IND vs NZ 2nd ODI: அடுத்தடுத்து காயம்.. 2வது ஒருநாள் போட்டியில் இந்திய அணியில் யாருக்கு வாய்ப்பு?
India Playing 11: இந்திய அணியில் நிதிஷ் குமார் ரெட்டி மற்றும் துருவ் ஜூரெல் போன்ற வீரர்களும் உள்ளனர் இருப்பினும், ரெட்டி ஒரு வேகப்பந்து வீச்சாளர் ஆல்ரவுண்டர், மேலும் அணி ஏற்கனவே 3 வேகப்பந்து வீச்சாளர்களை களமிறக்க திட்டமிட்டுள்ளது. இதற்கிடையில், ஜூரெல் ஒரு விக்கெட் கீப்பர்-பேட்ஸ்மேன் ஆவார்.
இந்தியா-நியூசிலாந்து அணிகளுக்கு (IND vs NZ 2nd ODI) இடையிலான 2வது ஒருநாள் போட்டி நாளை அதாவது 2025 ஜனவரி 14ம் தேதி ராஜ்கோட்டில் நடைபெறுகிறது. முதல் போட்டியில் வெற்றி பெற்ற பிறகு, இந்திய அணி ஏற்கனவே தொடரில் 1-0 என முன்னிலை பெற்றுள்ளது. சுப்மன் கில் (Shubman Gill) தலைமையிலான இந்திய அணி இரண்டாவது போட்டியிலும் வெற்றி பெற்றால், 3 போட்டிகள் கொண்ட தொடரில் 2-0 என்ற கணக்கில் தொடரை வெல்லும். எனவே, வலுவான இந்திய பிளேயிங் லெவன் அணியை களமிறக்குவதில் அணி இந்திய பயிற்சியாளர் குழு கவனம் செலுத்தும்.
இருப்பினும், 2வது ஒருநாள் போட்டிக்கு முன்னதாக இந்திய அணி பின்னடைவை சந்தித்துள்ளது. ஆல்ரவுண்டர் வாஷிங்டன் சுந்தர் காயம் காரணமாக தொடரில் இருந்து விலகியுள்ளார். வதோதராவில் நடந்த முதல் ஒருநாள் போட்டியில் பந்து வீசும்போது அவருக்கு பக்கவாட்டு வலி ஏற்பட்டது. மருத்துவக் குழுவின் ஆலோசனையைத் தொடர்ந்து, மீதமுள்ள 2 போட்டிகளுக்கும் அவருக்கு ஓய்வு அளிக்கப்பட்டுள்ளது. வாஷிங்டன் சுந்தர் இல்லாதது அணி தேர்வு குறித்து மீண்டும் விவாதத்தை கிளப்பியுள்ளது.
ALSO READ: ‘விருதுகளை அம்மாவுக்கு அனுப்புவேன்’ – விராட் கோலி சொன்ன புது விஷயம்!
சுந்தருக்குப் பதிலாக ஒரு புது முகத்திற்கு வாய்ப்பு:
🚨 JUST IN 🚨
Ayush Badoni has received a maiden call-up to the India ODI squad, coming in as a replacement for Washington Sundar.
He will link up with the squad in Rajkot, the venue for the second ODI.#INDvNZ pic.twitter.com/pR5OkMO5YU
— Cricbuzz (@cricbuzz) January 12, 2026
வாஷிங்டன் சுந்தர் நீக்கப்பட்டதைத் தொடர்ந்து, இந்திய அணி 26 வயதான ஆயுஷ் படோனியை ஒருநாள் அணியில் சேர்த்துள்ளது. இப்போது, ராஜ்கோட்டில் இந்தியாவுக்காக ஒருநாள் போட்டியில் அறிமுகமாகும் வாய்ப்பு படோனிக்கு கிடைக்க வாய்ப்பு அதிகம். இந்திய அணிக்கு 5வது இடத்தில் ரன்கள் எடுக்கக்கூடிய மற்றும் பந்துவீச்சுக்கு பங்களிக்கக்கூடிய ஆல்ரவுண்டர் தேவை என்ற நிலையில், பேட்ஸ்மேனான ஆயுஷ் படோனிக்கு ஏன் தேர்வு செய்யப்பட்டார் என்ற கேள்வி எழுகிறது.
படோனி ஏன் வலுவான தேர்வாக இருக்கிறது?
ஆயுஷ் படோனி உள்நாட்டு கிரிக்கெட்டில் நிலையான ஆட்டக்காரராக இருந்து வருகிறார். 2025-26 விஜய் ஹசாரே டிராபியில் டெல்லி அணிக்காக பேட்டிங்கில் பங்களிப்பு அளித்தார். சில நேரங்களில் பந்து வீசியும் அணிக்கு பங்களிப்பு கொடுத்தார். ரயில்வேஸ் அணிக்கு எதிரான போட்டியில் முக்கியமான விக்கெட்டுகளை வீழ்த்தி தனது ஆல்ரவுண்ட் திறமைகளையும் வெளிப்படுத்தினார். ராஜ்கோட் மைதானத்தில் பயனுள்ளதாக இருக்கும் ஆஃப்-ஸ்பின் பந்துவீச்சு காரணமாக ஆயுஷ் படோனி தேர்வு செய்யப்பட்டதாக கூறப்படுகிறது.
இந்திய அணியில் நிதிஷ் குமார் ரெட்டி மற்றும் துருவ் ஜூரெல் போன்ற வீரர்களும் உள்ளனர் இருப்பினும், ரெட்டி ஒரு வேகப்பந்து வீச்சாளர் ஆல்ரவுண்டர், மேலும் அணி ஏற்கனவே 3 வேகப்பந்து வீச்சாளர்களை களமிறக்க திட்டமிட்டுள்ளது. இதற்கிடையில், ஜூரெல் ஒரு விக்கெட் கீப்பர்-பேட்ஸ்மேன் ஆவார். இது இந்திய அணியின் சமநிலையை சீர்குலைக்கக்கூடும். எனவே, படோனி கிட்டத்தட்ட உறுதியாக இந்தியா – நியூசிலாந்து அணி இடையிலான 2வது ஒருநாள் போட்டியில் அறிமுகம் ஆவார் என்று எதிர்பார்க்கப்படுகிறது.
இரண்டாவது ஒருநாள் போட்டிக்கு இந்திய அணியில் பெரிதாக மாற்றங்கள் எதுவும் செய்ய விரும்பவில்லை. இதன் பொருள் இடது கை வேகப்பந்து வீச்சாளர் அர்ஷ்தீப் சிங் மீண்டும் விளையாடும் XI அணியில் இடம் பெறாமல் போகலாம்.
ALSO READ: இந்தி இந்தியாவின் தேசிய மொழியா? சர்ச்சையை கிளப்பிய வர்ணனையாளர்.. எழும் விமர்சனங்கள்!
கணிக்கப்பட்ட இந்திய அணி:
ரோஹித் சர்மா, சுப்மன் கில் (கேப்டன்), விராட் கோலி , ஸ்ரேயாஸ் ஐயர், ஆயுஷ் படோனி, கே.எல். ராகுல் (விக்கெட் கீப்பர்), ரவீந்திர ஜடேஜா, ஹர்ஷித் ராணா, குல்தீப் யாதவ், முகமது சிராஜ், பிரசித் கிருஷ்ணா.
