IND vs SL: இலங்கையில் யார்க்கரை இறக்க தயார்.. முழு உடற்தகுதி பெற்ற பும்ரா..!
Jasprit Bumrah Injury Update: பும்ரா இனி இலங்கைக்கு எதிரான வரவிருக்கும் டெஸ்ட் தொடரில் இந்திய அணிக்காக விளையாடுவார். அவரது வருகை, இந்திய பந்துவீச்சுத் தாக்குதலுக்குப் புதிய பலம் அளிப்பதோடு, எதிரணி மீதான அழுத்தத்தையும் அதிகரிக்கும். சமீபத்தில் இங்கிலாந்து சுற்றுப்பயணத்தின் போது நடைபெற்ற ஒருநாள் தொடரில் பும்ரா காயமடைந்தார்.
ஜிம்பாப்வேக்கு எதிரான டி20 தொடர் வெற்றிக்குப் பிறகு, இந்திய கிரிக்கெட் அணி (Indian Cricket Team) அடுத்த மாதம் மீண்டும் களமிறங்குகிறது. இந்திய அணி ஆகஸ்ட் மாதம் இலங்கைக்குச் சுற்றுப்பயணம் மேற்கொள்கிறது. அங்கு, ஆகஸ்ட் 15 ஆம் தேதி தொடங்கும் இரண்டு டெஸ்ட் போட்டிகள் (IND vs SL) கொண்ட தொடரில் இரு அணிகளும் விளையாடும். நட்சத்திர வேகப்பந்து வீச்சாளர் ஜஸ்பிரித் பும்ரா, தேசிய கிரிக்கெட் அகாடமியின் சிறப்பு மையத்தில் நடைபெற்ற உடற்தகுதி சோதனையில் வெற்றிகரமாகத் தேர்ச்சி பெற்றுள்ளார்.
இதையடுத்து, பும்ரா இனி இலங்கைக்கு எதிரான வரவிருக்கும் டெஸ்ட் தொடரில் இந்திய அணிக்காக விளையாடுவார். அவரது வருகை, இந்திய பந்துவீச்சுத் தாக்குதலுக்குப் புதிய பலம் அளிப்பதோடு, எதிரணி மீதான அழுத்தத்தையும் அதிகரிக்கும். சமீபத்தில் இங்கிலாந்து சுற்றுப்பயணத்தின் போது நடைபெற்ற ஒருநாள் தொடரில் பும்ரா காயமடைந்தார். காயம் காரணமாக, லார்ட்ஸில் நடைபெற்ற தொடரின் கட்டாய வெற்றிக்காக களமிறங்கிய கடைசி ஒருநாள் போட்டியில் அவரால் விளையாட முடியவில்லை.
சிகிச்சை பெற்ற பும்ரா:
காயத்திற்குப் பிறகு, ஜஸ்பிரித் பும்ரா பிசிசிஐ-யின் சென்டர் ஆஃப் எக்ஸலன்ஸில் நீண்டகால மறுவாழ்வு சிகிச்சையை மேற்கொண்டார். அங்கு மருத்துவக் குழுவினர் இறுதியாக பும்ரா முழு உடற்தகுதியுடன் இருப்பதாக அறிவித்து, அவருக்கு உடற்தகுதிச் சான்றிதழை வழங்கினர். இதையடுத்து, வருகின்ற 2026 ஆகஸ்ட் 15ம் தேதி தொடங்கும் இலங்கைக்கு எதிரான இரண்டு டெஸ்ட் போட்டிகள் கொண்ட தொடருக்காக முன்னதாக அறிவிக்கப்பட்ட அணியில் பும்ரா இடம்பெற்றிருந்தார். ஆனால் அவரது தேர்வு உடற்தகுதி சோதனையைச் சார்ந்திருந்தது.
தற்போது பும்ரா உடற்தகுதி சோதனையில் தேர்ச்சி பெற்றுள்ளதால், அவர் இலங்கைக்கு எதிராகக் களமிறங்குவார். அதன்படி, கடந்த 2025 நவம்பர் மாதத்திற்கு பிறகு பும்ரா இந்திய அணிக்காக முதல் முறையாக ஒரு டெஸ்ட் போட்டியில் விளையாடவுள்ளார். பும்ரா உடற்தகுதி குறித்து பிசிசிஐ-யின் மூத்த அதிகாரி ஒருவர் கூறுகையில், “ஜஸ்பிரித் பும்ராவின் காயம் குணமடைந்துவிட்டது. அவர் உடற்தகுதி தேர்விலும் தேர்ச்சி பெற்றுள்ளார். இலங்கைக்கு எதிரான இரண்டு போட்டிகளிலும் அவர் விளையாடுவார் என எதிர்பார்க்கப்படுகிறது. அவர் அணியின் ஒரு முக்கிய அங்கம்” என்றார். இங்கிலாந்துக்கு எதிரான ஒருநாள் தொடரின்போது பும்ரா காயமடைந்தார்.
ALSO READ: 2027 ஒருநாள் உலகக் கோப்பைக்கான இந்திய அணி.. இந்த 6 வீரர்கள் மட்டுமே உறுதி..!
2026 ஆகஸ்ட் 15 முதல் முதல் டெஸ்ட்
இலங்கைக்கு எதிரான டெஸ்ட் தொடரின் அட்டவணையின்படி, முதல் போட்டி ஆகஸ்ட் 15 முதல் 19 வரை காலி சர்வதேச மைதானத்திலும், இரண்டாவது டெஸ்ட் போட்டி ஆகஸ்ட் 23 முதல் 27 வரை கொழும்பில் உள்ள சிங்கள விளையாட்டு மன்றத்திலும் நடைபெறும். இத்தொடருக்கான இந்திய அணி ஏற்கனவே அறிவிக்கப்பட்டுவிட்டது.
