ஒருமுறை சார்ஜ் செய்தால் 310 கி.மீ பயணிக்கலாம் – சிறிய ரக எலக்ட்ரிக் காரை அறிமுகப்படுத்திய சுசூகி
Suzuki eSky : சுசூகி நிறுவனம் e-Sky என்ற பெயரில் சிறிய ரக மின்சார காரை அறிமுகப்படுத்தியுள்ளது. இந்த காரில் ஒரு முறை சார்ஜ் செய்தால் 310 கி.மீ வரை பயணிக்கலாம். இந்த காரில் 26 கிலோ வாட்ஸ் பேட்டரி பேக் பொருத்தப்பட்டுள்ளது.
சுசூகி நிறுவனம் e-Sky என்ற பெயரில் சிறிய ரக மின்சார காரை அறிமுகப்படுத்தியுள்ளது. இதன் மூலம் இந்திய கார் ஆர்வலர்களிடையே மீண்டும் உற்சாகத்தை ஏற்படுத்தியுள்ளது. சுசூகி தனது சிறிய மின்சார காரான மாருதி இஸ்கை (E-Sky) காரை இந்தியாவில் அல்லாமல் ஜப்பானில் அறிமுகப்படுத்தியுள்ளது. எம்ஜி கோமட் காரைப் போன்ற தோற்றத்தைக் கொண்ட இந்தச் சிறிய கார், பார்த்தவுடனேயே அனைவரின் கவனத்தையும் ஈர்க்கும் வகையில் உள்ளது.
மிகச்சிறிய ரக எலக்ட்ரிக் காரை அறிமுகப்படுத்திய சுசூகி
இந்த கார் தற்போது ஜப்பானில் அறிமுகப்படுத்தப்பட்டுள்ளது, ஆனால் எதிர்காலத்தில் இது இந்தியாவிற்கும் வரும் என்று மக்களிடையே எதிர்பார்ப்பை ஏற்படுத்தியுள்ளது. நகரப் போக்குவரத்து நெரிசலுக்கு ஏற்ற வகையில் இதன் வடிவமைப்பு உருவாக்கப்பட்டுள்ளது. இதன் நீளம் 3395 மிமீ மட்டுமே. இது மாருதி ஆல்டோவை விடச் சிறியது. இதன் அகலம் 1475 மிமீ ஆகும்.
இதையும் படிக்க : மீண்டும் விலையை உயர்த்த தயாராகும் ஆப்பிள்.. ஆப்பிள் பிரியர்களுக்கு ஷாக் தகவல்!
இந்திய சந்தைக்கு வந்தால், MG Comet இந்த வாகனத்தின் முக்கிய போட்டியாளராக இருக்கும். இருப்பினும், எம்ஜி கோமட் காரைப் போலன்றி, இதில் நான்கு கதவுகள் உள்ளன. நான்கு கதவு அமைப்பு இருப்பதால், குழந்தைகளும் பெரியவர்களும் இருக்கையில் எளிதாக ஏறி இறங்க முடியும்.
இந்த கார் டால் பாய் எனப்படும் உயரமான மற்றும் பாக்ஸ் போன்ற வடிவமைப்பைக் கொண்டுள்ளது. ஒருமுறை முழுமையாக சார்ஜ் செய்தால் 310 கிமீ தூரம் வரை பயணிக்க முடியும் என்று நிறுவனம் உறுதியளிக்கிறது. இந்தியாவில் இந்த காரை அறிமுகப்படுத்துவது குறித்து நிறுவனம் அதிகாரப்பூர்வமாக உறுதிப்படுத்தவில்லை என்றாலும், இதன் விலை 10 லட்ச ரூபாய்க்கும் குறைவாக இருக்கும் என்று எதிர்பார்க்கப்படுகிறது.
சுசூகி இதில் முன்புறம் Z வடிவ எல்இடி டிஆர்எல் விளக்குகள் மற்றும் ப்ரொஜெக்டர் ஹெட்லேம்ப்களை வழங்கியுள்ளது. இதில் 14 இன்ச் அளவுள்ள நான்கு ஸ்போக் அலாய் சக்கரங்கள் உள்ளன. இதன் பின்புறம் எல்இடி டெயில் லேம்ப்களால் அனைவரையும் சட்டென ஈர்க்கும் வகையில் மாற்றப்பட்டுள்ளது.
இதையும் படிக்க : ரூ.2,000-க்கு மேலான UPI பரிவர்த்தனைகளுக்கு கட்டணம்.. விரைவில் வருகிறது MDR கட்டண முறை!
இந்த வாகனத்தில் 26 கிலோ வாட்ஸ் பேட்டரி பேக் பொருத்தப்பட்டுள்ளது. மற்ற பவர் குறித்த விவரக்குறிப்புகளை நிறுவனம் குறிப்பிடவில்லை என்றாலும், இது அதிகபட்சமாக 70 பிஎஸ் வரையிலான ஆற்றலை வெளிப்படுத்தும் என்று நம்பப்படுகிறது. பாதுகாப்பு அம்சங்களிலும் நவீன தொழில்நுட்பங்கள் பயன்படுத்தப்படும். இதில் டிஜிட்டல் இன்ஸ்ட்ரூமென்ட் கிளஸ்டர், கிளைமேட் கண்ட்ரோல் ஏசி, ஹில் ஹோல்ட் அசிஸ்ட் மற்றும் ஏபிஎஸ் (ABS) போன்ற வசதிகளும் இடம்பெறும்.
