ஐஆர்சிடிசி தளத்தில் ஏஐ – பேசியே ரயில் டிக்கெட் வாங்கலாம் – எப்படி செயல்படும்?
IRCTC's AI Ticket Assistant : ஐஆர்சிடிசி அறிமுகப்படுத்திய புதிய AskDISHA 2.0 என்ற ஏஐ சாட்பாட் அம்சம், ரயில் பயணிகளுக்கு டிக்கெட் முன்பதிவு, ரத்துசெய்தல், பணம் திரும்பப்பெறுதல், பிஎன்ஆர் ஸ்டேட்டஸ், ரயில் தாமதம் உள்ளிட்ட விவரங்களை எளிமையாகப் பெற்றுக்கொள்வதற்காக உருவாக்கப்பட்டுள்ளது.
இந்தியாவில் எளிய மக்கள் பயணிப்பதற்கு ரயிலையே பெரும்பாலும் தேர்ந்தெடுக்கின்றனர். ரயில் டிக்கெட்டின் விலை குறைவு, மற்றும் நீண்ட தூர பயணங்களுக்கு ஏற்றது ஆகிய இரண்டு காரணங்கள் கூறப்படுகிறது. ஆனால் ரயிலில் டிக்கெட் கிடைப்பது அவ்வளவு எளிதில்லை. ரயில் என்பது எளிய மக்களுக்கான பயண ஐஆர்சிடிசி (IRCTC) தனது புதிய ஏஐ (AI) அடிப்படையிலான சேவையான AskDISHA 2.0 என்ற அம்சத்தை அறிமுகப்படுத்தியுள்ளது. இதில் பேசுவதன் மூலம் ரயில் டிக்கெட் (Train Ticket) முன்பதிவு, ரத்துசெய்தல் மற்றும் பணத்தைத் திரும்பப் பெறுதல் ஆகியவற்றைச் சரிபார்க்கலாம். இது ரயில் டிக்கெட்டுகளை முன்பதிவு செய்வதை மிகவும் எளிதாக்குகிறது. இந்த ஏஐ அம்சம் பயணிகளுக்கு ரயில் தகவல், டிக்கெட்டுகளை முன்பதிவு செய்தல், டிக்கெட்டுகளை ரத்து செய்தல், பணத்தைத் திரும்பப் பெறும் நிலையைச் சரிபார்த்தல் போன்ற அனைத்து வசதிகளையும் வழங்குகிறது.
AskDISHA 2.0 என்ற அம்சம் செயல்படுகிறது?
AskDISHA 2.0 என்பது ஏஐ தொழில்நுட்பத்தின் அடிப்படையிலான சாட்பாட் ஆகும். இது பயணிகளுக்கு எல்லா வகையிலும் உதவுகிறது. ஒரு சில கிளிக்குகளில் டிக்கெட்டுகள் முன்பதிவு செய்யப்படுகின்றன. நீங்கள் செய்ய வேண்டியதெல்லாம் உங்கள் பயணத் தேதி மற்றும் இடத்தை அதனிடம் கூறுவதுதான். ஒருவேளை உங்கள் திட்டம் மாறினால், டிக்கெட்டை ரத்து செய்வது எளிது. சாட்பாட் உங்கள் வேலையை எளிமையாக்கும்.
உங்கள் வேலையை எளிதாக்கும் AskDISHA 2.0
பணத்தைத் திரும்பப்பெறும் நிலையைச் சரிபார்க்க, உங்கள் ரயில் குறித்த விவரங்களை அறிய, பிஎன்ஆர் (PNR) ஸ்டேட்டஸை தெரிந்துகொள்ள இது உங்களுக்கு உதவும். மேலும் தகவல்கள் உங்களுக்கு உடனுக்கு உடன் கிடைக்கும். ரயில் எங்கிருக்கிறது என்பதை நிகழ்நேரத்தில் பாருங்கள். உங்கள் டிக்கெட் உறுதி செய்யப்பட்டதா இல்லையா என்பதையும் நீங்கள் அறிந்து கொள்வீர்கள்.
AskDISHA 2.0 ஐ எவ்வாறு பயன்படுத்துவது?
இந்த சேவையைப் பயன்படுத்துவது மிகவும் எளிதானது. ஐஆர்சிடிசி வலைத்தளத்துக்கு சென்றால், முகப்புப் பக்கத்தில் சாட்பாட் விருப்பம் தோன்றும். டிக்கெட் புக் செய்ய வேண்டுமா அல்லது பணத்தைத் திரும்பப் பெற வேண்டுமா என்று கேளுங்கள். உங்களிடம் ஆதார் அல்லது பான் கார்டு இருக்க வேண்டும். ஆன்லைனில் பணம் செலுத்திய பிறகு, டிக்கெட் உங்கள் மொபைலுக்கு வந்து சேரும். இந்த சேவை 24 மணி நேரமும் கிடைக்கும். நீங்கள் எப்போது வேண்டுமானாலும் இதைப் பயன்படுத்தலாம்.
இதன் நன்மைகள்
AskDISHA 2.0 இன் மிகப்பெரிய நன்மை என்னவென்றால், அது நேரத்தை மிச்சப்படுத்துகிறது. பிரச்னைகளைக் குறைக்கும். குறிப்பாக முதல் முறையாக ரயில் டிக்கெட் முன்பதிவு செய்பவர்களுக்கு இந்த முறை மிகவும் உதவும். இந்த சேவை இந்தியா முழுவதும் உள்ள ஐஆர்சிடிசி பயனர்களுக்குக் கிடைக்கிறது. நீங்கள் பிஎன்ஆர் நிலையைச் சரிபார்க்க வேண்டும் அல்லது ரயில் தாமதங்கள் பற்றிய தகவல் தேவைப்பட்டால், அனைத்தையும் ஒரே இடத்தில் காணலாம்.
