Team India: 2026ல் இந்திய அணி இன்னும் எத்தனை டெஸ்ட் போட்டிகளில் விளையாடும்? முழு விவரம் இதோ!
India Cricket Test Schedule 2026: 2026ம் ஆண்டு இறுதிக்குள் இந்திய அணி இன்னும் 4 டெஸ்ட் போட்டிகளில் விளையாட உள்ளது. முதலில், இந்திய அணி இலங்கைக்குச் சுற்றுப்பயணம் மேற்கொண்டு, அங்கு 2 டெஸ்ட் போட்டிகள் கொண்ட தொடரில் விளையாடும். அதன்பிறகு, இந்திய அணி வருகின்ற 2027 அக்டோபர்-நவம்பர் மாதங்களில் நியூசிலாந்துக்குச் செல்லும்.
2027ம் ஆண்டு கிரிக்கெட் அணிகளுக்கும் அவற்றின் ரசிகர்களுக்கும் ஒரு முக்கியமான ஆண்டாக அமையும். இந்திய அணி (Indian Cricket Team) கடந்த சில மாதங்களாகவே இந்திய அணி அடுத்தடுத்த தொடர்களில் விளையாடி வருகிறது. இதற்கிடையில், வருகின்ற 2027ம் ஆண்டு ஒருநாள் உலகக் கோப்பை (2027 ODI World Cup) நடைபெற உள்ளது. ஆனால் அதற்கு முன்பாக, உலக டெஸ்ட் சாம்பியன்ஷிப் இறுதிப் போட்டியும் நடைபெறவுள்ளது. இந்த இறுதிப் போட்டி, லண்டனில் உள்ள ஓவல் மைதானத்தில் அடுத்த 2027ம் ஆண்டு ஜூன் 9 ஆம் தேதி முதல் 2027ம் ஆண்டு ஜூன் 13 ஆம் தேதி வரை நடைபெறும்.
ALSO READ: காயத்தில் இருக்கும் கில், பும்ரா.. இலங்கைக்கு எதிரான டெஸ்ட் போட்டியில் களமிறங்குவார்களா?
உலக டெஸ்ட் சாம்பியன்ஷிப்பின் தற்போதைய நிலவரத்தைப் பார்க்கும்போது, இந்திய அணி 48.15 சதவீதப் புள்ளிகளுடன் (PCT) 5வது இடத்தில் உள்ளது. ஆஸ்திரேலியா மற்றும் தென்னாப்பிரிக்கா போன்ற அணிகள் இந்தியாவை விட வெகு தொலைவில் முன்னணியில் உள்ளன. 2026-ல் இந்திய அணி இன்னும் எத்தனை டெஸ்ட் போட்டிகளில் விளையாடும் என்பதையும், அவை இறுதி நிலவரத்தை எவ்வாறு பாதிக்கும் என்பதையும் தெரிந்துகொள்வோம்.
2026-ஆம் ஆண்டில் இன்னும் எத்தனை போட்டிகள் மீதமுள்ளன?
2026ம் ஆண்டு இறுதிக்குள் இந்திய அணி இன்னும் 4 டெஸ்ட் போட்டிகளில் விளையாட உள்ளது. முதலில், இந்திய அணி இலங்கைக்குச் சுற்றுப்பயணம் மேற்கொண்டு, அங்கு 2 டெஸ்ட் போட்டிகள் கொண்ட தொடரில் விளையாடும். அதன்பிறகு, இந்திய அணி வருகின்ற 2027 அக்டோபர்-நவம்பர் மாதங்களில் நியூசிலாந்துக்குச் செல்லும். அங்கு நவம்பர் மாதம் இரு அணிகளும் இரண்டு டெஸ்ட் போட்டிகளில் விளையாடும்.
உலக டெஸ்ட் சாம்பியன்ஷிப் இறுதிப் போட்டியின் நிலவரத்தைக் கருத்தில் கொண்டு, இந்திய அணி இந்த 4 போட்டிகளிலும் முடிந்தவரை அதிக போட்டிகளில் வெற்றி பெற வேண்டும். WTC 2025-27 தொடரில் இந்திய அணிக்கு இன்னும் 9 டெஸ்ட் போட்டிகள் மீதமுள்ளன. அவற்றில், குறைந்தது ஏழிலாவது வெற்றி பெறுவது மிகவும் முக்கியமானது.
இந்திய அணி இறுதிப்போட்டிக்கு தகுதிபெற என்ன செய்ய வேண்டும்?
இந்திய அணியின் புள்ளி சதவீதம் தற்போது 48.15 ஆக மட்டுமே உள்ளது. இந்த 2026ம் ஆண்டு இந்திய அணி, இலங்கை மற்றும் நியூசிலாந்து அணிகளை முழுமையாக வீழ்த்தினால், அதன் புள்ளி சதவீதம் 64.01-ஐ எட்டி, இறுதிப் போட்டிக்கு இந்தியாவை மிகவும் சாதகமான நிலையில் வைக்கும். உலக டெஸ்ட் சாம்பியன்ஷிப் 2025-27 சுழற்சியில் இந்திய அணியின் கடைசித் தொடர், அடுத்த 2027ம் ஆண்டு ஜனவரி-பிப்ரவரி மாதங்களில் ஆஸ்திரேலியாவுக்கு எதிராக நடைபெறவுள்ளது என்பது குறிப்பிடத்தக்கது.
