Team India: முடிந்த இலங்கை சுற்றுப்பயணம்.. இந்திய அணியின் அடுத்த போட்டி எப்போது, யாருக்கு எதிராக?
Indian Cricket Team Upcoming Series: இந்தியா - வெஸ்ட் இண்டீஸ் ஒருநாள் தொடரும் செப்டம்பர் மாதம் தொடங்குகிறது. இதன் முதல் போட்டி வருகின்ற 2026 செப்டம்பர் 27ம் தேதி திருவனந்தபுரத்தில் (கிரீன்ஃபீல்ட் ஸ்டேடியம்) நடைபெறுகிறது. இத்தொடரின் இரண்டாவது போட்டி 2026 செப்டம்பர் 30ம் தேதி குவஹாத்தியில் (டாக்டர் பூபன் ஹசாரிகா கிரிக்கெட் ஸ்டேடியம்) நடைபெறும்.
இந்திய கிரிக்கெட் அணியின் (Indian Cricket Team) இலங்கை சுற்றுப்பயணம் முடிவடைந்தது. அங்கு சும்பன் கில் தலைமையிலான இந்திய அணி 2 போட்டிகள் கொண்ட டெஸ்ட் தொடரை 1-0 என்ற கணக்கில் வென்றது. இருப்பினும், இரண்டாவது டெஸ்டில் வெற்றி பெறத் தவறியதால், உலக டெஸ்ட் சாம்பியன்ஷிப் புள்ளி அட்டவணையில் (World Test Championship 2026) இந்தியா 5வது இடத்தில் நீடிக்கிறது. இப்போது, இந்திய அணியின் அடுத்த தொடர் யாருடன் என்பதை அறிய ரசிகர்கள் விரும்புகிறார்கள். இந்தநிலையில், இந்திய அணியின் அடுத்த போட்டி எப்போது, எங்கே நடைபெறும்? அடுத்த தொடர் உட்பட, வருகின்ற 2026 செப்டம்பர் மாதத்திற்கான முழு அட்டவணையை தெரிந்து கொள்வோம்.
ALSO READ: இலங்கையின் போராட்டத்தால் டிராவில் முடிந்த போட்டி – தொடரை கைப்பற்றிய இந்தியா
இந்திய கிரிக்கெட் அணி வருகின்ற 2026 செப்டம்பர் மாதம் ஆப்கானிஸ்தானுக்கு எதிராக ஒரு டி20 தொடரில் விளையாட உள்ளது. இதைத் தொடர்ந்து, வெஸ்ட் இண்டீஸ் அணிக்கு எதிரான ஒருநாள் தொடரும், ஏறக்குறைய அதே நேரத்தில் நடைபெறும் ஆசிய விளையாட்டுப் போட்டிகளும் இடம்பெறும். வருகின்ற 2026 செப்டம்பர் மாதம் நடைபெறும் ஆசிய விளையாட்டுப் போட்டிகளில் இந்தியாவுக்கு ஒரு காலிறுதிப் போட்டி திட்டமிடப்பட்டுள்ளது. இந்தப் போட்டியில் பெறும் வெற்றியானது, இந்தியாவின் அரையிறுதிப் போட்டி அட்டவணையைத் தீர்மானிக்கும்.
இந்தியாவின் அடுத்த போட்டி எப்போது, யாருடன்?
இந்திய கிரிக்கெட் அணியின் அடுத்த போட்டி ஆப்கானிஸ்தானுக்கு எதிராக நடைபெறுகிறது. இந்த டி20 போட்டி வருகின்ற 2026 செப்டம்பர் 13ம் தேதி நடைபெறும். ஆப்கானிஸ்தான் இந்தப் போட்டியை நடத்தினாலும், இரு அணிகளுக்கு இடையிலான போட்டிகள் அனைத்தும் டெல்லியில் உள்ள அருண் ஜேட்லி மைதானத்தில் நடைபெறும்.
ஆப்கானிஸ்தான் – இந்தியா டி20ஐ தொடர் அட்டவணை
- முதல் டி20: 2026 செப்டம்பர் 13 (அருண் ஜேட்லி ஸ்டேடியம், டெல்லி)
- 2வது டி20: 2026 செப்டம்பர் 15 (அருண் ஜெட்லி ஸ்டேடியம், டெல்லி)
- 3வது டி20: 2026 செப்டம்பர் 17 (அருண் ஜெட்லி ஸ்டேடியம், டெல்லி)
இந்தத் தொடரின் 3 போட்டிகளும் டெல்லியில் உள்ள அருண் ஜேட்லி மைதானத்தில் நடைபெறும். 3 போட்டிகளும் இந்திய நேரப்படி இரவு 7:00 மணிக்குத் தொடங்கும்.
இந்தியா – வெஸ்ட் இண்டீஸ் ஒருநாள் தொடரும் செப்டம்பர் மாதம் தொடங்குகிறது. இதன் முதல் போட்டி வருகின்ற 2026 செப்டம்பர் 27ம் தேதி திருவனந்தபுரத்தில் (கிரீன்ஃபீல்ட் ஸ்டேடியம்) நடைபெறுகிறது. இத்தொடரின் இரண்டாவது போட்டி 2026 செப்டம்பர் 30ம் தேதி குவஹாத்தியில் (டாக்டர் பூபன் ஹசாரிகா கிரிக்கெட் ஸ்டேடியம்) நடைபெறும். இறுதி ஒருநாள் போட்டி வருகின்ற 2026 அக்டோபர் 3ம் தேதி புதிய சண்டிகரில் (பிசிஏ ஸ்டேடியம்) நடைபெறும்.
ALSO READ: இந்திய அணிக்காக களமிறங்கும் சேவாக் – டிராவிட்டின் மகன்கள் – ஆஸ்திரேலியாவுக்கு எதிரான தொடரில் தேர்வு
ஆசிய விளையாட்டுப் போட்டிகளுக்கான இந்தியாவின் அட்டவணை
ஆசிய விளையாட்டுப் போட்டிகளின் காலிறுதிக்கு இந்தியா நேரடியாக முன்னேறும். இந்தியாவின் போட்டி வருகின்ற 2026 செப்டம்பர் 28 ஆம் தேதி கோரோகி விளையாட்டுப் பூங்காவில் (நிஷின்) நடைபெற உள்ளது. இந்த போட்டியில் இந்தியா வெற்றி பெற்றால், அரையிறுதிப் போட்டிகள் வருகின்ற 2026 அக்டோபர் 1ம் தேதி நடைபெறும்.
