இட்லி கடை படத்தில் விஷ்ணு வர்தனாக சத்யராஜ் – போஸ்டரை வெளியிட்ட படக்குழு
Idli Kadai Movie: தமிழ் சினிமாவில் வில்லன், ஹீரோ, காமெடியன், சிறப்பு கதாப்பாத்திரம் என எதுவாக இருந்தாலும் மாஸான நடிப்பை வெளிப்படுத்துபவர் சத்யராஜ். இந்த நிலையில் இவர் தற்போது இட்லி கடை படத்தில் நடித்துள்ள நிலையில் படக்குழு தற்போது புதிய போஸ்டர் ஒன்றை வெளியிட்டுள்ளது.
கோலிவுட் சினிமாவில் கடந்த 1978-ம் ஆண்டு வெளியான சட்டம் என் கையில் படத்தின் மூலம் நடிகராக அறிமுகம் ஆனார் சத்யராஜ் (Actor Sathyaraj). நடிகர் கமல் ஹாசன் நாயகனாக நடித்து இருந்த நிலையில் நடிகர் சத்யராஜ் வில்லனாக கலக்கி இருப்பார். இந்தப் படத்தை தொடர்ந்து 1985-ம் ஆண்டு வரைப் பலப் படங்களில் வில்லனாக கலக்கியிருப்பார். அதனைத் தொடர்ந்து கடந்த 1986-ம் ஆண்டு வெளியான ரசிகன் ஒரு ரசிகை என்ற படத்தின் மூலம் தமிழ் சினிமாவில் நாயகனாக அறிமுகம் ஆனார். தொடர்ந்து நாயகனாகவும் பல சூப்பர் ஹிட் படங்களில் நடித்தார் நடிகர் சத்யராஜ். இவர் தமிழ் சினிமாவில் மட்டும் இன்றி மலையாளம், தெலுங்கு, கன்னடம் மற்றும் இந்தி என பான் இந்திய மொழிகளில் பலப் படங்களில் நடித்துள்ளார்.
குறிப்பாக தெலுங்கு சினிமாவில் வெளியான பாகுபலி படத்தில் கட்டப்பா என்ற கதாப்பாத்திரத்தில் நடித்ததன் மூலம் உலகம் முழுவதும் பிரபலம் ஆனார் நடிகர் சத்யராஜ். தொடர்ந்து படங்களில் நடித்து வரும் நடிகர் சத்யராஜ் நடிப்பில் இறுதியாக திரையரங்குகளில் வெளியான படம் கூலி. தமிழ் சினிமாவில் இந்த ஆண்டு தொடங்கியதில் இருந்து நடிகர் சத்யராஜ் நடிப்பில் 4 படங்கள் வெளியாகியுள்ளது குறிப்பிடத்தக்கது.
இட்லி கடை படத்தில் இருந்து சத்யராஜின் அறிமுக போஸ்டர் இதோ:
இந்த நிலையில் நடிகர் சத்யராஜ் நடிப்பில் தமிழ் சினிமாவில் அடுத்ததாக திரையரங்குகளில் வெளியாக உள்ள படம் இட்லி கடை. நடிகர் தனுஷ் இயக்கி நாயகனாக நடிக்கும் இந்தப் படம் வருகின்ற 1-ம் தேதி அக்டோபர் மாதம் 2025-ம் ஆண்டு திரையரங்குகளில் வெளியாக உள்ளது.
படத்தில் நடிக்கும் நடிகர்களின் கதாப்பாத்திர போஸ்டரைப் படக்குழு நேற்று இருந்து வெளியிட்டு வருகின்றது. அதன்படி படத்தில் நடிகர் சத்யராஜ் விஷ்ணு வர்தன் என்ற கதாப்பாத்திரத்தில் நடித்துள்ளதாக படக்குழு இன்று 07-ம் தேதி செப்டம்பர் மாதம் 2025-ம் ஆண்டு அவர்களின் அதிகாரப்பூர்வ எக்ஸ் தள பக்கத்தில் வெளியிட்டுள்ளது. இது தற்போது ரசிகர்களின் கவனத்தை ஈர்த்து வருகின்றது.
Also Read… நான் இயக்கிய படங்களில் எனக்கு பிடித்த பெண் கதாப்பாத்திரம் இதுதான் – இயக்குநர் வெற்றிமாறன்
இட்லி கடை படக்குழு வெளியிட்டுள்ள எக்ஸ் தள பதிவு:
Introducing the veteran #Sathyaraj as VISHNU VARDHAN
Get ready for #IdliKadai in theatres on the 1st of October🕺🥁@dhanushkraja @arunvijayno1 @RedGiantMovies_ @gvprakash @menennithya @DawnPicturesOff @aakashbaskaran @thesreyas @wunderbarfilms @saregamasouth @dancersatz… pic.twitter.com/PM6J32cPex
— Wunderbar Films (@wunderbarfilms) September 7, 2025
Also Read… பிக்பாஸ் தமிழ் சீசன் 9 போட்டியாளர்கள் இவர்களா? இணையத்தில் வைரலாகும் பட்டியல்!
