ICC T20 Ranking: முதலிடத்தில் இங்கிலாந்து.. முடிந்த இந்தியாவின் ஆதிக்கம்.. ஐசிசி டி20 தரவரிசை அப்டேட்!
ICC T20I Team Ranking in India: கிட்டத்தட்ட 4 ஆண்டுகளுக்குப் பிறகு, இந்திய அணி டி20 அணிகளுக்கான தரவரிசையில் முதலிடத்திலிருந்து சரிந்துள்ளது. பிப்ரவரி 2022 முதல் இந்தியா உலகின் நம்பர் ஒன் டி20 அணியாகத் திகழ்ந்தது. இந்தக் காலகட்டத்தில், ரோஹித் சர்மா மற்றும் சூர்யகுமார் யாதவ் ஆகியோரின் தலைமையில் இந்தியா 2024 மற்றும் 2026 டி20 உலகக் கோப்பைகளையும் வென்றது.
கிட்டதட்ட 4 ஆண்டுகளுக்குப் பிறகு இந்திய கிரிக்கெட் அணி (Indian Cricket Team) தனது டி20 தரவரிசை முதலிடத்தை இழந்துள்ளது. அயர்லாந்து மற்றும் இங்கிலாந்துக்கு (IND vs ENG) எதிரான படுதோல்விகளுக்குப் பிறகு, இந்திய அணி முதலிடத்திலிருந்து 2ம் இடத்திற்குச் சரிந்துள்ளது. இந்தியாவை 4-0 என்ற கோல் கணக்கில் தொடரை வென்ற இங்கிலாந்து, ஐசிசி டி20 அணி தரவரிசையில் முதலிடத்திற்கு உயர்ந்துள்ளது. ஒலிம்பிக் கண்ணோட்டத்தில், உலகெங்கிலும் உள்ள அணிகள் டி20 தரவரிசையில் முதலிடத்தை தக்கவைத்துக் கொள்ளப் போட்டியிடுகின்றன. வருகின்ற 2026 டிசம்பர் 31ம் தேதி ஆசியா, ஆப்பிரிக்கா, ஐரோப்பா மற்றும் ஓசியானியா கண்டங்களில் டி20 தரவரிசையில் முதலிடம் பெறும் அணிக்கு ஒலிம்பிக் தகுதி கிடைக்கும். எனவே, அணிகள் குறைந்தபட்சம் இந்த ஆண்டின் இறுதி வரை தத்தம் கண்டங்களில் முதலிடத்தில் நீடிக்க கடுமையாக போராடும்.
ALSO READ: பந்துவீச்சில் காயத்தால் சிக்கல்.. தோல்விக்குப் பிறகு இந்திய அணியில் 2 மாற்றங்கள்..!
டி20 தரவரிசையில் முதல் 10 அணிகள்
இந்தியாவை 4-0 என்ற கோல் கணக்கில் வீழ்த்தியதன் மூலம் இங்கிலாந்து உலகின் நம்பர் 1 அணியாக முன்னேறியது. அதே நேரத்தில் இந்தியா 2ம் இடத்திற்கு சரிந்தது. முதல் 10 இடங்களுக்குள் வேறு எந்த நாட்டின் தரவரிசையிலும் மாற்றம் இல்லை. ஆஸ்திரேலியா 3ம் இடத்திலும், நியூசிலாந்து 4ம் இடத்திலும் உள்ளன. பாகிஸ்தான் தற்போது 6ம் இடத்தில் உள்ளது.
- இங்கிலாந்து
- இந்தியா
- ஆஸ்திரேலியா
- நியூசிலாந்து
- தென்னாப்பிரிக்கா
- பாகிஸ்தான்
- வெஸ்ட் இண்டீஸ்
- வங்கதேசம்
- இலங்கை
- ஆப்கானிஸ்தான்
4 ஆண்டு கால ஆதிக்கத்திற்கு முடிவு:
A change at the top 🔝
A new team sits at the summit of the ICC Men’s T20I Team Rankings as India slip after their series defeat to England 👀https://t.co/DopvTgVFpB
— ICC (@ICC) July 11, 2026
கிட்டத்தட்ட 4 ஆண்டுகளுக்குப் பிறகு, இந்திய அணி டி20 அணிகளுக்கான தரவரிசையில் முதலிடத்திலிருந்து சரிந்துள்ளது. பிப்ரவரி 2022 முதல் இந்தியா உலகின் நம்பர் ஒன் டி20 அணியாகத் திகழ்ந்தது. இந்தக் காலகட்டத்தில், ரோஹித் சர்மா மற்றும் சூர்யகுமார் யாதவ் ஆகியோரின் தலைமையில் இந்தியா 2024 மற்றும் 2026 டி20 உலகக் கோப்பைகளையும் வென்றது.
ALSO READ: ஆடும் லெவனில் நீக்கம்.. டக் அவுட்டில் அழுத வைபவ் சூர்யவன்ஷி.. வைரலாகும் வீடியோ!
2026 டி20 உலகக் கோப்பைக்குப் பிறகு, சூர்யகுமார் யாதவுக்குப் பதிலாக ஷ்ரேயாஸ் ஐயர் டி20 கேப்டனாகப் பொறுப்பேற்றார். இங்கிலாந்து சுற்றுப்பயணத்தில் ஐயர் முதன்முறையாக இந்திய அணிக்குத் தலைமை தாங்கினார், ஆனால் துரதிர்ஷ்டவசமாக, கேப்டனாகப் பொறுப்பேற்ற முதல் 7 போட்டிகளில் அவரால் ஒரு போட்டியில் கூட வெற்றி பெற முடியவில்லை. அயர்லாந்திடம் 0-2 என்ற கணக்கிலும், இங்கிலாந்திடம் 0-4 என்ற கணக்கிலும் தொடரை இழந்ததன் விளைவாக, இந்திய அணி டி20 தரவரிசையில் சரிவைச் சந்தித்தது.
