் தாக்கல் செய்யப்பட இருக்கிறது. வேளாண் துறை அமைச்சர் வினோத், இந்த பட்ஜெட்டை தாக்கல் செய்வார். 2 பட்ஜெட்டும் தாக்கல் செய்யப்பட்ட பிறகு பட்ஜெட் மீதான விவாதம் நடைபெறும். தவெக ஆட்சி அமைந்து முதல் பட்ஜெட் என்பதால் வரும் பட்ஜெட் மீதான எதிர்பார்ப்பு அதிகரித்து காணப்படுகிறது. பொதுமக்கள் மட்டுமின்றி எதிர்க்கட்சிகள் கூட இந்த பட்ஜெட்டை ஆர்வமுடன் எதிர்பார்த்து காத்திருக்கின்றன. குறிப்பாக மகளிர் உரிமைத்தொகை அதிகரிப்பு, வேளாண் லோன் தள்ளுபடி போன்ற அறிவிப்புகள் வருமா என மக்கள் எதிர்பார்த்து காத்திருக்கின்றனர். முன்னதாக பட்ஜெட் தொடர்பான முன் திட்டங்களை முதல்வர் விஜய் தொடர்புடைய அமைச்சர்களுடன் கடந்த சில நாட்களாக ஆலோசனை நடத்தி வந்தார்

தமிழ்நாடு பட்ஜெட் 2026 – அடிக்கடி கேட்கப்படும் கேள்விகள் (FAQ)

1. தமிழ்நாடு பட்ஜெட் என்றால் என்ன?

தமிழ்நாடு அரசின் ஓராண்டுக்கான வரவு-செலவுத் திட்டமே தமிழ்நாடு பட்ஜெட் ஆகும். இதில் அரசின் வருவாய், செலவுகள், புதிய திட்டங்கள், நலத்திட்டங்கள் மற்றும் வளர்ச்சிப் பணிகளுக்கான நிதி ஒதுக்கீடுகள் அறிவிக்கப்படுகின்றன.

2. தமிழ்நாடு பட்ஜெட்டை யார் தாக்கல் செய்கிறார்கள்?

தமிழ்நாடு அரசின் நிதி அமைச்சர் மரிய வில்சன், முதலமைச்சர் தலைமையிலான அமைச்சரவையின் ஒப்புதலுடன் சட்டப்பேரவையில் பட்ஜெட்டை தாக்கல் செய்கிறார்.

3. தமிழ்நாடு பட்ஜெட் எப்போது தாக்கல் செய்யப்படுகிறது?

2026ம் ஆண்டுக்கான பட்ஜெட் ஆகஸ்ட் 5 மற்றும் 6ம் தேதி தாக்கல் செய்யப்படுகிறது

4. வேளாண் பட்ஜெட் என்றால் என்ன?

விவசாயம், பாசனம், கால்நடை, மீன்வளம், விவசாயிகளுக்கான நலத்திட்டங்கள் உள்ளிட்டவற்றுக்காக தனியாக தாக்கல் செய்யப்படும் நிதித் திட்டமே வேளாண் பட்ஜெட்.

5. தமிழ்நாடு பட்ஜெட் முழு விவரங்களை எங்கு பார்க்கலாம்?

பட்ஜெட் தாக்கல் செய்யப்பட்ட பிறகு, தமிழ்நாடு அரசின் நிதித்துறை இணையதளம் மற்றும் அரசு வெளியிடும் அதிகாரப்பூர்வ ஆவணங்களில் முழு விவரங்களையும் பார்க்கலாம்.