IND U19 vs AUS U19: அடுத்த மாதம் இந்தியா வரும் ஆஸ்திரேலிய அண்டர் 19 அணி.. சூர்யவன்ஷிக்கு வாய்ப்பா?
Australia U19 Squad for India Tour: வைபவ் சூர்யவன்ஷி சமீபத்தில் இந்திய சீனியர் அணியுடன் ஜிம்பாப்வேக்கு சுற்றுப்பயணம் மேற்கொண்டார். அந்தத் தொடரில் சூர்யவன்ஷி சிறப்பாக விளையாடி, தொடர் நாயகன் விருதை வென்றார். இருப்பினும், இந்தியா-ஆஸ்திரேலியா 19 வயதுக்குட்பட்டோருக்கான தொடர் தொடங்கும் அதே நேரத்தில், அவர் இந்திய சீனியர் அணியுடன் ஆசிய விளையாட்டுப் போட்டிகளிலும் பங்கேற்க வாய்ப்புள்ளது.
வருகின்ற 2026 செப்டம்பர் மாதம் இந்தியாவுக்கு (Indian Cricket Team) சுற்றுப்பயணம் மேற்கொள்ளும் 16 பேர் கொண்ட ஆஸ்திரேலியா U19 ஆண்கள் அணியை கிரிக்கெட் ஆஸ்திரேலியா அறிவித்துள்ளது. இந்தியா மற்றும் ஆஸ்திரேலியாவின் இளையோர் அணிகள் 3 ஒருநாள் போட்டிகள் மற்றும் 2 நான்கு நாள் டெஸ்ட் (Test Match) போட்டிகளில் விளையாடும். வரவிருக்கும் U19 உலகக் கோப்பைக்கான தயாரிப்பின் அடிப்படையில் இந்தத் தொடர் இரு அணிகளுக்கும் மிகவும் முக்கியமானதாகக் கருதப்படுகிறது. உலகக் கோப்பைக்குப் பிறகு, ஆஸ்திரேலியா தனது அணியில் பெரிய மாற்றங்களைச் செய்துள்ளது. மேலும் 16 வீரர்களில் 14 புதிய வீரர்களுக்கு வாய்ப்பு வழங்கப்பட்டுள்ளது. இருப்பினும், U19 உலகக் கோப்பையில் விளையாடிய அனுபவமிக்க வேகப்பந்து வீச்சாளர்களான வில் பைரம் மற்றும் கேசி பார்டன் ஆகியோர் அணியில் மீண்டும் சேர்க்கப்பட்டுள்ளனர். குறிப்பிடத்தக்க வகையில், இந்திய வம்சாவளியைச் சேர்ந்த இளம் கிரிக்கெட் வீரர் நீல் பட்டேலும் ஆஸ்திரேலிய அணியில் சேர்க்கப்பட்டுள்ளார்.
ALSO READ: இந்திய அணிக்கு பும்ரா திரும்புவது எப்போது..? மருத்துவக்குழு கொடுத்த விளக்கம்!
வைபவ் சூர்யவன்ஷி களமிறங்குவாரா?
இந்தியா – ஆஸ்திரேலியா இடையிலான அண்டர் 19 தொடரில் அதிகம் பேசப்படும் விஷயம், இந்தியாவின் அதிரடி ஆட்டக்காரரான 15 வயது பேட்ஸ்மேன் வீரர் வைபவ் சூர்யவன்ஷிதான். குறுகிய காலத்தில் தனது ஆக்ரோஷமான பேட்டிங்கால் கிரிக்கெட் உலகின் கவனத்தை ஈர்த்துள்ள வைபவ், இந்தத் தொடரில் இந்திய 19 வயதுக்குட்பட்டோர் அணியில் விளையாடுவாரா என்பதே அனைவரின் பார்வையாகவும் உள்ளது.
வைபவ் சூர்யவன்ஷி சமீபத்தில் இந்திய சீனியர் அணியுடன் ஜிம்பாப்வேக்கு சுற்றுப்பயணம் மேற்கொண்டார். அந்தத் தொடரில் சூர்யவன்ஷி சிறப்பாக விளையாடி, தொடர் நாயகன் விருதை வென்றார். இருப்பினும், இந்தியா-ஆஸ்திரேலியா 19 வயதுக்குட்பட்டோருக்கான தொடர் தொடங்கும் அதே நேரத்தில், அவர் இந்திய சீனியர் அணியுடன் ஆசிய விளையாட்டுப் போட்டிகளிலும் பங்கேற்க வாய்ப்புள்ளது. எனவே, இந்தத் தொடரில் சூர்யவன்ஷி பங்கேற்பதற்கான வாய்ப்பு குறைவு என்றே கருதப்படுகிறது. இது தவிர, இந்தத் தொடருக்கான இந்திய 19 வயதுக்குட்பட்டோருக்கான அணி இன்னும் அறிவிக்கப்படவில்லை. எனவே, இந்திய அண்டர் 19 அணி அறிவிக்கப்பட்ட பின்னரே வைபவ் சூர்யவன்ஷி விளையாடுவாரா என்பது தெரிய வரும்.
இந்திய சுற்றுப்பயணத்திற்கான ஆஸ்திரேலியா U19 அணி:
கேசி பார்டன், ஹேடன் பார்புலோவிச், எலி பிரைன், வில் பைரோம், பிளேக் காட்டில், ஜாக் சோஸ்னாக், ஸ்பென்சர் கிரீன், கானர் கிரிகோரி, சார்லி ஹென்டர்சன், ஜேட் ஹோலிக், மேத்யூ லோ, நீல் படேல், ஜேக்கப் பெட்ஸ், பேட்ரிக் சல்லிவன், தியோ சிங்கோஸ், தாமஸ் வெசி
ALSO READ: பயிற்சியாளர் குழுவில் விடைபெற்ற டி திலீப்.. உணர்ச்சி வசப்பட்ட ரோஹித் சர்மா!
முழுத் தொடர் அட்டவணை
- 2026 செப்டம்பர் 18: முதல் ஒருநாள் சர்வதேசப் போட்டி (நிரஞ்சன் ஷா மைதானம், ராஜ்கோட்)
- 2026 செப்டம்பர் 21: இரண்டாவது ஒருநாள் சர்வதேசப் போட்டி (நிரஞ்சன் ஷா மைதானம், ராஜ்கோட்) செப்டம்பர்
- 2026 செப்டம்பர் 23: மூன்றாவது ஒருநாள் சர்வதேசப் போட்டி (நிரஞ்சன் ஷா மைதானம், ராஜ்கோட்)
- 2026 செப்டம்பர் 27 – 2026 செப்டம்பர் 30: முதல் 4-நாள் டெஸ்ட் போட்டி (நிரஞ்சன் ஷா மைதானம், ராஜ்கோட்)
- 2026 அக்டோபர் 05 – 2026 அக்டோபர் 08: இரண்டாவது 4-நாள் டெஸ்ட் போட்டி (நரேந்திர மோடி மைதானம் ‘பி’ மைதானம், அகமதாபாத்)
