நவராத்திரி - Navratri

இந்து மதத்தில் புரட்டாசி மாதம் ஆன்மிக காலமாக கடைபிடிக்கப்படுகிறது. இந்த மாதத்தில் வரும் மிகப்பெரிய அமாவாசையான மஹாளய அமாவாசை முடிந்து பின்னர் வரும் ஒன்பது நாட்கள் நவராத்திரி பண்டிகையாக கொண்டாடப்படுகிறது. நவராத்திரி விரதம் என்பது பெண் தெய்வங்களை வழிபடும் காலமாகும். நவராத்திரியின் ஒன்பது நாட்களில் முதல் 3 நாட்கள் வீரத்தை வேண்டி துர்க்கையையும், அடுத்த மூன்று நாட்கள் செல்வத்தை வேண்டி லட்சுமியையும், இறுதி மூன்று நாட்கள் கல்வி, கலைகளை வேண்டி கலைமகளான சரஸ்வதியையும் வழிபடுகின்றனர். இதன் கடைசி இரு நாட்கள் சரஸ்வதி பூஜை என்ற பெயரில் கல்வி பொருட்கள் வைத்தும், ஆயுத பூஜை என்ற பெயரில் நம்முடைய தொழில் சம்பந்தப்பட்ட பொருட்கள் வைத்து வீடுகளில், கடைகளில் வழிபாடு மேற்கொள்ளப்படும். நவராத்திரி காலத்தில் வீடுகள், ஆலயங்களில் கொழு கண்காட்சி வைக்கப்படும். மேலும் மைசூர், குலசேகரப்பட்டினத்தில் தசரா திருவிழா வெகு விமரிசையாக கொண்டாடப்படும். இப்படியான நவராத்திரி திருவிழா தொடர்பான தகவல்களை நாம் இங்கு காணலாம்