IND vs SL: இலங்கை மண்ணில் அனுபவமில்லாத இந்திய அணியா? 3 வீரர்களே மட்டுமே இதுவரை களம்!
India vs Srilanka Test Series: இலங்கை சுற்றுப்பயணத்தில் இந்திய அணியில் உள்ள 15 வீரர்களில் 12 பேர் இதற்கு முன்பு இலங்கை மண்ணில் ஒரு டெஸ்ட் போட்டியில் கூட விளையாடியதில்லை. ஒரு சில வீரர்கள் இலங்கையில் முதல் தர கிரிக்கெட் விளையாடியுள்ளனர். ஆனால் சர்வதேச கிரிக்கெட்டில் விளையாடியதில்லை. அதில், கேப்டன் சுப்மன் கில் அவர்களில் ஒருவர்.
இந்தியா மற்றும் இலங்கை அணிகளுக்கு (IND vs SL) இடையேயான 2 போட்டிகள் கொண்ட தொடரின் முதல் டெஸ்ட் போட்டி வருகின்ற 2026 ஆகஸ்ட் 15ம் தேதி தொடங்குகிறது. இந்த போட்டியானது காலி சர்வதேச கிரிக்கெட் ஸ்டேடியத்தில் நடைபெறும். உலக டெஸ்ட் சாம்பியன்ஷிப் இறுதிப்போட்டிக்கு தகுதிபெற இந்தத் தொடர் இரு அணிகளுக்கும் மிகவும் முக்கியமானது. ஏனெனில் இந்தத் தொடரில் முழுமையாக வெற்றி பெறும் எந்த அணியும் முதல் 4 இடங்களுக்குள் வர முடியும். இந்திய அணி (Indian Cricket Team) பேட்டிங் மற்றும் பந்துவீச்சில் வலுவாக இருந்தாலும், தற்போதைய அணியைக் கருத்தில் கொண்டு அதை அனுபவமற்றது என்று சொல்வது தவறாக இருக்காது.
குறிப்பாக, இலங்கை சுற்றுப்பயணத்தில் இந்திய அணியில் உள்ள 15 வீரர்களில் 12 பேர் இதற்கு முன்பு இலங்கை மண்ணில் ஒரு டெஸ்ட் போட்டியில் கூட விளையாடியதில்லை. ஒரு சில வீரர்கள் இலங்கையில் முதல் தர கிரிக்கெட் விளையாடியுள்ளனர். ஆனால் சர்வதேச கிரிக்கெட்டில் விளையாடியதில்லை. அதில், கேப்டன் சுப்மன் கில் அவர்களில் ஒருவர்.
ALSO READ: கேப்டன் கில் முதல் குல்தீப் வரை.. இலங்கை டெஸ்ட் தொடரில் படைக்கப்போகும் சாதனை!
3 இந்திய வீரர்கள் மட்டுமே..
இலங்கை அணிக்கு எதிரான இந்திய அணியில் இடம்பெற்றுள்ள 15 வீரர்களில் 3 வீரர்கள் மட்டுமே இதற்கு முன்பு இலங்கையில் டெஸ்ட் போட்டியில் விளையாடியுள்ளனர். கே.எல். ராகுல், ரவீந்திர ஜடேஜா மற்றும் குல்தீப் யாதவ் ஆகியோரைத் தவிர, அணியில் உள்ள வேறு எந்த வீரரும் இதற்கு முன்பு இலங்கையில் டெஸ்ட் போட்டியில் விளையாடியதில்லை. கே.எல். ராகுல் இலங்கையில் இதுவரை 5 டெஸ்ட் போட்டிகளில் விளையாடி, 8 இன்னிங்ஸ்களில் 268 ரன்கள் எடுத்துள்ளார். இதில், ஒரு சதமும், இரண்டு அரை சதங்களும் அடங்கும்.
ரவீந்திர ஜடேஜா இலங்கையில் 2 டெஸ்ட் போட்டிகளில் விளையாடி, 2 இன்னிங்ஸ்களில் 85 ரன்கள் எடுத்துள்ளார். ஒரு இன்னிங்ஸில் 70 ரன்களுடன் ஆட்டமிழக்காமல் இருந்தார். இதுமட்டுமின்றி, பந்துவீச்சில் 4 இன்னிங்ஸ்களில் 13 விக்கெட்டுகளைக் கைப்பற்றியுள்ளார். இதில் ஒருமுறை 5 விக்கெட்டுகளை வீழ்த்தியதும் அடங்கும். குல்தீப் யாதவ் ஒரே ஒரு டெஸ்ட் போட்டியில் மட்டுமே விளையாடி, மொத்தமாக 5 விக்கெட்டுகளை எடுத்துள்ளார்.
50 டெஸ்ட் போட்டிகளில் விளையாடியுள்ள ரிஷப் பண்ட், இலங்கையில் ஒரு டெஸ்ட் போட்டியில் கூட விளையாடியதில்லை. இந்தியாவிற்குப் பிறகு, பண்ட் இங்கிலாந்திலும் (13) ஆஸ்திரேலியாவிலும் (12) அதிக டெஸ்ட் போட்டிகளில் விளையாடியுள்ளார்.
ALSO READ: இலங்கைக்கு எதிராக அதிக சிக்ஸர்கள்.. லிஸ்டில் இந்த முன்னாள் வீரர் முதலிடம்!
இலங்கைக்கு எதிரான இந்திய டெஸ்ட் அணி
சுப்மன் கில் (கேப்டன்), கே.எல்.ராகுல் (துணை கேப்டன்), யஷஸ்வி ஜெய்ஸ்வால், ரிஷப் பண்ட் (விக்கெட் கீப்பர்), துருவ் ஜூரல் (விக்கெட் கீப்பர்), ரவீந்திர ஜடேஜா, குல்தீப் யாதவ், மானவ் சுதர், முகமது சிராஜ், பிரசித் கிருஷ்ணா, குர்னூர் ப்ரார், சரத்பியீப், தேவ்தத் படிக்கல், சர்பராஸ் கான்.
