Rohit Sharma

இந்திய அணியின் கேப்டன் ரோஹித் சர்மா 30 ஏப்ரல் 1987 அன்று நாக்பூரில் பிறந்தார். ஒருநாள் போட்டிகளில் மூன்று இரட்டை சதங்கள் அடித்துள்ள ரோஹித் சர்மா, தற்போது இந்திய ஒருநாள் மற்றும் டெஸ்ட் அணிக்கு கேப்டனாக இருந்து வருகிறார். சமீபத்தில், ரோஹித் சர்மா தலைமையிலான இந்திய அணி 2024 டி20 உலகக் கோப்பையில் சாம்பியன் பட்டத்தை வென்றது. ரோஹித் சர்மா தனது கிரிக்கெட் வாழ்க்கையை ஆஃப் ஸ்பின்னராக தொடங்கினார் என்பது மிக சிலருக்கே தெரியும். ஆனால், பயிற்சியாளர் தினேஷ் லாட் ரோஹித் சர்மாவின் பேட்டிங் திறமையை அறிந்ததும், அவரை நேரடியாக 8வது இடத்தில் இருந்து ஓப்பன் செய்ய வைத்தார். இதன் காரணமாக, பள்ளிப் போட்டியில் தொடக்க ஆட்டக்காரராக அறிமுகமான ஆட்டத்திலேயே சதம் அடித்து அசத்தினார். கடந்த 2007ம் ஆண்டு ஜூன் 23ம் தேதி அயர்லாந்துக்கு எதிரான ஒருநாள் போட்டியிலும், கடந்த 2007ம் ஆண்டு செப்டம்பர் 17ம் தேதி டி20 போட்டியிலும் ரோஹித் சர்மா அறிமுகமானார். கடந்த 2015ம் ஆண்டு டிசம்பர் 15ம் தேதி ரித்திகா சஜ்தேவை ரோஹித் சர்மா திருமணம் செய்தார். இவர்களுக்கு தற்போது சமைரா சர்மா என்ற பெண் மகள் உள்ளார்