IND U19 vs AUS U19: ஆஸ்திரேலியாவிற்கு எதிரான அண்டர் 19 தொடர்.. வைபவ் சூர்யவன்ஷி தேர்ந்தெடுக்கப்படாதது ஏன்?
Vaibhav Sooryavanshi: வைபவ் சூர்யவன்ஷி ஏற்கனவே 2026-ஆம் ஆண்டு நடைபெற்ற 19 வயதுக்குட்பட்டோருக்கான உலகக் கோப்பையில் விளையாடிவிட்டார். பிசிசிஐ விதிகளின்படி அவரால் மீண்டும் அண்டர் 19 தொடரில் இந்திய அணிக்காக விளையாட முடியாது. இதன் காரணமாகவே, இந்த முறை தேர்வாளர்கள் அவரை 19 வயதுக்குட்பட்டோருக்கான அணியில் சேர்க்கவில்லை.
15 வயதான வைபவ் சூர்யவன்ஷி, இந்திய அணிக்காக (Indian Cricket Team) சர்வதேச போட்டிகளில் அறிமுகமான இளம் வீரர் என்ற சாதனையை படைத்துள்ளார். சமீபத்தில் இங்கிலாந்தில் தனது சர்வதேச அறிமுகத்தை மேற்கொள்ளும் வாய்ப்பை வைபவ் சூர்யவன்ஷி பெற்றார். அதன்படி, வைபவ் சூர்யவன்ஷி (Vaibhav Sooryavanshi) இதுவரை இந்தியாவுக்காக மொத்தம் 6 டி20 சர்வதேசப் போட்டிகளில் விளையாடியுள்ளார். இருப்பினும், ஆஸ்திரேலியாவுக்கு எதிரான வரவிருக்கும் 19 வயதுக்குட்பட்டோருக்கான தொடருக்கு சூர்யவன்ஷி தேர்ந்தெடுக்கப்படவில்லை. இது இந்திய ரசிகர்களுக்கு அதிர்ச்சியை ஏற்படுத்தியது. ஆஸ்திரேலியாவிற்கு எதிரான 19 வயதுக்குட்பட்டோருக்கான தொடரில் விரேந்தர் சேவாக்கின் மகன் ஆர்யவீர் மற்றும் ராகுல் டிராவிட்டின் மகன் அன்வே ஆகியோர் அணியில் சேர்க்கப்பட்டிருப்பது மிகப்பெரிய எதிர்பார்ப்பை கொடுத்துள்ளது.
ALSO READ: முடிந்த இலங்கை சுற்றுப்பயணம்.. இந்திய அணியின் அடுத்த போட்டி எப்போது, யாருக்கு எதிராக?
இப்போது அனைவரின் மனதிலும் எழும் கேள்வி என்னவென்றால், வைபவிற்கு 15 வயதுதான் ஆகிறது என்றாலும், அவருக்கு ஏன் 19 வயதுக்குட்பட்டோருக்கான அணியில் இடம் கிடைக்கவில்லை என்பதுதான். இருப்பினும், வைபவ் சூர்யவன்ஷி தேர்ந்தெடுக்கப்படாததற்குப் பின்னால் பிசிசிஐயின் விதிகளை தெரிந்து கொள்வோம்.
பிசிசிஐ விதிகள் என்ன சொல்கின்றன?
பிசிசிஐ 2016ம் ஆண்டில் முன்னாள் இந்திய கேப்டன் ராகுல் டிராவிட்டின் பரிந்துரையின் கீழ் ஒரு விதியை உருவாக்கியது. அந்த விதியின்படி, ஒரு வீரர் தனது வாழ்நாளில் ஒருமுறை மட்டுமே 19 வயதுக்குட்பட்டோருக்கான உலகக் கோப்பையில் விளையாட முடியும். அதாவது, ஒரு வீரர் தனது 15 அல்லது 17 வயதில் ஒருமுறை 19 வயதுக்குட்பட்டோருக்கான உலகக் கோப்பையில் விளையாடியிருந்தால், அவருக்கு 19 வயது ஆவதற்குள் மீண்டும் உலகக் கோப்பை வந்தாலும், வயது காரணமாக அவர் விளையாடத் தகுதி பெறவில்லை என்றாலும், அணியில் தேர்ந்தெடுக்கப்பட மாட்டார். இந்த விதியின் காரணமாக, வாஷிங்டன் சுந்தரால் 2018 ஆம் ஆண்டில் நடைபெற்ற 19 வயதுக்குட்பட்டோருக்கான உலகக் கோப்பையில் விளையாட முடியவில்லை.
வைபவ் சூர்யவன்ஷி ஏற்கனவே 2026-ஆம் ஆண்டு நடைபெற்ற 19 வயதுக்குட்பட்டோருக்கான உலகக் கோப்பையில் விளையாடிவிட்டார். பிசிசிஐ விதிகளின்படி அவரால் மீண்டும் அண்டர் 19 தொடரில் இந்திய அணிக்காக விளையாட முடியாது. இதன் காரணமாகவே, இந்த முறை தேர்வாளர்கள் அவரை 19 வயதுக்குட்பட்டோருக்கான அணியில் சேர்க்கவில்லை. ஆஸ்திரேலியாவின் 19 வயதுக்குட்பட்டோருக்கான அணி வருகின்ற 2026 செப்டம்பர் 18 முதல் இந்தியாவிற்கு சுற்றுப்பயணம் மேற்கொள்ளும்.
ALSO READ: இந்திய அணிக்காக களமிறங்கும் சேவாக் – டிராவிட்டின் மகன்கள் – ஆஸ்திரேலியாவுக்கு எதிரான தொடரில் தேர்வு
இந்த சுற்றுப்பயணத்தில், இரு அணிகளுக்கும் இடையே மூன்று ஒருநாள் போட்டிகள் வருகின்ற 2026 செப்டம்பர் 18, 21 மற்றும் 23 ஆகிய தேதிகளில் ராஜ்கோட்டில் நடைபெறும். இதைத் தொடர்ந்து இரண்டு நீண்ட (பல நாள்) போட்டிகள் நடைபெறும். அவற்றில் முதல் போட்டி வருகின்ற 2026 செப்டம்பர் 27 முதல் 30 வரை ராஜ்கோட்டிலும், இரண்டாவது போட்டி வருகின்ற 2026 அக்டோபர் 5 முதல் 8 வரை அகமதாபாத்தில் உள்ள நரேந்திர மோடி மைதானத்தின் ‘பி’ மைதானத்திலும் நடைபெறும்.
