IPL 2027: அடுத்த இலக்காக லியாம் லிவிங்ஸ்டோன்.. குறிவைத்த சிஎஸ்கே!
IPL Player Transfer: ஐபிஎல் 2027 மினி ஏலத்திற்கு முன்னதாக, சிஎஸ்கே அணி சன்ரைசர்ஸ் ஹைதராபாத் அணியின் ஆல்-ரவுண்டர் லியாம் லிவிங்ஸ்டோனை ஒப்பந்தம் செய்ய தீவிரமாக முயற்சிக்கிறது. ஹர்திக் பாண்ட்யா மும்பையை விட்டு வெளியேறக்கூடும் என்ற யூகங்களுக்கு மத்தியில், நட்சத்திர இங்கிலாந்து வீரரான லிவிங்ஸ்டோன், சென்னை சூப்பர் கிங்ஸ் அணியை சமூக வலைதளங்களில் பின்தொடர்வது, இந்த பரிமாற்றச் செய்திகளுக்கு மேலும் வலு சேர்க்கிறது.
ஐபிஎல் 2027 மினி ஏலத்திற்கு (IPL 2027) முன்னதாக, வீரர்கள் பரிமாற்ற நடவடிக்கைகள் தீவிரமடைந்துள்ளன. ஹர்திக் பாண்ட்யா மும்பை இந்தியன்ஸ் அணியை விட்டு வெளியேறக்கூடும் என்ற யூகங்களுக்கு மத்தியில், சென்னை சூப்பர் கிங்ஸ் (சிஎஸ்கே) அணி தற்போது சன்ரைசர்ஸ் ஹைதராபாத் (எஸ்ஆர்ஹெச்) அணியின் ஆல்-ரவுண்டர் லியாம் லிவிங்ஸ்டோனை குறிவைத்துள்ளது. தகவல்களின்படி, நட்சத்திர இங்கிலாந்து வீரர் லியாம் லிவிங்ஸ்டோனை ஒப்பந்தம் செய்வதற்கான சாத்தியக்கூறுகளை சென்னை சூப்பர் கிங்ஸ் அணி ஆராய்ந்து வருகிறது. இருப்பினும், சன்ரைசர்ஸ் ஹைதராபாத் அணி இந்த விஷயத்தில் இன்னும் இறுதி முடிவு எடுக்கவில்லை. இதுமட்டுமின்றி, லியாம் லிவிங்ஸ்டோன் சன்ரைசர்ஸ் ஹைதராபாத் அணியைப் சமூக வலைதளங்களில் பின்தொடர்வதை நிறுத்திவிட்டார். மேலும், ஐபிஎல் அணிகளில் தற்போது லிவிங்ஸ்டோன் சென்னை சூப்பர் கிங்ஸ் அணியை மட்டுமே பின்தொடர்கிறார்.
ALSO READ: ஐபிஎல் 2027 ஏலத்திற்கான தக்கவைப்பு காலக்கெடு நீட்டிப்பு..? ஏல தேதியிலும் மாற்றமா?
லியாம் லிவிங்ஸ்டோனை வாங்குமா சிஎஸ்கே..?
🚨 LIAM LIVINGSTONE TO CSK! 🚨
Strong reports suggest that Liam Livingstone’s move to CSK is all but done.
The player heading the other way remains unknown. https://t.co/Y9d1ndRZOj
— ByesAndLies (@ByesAndLies) November 4, 2026
கிரிக்பஸ் அறிக்கையின்படி, சென்னை சூப்பர் கிங்ஸ் அணி லியாம் லிவிங்ஸ்டோனை தங்கள் அணியில் சேர்ப்பதற்கான சாத்தியக்கூறுகளை ஆராய்ந்து வருகிறது. மற்றொரு வட இந்திய அணியும் லிவிங்ஸ்டோன் மீது ஆர்வம் காட்டியுள்ளதாக அந்த அறிக்கை கூறுகிறது. சன்ரைசர்ஸ் ஹைதராபாத் அணி, ஐபிஎல் 2026 ஏலத்தில் லிவிங்ஸ்டோனை 13 கோடி ரூபாய்க்கு வாங்கியது. இருப்பினும், அவரது செயல்பாடு எதிர்பார்த்தபடி அமையவில்லை. லிவிங்ஸ்டோன் அந்த சீசன் முழுவதும் இரண்டு போட்டிகளில் மட்டுமே விளையாடி, 15 ரன்கள் எடுத்தார். அவரது மோசமான ஃபார்ம் காரணமாக, லியாம் லிவிங்ஸ்டோனை அந்த சீசனின் மீதமுள்ள போட்டிகளுக்கான ஆடும் லெவனிலோ அல்லது தாக்கத்தை ஏற்படுத்தக்கூடிய வீரர்களுக்கான தேர்வுகளிலோ கூட சேர்க்கப்படவில்லை.
ALSO READ: தந்திரத்தை மாற்றும் சிஎஸ்கே.. அதிக விலை வீரர்கள் விடுவிப்பு?
லிவிங்ஸ்டோன் தனது ஐபிஎல் வாழ்க்கையை 2019-ல் ராஜஸ்தான் ராயல்ஸ் அணியுடன் தொடங்கினார். அங்கு லிவிங்ஸ்டோனை ரூ. 50 லட்சத்திற்கு வாங்கப்பட்டார். பஞ்சாப் கிங்ஸ் அணி, ஐபிஎல் 2022 ஏலத்தில் அவருக்காக ரூ.11.5 கோடியை செலவிட்டது. அதைத் தொடர்ந்து, ஐபிஎல் 2025-க்கு முன்பு பஞ்சாப் கிங்ஸ் அணி அவரை விடுவித்தது. பின்னர் ராயல் சேலஞ்சர்ஸ் பெங்களூரு அணி லியாம் லிவிங்ஸ்டோனை ரூ. 8.75 கோடிக்கு ஒப்பந்தம் செய்தது. இங்கிருந்து, லிவிங்ஸ்டோன் சன்ரைசர்ஸ் ஹைதராபாத் அணிக்கு சென்றார்.
