IPL 2026: ஐபிஎல் 2026 சீசனில் சொதப்பல்.. அடுத்த சீசனில் இந்த 4 அணிகளின் கேப்டன்கள் வெளியேற்றமா?
IPL 2027 Captains Change: ரிஷப் பண்டை தொடர்ந்து , ஹர்திக் பாண்ட்யாவும் மும்பை இந்தியன்ஸ் அணியின் கேப்டன் பதவியில் இருந்து விலகுவதாக அறிவித்துள்ளதாகக் கூறப்படுகிறது. ஆனால் இது குறித்து அதிகாரப்பூர்வமாக எதுவும் தெரிவிக்கப்படவில்லை. இருப்பினும், அணியின் ஏமாற்றமளிக்கும் செயல்பாட்டைக் கருத்தில் கொண்டு, இத்தகைய முடிவு எடுக்கப்படலாம். ஹர்திக் பாண்ட்யா ஏற்கனவே இது குறித்து மும்பை இந்தியன்ஸ் அணி நிர்வாகத்துடன் கலந்துரையாடியுள்ளதாக கூறப்படுகிறது.
ஐபிஎல் 2026 சீசனில் (IPL 2026) லக்னோ சூப்பர் ஜெயண்ட்ஸ் அணியின் செயல்பாடு ஏமாற்றமளித்தது. ரிஷப் பண்ட் (Rishab Pant) தலைமையிலான லக்னோ சூப்பர் ஜெயண்ட்ஸ் அணி நடப்பு ஐபிஎல் 2026 சீசனின் புள்ளி அட்டவணையில் கடைசி இடத்தை பிடித்து ஏமாற்றத்தை கொடுத்தது. ஆனால், லக்னோவின் செயல்பாட்டைக் கண்ட பிறகு, அணி நிர்வாகம் மாற்றத்தை ஏற்படுத்தும் என எதிர்பார்க்கப்பட்டபோது, ரிஷப் பண்ட் தன்னை கேப்டன் பதவியிலிருந்து விடுவிக்கக் கோரினார், அணி நிர்வாகமும் உடனடியாக அதற்கு ஒப்புக்கொண்டது. நடப்பு ஐபிஎல் 2026 சீசனில் ரிஷப் பண்ட் ஒரு கேப்டனாக மட்டுமல்லாமல், ஒரு பேட்ஸ்மேனாகவும் ஏமாற்றத்தை கொடுத்தார்.
ஐபிஎல் 2026-ல் விளையாடிய 14 போட்டிகளில், ரிஷப் பண்ட் 28.3 சராசரி மற்றும் 140-க்கும் குறைவான ஸ்டிரைக் ரேட்டுடன் ஒரே ஒரு அரைசதத்துடன் வெறும் 312 ரன்கள் மட்டுமே எடுத்தார். எனவே, அவரை அணியில் வைத்திருப்பதா அல்லது விடுவிப்பதா என்ற கேள்வி எழுந்துள்ளது. இத்தகைய சூழ்நிலையில், ரிஷப் பண்ட் போன்ற 4 கேப்டன்கள் விடுவிக்கப்படுவதற்கான நேரம் வந்துவிட்டது. அந்த 4 கேப்டன்கள் யார் என்பதை பற்றி தெரிந்து கொள்வோம்.
ALSO READ: கேப்டனாக மோசமான செயல்பாடு.. லக்னோ கேப்டன் பதவியிலிருந்து விலகிய ரிஷப் பண்ட்!
ஹர்திக் பாண்ட்யா:
ரிஷப் பண்டை தொடர்ந்து , ஹர்திக் பாண்ட்யாவும் மும்பை இந்தியன்ஸ் அணியின் கேப்டன் பதவியில் இருந்து விலகுவதாக அறிவித்துள்ளதாகக் கூறப்படுகிறது. ஆனால் இது குறித்து அதிகாரப்பூர்வமாக எதுவும் தெரிவிக்கப்படவில்லை. இருப்பினும், அணியின் ஏமாற்றமளிக்கும் செயல்பாட்டைக் கருத்தில் கொண்டு, இத்தகைய முடிவு எடுக்கப்படலாம். ஹர்திக் பாண்ட்யா ஏற்கனவே இது குறித்து மும்பை இந்தியன்ஸ் அணி நிர்வாகத்துடன் கலந்துரையாடியுள்ளதாக கூறப்படுகிறது. மேலும் அவரது முடிவை நிர்வாகமும் ஏற்றுக்கொண்டுள்ளது. மனச்சோர்வு மற்றும் காயம் ஆகியவை பாண்ட்யா அணியை விட்டு விலகுவதற்கான காரணங்களாகக் கூறப்படுகின்றன. அவருடன், டெல்லி கேப்பிடல்ஸ் கேப்டன் அக்சர் படேல், கொல்கத்தா நைட் ரைடர்ஸ் கேப்டன் அஜிங்க்யா ரஹானே மற்றும் சென்னை சூப்பர் கிங்ஸ் அணிகளும் ருதுராஜ் கெய்க்வாடை கேப்டன் பதவியில் இருந்து நீக்க வாய்ப்புள்ளது.
ALSO READ: சிஎஸ்கே அணிக்கு வரும் ஹர்திக் பாண்ட்யா..? முன்னாள் சிஎஸ்கே வீரர் சொன்ன ரகசியம்!
அக்சர் படேல் தலைமையிலான டெல்லி கேப்பிட்டல்ஸ் அணியை பிளேஆஃப்களுக்கு அழைத்துச் செல்லத் தவறினார். இது மட்டுமல்லாமல், ஒரு வீரராக, அக்சரால் 19.22 சராசரியில் 173 ரன்கள் மட்டுமே எடுத்து 11 விக்கெட்டுகளை வீழ்த்தினார். மறுபுறம், அஜிங்க்யா ரஹானே விஷயத்திலும் இதே நிலைதான் நீடிக்கிறது. அஜிங்க்யா ரஹானே 14 போட்டிகளில் 25.76 சராசரியில் 335 ரன்கள் மட்டுமே எடுத்தார். ரஹானேயின் வயதைக் கருத்தில் கொண்டு, ஐபிஎல் 2027 சீசனில் கொல்கத்தா நைட் ரைடர்ஸ் ஒரு புதிய கேப்டனை நியமிக்க வாய்ப்புள்ளது. அதே நேரத்தில், சென்னை சூப்பர் கிங்ஸ் கேப்டன் ருதுராஜ் கெய்க்வாடின் ஆட்டமும் மோசமாக இருந்தது. ருதுராஜ் கெய்க்வாட் பேட்டிங்கிலும் சிறப்பாகச் செயல்படவில்லை. ருதுராஜ் கெய்க்வாட் இதுவரை நடப்பு ஐபிஎல் 2026 சீசனில் 14 போட்டிகளில் 28.08 சராசரியில் 337 ரன்கள் மட்டுமே எடுத்தார்.
