IND vs ZIM: தனித்துவமான போட்டி நேரத்தில் தொடங்கும் இந்தியா – ஜிம்பாப்பே தொடர்.. எத்தனை மணிக்கு பார்க்கலாம்?
IND vs ZIM T20 Series Match Timing: இந்தியா மற்றும் ஜிம்பாப்வே அணிகளுக்கு இடையேயான அனைத்து போட்டி, இந்திய நேரப்படி மாலை 4:30 மணிக்குத் தொடங்கும். இந்தத் தொடரின் அட்டவணையின் முதல் டி20 போட்டி 2026 ஜூலை 23 அன்று நடைபெறும். அதனைத் தொடர்ந்து, இரண்டாவது போட்டி 2026 ஜூலை 25 அன்றும், தொடரின் மூன்றாவது போட்டி 2026 ஜூலை 26 அன்றும் நடைபெறும்.
ஹாரி ப்ரூக் தலைமையிலான இங்கிலாந்துக்கு எதிரான 5 போட்டிகள் கொண்ட டி20 தொடரில் 0-4 என்ற கணக்கில் தோல்வியடைந்த ஷ்ரேயாஸ் ஐயர் தலைமையிலான இந்திய கிரிக்கெட் அணி (Indian Cricket Team), இப்போது அந்த ஏமாற்றத்தைப் பின்னுக்குத் தள்ளிவிட்டு வெற்றிக்காக போராட வேண்டியது முக்கியம். இங்கிலாந்து சுற்று பயணத்திற்கு பிறகு இந்திய அணி சுற்றுப்பயணமாக ஜிம்பாப்வே சென்றடைந்துள்ளது. இங்கு இரு அணிகளுக்கும் (IND vs ZIM) இடையே 3 போட்டிகள் கொண்ட டி20 சர்வதேசத் தொடர் நடைபெற உள்ளது. இங்கிலாந்து சுற்றுப்பயணத்தில் ஏற்பட்ட தோல்வியை மறந்து, இந்தத் தொடரை வென்று ஒரு புதிய தொடக்கத்தை உருவாக்கும் நோக்கத்துடன் இந்திய இளம் வீரர்கள் களமிறங்குவார்கள்.
ALSO READ: அடுத்தடுத்து தோல்வி.. இந்திய அணியின் அடுத்த சர்வதேச போட்டி எப்போது..? முழு அட்டவணை!
ஜூலை 23 முதல் தொடங்கும் இந்தியா – ஜிம்பாப்வே டி20 தொடர்:
இந்திய அணியின் பயிற்சியாளர் கௌதம் காம்பீர் இந்தத் தொடரில் பங்கேற்கவில்லை என்பதுதான். இதையடுத்து அவருக்குப் பதிலாக, முன்னாள் இந்திய வீரரான வி.வி.எஸ். லக்ஷ்மன் இந்தத் தொடருக்கான இந்திய அணியின் பயிற்சியாளராக நியமிக்கப்பட்டுள்ளார். நட்சத்திர பேட்ஸ்மேன் ஷ்ரேயாஸ் ஐயர் கேப்டனாக இந்திய டி20 அணியை வழிநடத்துவார். இந்திய கேப்டன் தனது முதல் வெற்றியைப் பெறுவார். இந்தத் தொடர் பெரும்பாலும் இளம் பேட்ஸ்மேன் வைபவ் சூர்யவன்ஷியைச் சார்ந்தே இருக்கும். இங்கிலாந்துக்கு எதிரான தொடரின் 2வது டி20 போட்டியில் அறிமுகமான வைபவ் சூர்யவன்ஷிக்கு, 3 போட்டிகளில் வாய்ப்பு கிடைத்தது. ஆனால் அவரால் தனது பேட்டிங்கைச் சிறப்பாகக் கையாள முடியவில்லை. இப்போது ஜிம்பாப்வேக்கு எதிராகத் தன்னை நிரூபித்து, அணியில் தனது இடத்தைப் பிடித்துக்கொள்ள அவருக்கு ஒரு வாய்ப்பு கிடைத்துள்ளது.
போட்டி எத்தனை மணிக்கு தொடங்கும்..?
இந்திய ரசிகர்கள், இந்திய நேரப்படி இரவு 7:30 மணிக்கு இந்திய அணியின் டி20 போட்டிகளைப் பார்த்துப் பழக்கம் கொண்டவர்கள். ஆனால் இந்தத் தொடரில், ரசிகர்கள் ஒரு தனித்துவமான நேரத்தைக் காணப் போகிறார்கள். இந்தியா மற்றும் ஜிம்பாப்வே அணிகளுக்கு இடையேயான அனைத்து போட்டி, இந்திய நேரப்படி மாலை 4:30 மணிக்குத் தொடங்கும். இந்தத் தொடரின் அட்டவணையின் முதல் டி20 போட்டி 2026 ஜூலை 23 அன்று நடைபெறும். அதனைத் தொடர்ந்து, இரண்டாவது போட்டி 2026 ஜூலை 25 அன்றும், தொடரின் மூன்றாவது போட்டி 2026 ஜூலை 26 அன்றும் நடைபெறும். இந்த 3 போட்டிகளும் ஹராரே ஸ்போர்ட்ஸ் கிளப் மைதானத்தில் நடைபெறும்.
ALSO READ: பயிற்சியாளராக விவிஎஸ் லக்ஷ்மன்.. இதுவரை இந்திய அணியின் செயல்திறன் எப்படி?
ஜிம்பாப்வே அணிக்கான இந்திய டி20 அணி
ஷ்ரேயாஸ் ஐயர் (கேப்டன்), திலக் வர்மா (துணை கேப்டன்), வைபவ் சூர்யவன்ஷி, அபிஷேக் சர்மா, இஷான் கிஷன், பிரபாசிம்ரன் சிங், சிவம் துபே, சூர்யன்ஷ் ஷெட்ஜ், ரின்கு சிங், ஹர்ஷ் துபே, ரவி பிஷ்ராய், பிரின்ஸ் யாதவ், யாஷ் தாக்கூர், அசோக் சர்மா, மயங்க் யாதவ்
