Tamil Nadu Weather forecast: வலுவடையும் காற்றழுத்த தாழ்வு பகுதி – இந்த மாவட்டங்களில் இன்று மழைக்கு வாய்ப்பு
Tamil Nadu weather today : வங்கக்கடலில் நிலவி வரும் காற்றழுத்தத் தாழ்வு பகுதி கடந்த செப்டம்பர் 22, 2026 நேற்று ஆழ்ந்த காற்றழுத்தத் தாழ்வு மண்டலமாக வலுப்பெறும் என வானிலை ஆய்வு மையம் தெரிவித்துள்ளது. இதனிடையே செப்டம்பர் 23, 2026 இன்று மழைக்கு வாய்ப்புள்ள மாவட்டங்கள் குறித்து வானிலை மையம் அறிவித்துள்ளது.
சென்னை, செப்டம்பர் 23 : வங்கக்கடலில் நிலவி வரும் காற்றழுத்தத் தாழ்வு பகுதி கடந்த செப்டம்பர் 22, 2026 நேற்று ஆழ்ந்த காற்றழுத்தத் தாழ்வு மண்டலமாக வலுப்பெறும் என வானிலை ஆய்வு மையம் தெரிவித்துள்ளது. இது மேற்கு அல்லது வடமேற்கு திசையில் நகர்ந்து, செப்டம்பர் 23, 2026 இன்று இரவு முதல் அடுத்த நாள் காலை காலை வரையிலான காலகட்டத்தில் விசாகப்பட்டினம் மற்றும் கோபால்பூர் இடையே கரையை கடக்கக்கூடும் என கணிக்கப்பட்டுள்ளது. இது புயலாக மாறக்கூடும் என்றும் அதற்கு அர்னாப் என பெயரிடப்படும் என்றும் வானிலை மையம் தெரிவித்துள்ளது.
இந்த மாவட்டங்களில் இன்று மழைக்கு வாய்ப்பு
இதற்கிடையை சென்னை வானிலை ஆய்வு மையம் வெளியிட்டுள்ள அறிக்கையில், சுமார் 3.1 முதல் 7.6 கி.மீ உயரம் வரை தென்கிழக்கு அரபிக்கடல் முதல் காற்றழுத்த தாழ்வு மண்டலத்துடன் தொடர்புடைய வளிமண்டல சுழற்சி வரை, கர்நாடகா மற்றும் கடலோர ஆந்திரா வழியாக காற்றழுத்த தாழ்வு பாதை நிலவுகிறது.
இதையும் படிக்க : முதல்வர் விஜய்யுடன் ஏன் லண்டன் செல்லவில்லை? அமைச்சர் கீர்த்தனா ஆதாரத்துடன் விளக்கம்.. என்ன அது!
இதன் காரணமாக செப்டம்பர் 23, 2026 இன்று மேற்கு தொடர்ச்சி மலை மாவட்டங்களில் ஒரு சில இடங்களில் இடி மின்னல் மற்றும் மணிக்கு 30 முதல் 40 கிலோ மீட்டர் வேகத்தில் பலத்த காற்றுடன் கூடிய மிதமான மழை பெய்யக்கூடும் என தெரிவித்துள்ளது. மேலும், சென்னை, காஞ்சிபுரம், செங்கல்பட்டு, திருவள்ளூர் மற்றும் ராணிப்பேட்டை மாவட்டங்களில் ஒரு சில இடங்களில் இடி மின்னல் மற்றும் மணிக்கு 30 முதல் 40 கிலோ மீட்டர் வேகத்தில் பலத்த காற்றுடன் கூடிய லேசானது முதல் மிதமான மழை பெய்யக்கூடும். தமிழகத்தின் பிற பகுதிகளில் ஒரு சில இடங்களிலும், புதுச்சேரி மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும் என தெரிவித்துள்ளது.
அதனைத் தொடர்ந்து செப்டம்பர் 24, 2026 நாளை மேற்கு மலை மாவட்டங்கள், சென்னை, காஞ்சிபுரம், செங்கல்பட்டு, திருவள்ளூர் மற்றும் ராணிப்பேட்டை மாவட்டங்களில் ஒரு இடங்களில் லேசானது முதல் மிதமான மழை பெய்யக்கூடும். தமிழகத்தின் பிற பகுதிகள் மற்றும் புதுச்சேரி மற்றும் காரைக்கால் பகுதிகளில் பொதுவாக வறண்ட வானிலையே நிலவ வாய்ப்பிருப்பதாக வானிலை மையம் தெரிவித்துள்ளது.
இதையும் படிக்க : பசும்பொன் மக்கள் கட்சியின் தலைவர் அதிரடி கைது.. தூத்துக்குடியில் பெரும் பரபரப்பு.. பின்னணி என்ன!
சென்னை மற்றும் அதன் புறநகர் பகுதிகளைப் பொறுத்தவரை செப்டம்பர் 23, 2026 இன்று வானம் பொதுவாக மேகமூட்டத்துடன் காணப்படும் என்றும் மாலை அல்லது இரவு நேரங்களில் நகரின் ஒரு சில பகுதிகளில் இடி மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது. அதிகபட்ச வெப்பநிலை 34 முதல் 35 டிகிரி செல்சியஸை ஒட்டியும், குறைந்தபட்ச வெப்பநிலை 25 முதல் 26 டிகிரி செல்சியஸை ஒட்டியும் இருக்கக்கூடும் என்று தெரிவிக்கப்பட்டுள்ளது.
