IND vs NZ: அதிக முறை டக் அவுட்! கங்குலியின் மோசமான சாதனை முந்திய ரோஹித் சர்மா..!
Rohit Sharma Ducks in ODIs: நியூசிலாந்துக்கு எதிரான முதல் ஒருநாள் போட்டியில் ரோஹித் சர்மா டக் அவுட் ஆனார். இது ஒருநாள் போட்டிகளில் அவருக்கு 17வது டக் அவுட் ஆகும். இதன்மூலம், இந்திய வீரர்கள் பட்டியலில் சௌரவ் கங்குலியை முந்தி, அதிக டக் அவுட் ஆனவர்களில் ஏழாவது இடத்தைப் பிடித்தார். கிரிக்கெட் ஜாம்பவான் சச்சின் டெண்டுல்கர் இந்த விரும்பத்தகாத பட்டியலில் முதலிடத்தில் இருக்கிறார்.
நியூசிலாந்துக்கு எதிரான (IND vs NZ) முதல் ஒருநாள் போட்டியில், இந்தியா வெற்றிபெற 186 ரன்கள் இலக்கு நிர்ணயிக்கப்பட்டது, ஆனால் அந்த இலக்கை விரட்டிப் பிடிக்க முயற்சித்தபோது, நட்சத்திர பேட்ஸ்மேன் ரோஹித் சர்மா (Rohit Sharma) தனது கணக்கைத் தொடங்காமலே ஆட்டமிழந்தார். இதன்மூலம், இந்தியாவுக்காக ஒருநாள் போட்டிகளில் அதிக முறை டக் அவுட் ஆன பேட்ஸ்மேன்கள் பட்டியலில் ரோஹித் சர்மா, சௌரவ் கங்குலியை முந்தினார். இந்த பட்டியலில் கிரிக்கெட்டின் கடவுள் என்று அழைக்கப்படும் சச்சின் டெண்டுல்கர்தான் முதலிடத்தில் இருக்கிறார்.
நியூசிலாந்து அணிக்கு எதிராக பேட்டிங் செய்ய களமிறங்கி, இன்னிங்ஸின் முதல் ஓவரிலேயே ரோஹித் சர்மா ஆட்டமிழந்தார். கைல் ஜேமிசனின் கடைசிப் பந்தை ரோஹித் அடிக்க முயன்றார், ஆனால் பந்து மிட்-ஆஃப் திசையில் சென்றது. அங்கு நின்றுகொண்டிருந்த மிட்செல் சான்ட்னர், எந்தத் தவறும் செய்யாமல் முன்னோக்கிப் பாய்ந்து ஒரு அற்புதமான கேட்சைப் பிடித்தார். இதன்மூலம், இந்தியாவின் முதல் விக்கெட் வெறும் 1 ரன்னுக்கு வீழ்ந்தது.
ALSO READ: ஒருநாள் போட்டிகளில் கிங் கோலி புதிய உலக சாதனை.. இலக்கை துரத்துவதில் சச்சின் சாதனை முறியடிப்பு!
ஒருநாள் போட்டிகளில் அதிக முறை டக் அவுட் ஆன இந்திய பேட்ஸ்மேன்கள்:
- 20 – சச்சின் டெண்டுல்கர்
- 19 – ஜவகல் ஸ்ரீநாத்
- 19 – விராட் கோலி
- 18 – அனில் கும்ப்ளே
- 18 – யுவராஜ் சிங்
இந்தப் பட்டியலில் ரோஹித் சர்மா எத்தனையாவது இடம்..?
🔴 JOURNALISTS HAVE ALREADY STARTED ROHIT SHARMA’S RETIREMENT RUMOURS 🤯
– Rohit got out for a 6-ball duck today, but before questioning him, everyone should take a look at his last 10 innings. 😭 https://t.co/xduQ3Gf4e0
— Sam (@cricsam02) November 4, 2026
நியூசிலாந்துக்கு எதிரான ஆக்லாந்து ஒருநாள் போட்டிக்கு முன்பு, ஒருநாள் போட்டி வரலாற்றில் அதிக முறை டக் அவுட் ஆனவர்கள் பட்டியலில் ரோஹித் சர்மா, சௌரவ் கங்குலியுடன் சமநிலையில் இருந்தார். கங்குலி தனது ஒருநாள் போட்டி வாழ்க்கையில் 16 முறை டக் அவுட் ஆகியிருந்தார். தற்போது ரோஹித் சர்மா, இந்த விரும்பத்தகாத சாதனைப் பட்டியலில் முன்னாள் இந்திய கேப்டன் சௌரவ் கங்குலியை முறியடித்துள்ளார்.
ALSO READ: நியூசிலாந்து எதிரான முதல் ஒருநாள் போட்டி.. ரோஹித் சர்மாவுக்கு காத்திருக்கும் சாதனை வேட்டை..!
ஒருநாள் போட்டிகளில் ரோஹித் சர்மா டக் அவுட் ஆவது இது 17வது முறையாகும். அதன்படி, ஒருநாள் போட்டிகளில் அதிக முறை டக் அவுட்டான இந்திய பேட்ஸ்மேன்கள் பட்டியலில் ரோஹித் ஏழாவது இடத்தில் உள்ளார். அவருக்கு அடுத்த இடத்தில் ஆறாவது இடத்தில் இருக்கும் ஹர்பஜன் சிங் உள்ளார். ஹர்பஜன் ஒருநாள் போட்டிகளில் 17 முறை டக் அவுட் ஆகியுள்ளார்.
