ODI World Cup 2027: உலகக்கோப்பைக்கு தகுதி பெற வேண்டுமா? வெஸ்ட் இண்டீஸ் அணிக்கு கடைசி தேதியை நிர்ணயித்த ஐசிசி!
ODI World Cup 2027 Qualification: ஒருநாள் உலகக் கோப்பைக்கு நேரடியாகத் தகுதி பெறுவதற்கான விதிகள் தெளிவாக விளக்கப்பட்டுள்ளது. ஐசிசி விதிமுறைகளின்படி, போட்டியை நடத்தும் நாடுகள் நேரடியாகத் தகுதி பெறுகின்றன. இதன் விளைவாக, தென்னாப்பிரிக்காவும் ஜிம்பாப்வேயும் 2027 உலகக் கோப்பைக்கான தங்கள் இடங்களை ஏற்கெனவே உறுதி செய்துவிட்டன.
2027 ஒருநாள் உலகக் கோப்பைக்கான (ODI World Cup 2027) நேரடித் தகுதி பெறும் செயல்முறை மற்றும் காலக்கெடுவை சர்வதேச கிரிக்கெட் கவுன்சில் (ICC) அறிவித்துள்ளது. இந்த ஐசிசி விதி அறிமுகப்படுத்தப்பட்டதன் மூலம், 2 முறை முன்னாள் உலக சாம்பியன் பட்டம் வென்ற அணி, உலகக் கோப்பையிலிருந்து வெளியேற்றப்படும் பெரும் அச்சுறுத்தலை மீண்டும் எதிர்கொள்கிறது. நேரடித் தகுதி பெறுவதற்கான இறுதித் தேதியாக வருகின்ற 2026 செப்டம்பர் 30ம் தேதி ஐசிசி நிர்ணயித்துள்ளது. இந்தத் தேதிக்குள் ஐசிசி ஒருநாள் தரவரிசையில் குறிப்பிட்ட இடத்தை பெறும் அணிகள், உலகக் கோப்பையில் நேரடியாகத் தகுதி பெறும்.
ALSO READ: 2027 ஒருநாள் உலகக் கோப்பையில் ரோஹித் – கோலிக்கு இடம் உண்டா? கில் ஓபன் டாக்!
நேரடித் தகுதி விதி எவ்வாறு செயல்படுகிறது?
ஒருநாள் உலகக் கோப்பைக்கு நேரடியாகத் தகுதி பெறுவதற்கான விதிகள் தெளிவாக விளக்கப்பட்டுள்ளது. ஐசிசி விதிமுறைகளின்படி, போட்டியை நடத்தும் நாடுகள் நேரடியாகத் தகுதி பெறுகின்றன. இதன் விளைவாக, தென்னாப்பிரிக்காவும் ஜிம்பாப்வேயும் 2027 உலகக் கோப்பைக்கான தங்கள் இடங்களை ஏற்கெனவே உறுதி செய்துவிட்டன. போட்டி நடத்தும் நாடுகளைத் தவிர்த்து, நிர்ணயிக்கப்பட்ட இறுதித் தேதி நிலவரப்படி ஐசிசி ஒருநாள் தரவரிசையில் முதல் 8 இடங்களைப் பிடிக்கும் அணிகள் இப்போட்டிக்கு நேரடியாகத் தகுதி பெறும்.
எந்தெந்த அணிகள் நேரடியாக தகுதி பெற வாய்ப்புள்ளது..?
தற்போதைய தரவரிசையின் அடிப்படையில், போட்டியை நடத்தும் தென்னாப்பிரிக்கா மற்றும் ஜிம்பாப்வேயுடன், இந்தியா, நியூசிலாந்து, ஆஸ்திரேலியா, பாகிஸ்தான், இலங்கை மற்றும் இங்கிலாந்து ஆகிய நாடுகள் நேரடியாகத் தகுதி பெறுவது உறுதியாகியுள்ளது. அதே சமயம், ஆப்கானிஸ்தான் (8வது இடம்) மற்றும் வங்கதேசம் (9வது இடம்) ஆகியவை முறையே 9வது மற்றும் 10வது இடங்களைப் பிடிப்பதற்கான அதிக வாய்ப்புள்ளது. இருப்பினும், 2 முறை உலகக் கோப்பை சாம்பியனான வெஸ்ட் இண்டீஸ் அணிக்கு மிகப்பெரிய ஆபத்து உள்ளது.
ALSO READ: தனித்துவமான போட்டி நேரத்தில் தொடங்கும் இந்தியா – ஜிம்பாப்பே தொடர்.. எத்தனை மணிக்கு பார்க்கலாம்?
வெஸ்ட் இண்டீஸ் அணிக்கு ஏன் ஆபத்து..?
சமீபத்திய ஐசிசி ஒருநாள் தரவரிசையின்படி, வெஸ்ட் இண்டீஸ் அணி 10-வது இடத்தில் உள்ளது. வருகின்ற 2026 செப்டம்பர் 30ம் தேதிக்கு முன்னர் வெஸ்ட் இண்டீஸ் அணி தங்களது தரவரிசையை கணிசமாக மேம்படுத்தத் தவறினால், பிரதான தொடரில் ஓர் இடத்தைப் பிடிப்பதற்கு அவர்கள் மீண்டும் சவாலான தகுதிச் சுற்றுகளை எதிர்கொள்ள நேரிடும். இதற்கு முன்னர், இந்தியாவில் நடைபெற்ற 2023 ஒருநாள் உலகக் கோப்பைக்கு வெஸ்ட் இண்டீஸ் அணி தகுதி பெறத் தவறியது. மேலும், இந்தக் காலக்கெடுவுக்குள் வெஸ்ட் இண்டீஸ் மூன்று ஒருநாள் போட்டிகளில் மட்டுமே விளையாட அனுமதிக்கப்படும். அதில், அனைத்தில் வெற்றி பெற்று டாப் 8 இடத்திற்குள் தகுதி பெற வேண்டும்.
