FIFA World Cup 2026: பலித்த எம்.எஸ்.தோனி கணிப்பு.. வைரலாகும் ஸ்பெயின் – அர்ஜென்டினா மோதல் பதிவு!
Spain vs Argentina Final: எம்.எஸ். தோனி தனது பதிவில் பகிர்ந்திருந்த புகைப்படம், அவர் ஒரு FIFA உலகக் கோப்பை விளையாட்டை தெளிவாக குறிப்பிட்டிருந்தார். அவர் அதற்கு "ஸ்பெயின் vs அர்ஜென்டினா" என்று தலைப்பிட்டிருந்தார். இதனால்தான் தோனியின் பதிவு வைரலாகி வருகிறது.
வருகின்ற 2026 ஜூலை 19ம் தேதி 2026 ஃபிஃபா உலகக் கோப்பை (FIFA World Cup 2026) பைனலில் ஸ்பெயினுக்கும் அர்ஜென்டினாவுக்கும் (Argentina Football Team) இடையே நடைபெறுகிறது. 1966-க்குப் பிறகு உலகக் கோப்பையில் இவ்விரு நாடுகளும் சந்திப்பது இதுவே முதல் முறை. இம்முறை சாம்பியன் பட்டத்திற்காக ஒருபுறம் லியோனல் மெஸ்ஸியும், மறுபுறம் லமின் யமாலும் களமிறங்குகின்றனர். இதனால் மிகப்பெரிய எதிர்பார்ப்பு நிலவுகிறது. இந்த மாபெரும் மோதலுக்கு முன்னதாக, 10 ஆண்டுகளுக்கு முன்பு முன்னாள் இந்திய கேப்டன் எம்.எஸ். தோனி பதிவிட்ட ஒரு பதிவு வைரலாகி வருகிறது. அந்த பதிவில் என்ன இடம் பெற்றிருக்கிறது என்பதை தெரிந்து கொள்வோம்.
ALSO READ: பைனலில் ஸ்பெயினை எதிர்கொள்ள அர்ஜென்டினா.. இரு அணிகளின் முழு விவரம்!
ஸ்பெயின் மற்றும் அர்ஜென்டினா மோதல்:
ஸ்பெயின் மற்றும் அர்ஜென்டினா அணிகளுக்கு இடையேயான 2026 ஃபிஃபா உலகக் கோப்பை இறுதிப் போட்டி, இந்திய நேரப்படி வருகின்ற 2026 ஜூலை 20ம் தேதி அதிகாலை 12:30 மணிக்கு நடைபெறும். எம்.எஸ். தோனி இந்தப் போட்டியை பல ஆண்டுகளுக்கு முன்பே கணித்திருந்தாரா? அவரது ரசிகர்கள் அவ்வாறு கூறுகின்றனர். அதில், அவரது பழைய பதிவு ஒன்று வைரலாகி வருகிறது. பிரான்ஸை 2-0 என்ற கோல் கணக்கில் வீழ்த்தி ஸ்பெயின் அரையிறுதிக்கு முன்னேறியுள்ளது. அதே நேரத்தில் அர்ஜென்டினா அரையிறுதியில் இங்கிலாந்தை வீழ்த்தியது.
எம்.எஸ். தோனியின் கணிப்பு பலித்ததா?
Ms dhoni predicted “the final of 2026 fifa world cup” between spain VS argentina in 2016. 🤯🔥 pic.twitter.com/E2ujEODBUY
— India Sports Network (@IndiaSportsNet) July 16, 2026
ஃபிஃபா உலகக் கோப்பை இறுதிப் போட்டி ஸ்பெயினுக்கும் அர்ஜென்டினாவுக்கும் இடையே நடைபெறும் என்பது உறுதிசெய்யப்பட்ட உடனேயே, எம்.எஸ். தோனி பதிவிட்ட 10 வருடப் பழைய பதிவு ஒன்று வைரலானது. இந்தப் பதிவு, இந்திய அணி ஜிம்பாப்வேக்குச் சுற்றுப்பயணம் மேற்கொண்டிருந்த 2016-ஆம் ஆண்டைச் சேர்ந்தது. அப்போது கேப்டனாக இருந்த தோனி, இந்தப் பதிவை இன்ஸ்டாகிராமில் பகிர்ந்திருந்தார். அதில், அவர் அக்சர் படேல், கருண் நாயர் மற்றும் ஜெய்தேவ் உனத்கட் ஆகியோருடன் அமர்ந்திருப்பது காணப்படுகிறது.
எம்.எஸ். தோனி தனது பதிவில் பகிர்ந்திருந்த புகைப்படம், அவர் ஒரு FIFA உலகக் கோப்பை விளையாட்டை தெளிவாக குறிப்பிட்டிருந்தார். அவர் அதற்கு “ஸ்பெயின் vs அர்ஜென்டினா” என்று தலைப்பிட்டிருந்தார். இதனால்தான் தோனியின் பதிவு வைரலாகி வருகிறது. இந்த 2 அணிகளும் ஒருநாள் இவ்வளவு பெரிய பைனலில் மோதிக்கொள்ளும் என்று தோனி 10 ஆண்டுகளுக்கு முன்பே கணித்ததாக அவரது ரசிகர்கள் கூறுகின்றனர்.
ALSO READ: அர்ஜென்டினா வெற்றி சர்ச்சை.. யார் காரணம்..? ஓபனாக பேசிய மெஸ்ஸி!
நடப்பு சாம்பியனால் ஸ்பெயினை வீழ்த்த முடியுமா?
அர்ஜென்டினா நடப்பு சாம்பியன் என்ற அந்தஸ்துடன் உள்ளது. மேலும் லியோனல் மெஸ்ஸியின் அணி தொடர்ந்து 2வது உலகக் கோப்பையை வெல்லும் நோக்கில் உள்ளது. ஆனால், ஸ்பெயினின் தற்போதைய அணியை வீழ்த்துவது மிகவும் கடினம். ஏனெனில் அவர்களின் பலம் பார்வேர்ட் வீரர்களிடம் இல்லை, மாறாக அவர்களின் டிபென்ஸில் உள்ளது. இந்த சீசனில் யாராலும் இந்தத் தடுப்பாட்டத்தை உடைக்க முடியவில்லை. இருப்பினும், 39 வயதான மெஸ்ஸி அனுபவம் வாய்ந்தவராகவும், உலகின் அதிக கோல் அடிக்கும் முன்கள வீரர்களில் ஒருவராகவும் இருப்பதால், அர்ஜென்டினா பட்டத்தை வெல்லும் ஒரு வலுவான போட்டியாளராகக் கருதப்படுகிறது.
