உங்கள் சம்பளம் உங்கள் சிபில் ஸ்கோரைத் தீர்மானிக்குமா? உண்மை என்ன?
Salary & Credit Score: முதன்முறையாகக் கடன் அல்லது கிரெடிட் கார்டு பெற நினைக்கும் இளைஞர்களுக்கு இது மிகவும் முக்கியமானது. வங்கிகள் கடன் வழங்கும்போது நீங்கள் எவ்வளவு சம்பாதிக்கிறீர்கள் என்பதைப் பார்ப்பதில்லை. வங்கிகள் நான்கு காரணிகளில் மட்டுமே கவனம் செலுத்துகின்றன. அதுகுறித்து பார்க்கலாம்.
நல்ல மாதச் சம்பளம் பெற்றாலே சிறந்த கிரெடிட் ஸ்கோர் கிடைக்கும் என்று சம்பளம் பெறுபவர்கள் பலர் நினைக்கிறார்கள். ஆனால் உண்மையில், உங்கள் சம்பள விவரம் அல்லது வங்கிக் கணக்கு இருப்புக்கும் உங்கள் கிரெடிட் ஸ்கோருக்கும் நேரடித் தொடர்பு இல்லை. ஒருவர் மாதம் ரூ.2 லட்சம் சம்பாதித்தாலும், கிரெடிட் கார்டு கட்டணங்களைச் சரியான நேரத்தில் செலுத்தத் தவறினால், அவரது சிபில் ஸ்கோர் நிச்சயம் குறையும்.
முதன்முறையாகக் கடன் அல்லது கிரெடிட் கார்டு பெற நினைக்கும் இளைஞர்களுக்கு இது மிகவும் முக்கியமானது. வங்கிகள் கடன் வழங்கும்போது நீங்கள் எவ்வளவு சம்பாதிக்கிறீர்கள் என்பதைப் பார்ப்பதில்லை. மாறாக, கடந்த காலக் கடன்களை எவ்வளவு நேர்மையாகவும் பொறுப்புடனும் திருப்பிச் செலுத்தியுள்ளீர்கள் என்பதையே கவனிக்கின்றன. வரவிருக்கும் பண்டிகைக் காலத்தில் வீட்டுக் கடன் அல்லது வாகனக் கடன் பெறத் திட்டமிட்டிருந்தால், உங்கள் கட்டணம் செலுத்தும் பழக்கத்தை மேம்படுத்துவதே முதல் படியாகும்.
இதையும் படிக்க : முகவரி சான்று இல்லாமலே ஆதாரில் முகவரியை மாற்றலாம்.. இந்த ஆவணங்கள் போதுமானது!
வருமானமும் கிரெடிட் ஸ்கோரும் முற்றிலும் மாறுபட்டவை. சிபில் ஸ்கோர் என்பது உங்கள் வருமானத் திறனை விட, உங்கள் கடன் திருப்பிச் செலுத்தும் நடத்தையை மதிப்பிடுவதாகும். அதிக வருமானம் ஈட்டுபவர் கூட, கட்டணங்களைச் செலுத்தத் தாமதித்தாலோ, கிரெடிட் கார்டு வரம்பை முழுமையாகப் பயன்படுத்தினாலோ அல்லது இதுவரை கடன் பெறாமலிருந்தாலோ குறைந்த ஸ்கோரைக் கொண்டிருக்கலாம்.
மாறாக, குறைவான சம்பளம் பெறும் ஒரு ஊழியர் கூட, முறையாக செயல்பட்டு அனைத்துக் கட்டணங்களையும் சரியான நேரத்தில் செலுத்துவதன் மூலம் சிறந்த கிரெடிட் ஸ்கோரைப் பெற முடியும். சுருக்கமாகச் சொன்னால், கிரெடிட் ஸ்கோர் என்பது உங்கள் சம்பளத்தை கண்காணிக்காது. நீங்கள் எவ்வளவு செலவிடுகிறீர்கள், மாதத் தவணை, கட்டணம் போன்றவற்றை சரியாக செலுத்தியிருக்கிறீர்களா போன்ற உங்கள் நிதி சார்ந்த பழக்கவழக்கங்களையே கண்காணிக்கிறது.
கிரெடிட் ஸ்கோரைத் தீர்மானிக்கும் 4 முக்கிய காரணிகள்
- வங்கிகள் மற்றும் கிரெடிட் நிறுவனங்கள் உங்கள் ஸ்கோரைக் கணக்கிடும்போது உங்கள் வருமானத்தைக் கருத்தில் கொள்வதில்லை. அவை பின்வரும் நான்கு காரணிகளில் மட்டுமே கவனம் செலுத்துகின்றன
- உங்கள் அனைத்து மாதத் தவணை மற்றும் கிரெடிட் கார்டு கட்டணங்களையும் உரிய தேதிக்கு முன்பே செலுத்துங்கள். ஒரு நாள் தாமதம் ஏற்பட்டால் கூட, உங்கள் ஸ்கோர் 20 முதல் 50 புள்ளிகள் வரை குறையக்கூடும்.
- உங்களுக்கு ஒதுக்கப்பட்ட மொத்தக் கடன் வரம்பில் நீங்கள் எவ்வளவு தொகையைப் பயன்படுத்துகிறீர்கள் என்பதைக் குறிக்கிறது. இதை 30 சதவிகிதத்துக்குக் குறைவாக வைத்திருப்பது சிறந்தது எனக் கருதப்படுகிறது.
- உங்கள் தற்போதைய கிரெடிட் கார்டு அல்லது கடன் கணக்குகளின் கால அளவுடன் தொடர்புடையது. பழைய கிரெடிட் கார்டுகளை ரத்து செய்வது உங்கள் கடன் வரலாற்றின் கால அளவைக் குறைக்கும்; இது உங்கள் கிரெடிட் ஸ்கோரைக் குறைக்கக்கூடும்.
வீட்டுக் கடன் அல்லது தங்கக் கடன் போன்ற பாதுகாக்கப்பட்ட கடன்கள் மற்றும் தனிநபர் கடன் அல்லது கிரெடிட் கார்டுகள் போன்ற பாதுகாப்பற்ற கடன்கள் ஆகியவற்றுக்கு இடையே ஒரு சரியான சமநிலையைப் பேண வேண்டும். மேலும், அடிக்கடி புதிய கடன்களுக்கு விண்ணப்பிப்பதைத் தவிர்க்கவும்.
ஒரு வங்கி உங்களுக்கு ரூ.2 லட்சம் கடன் வரம்பை வழங்கியிருந்தால், அதற்காக அந்த முழுத் தொகையையும் செலவழிக்க வேண்டும் என்று அர்த்தமல்ல. உங்கள் கடன் வரம்பில் 80% அல்லது 90%-ஐத் தொடர்ந்து பயன்படுத்தினால், நீங்கள் கடனை அதிகம் சார்ந்திருப்பதாக வங்கிகள் கருதக்கூடும். உங்கள் கடன் வரம்பு ₹1 லட்சம் என்றால், ஒரு மாதத்தில் ₹30,000-க்கு மேல் செலவழிக்காமல் இருக்க முயற்சிக்கவும்.
