Hardik Pandya Comeback: காயத்தில் அளவு தீவிரம்! ஹர்திக் பாண்ட்யா வருகை ஐபிஎல் 2027 வரை தாமதம்!
Hardik Pandya Injury Update: ஹர்திக் பாண்ட்யா கெண்டைக்கால் காயம் காரணமாக நீண்ட காலம் கிரிக்கெட்டிலிருந்து விலகியிருக்கலாம். அவர் ஐபிஎல் 2027-ல் நேரடியாக களமிறங்க வாய்ப்புள்ளதாகக் கூறப்படுகிறது. தற்போது COE மையத்தில் மறுவாழ்வு சிகிச்சை பெற்று வரும் பாண்ட்யா, முழுமையாகக் குணமடைய சில மாதங்கள் ஆகலாம் என மருத்துவப் பரிசோதனைகள் தெரிவிக்கின்றன.
ஹர்திக் பாண்ட்யா (Hardik Pandya) நீண்ட காலத்திற்கு கிரிக்கெட் போட்டிகளில் இருந்து விலகியிருக்கலாம். இதையடுத்து, வருகின்ற ஐபிஎல் 2027 சீசனில் (IPL 2027) ஹர்திக் பாண்ட்யா நேரடியாகத் திரும்புவார் எனத் தெரிவிக்கப்பட்டுள்ளது. தற்போது, ஹர்திக் தனது உள் கெண்டைக்காலில் ஏற்பட்ட அழுத்தக் காயத்திற்காக, ஹர்திக் சென்டர் ஆஃப் எக்ஸலன்ஸ் (COE) மையத்தில் மறுவாழ்வு சிகிச்சை பெற்று வருகிறார். இந்தியாவின் நட்சத்திர ஆல்-ரவுண்டரான ஹர்திக் பாண்ட்யா முழுமையாகக் குணமடைய பல மாதங்கள் ஆகலாம் என சமீபத்திய மருத்துவப் பரிசோதனையில் தெரியவந்துள்ளது.
கடந்த 3 வருடங்கள் ஹர்திக்கிற்கு எளிதாக அமையவில்லை. 2026-ல், காயம் காரணமாக ஹர்திக் பாண்ட்யா ஐபிஎல் தொடரின் சில போட்டிகளைத் தவறவிட்டார். அந்த ஐபிஎல் தொடருக்குப் பிறகு அவரால் மீண்டும் களத்திற்குத் திரும்ப முடியவில்லை.
ALSO READ: சீக்ரெட்டாக வெளியான ஐபிஎல் 2027 மினி ஏல தேதி.. பிசிசிஐ திட்டம் இதுதான்!
ஐபிஎல் 2027-ல் மீண்டும் வருமா?
🚨 HARDIK PANDYA UPDATE. 🚨
– Hardik could make his return directly in IPL 2027. (Abhishek Tripathi). https://t.co/6WkPGv4ii3
— Mufaddal Vohra (@mufaddal_vohra) October 21, 2026
ஹர்திக் பாண்ட்யா உடற்தகுதி குறித்து மருத்துவக் குழு கவனத்துடன் இருப்பதாகத் தெரிவித்துள்ளது. தற்போது, அவர் எப்போது திரும்புவார் என்பது குறித்து எந்தத் தேதியும் கணிக்கப்படவில்லை. ஹர்திக் தொடர்பாக எந்த அவசர முடிவுகளையும் எடுக்க முடியாது என்று மருத்துவக் குழு கூறுகிறது. ஐபிஎல் 2027 வரை ஹர்திக்கால் திரும்ப முடியாமல் போகலாம் என்று சந்தேகிக்கப்படுகிறது.
இந்திய அணியின் போட்டி அட்டவணையைப் பார்க்கும்போது, காயம் காரணமாக நியூசிலாந்து சுற்றுப்பயணத்தின் ஒருநாள் மற்றும் டி20 தொடர்களில் ஹர்திக் பாண்ட்யா பங்கேற்க மாட்டார். ஹர்திக் குணமடைய சிறிது காலம் ஆகலாம் என்று தகவல்கள் தெரிவிக்கின்றன. எனவே, இலங்கை மற்றும் ஜிம்பாப்வேக்கு எதிரான டி20 மற்றும் ஒருநாள் தொடர்களில் ஹர்திக் பாண்ட்யா திரும்புவது கடினமாக இருக்கும்.
ALSO READ: வெளியேறும் ஹர்திக் பாண்டியா.. மீண்டும் கேப்டனாகும் ரோஹித்.. மும்பை தக்கவைக்கவுள்ள வீரர்கள் பட்டியல்!
வருகின்ற 2027 ஜனவரி மாதத்தின் நடுப்பகுதிக்குள், இந்திய உள்ளூர் கிரிக்கெட்டின் ஒருநாள் மற்றும் டி20 போட்டிகளான சையத் முஷ்டாக் அலி கோப்பை மற்றும் விஜய் ஹசாரே கோப்பை ஆகியவை முடிவடைந்திருக்கும். இதைத் தொடர்ந்து ஆஸ்திரேலியாவுக்கு எதிராக இந்திய அணிக்கு 5 டெஸ்ட் போட்டிகள் கொண்ட தொடரும் உள்ளது. ஆனால் ஹர்திக் டெஸ்ட் போட்டிகளில் விளையாடுவதில்லை. எனவே, ஐபிஎல் 2027-க்கு முன்பு ஹர்திக் உடற்தகுதியுடன் இருந்தாலும், அவரது போட்டி அட்டவணை காரணமாக இந்திய அணிக்குத் திரும்புவது கடினமாக இருக்கும்.
