WPL 2027: மகளிர் பிரீமியர் லீக் 2027 ஏலம்.. வெளியான 146 வீராங்கனைகள் பட்டியல்..!
WPL 2027 Mini-Auction: WPL 2027 மினி ஏலம் அக்டோபர் 28 அன்று கொச்சியில் நடைபெறுகிறது. 5 அணிகளில் 27 இடங்களுக்கு 146 வீராங்கனைகள் போட்டியிடுகின்றனர். ஜி. கமாலினி, சினே ராணா, சோஃபி மோலினக்ஸ், சமரி அட்டபட்டு போன்ற நட்சத்திரங்கள் ஏலப் பட்டியலில் உள்ளனர். அதிகபட்ச அடிப்படை விலை ரூ. 50 லட்சம் முதல் ரூ. 10 லட்சம் வரை நிர்ணயிக்கப்பட்டுள்ளது.
ஐபிஎல் 2027 சீசன் ஏலத்திற்கு (IPL 2027) முன்னதாக, 2027 மகளிர் பிரீமியர் லீக்கிற்கான மினி ஏலத்திற்கு (WPL 2027) களம் தயாராகிவிட்டது. வருகின்ற 2026 அக்டோபர் 28ம் தேதி கொச்சியில் நடைபெறவிருக்கும் இந்த ஏலத்திற்காக மொத்தம் 146 மகளிர் கிரிக்கெட் வீராங்கனைகள் தேர்வு செய்யப்பட்டுள்ளனர். இந்த 146 மகளிர் வீராங்கனைகளில் இருந்து ஐந்து அணிகளில் காலியாக உள்ள 27 வீராங்கனைகளுக்கான இடங்களுக்கு தேர்வு செய்யப்படுவார்கள். இந்த ஏலப் பட்டியலில், இந்திய விக்கெட் கீப்பர்-பேட்ஸ்மேன் ஜி. கமாலினி, ஆல்-ரவுண்டர் சினே ராணா, ஆஸ்திரேலிய கேப்டன் சோஃபி மோலினக்ஸ் மற்றும் இலங்கை கேப்டன் சமரி அட்டபட்டு உள்ளிட்ட பல சர்வதேச நட்சத்திரங்களின் பெயர்கள் இடம்பெற்றுள்ளன.
ALSO READ: சீக்ரெட்டாக வெளியான ஐபிஎல் 2027 மினி ஏல தேதி.. பிசிசிஐ திட்டம் இதுதான்!
27 இடங்களுக்கு போட்டியிடும் 127 வீராங்கனைகள்:
மகளிர் பிரீமியர் லீக் 2027 மினி ஏலத்திற்காகத் தேர்ந்தெடுக்கப்பட்ட 146 வீராங்கனைகளில், 22 இந்திய வீராங்கனைகள், 14 வெளிநாட்டு வீராங்கனைகள், 97 இந்திய வீராங்கனைகள் அல்லாதவர்கள் மற்றும் 13 வெளிநாட்டு வீராங்கனைகள் அடங்குவர். இம்முறை வீராங்கனைகளுக்கான அதிகபட்ச அடிப்படை விலை ரூ. 50 லட்சமாகவும், மீதமுள்ள பிரிவுகளுக்கான அடிப்படை விலைகள் முறையே ரூ. 40, 30, 20 மற்றும் ரூ. 10 லட்சமாகவும் நிர்ணயிக்கப்பட்டுள்ளன.
ரூ. 50 லட்சம் பிரிவில் 2 வெளிநாட்டு வீராங்கனைகள்:
மினி ஏலத்தின் மிகவும் விலையுயர்ந்த ரூ. 50 லட்சம் பிரிவில் இரண்டு வெளிநாட்டு வீராங்கனைகள் மட்டுமே இடம்பெற்றுள்ளனர். ராயல் சேலஞ்சர்ஸ் பெங்களூரு அணியால் விடுவிக்கப்பட்ட ஆஸ்திரேலிய கேப்டன் சோஃபி மோலினக்ஸ் மற்றும் இங்கிலாந்தின் அதிரடி பேட்ஸ்மேன் சோஃபியா டன்க்லி ஆகியோர் இந்தப் பட்டியலில் உள்ளனர். சோஃபியா டன்க்லி முன்னதாக 2024-ஆம் ஆண்டு குஜராத் ஜெயண்ட்ஸ் அணியுடன் ஒப்பந்தம் செய்திருந்தார்.
ரூ. 40 லட்சம் பிரிவில் யார் யார்..?
ரூ. 40 லட்சம் அடிப்படை விலை பிரிவில் இந்திய மற்றும் ஆஸ்திரேலிய நட்சத்திரங்களுக்கு இடையே கடும் போட்டி நிலவும். மும்பை இந்தியன்ஸ் அணியால் விடுவிக்கப்பட்ட, அதிரடியாக விளையாடும் விக்கெட் கீப்பர்-பேட்டர் ஜி. கமாலினி, ரூ.40 லட்சம் பிரிவில் உள்ளார். இந்தியாவின் பவர்-ஹிட்டர் கிரண் நவகரே மற்றும் ஆஸ்திரேலியாவின் அனுபவமிக்க ஆல்-ரவுண்டர் ஜோடியான ஜெஸ் ஜோனாசென் மற்றும் ஹீதர் கிரஹாம் ஆகியோரும் இந்தப் பிரிவில் உள்ளனர்.
ALSO READ: ஐபிஎல் 2027ல் தோனி விளையாடுவாரா இல்லையா..? உண்மை சொன்ன சிஎஸ்கே நிர்வாகம்!
ரூ. 30 லட்சம் பிரிவில் சினேகா ராணா-சாமரி அட்டபட்டு
ரூ. 30 லட்சம் பிரிவில், டெல்லி கேப்பிட்டல்ஸ் அணியால் விடுவிக்கப்பட்ட இந்திய ஆஃப்-ஸ்பின் ஆல்-ரவுண்டர் ஸ்னே ராணா மற்றும் இலங்கை கேப்டன் சமரி அட்டபட்டு ஆகியோர் இந்தப் பிரிவில் இடம்பெற்றுள்ளனர். மேலும், ரூ. 20 லட்சம் மற்றும் ரூ. 10 லட்சம் பிரிவுகளில், அணிகள் தங்கள் மாற்று வீரர்களின் பலத்தை வலுப்படுத்த முயற்சிக்கும் நிலையில், உள்நாட்டு மற்றும் அறிமுக வீரர்களை அணிகள் புதிதாக திட்டமிடலாம்.
