IND vs AFG: அட்டகாசம் செய்த அறிமுக வீரர்.. 5 விக்கெட்டுகளை இழந்து தடுமாறும் ஆப்கானிஸ்தான்!
IND vs AFG Day 2 Highlights: முல்லன்பூர் டெஸ்ட் போட்டியில் இந்திய அணி கேப்டன் சுப்மன் கில், அறிமுக வீரரான மானவ் சுதாரை தொடக்கத்திலேயே பந்துவீச அழைத்தார். இன்னிங்ஸின் ஆறாவது ஓவரில், அவர் அப்துல் மாலிக்கை ஒரு பெரிய ஷாட் அடிக்க வைத்து 16 ரன்களுக்கு ஆட்டமிழக்கச் செய்தார். மானவ் சுதார் ஏற்படுத்திய பேரழிவால், ஆப்கானிஸ்தான் அணி 3 விக்கெட்டுகளை இழந்து 62 ரன்களுக்குத் தள்ளப்பட்டது.
இந்தியா – ஆப்கானிஸ்தான் (IND vs AFG) இடையிலான ஒரே ஒரு டெஸ்டின் 2ம் நாள் ஆட்ட முடிவில் ஆப்கானிஸ்தான் 5 விக்கெட்டுகள் இழப்பிற்கு 113 ரன்கள் எடுத்திருந்தது. ஆப்கானிஸ்தான் அணிக்கு எதிரான அறிமுகமான மானவ் சுதார் தனது சுழற்பந்துவீச்சால் 3 விக்கெட்டுகளை வீழ்த்தினார். 43 ரன்களுடன் களத்தில் நிலைபெற்றுள்ள ரஹ்மத் ஷா, இன்னிங்ஸைத் தாங்கிப் பிடித்து வருகிறார். முதல் இன்னிங்ஸில் ஆப்கானிஸ்தான் அணி இன்னும் 451 ரன்கள் பின்தங்கியுள்ளது. இந்திய அணி (Indian Cricket Team) தங்களது முதல் இன்னிங்ஸை 564 ரன்களில் டிக்ளேர் செய்தது என்பது குறிப்பிடத்தக்கது.
ALSO READ: கே.எல்.ராகுல், கில் சதம்.. முதல் நாளில் 368 ரன்கள் குவித்த இந்திய அணி!
இரண்டாம் நாளில், இந்தியா 3 விக்கெட் இழப்பிற்கு 368 ரன்கள் எடுத்த நிலையில் தனது இன்னிங்ஸை மீண்டும் தொடங்கியது. கேப்டன் சுப்மன் கில் ஏற்கனவே முதல் நாளிலேயே தனது சதத்தை எட்டியிருந்தார். ரிஷப் பண்ட் முதல் நாளிலேயே தனது 19வது டெஸ்ட் அரைசதத்தை எட்டினார். கில்லும் பண்ட்டும் இணைந்து 169 ரன்கள் பார்ட்னர்ஷிப் அமைத்தனர்.
500 ரன்களுக்கு மேல் குவித்த இந்திய அணி:
Stumps on Day 2️⃣
A fantastic bowling effort led by debutant Manav Suthar’s 3️⃣ wickets 👏
We will begin Day 3 with #TeamIndia ahead by 451 runs 💪
Scorecard ▶️ https://t.co/Au50EfVM30#INDvAFG | @IDFCFIRSTBank pic.twitter.com/BOIhdoFz8W
— BCCI (@BCCI) June 7, 2026
ஒரு கட்டத்தில், இந்திய அணி 3 விக்கெட் இழப்பிற்கு 416 ரன்கள் எடுத்திருந்தது. ஆனால், அடுத்த 40 ரன்களுக்குள் சுப்மன் கில், துருவ் ஜூரல் மற்றும் ரிஷப் பண்ட் ஆகியோர் ஆட்டமிழந்தனர். கில் 126 ரன்களும், பண்ட் 81 ரன்களும் எடுத்தனர். சிறப்பான ஃபார்மில் இருந்த துருவ் ஜூரல், 19 ரன்கள் மட்டுமே எடுத்தார். இதற்கிடையில், வாஷிங்டன் சுந்தர் பொறுப்பேற்று, 52 ரன்களுடன் ஆட்டமிழக்காமல் இருந்தார். இந்திய அணி தங்களது முதல் இன்னிங்ஸை 564/8 என்ற நிலையில் டிக்ளேர் செய்தது.
இந்திய அணி ஆதிக்கம்:
முல்லன்பூர் டெஸ்ட் போட்டியில் இந்திய அணி கேப்டன் சுப்மன் கில், அறிமுக வீரரான மானவ் சுதாரை தொடக்கத்திலேயே பந்துவீச அழைத்தார். இன்னிங்ஸின் ஆறாவது ஓவரில், அவர் அப்துல் மாலிக்கை ஒரு பெரிய ஷாட் அடிக்க வைத்து 16 ரன்களுக்கு ஆட்டமிழக்கச் செய்தார். மானவ் சுதார் ஏற்படுத்திய பேரழிவால், ஆப்கானிஸ்தான் அணி 3 விக்கெட்டுகளை இழந்து 62 ரன்களுக்குத் தள்ளப்பட்டது.
ALSO READ: 564 ரன்கள் குவித்து டிக்ளேர் செய்த இந்தியா.. ஆப்கானிஸ்தான் பவுலர் சிறப்பு சாதனை..!
அதேநேரத்தில், பிரசித் கிருஷ்ணாவும் சிறப்பாகப் பந்துவீசி விக்கெட் வேட்டையில் ஈடுபட்டார். இன்றைய ஆட்ட நேர முடிவில் ஆப்கானிஸ்தான் 451 ரன்கள் பின்தங்கியிருந்த நிலையில், இந்தியாவுக்காக மானவ் சுதார் 3 விக்கெட்டுகளையும், பிரசித் கிருஷ்ணா 2 விக்கெட்டுகளையும் கைப்பற்றினர்.
