Independence Day

நமது இந்தியா 1947 ஆம் ஆண்டு ஆகஸ்ட் 15ம் தேதி விடுதலை அடைந்தது. ஆங்கிலேயர்களின் கீழ் அடிமைப்பட்டு கிடந்த நம் நாட்டை பல்வேறு மாநிலங்களைச் சேர்ந்த தலைவர்கள் முன்னின்று வழிநடத்தி அரும்பாடுபட்டு நமக்கு இந்த சுதந்திரத்தை பெற்று தந்தார்கள். இப்படியான நாளை நாம் ஒவ்வொரு ஆண்டும் நாடு முழுவதும் தேசியக்கொடி ஏற்றி மரியாதை செலுத்தி வருகிறோம். இந்த நாளில் நம் நாட்டின் பிரதமர் டெல்லி செங்கோட்டையில் தேசியக்கொடி ஏற்றி நாட்டு மக்களுக்கு உரையாற்றுவார். அதேபோல் நாடு முழுவதும் சுதந்திர போராட்ட தியாகிகள் கௌரவிக்கப்படுவார்கள். அதேபோல் ஒவ்வொரு மாநிலத் தலைநகரத்திலும் முதலமைச்சர் தேசியக் கொடியை ஏற்றி வைத்து மரியாதை செலுத்துவார்கள். பள்ளி, கல்லூரிகள் தொடங்கி அனைத்து இடங்களிலும் நாட்டுப்பற்றை வெளிப்படுத்தும் வகையில் இந்நாள் வெகுவிமரிசையாக கொண்டாடப்படும். மேலும் வளர்ச்சி பாதையில் இந்தியா பயணிப்பதை சுதந்திர தின உரையில் பிரதமர் குறிப்பிட்டு பேசுவார். இத்தகைய பல்வேறு சிறப்புகள் வாய்ந்த இந்திய சுதந்திர தினம் பற்றிய தகவல்களை காணலாம்.