IPL 2027: பளு தூக்கிய வருண்.. இமிடேட் செய்த ஹர்திக்.. கொல்கத்தா அணியில் இணைவதற்கான சிக்னலா?
Hardik - Varun Viral Video: 2 டெஸ்ட் போட்டிகள் கொண்ட தொடரில் இந்தியா, இலங்கையை எதிர்கொள்ளவிருக்கும் நிலையில், சக்கரவர்த்தி உடற்பயிற்சிக் கூடத்தில் பயிற்சி செய்யும் வீடியோவை கொல்கத்தா நைட் ரைடர்ஸ் அணி சமீபத்தில் பகிர்ந்துள்ளது. அந்த வீடியோவில், வருண் சக்கரவர்த்தி பளு தூக்கி உடற்பயிற்சி மேற்கொண்டார். அதே சமயம், ஹர்திக் பாண்ட்யா அவரைப் போலவே செய்து காண்பித்தார்.
இங்கிலாந்துக்கு எதிரான டி20 தொடரின்போது ஏற்பட்ட தொடை தசைநார் காயத்திலிருந்து இந்திய சுழற்பந்து வீச்சாளர் வருண் சக்கரவர்த்தி தற்போது குணமடைந்து வருகிறார். இந்தியாவின் (Indian Cricket Team) வரவிருக்கும் போட்டிகளுக்கு முன்னதாக முழு உடற்தகுதியை மீண்டும் பெறுவதற்காக, வருண் சக்கரவர்த்தி பிசிசிஐ-யின் சென்டர் ஆஃப் எக்ஸலன்ஸில் (CoE) கடுமையாகப் பயிற்சி செய்து வருகிறார். தற்போது CoE-ல் பயிற்சி பெற்று வரும் ஒரே இந்திய வீரர் சக்கரவர்த்தி மட்டுமல்ல. வாஷிங்டன் சுந்தர், நிதிஷ் குமார் ரெட்டி, ஹர்திக் பாண்ட்யா (Hardik Pandya), ஜஸ்பிரித் பும்ரா மற்றும் சாய் சுதர்சன் ஆகியோரும், மீண்டும் அணித் தேர்வுக்கான போட்டியில் தங்களை நிலைநிறுத்திக் கொள்ளும் நோக்கில், தத்தமது உடற்தகுதிப் பயிற்சிகளில் ஈடுபட்டு வருகின்றனர்.
ALSO READ: ஹர்திக் மீது லுக் வைத்த லக்னோ… இந்த அதிரடி வீரரை விட்டுக்கொடுக்கிறதா?
2 டெஸ்ட் போட்டிகள் கொண்ட தொடரில் இந்தியா, இலங்கையை எதிர்கொள்ளவிருக்கும் நிலையில், சக்கரவர்த்தி உடற்பயிற்சிக் கூடத்தில் பயிற்சி செய்யும் வீடியோவை கொல்கத்தா நைட் ரைடர்ஸ் அணி சமீபத்தில் பகிர்ந்துள்ளது. அந்த வீடியோவில், வருண் சக்கரவர்த்தி பளு தூக்கி உடற்பயிற்சி மேற்கொண்டார். அதே சமயம், ஹர்திக் பாண்ட்யா அவரைப் போலவே செய்து காண்பித்தார்.
ஹர்திக் பாண்ட்யா கேகேஆர் அணிக்கு செல்கிறாரா?
இந்த வீடியோவானது சமூக வலைதளங்களில் கிரிக்கெட் ரசிகர்களின் கவனத்தை விரைவாக ஈர்த்தது. மேலும், இது இந்தியன் பிரீமியர் லீக்கில் ஹர்திக் பாண்ட்யா எதிர்காலம் குறித்த புதிய யூகங்களையும் கிளப்பியது. ஐபிஎல் 2027-க்கு முன்னதாக ஹர்திக் பாண்ட்யா மும்பை இந்தியன்ஸ் அணியை விட்டு வெளியேறக்கூடும் என்றும் செய்திகள் தெரிவிக்கின்றன.
கேகேஆர் அணிக்கு ஹர்திக் பாண்ட்யா மீது ஏன் ஆர்வம் இருக்கலாம்?
சமீபத்தில், கொல்கத்தா நைட் ரைடர்ஸ் கேப்டன் அஜிங்க்யா ரஹானே அனைத்து வகையான சர்வதேச கிரிக்கெட் போட்டிகளிலிருந்தும் ஓய்வு பெறுவதாக அறிவித்துள்ளார். எனவே, ஐபிஎல் 2027க்கு பிறகு ரஹானே எந்தவொரு ஐபிஎல் போட்டிகளிலும் விளையாட மாட்டார். இந்த நிலையில், 3 முறை சாம்பியன் பட்டம் வென்ற கொல்கத்தா அணிக்கு ஒரு கேப்டன் தேவைப்படுகிறார். இதனை தொடர்ந்து, ரிங்கு சிங்கை கேப்டனாக நியமிக்கலாம் அல்லது ஹர்திக் பாண்ட்யாவை ட்ரேடு செய்து கேப்டனாக்கலாம். ஹர்திக்கின் கேப்டன்சியின் கீழ், குஜராத் டைட்டன்ஸ் அணி தங்களின் முதல் ஐபிஎல் தொடரிலேயே பட்டத்தை வென்றதுடன், ஐபிஎல் 2023 தொடரில் இறுதிப் போட்டிக்கு முன்னேறியது. அந்தத் தொடரில், மழையால் பாதிக்கப்பட்ட போட்டியில் சென்னை சூப்பர் கிங்ஸ் (சிஎஸ்கே) அணி அவர்களைத் தோற்கடித்து, தங்களின் 5வது பட்டத்தைக் கைப்பற்றியது.
ALSO READ: காயத்தின் சுழலில் சிக்கிய சுழற்பந்து ஆல்ரவுண்டர்.. ஆளில்லாமல் தவிக்கும் இந்திய அணி!
ஹர்திக் பாண்ட்யா எந்த அணிக்கு பரிமாற்றம் செய்யப்படுவார்?
கொல்கத்தா அணி கேமரூன் கிரீனை வழங்க பரிசீலிக்கலாம். ஆனால் ஐபிஎல் தொடரில் அந்த ஆஸ்திரேலிய வீரரின் பங்கேற்பு நிச்சயமற்றது. மேலும், அடுத்த ஆண்டு ஐபிஎல் தொடரைத் தொடர்ந்து ஆஷஸ் தொடர் நடைபெற உள்ளதால், கிரீன் மும்பை இந்தியன்ஸ் அணிக்கு பரிமாற்ற தேர்வாக இருக்க மாட்டார்.
