Covid 19

கொரோனா வைரஸ் என்று அழைக்கப்படும் கோவிட் -19 ஒரு தொற்று நோயாகும். இந்த வைரஸ் முதன்முதலில் கடந்த 2019 ஆம் ஆண்டு சீனாவின் வுஹானில் கண்டறியப்பட்டது. சில மாதங்களில் இந்த வைரஸ் உலகம் முழுவதும் பரவியது. உலக அளவில் லட்சக்கணக்கானோர் உயிரிழந்தனர். குறிப்பாக கொரோனா இரண்டாவது அலை இந்தியாவில் பெரும் தாக்கத்தை ஏற்படுத்தியது. இரண்டாவது அலையில் பலர் தங்களது குடும்ப உறுப்பினர்கள் மற்றும் நெருக்கமானவர்களை இழந்தனர். இந்த நிலையில் தற்போது கொரோனா உலகம் முழுவதும் கொரோனா பரவல் மீண்டும் தாக்குதலை ஆரம்பிக்க தொடங்கியுள்ளது. கடந்த சில நாட்களாக அமெரிக்கா, சிங்கப்பூர், ஹாங்காங், தாய்லாந்து மற்றும் இந்தியா என பல்வேறு நாட்களில் கொரோனா பரவல் தாக்குதலால் பாதிக்கப்பட்டவர்களின் எண்ணிக்கை வேகமாக அதிகரித்து வருகிறது. சமீபத்தில், உலக சுகாராத நிறுவனமானது உலகம் முழுவதும் கொரோனா தொற்று பாதிப்பு குறித்து கவலை தெரிவித்தது. உலக சுகாராத நிறுவனம் கொரோனாவின் பல புதிய வகைகள் உருவாகி வருவதாக தெரிவித்துள்ளது. இவற்றில், NB.1.8.1, JN.1 மற்றும் KP.2 போன்றவை ஓமிக்ரானின் துணை வகைகளாகும். NB.1.8.1 என்ற புதிய வகை கொரோனா சீனா, அமெரிக்கா மற்றும் சில ஐரோப்பிய நாடுகளில் வேகமாக பரவி வருகிறது. அதேபோல் கொரோனா NB.1.8.1 மற்றும் LF.7 ஆகிய இரண்டு துணை வகைகள் இந்தியா உட்பட பல நாடுகளில் வேகமாக அதிகரித்துள்ளது. இதன் காரணமாக, இந்தியாவில் கொரோனா தொற்று விரைவாக அதிகரித்து வருகிறது. கொரோனா தொடர்பான தகவல்களை இங்கு காணலாம்.