“3 நாட்கள் வீட்டிலேயே ஓய்வெடுக்க உள்ளேன்” – உடல்நிலை குறித்து மு.க.ஸ்டாலின் விளக்கம்
MK Stalin Shares Health Update : திமுக முப்பெரும் விழா மு.க.ஸ்டாலினின் உடல் நிலை சரியில்லாத காரணத்தால் ஒத்தி வைக்கப்பட்டது. அவருக்கு வைரல் காய்ச்சல் ஏற்பட்டிருப்பதாக திமுக பொதுச்செயலாளர் துரைமுருகன் தெரிவித்தார். இந்த நிலையில் திமுக தலைவர் மு.க.ஸ்டாலின் தனது எக்ஸ் பதிவில் தனது உடல்நிலை குறித்து விளக்கமளித்தார்.
சென்னை, செப்டம்பர் 16 : செப்டம்பர் 15, 2026 நேற்று நடைபெறவிருந்த திமுக முப்பெரும் விழா மு.க.ஸ்டாலினின் உடல் நிலை சரியில்லாத காரணத்தால் ஒத்தி வைக்கப்பட்டது. அவருக்கு வைரல் காய்ச்சல் ஏற்பட்டிருப்பதாக திமுக பொதுச்செயலாளர் துரைமுருகன் தெரிவித்தார். இந்த நிலையில் திமுக தலைவர் மு.க.ஸ்டாலின் தனது எக்ஸ் பதிவில், வைரஸ் தொற்றினால் ஏற்பட்ட காய்ச்சலைத் தொடர்ந்து. மருத்துவர்களின் அறிவுரைப்படி வீட்டிலேயே ஓய்வெடுத்து வருகிறேன். தமிழ்நாட்டின் பல்வேறு அரசியல் கட்சிகள் மற்றும் இயக்கங்களைச் சேர்ந்த தலைவர்கள், கலையுலக நண்பர்கள் எனது அலுவலகத்தைத் தொடர்புகொண்டு எனது உடல்நலம் குறித்து அன்போடு விசாரித்துள்ளனர்.
உடல்நிலை குறித்து மு.க.ஸ்டாலின் விளக்கம்
கூட்டணிக் கட்சிகளின் தலைவர்கள் மட்டுமின்றி. பிற கட்சிகள் மற்றும் இயக்கங்களின் தலைவர்கள் காட்டிய அன்பிற்கும் அக்கறைக்கும் எனது மனமார்ந்த நன்றியைத் தெரிவித்துக் கொள்கிறேன். ருத்துவர்களின் அறிவுரைப்படி, இன்னும் இரண்டு அல்லது மூன்று நாட்கள் வீட்டிலேயே ஓய்வெடுக்க உள்ளேன் என்று தெரிவித்துள்ளார்.
இதையும் படிக்க : தனியார் பேருந்துகளில் டிக்கெட் கட்டணம் திடீர் உயர்வு.. தன்னிச்சையாக உயர்த்திய உரிமையாளர்கள்.. பயணிகள் அதிர்ச்சி!
மு.க.ஸ்டாலினின் எக்ஸ் பதிவு
எனது உடல்நலம் குறித்து அன்போடு விசாரித்த அனைவருக்கும் நன்றி!
வைரஸ் தொற்றினால் ஏற்பட்ட காய்ச்சலைத் தொடர்ந்து, மருத்துவர்களின் அறிவுரைப்படி வீட்டிலேயே ஓய்வெடுத்து வருகிறேன். இதன் காரணமாக, ஏற்கெனவே திட்டமிடப்பட்டிருந்த நிகழ்ச்சிகள் ஒத்திவைக்கப்பட்டுள்ளன. கழகப் பொதுச் செயலாளர்…
— M.K.Stalin (@mkstalin) September 16, 2026
இது குறித்து அவர் தனது பதிவில், எனது உடல்நலம் குறித்து அன்போடு விசாரித்த அனைவருக்கும் நன்றி! வைரஸ் தொற்றினால் ஏற்பட்ட காய்ச்சலைத் தொடர்ந்து, மருத்துவர்களின் அறிவுரைப்படி வீட்டிலேயே ஓய்வெடுத்து வருகிறேன். இதன் காரணமாக, ஏற்கெனவே திட்டமிடப்பட்டிருந்த நிகழ்ச்சிகள் ஒத்திவைக்கப்பட்டுள்ளன. கழகப் பொதுச் செயலாளர் அவர்களின் அறிவுறுத்தலின்பேரில் ஒத்திவைக்கப்பட்ட முப்பெரும் விழாவிற்கான புதிய தேதி பின்னர் அறிவிக்கப்படும் என்று தெரிவித்துள்ளார்.
மேலும், தமிழ்நாட்டின் பல்வேறு அரசியல் கட்சிகள் மற்றும் இயக்கங்களைச் சேர்ந்த தலைவர்கள், கலையுலக நண்பர்கள் எனது அலுவலகத்தைத் தொடர்புகொண்டு, எனது உடல்நலம் குறித்து அன்போடு விசாரித்துள்ளனர். கூட்டணிக் கட்சிகளின் தலைவர்கள் மட்டுமின்றி, பிற கட்சிகள் மற்றும் இயக்கங்களின் தலைவர்கள் காட்டிய அன்பிற்கும் அக்கறைக்கும் எனது மனமார்ந்த நன்றியைத் தெரிவித்துக் கொள்கிறேன். மருத்துவர்களின் அறிவுரைப்படி, இன்னும் இரண்டு அல்லது மூன்று நாட்கள் வீட்டிலேயே ஓய்வெடுக்க உள்ளேன் என்று தெரிவித்துள்ளார்.
இதையும் படிக்க : டிரைவிங் லைசென்ஸ், வாகனப் பதிவு டிஜிட்டல் மயம்: ஒரிஜினல் பெற என்ன செய்ய வேண்டும்?
மேலும், பேரறிஞர் அண்ணாவின் பிறந்தநாளான செப்டம்பர் 15, 2026 நேற்று, கழக உடன்பிறப்புகள் மேற்கொண்ட பல்வேறு நிகழ்ச்சிகளைக் கண்டு மகிழ்ந்தேன். அதேபோல், நாளை செப்டம்பர் 17 அன்று தந்தை பெரியாரின் பிறந்தநாளையும், திராவிட முன்னேற்றக் கழகம் தொடங்கப்பட்ட நாளையும் கழக உடன்பிறப்புகள் எழுச்சியுடன் கடைப்பிடிக்க வேண்டுமெனக் கேட்டுக் கொள்கிறேன்.
தந்தை பெரியாரின் சிலைக்கு செப்டம்பர் 17, 2026 நாளை மாலை அணிவித்து மரியாதை செலுத்துவதுடன், தலைமைக் கழகம் அறிவித்துள்ளபடி, சமூகநீதி நாள் உறுதிமொழியை அனைத்து கழக அலுவலகங்களிலும் ஏற்றிட வேண்டும். கழகத்தின் 78-ஆம் ஆண்டு தொடக்கத்தைக் குறிக்கும் வகையில், கழகக் கொடிகளைப் புதுப்பித்து ஏற்றிட வேண்டும் எனக் கேட்டுக் கொள்கிறேன் என்று தெரிவித்துள்ளார்.
