காலை உணவுத் திட்டத்தை துவக்கம் – மாணவர்களுடன் உணவருந்திய முதல்வர் விஜய்
CM Vijay Launches Kamarajar Breakfast Scheme : முதல்வர் விஜய், சென்னை திருவான்மியூர் காந்திகிராமத்தில் உள்ள மாநகராட்சி நடுநிலைப்பள்ளியில் பெருந்தலைவர் காமராஜர் காலை உணவு விரிவாக்கத் திட்டத்தை செப்டம்பர் 22, 2026 இன்று தொடங்கி வைத்தார். பின்பு மாணவர்களுக்கு உணவு பரிமாறிய முதல்வர் விஜய், அவர்களுடன் அமர்ந்து உணவருந்தினார்.
சென்னை, செப்டம்பர் 22 : முதல்வர் விஜய், சென்னை திருவான்மியூர் காந்திகிராமத்தில் உள்ள மாநகராட்சி நடுநிலைப்பள்ளியில் பெருந்தலைவர் காமராஜர் காலை உணவு விரிவாக்கத் திட்டத்தை செப்டம்பர் 22, 2026 இன்று தொடங்கி வைத்தார். பின்பு மாணவர்களுக்கு உணவு பரிமாறிய முதல்வர் விஜய், அவர்களுடன் அமர்ந்து உணவருந்தினார்.
காலை உணவுத் திட்டத்தை துவங்கி வைத்த முதல்வர் விஜய்
தமிழகத்தில் பள்ளி மாணவர்களின் ஊட்டச்சத்துள்ள உணவுகளை வழங்கவும், மாணவர்களின் பள்ளி வருகையை அதிகரிக்கவும் கடந்த 2022ஆம் ஆண்டு முதல் அப்போதைய முதல்வர் மு.க.ஸ்டாலினால் காலை உணவுத் திட்டம் தொடங்ப்பட்டு செயல்படுத்தப்பட்டு வருகிறது. முதற்கட்டமாக அரசு பள்ளிகளில் 1 முதல் 5ஆம் வகுப்பு வரை படிக்கும் மாணவர்களுக்கு இந்தத் திட்டம் அறிமுகப்படுத்தப்பட்டது. பின்னர் அரசு உதவி பெறும் பள்ளிகளுக்கும் திட்டம் விரிவுபடுத்தப்பட்டது. தற்போது 37,447 அரசு மற்றும் அரசு உதவி பெறும் பள்ளிகளில் படிக்கும் 19.34 லட்சம் மாணவ, மாணவிகள் இந்தத் திட்டத்தின் மூலம் பயனடைந்து வருகின்றனர்.
இதையும் படிக்க : இறுதி முடிவி எடுக்கப்படவில்லை எனில் எதற்கு அரசாணை வெளியிடப்பட்டது? கனிமொழி கேள்வி..
இந்த நிலையில் தவெக ஆட்சி அமைந்த பிறகு, இந்தத் திட்டம் பெருந்தலைவர் காமராஜர் காலை உணவுத் திட்டம்’ என பெயர் மாற்றம் செய்யப்பட்டு, 6 முதல் 8ஆம் வகுப்பு மாணவர்களுக்கும் திட்டம் விரிவுபடுத்தப்படும் என முதல்வர் விஜய் அறிவித்தார். இதன் மூலம் கூடுதலாக 15.30 லட்சம் மாணவ, மாணவிகள் பயன்பெறவுள்ளனர். முன்னதாக இந்த திட்டம் கடந்த செப்டம்பர் 17, 2026 அன்று தொடங்க திட்டமிடப்படவிருந்த நிலையில், முதல்வர் விஜய்யின் லண்டன் பயணம் காரணமாக செப்டம்பர் 22, 2026 இன்று தள்ளிவைக்கப்பட்டது.
அதன்படி சென்னை திருவான்மியூர் காந்திகிராமம் மாநகராட்சி நடுநிலைப் பள்ளியில், விரிவாக்கப்பட்ட காலை உணவுத் திட்டத்தை முதலமைச்சர் விஜய் செப்டம்பர் 22, 2026 இன்று தொடங்கி வைத்தார். விழாவின்போது மாணவர்களுக்கு சர்க்கரை பொங்கல் பரிமாறிய முதலமைச்சர், பின்னர் அவர்களுடன் அமர்ந்து காலை உணவை சாப்பிட்டார். இந்த திட்டத்திற்காக அரசு சார்பில் கூடுதலாக ரூ.217.63 கோடி நிதி ஒதுக்கப்பட்டுள்ளது.
இந்தத் திட்டத்தின் கீழ் வாரந்தோறும் வெவ்வேறு வகையான காலை உணவுகள் வழங்கப்படுகின்றன. திங்கட்கிழமை உப்மா, செவ்வாய்க்கிழமை கிச்சடி, புதன்கிழமை பொங்கல், வியாழக்கிழமை மீண்டும் உப்மா, வெள்ளிக்கிழமை இனிப்பு வகை உணவு வழங்கப்படும் வகையில் உணவுப் பட்டியல் தயாரிக்கப்பட்டுள்ளது.
இதையும் படிக்க : கரூர் சம்பவம் ஓராண்டு நினைவு: 41 பேரின் நினைவாக நினைவுச்சின்னம் – செப்.27ல் அடிக்கல் நாட்டுகிறார் முதல்வர் விஜய்
சட்டமன்ற இடைத்தேர்தல் நடைபெறும் மதுராந்தகம் மற்றும் தாராபுரம் தொகுதிகள் அமைந்துள்ள செங்கல்பட்டு, திருப்பூர் மாவட்டங்களைத் தவிர்த்து, மற்ற மாவட்டங்களில் இந்தத் திட்டம் இன்று முதல் செயல்பாட்டுக்கு வந்துள்ளது. மேலும், காலை உணவு தயாரிக்கப்படும் சமையல் கூடங்கள் மற்றும் உணவு பரிமாறும் இடங்களை சுத்தமாகவும் சுகாதாரமாகவும் பராமரிக்க வேண்டும் என முதலமைச்சர் விஜய் அதிகாரிகளுக்கு அறிவுறுத்தியுள்ளார். மாணவர்களுக்கு ஊட்டச்சத்து நிறைந்த உணவு முறையாக கிடைப்பதை உறுதி செய்ய தொடர்ந்து கண்காணிப்பு மேற்கொள்ளவும் அவர் உத்தரவிட்டுள்ளார்.
