‘டிரம்ப் பொய்யர் என நாடாளுமன்றத்தில் கூறுவீர்களா?’ மத்திய அரசுக்கு ராகுல் காந்தி கேள்வி!
Rahul Gandhi On Operation Sindoor : ஆபரேஷன் சிந்தூர் குறித்து நாடாளுமன்றத்தில் எதிர்க்கட்சி தலைவர் ராகுல் காந்தி பேசியுள்ளார். அப்போது, 1971 ஆம் ஆண்டு இந்தியா-பாகிஸ்தான் போருடன் ஆபரேஷன் சிந்தூரை ஒப்பிட்டு மத்திய அரசு தவறு செய்துள்ளதாக ராகுல் காந்தி குற்றச்சாட்டினார். அதோடு, நாடாளுமன்றத்தில் அமெரிக்க அதிபர் டிரம்ப் பொய்யர் என பிரதமர் மோடி கூறுவாரா எனவும் அவர் கேள்வி எழுப்பி இருக்கிறார்.
டெல்லி,ஜூலை 29 : ஆபரேஷன் சிந்தூர் (Operation Sindoor) குறித்து எதிர்க்கட்சி தலைவர் ராகுல் காந்தி (Rahul Gandhi) மக்களவையில் உரையாற்றினார். அப்போது, அவர் பேசுகையில், “பஹல்காம் தாக்குதல் (Pahalgam Terror Attack) கொடூரமானது. பாகிஸ்தான் அரசால் தெளிவாகத் திட்டமிடப்பட்டு திட்டமிடப்பட்ட கொடூர தாக்குதல். இந்த அவையில் உள்ள ஒவ்வொரு நபரும் சேர்ந்து, பாகிஸ்தானைக் கண்டித்துள்ளோம். எதிர்க்கட்சிகள் இந்திய அரசாங்கத்துடனும் ஒரு பாறை போல நிற்போம் என்று உறுதியளித்தன. ஒரு எதிர்க்கட்சியாக, நாம் ஒற்றுமையாக இருந்ததில் நாங்கள் மிகவும் பெருமைப்படுகிறோம். இந்திய வீரர்கள் புலிகள் என்று ராகுல் கூறினார். புலிகளுக்கு சுதந்திரம் வழங்கப்பட வேண்டும். இராணுவத்தைப் பயன்படுத்த மன உறுதி அவசியம். வீரர்கள் நாட்டிற்காக உழைக்க வேண்டும் என்றால், அவர்களுக்கு சுதந்திரம் வழங்கப்பட வேண்டும். ராஜ்நாத் சிங்கின் உரையை நான் கேட்டேன் என்று ராகுல் கூறினார். அவர் ஆபரேஷன் சிந்தூரை 1971 உடன் ஒப்பிட்டார்.
1971 இல் அரசாங்கத்திற்கு மன உறுதி இருந்தது. 1971 இல் நாங்கள் அமெரிக்காவின் பேச்சைக் கேட்கவில்லை. ஆபரேஷன் சிந்தூர் அதிகாலை 1.27 மணி வரை நீடித்ததாக அரசு கூறியது. பாகிஸ்தானுக்கு அதிகாலை 1.35 மணிக்கு தொலைபேசி மூலம் தகவல் தெரிவிக்கப்பட்டது. பாகிஸ்தானுக்கு நேரடியாக தகவல் ஏன் வழங்கப்பட்டது? நீங்கள் பாகிஸ்தானிடம் சண்டையிட விரும்பவில்லை என்று சொன்னீர்கள். அரசாங்கம் பாகிஸ்தானிடம் சரணடைந்தது. 30 நிமிடங்களில் அரசு சரணடைந்தது. அரசு போராட விருப்பம் இல்லை. பாகிஸ்தானை எதிர்த்துப் போராட அரசாங்கத்திற்கு அரசியல் விருப்பம் இல்லை.
Also Read : ‘பயங்கரவாதிகள் 3 பேர் சுட்டுக் கொல்லப்பட்டனர்’ ஆபரேஷன் சிந்தூர் குறித்து அமித் ஷா விளக்கம்
‘டிரம்ப் பொய்யர் என நாடாளுமன்றத்தில் கூறுவீர்களா?’
VIDEO | Lok Sabha LoP and Congress MP Rahul Gandhi (@RahulGandhi) says, “It is a very dangerous time and we cannot afford a Prime Minister who doesn’t know how to use the Army. We cannot afford a Prime Minister who doesn’t have the guts to say from here that Donald Trump is a… pic.twitter.com/vFuSdkX8VL
— Press Trust of India (@PTI_News) July 29, 2025
இந்தியாவிற்கும் பாகிஸ்தானுக்கும் இடையில் போர் நிறுத்தத்தை ஏற்படுத்தியதாக டொனால்ட் டிரம்ப் பலமுறை கூறிய போதிலும், பிரதமர் நரேந்திர மோடி ஏன் அதை பொய் என கூறவில்லை? இரு நாடுகளுக்கும் இடையே போர் நிறுத்தத்தை மத்தியஸ்தம் செய்வதாக அமெரிக்க அதிபர் டொனால்ட் டிரம்ப் மீண்டும் மீண்டும் கூறுவதை பிரதமர் நரேந்திர மோடி பகிரங்கமாக மறுக்க வேண்டும்.
Also Read : மக்களவையில் ராஜ்நாத் சிங் விளக்கம் – அமைதியாக இருந்த ராகுல் காந்தியால் சர்ச்சை!
டொனால்ட் டிரம்ப் போரை நிறுத்தியதாக 29 முறை கூறினார். இது உண்மையல்ல என்றால், பிரதமர் மறுத்து டிரம்பை நீங்கள் பொய்யர் என்று சொல்ல வேண்டும். இந்திரா காந்தியின் 50 சதவீத தைரியத்தில் பாதியாவது உங்களிடம் இருந்தால் இதை சொல்லுங்கள்” என கூறினார்.
