IPL 2027: அதிரடி காட்டும் டெல்லி கேப்பிடல்ஸ்.. பந்துவீச்சு பயிற்சியாளராக சமிந்த வாஸ் நியமனம்!
Delhi Capitals Bowling Coach: இலங்கையின் முன்னாள் பந்துவீச்சாளர் சமிந்த வாஸ், ஐபிஎல் 2027 சீசனுக்காக டெல்லி கேப்பிட்டல்ஸ் அணியின் புதிய பந்துவீச்சுப் பயிற்சியாளராக நியமிக்கப்பட்டுள்ளார். சௌரவ் கங்குலி மற்றும் யுவராஜ் சிங்குடன் இவரும் இணைவதால், டெல்லி அணி அனுபவமிக்க பயிற்சியாளர் குழுவை பெற்றுள்ளது.
இலங்கையின் ஜாம்பவான் பந்துவீச்சாளர் சமிந்த வாஸ், டெல்லி கேப்பிட்டல்ஸ் (Delhi Capitals) அணியின் பந்துவீச்சுப் பயிற்சியாளராக நியமிக்கப்பட்டுள்ளார். முன்னதாக, டெல்லி அணி சௌரவ் கங்குலியை தலைமைப் பயிற்சியாளராகவும், யுவராஜ் சிங்கை பேட்டிங் பயிற்சியாளராகவும் நியமித்திருந்தது. ஐபிஎல் 2027-க்கு (IPL 2027) முன்னதாக, டெல்லி அணி முந்தைய பயிற்சி ஊழியர்களை நீக்கியதோடு, தொடர்ச்சியாக அனுபவமிக்க பயிற்சியாளர்கள் குழுவை அதிரடியாக நியமித்து வருகிறது. சமிந்த வாஸ் ஒரு வீரராக ஐபிஎல்-லில் 3 சீசன்கள் விளையாடியுள்ளார். 2008 முதல் 2010 வரை, சமிந்த வாஸ் டெக்கான் சார்ஜர்ஸ் அணிக்காக விளையாடி, 13 போட்டிகளில் 18 விக்கெட்டுகளைக் கைப்பற்றினார். பயிற்சியாளர் அனுபவத்தைப் பொறுத்தவரை, வாஸ் இதற்கு முன்பு பலமுறை இலங்கை ஆண்கள் தேசிய கிரிக்கெட் அணியுடன் பணியாற்றியுள்ளார். மேலும், நியூசிலாந்து மற்றும் அயர்லாந்து அணிகளுக்கு ஆலோசகராகவும் பணியாற்றியுள்ளார்.
ALSO READ: ஐபிஎல் 2027க்காக முக்கிய முடிவு.. அணிகள் விடுவிக்கப்போகும் வீரர்கள் பட்டியல்!
சமிந்த வாஸூவின் பயிற்சி அனுபவம்:
சமிந்த வாஸ் பல ஆண்டுகளாக இலங்கையின் தேசிய கிரிக்கெட் அணிகளுடன் மட்டுமல்லாமல், பல ஃபிரான்சைஸ் அணிகளுடனும் பணியாற்றியுள்ளார். எனவே, இந்த முறை டெல்லி கேப்பிட்டல்ஸ் பந்துவீச்சாளர்கள், இலங்கை ஜாம்பவான் சமிந்த வாஸூவின் அனுபவத்திலிருந்து நிறைய கற்றுக்கொள்ளும் வாய்ப்பை பெற்றுள்ளன.
பயிற்சியாளர் குழுவில் அமித் மிஸ்ரா..?
மூத்த சுழற்பந்து வீச்சாளர் அமித் மிஸ்ரா விரைவில் ஐபிஎல் 2027-க்கான பயிற்சி ஊழியர்களுடன் இணையக்கூடும். வருகின்ற ஐபிஎல் 2027 சீசனில் டெல்லி கேப்பிடல்ஸ் அணியின் சுழற்பந்து வீச்சுப் பயிற்சியாளராக அமித் மிஸ்ரா இருப்பார் என்று தகவல்கள் தெரிவிக்கின்றன. 2026 ஆகஸ்ட் மாதம், டெல்லி அணி பெங்களூருவில் நடத்திய தேர்வுப் போட்டிகளில், அமித் மிஸ்ராவுடன் சௌரவ் கங்குலி மற்றும் யுவராஜ் சிங் ஆகியோரும் கலந்துகொண்டனர். ஒரு மாதம் கழித்து, 2026 செப்டம்பரில், மற்றொரு தேர்வு முகாம் நடத்தப்பட்டது. அந்தத் தேர்வுப் போட்டிகளில் அமித் மிஸ்ரா, சமிந்த வாஸ் மற்றும் யுவராஜ் சிங் ஆகியோர் கலந்துகொண்டனர்.
ALSO READ: யுவராஜின் புதிய அத்தியாயம்.. டெல்லி கேப்பிடல்ஸ் அணியின் பேட்டிங் பயிற்சியாளராக நியமனம்!
16 ஆண்டுகளுக்குப் பிறகு ஐபிஎல் கால் வைக்கும் சமிந்த வாஸ்:
World Cup winner and Sri lanka’s best ever 🔥
Welcome to Tiger Territory, coach 💙❤️ https://t.co/SuVQ9rGHuO
— Delhi Capitals (@DelhiCapitals) October 17, 2026
இடது கை வேகப்பந்து வீச்சாளரான சமிந்த வாஸ், சர்வதேச கிரிக்கெட்டில் 761 விக்கெட்டுகளை வீழ்த்தி, இலங்கையின் 2வது அதிக விக்கெட்டுகளை எடுத்தவர் என்ற பெருமையைப் பெற்றார். வாஸ் 16 ஆண்டுகளுக்குப் பிறகு ஐபிஎல் தொடருக்குத் திரும்புகிறார். 2009ம் ஆண்டு சாம்பியன் பட்டம் வென்ற டெக்கான் சார்ஜர்ஸ் அணியிலும் அவர் இடம்பெற்றிருந்தார். தனது ஐபிஎல் வாழ்க்கையில், சமிந்த வாஸ் டெக்கான் சார்ஜர்ஸ் அணிக்காக மட்டுமே விளையாடி, 13 போட்டிகளில் 18 விக்கெட்டுகளை வீழ்த்தியுள்ளார்.
