யுபிஐ பரிவர்த்தனைகளுக்குக் கட்டணம் விதிக்கப்படுமா? உண்மை என்ன?
இந்தியாவின் டிஜிட்டல் புரட்சியின் முத்கியமான கருவியாக திகழும் யுபிஐ குறித்து ஒரு முக்கியத் தகவல் வெளியாகியுள்ளது. இது குறித்து வெளியான தகவலின் படி பெரிய வணிகர்களுக்குச் செய்யப்படும் யுபிஐ பரிவர்த்தனைகளுக்கு மெர்ச்சன்ட் டிஸ்கவுண்ட் ரேட்டை அமல்படுத்த அரசு பரிசீலித்து வருகிறது .
இந்தியாவின் டிஜிட்டல் புரட்சியின் முத்கியமான கருவியாக திகழும் யுபிஐ குறித்து ஒரு முக்கியத் தகவல் வெளியாகியுள்ளது. சமீபத்திய அறிக்கைகளின்படி, பெரிய நிறுவனங்கள் மற்றும் வணிக அமைப்புகளுக்குச் செய்யப்படும் ரூ.2,000க்கு மேற்பட்ட பரிவர்த்தனைகளுக்கு ‘மெர்ச்சன்ட் டிஸ்கவுண்ட் ரேட் என்ற வணிக கட்டணம் விதிப்பது குறித்து மத்திய அரசு தீவிரமாகப் பரிசீலித்து வருகிறது. இது நடைமுறைக்கு வந்தால், நாட்டின் டிஜிட்டல் கட்டணச் சூழலில் இது மிக முக்கியமான கொள்கை மாற்றமாக அமையும்.
யுபிஐ பரிவர்த்தனைகளுக்குக் கட்டணம் விதிக்கப்படுமா? உண்மை என்ன?
இது குறித்து வெளியான தகவலின் படி பெரிய வணிகர்களுக்குச் செய்யப்படும் யுபிஐ பரிவர்த்தனைகளுக்கு மெர்ச்சன்ட் டிஸ்கவுண்ட் ரேட்டை அமல்படுத்த அரசு பரிசீலித்து வருகிறது. இந்தக் கட்டணம் 0.5 சதவீதத்திற்கும் குறைவாக இருக்கலாம் மற்றும் ரூ.2,000-க்கு மேற்பட்ட பரிவர்த்தனைகளுக்குப் பொருந்தும். நிகழ்நேர டிஜிட்டல் பரிவர்த்தனைகளைச் செயல்படுத்த வங்கிகள் வசூலிக்கும் கட்டணமே மெர்ச்சன்ட் டிஸ்கவுண்ட் ரேட் ஆகும். இந்த முன்மொழிவு குறித்து அரசு தற்போது ஆலோசித்து வருவதாகவும், இரண்டு வாரங்களுக்குள் முடிவு எதிர்பார்க்கப்படுவதாகவும் மூத்த அரசு அதிகாரி ஒருவர் தெரிவித்துள்ளார். மெர்ச்சன்ட் டிஸ்கவுண்ட் ரேட் பெரிய வணிகர்கள் மற்றும் நிறுவனங்களுக்கு மட்டுமே பொருந்தும்.
இதையும் படிக்க : பெண்களுக்கு சிறந்த லாபம் தரும் பிரத்யேக அஞ்சலக திட்டங்கள்.. கட்டாயம் தெரிஞ்சுக்கோங்க!
யுபிஐ பயன்படுத்துவதற்கு வாடிக்கையாளர்களிடம் கட்டணம் வசூலிப்பது இந்த முன்மொழிவில் இல்லை என்று மற்றொரு அரசு அதிகாரி தெளிவுபடுத்தினார். யுபிஐ பரிவர்த்தனைகளுக்கு வாடிக்கையாளர்களிடம் கட்டணம் வசூலிப்பது மெர்ச்சன்ட் டிஸ்கவுண்ட் ரேட்டின் நோக்கம் அல்ல என்று அந்த அதிகாரி கூறினார். வணிகர் தரப்புப் பொருளாதாரக் காரணிகள் மற்றும் கட்டணச் சூழலின் (payment ecosystem) நிலைத்தன்மை ஆகியவற்றின் மீதே இந்த விவாதம் கவனம் செலுத்துகிறது. அதிகாரிகளின் கூற்றுப்படி, யுபிஐ வேகமாக விரிவடைந்துள்ள அதே வேளையில், அதற்கான உள்கட்டமைப்பைப் பராமரிக்க வங்கிகள் மற்றும் பிற பங்குதாரர்களுக்கு ஏற்படும் செலவுகளும் அதிகரித்து வருகின்றன. காலப்போக்கில் இந்த மாதிரி வணிக ரீதியாக நிலைத்தன்மை கொண்டதாக மாறும் என்று எதிர்பார்க்கப்படுவதாக மற்றொரு அதிகாரி குறிப்பிட்டார்.
இதையும் படிக்க : அசத்தல் அம்சங்களுடன் அறிமுகமானது புதிய IRCTC இணையதளம்.. என்னவெல்லாம் மாறியுள்ளது?
தற்போது, ரூ.2,000 வரையிலான குறைந்த மதிப்புள்ள யுபிஐ பரிவர்த்தனைகளுக்கு வங்கிகள் மற்றும் பிற கட்டணச் சேவை நிறுவனங்களுக்கு மத்திய அரசு ஊக்கத்தொகைகளை வழங்கி வருகிறது. பல்வேறு பயனர் பிரிவினரிடையே பயன்பாட்டை அதிகரிக்கவும், நிதிப் பரிவர்த்தனைகளை நவீனமயமாக்கவும் மற்றும் நிதி உள்ளடக்கத்தை ஊக்குவிக்கவும், 2021-22 நிதியாண்டில் “RuPay டெபிட் கார்டுகள் மற்றும் குறைந்த மதிப்புள்ள BHIM-யுபிஐ பரிவர்த்தனைகளை ஊக்குவிப்பதற்கான ஊக்கத்தொகைத் திட்டம்” தொடங்கப்பட்டது.
