World Test championship

இன்றைய நவீன கிரிக்கெட்டில் என்னதான் ஒருநாள், டி20 மற்றும் டி10 என பல வடிவங்கள் வந்தாலும், டெஸ்ட் கிரிக்கெட் இன்னும் பல மக்களால் விரும்பப்பட்டு வருகிறது. கிரிக்கெட்டின் அஸ்திவாரம் என்றே டெஸ்ட் கிரிக்கெட்டை அழைக்கலாம். 5 நாள் நடைபெறும் இந்த போட்டி, பேட்ஸ்மேன், பந்துவீச்சாளர், விக்கெட் கீப்பர் என அனைவரையும் உடல் மற்றும் மனதளவில் சோதிப்பதால்தான், அதற்கு டெஸ்ட் என்று பெயர் வைக்கப்பட்டதாக கூறப்படுகிறது. 90 காலக்கட்டத்தில் நடைபெறும் டெஸ்ட் போட்டிகள் பெரும்பாலும் 5 நாள் வரை நீடிக்கும். ஆனால், இன்றைய காலத்தில் டெஸ்ட் போட்டிகள் 4 நாள் சென்றாலே, அதியசயமாக பார்க்கப்படுகிறது. அந்த அளவிற்கு டெஸ்ட் வடிவம் மாறிவிட்டது என்றே கூறலாம். இதன்காரணமாக, ஐசிசி அடுத்த 2 ஆண்டுகளில் 4 நாள் கொண்ட டெஸ்ட் போட்டிகளை நடத்த திட்டமிட்டு வருகிறது. இந்த மாற்றத்தினால், சிறு நாடுகளும் டெஸ்ட் போட்டிகளில் விளையாடுவது மட்டுமின்றி, பொருளாதர பிரச்சனையையும் எதிர்கொள்ள மாட்டார்கள் என ஐசிசி நினைக்கிறது.