சென்னை மெட்ரோ ரயில் 2-ஆம் கட்டப் பணிகளை ஆய்வு செய்த முதல்வர் விஜய்.. பயணிகளுடன் மெட்ரோவில் பயணம்..
நந்தனம் மெட்ரோ ரயில் நிலையத்தில் இருந்து கிண்டி வரை மீண்டும் மெட்ரோ ரயிலில் பயணம் மேற்கொண்ட முதலமைச்சர், அங்கிருந்து சாலை மார்க்கமாக போரூர் மற்றும் பூந்தமல்லி பகுதிகளுக்கு சென்று சென்னை மெட்ரோ ரயில் 2-ஆம் கட்டப் பணிகளை நேரில் பார்வையிட்டு ஆய்வு செய்தார்.
ஜூலை 29, 2026: தமிழ்நாடு முதலமைச்சர் ஜோசப் விஜய், சென்னை மெட்ரோ ரயில் 2-ஆம் கட்டப் பணிகள் குறித்து இன்று நேரில் ஆய்வு மேற்கொண்டார். ஆய்வின் ஒரு பகுதியாக, ஓமந்தூரார் அரசினர் தோட்டம் மெட்ரோ ரயில் நிலையத்தில் இருந்து நந்தனம் மெட்ரோ ரயில் நிலையம் வரை மெட்ரோ ரயிலில் பயணம் மேற்கொண்டார். முதலமைச்சர் விஜயை காண ஏராளமான பொதுமக்கள் மெட்ரோ நிலையங்களில் திரண்டனர். தலைமைச் செயலகத்தில் இருந்து கார் மூலம் ஓமந்தூரார் அரசினர் தோட்டம் மெட்ரோ ரயில் நிலையத்துக்கு வந்த முதலமைச்சரை, சென்னை மெட்ரோ ரயில் நிறுவன அதிகாரிகள் பூங்கொத்து வழங்கி வரவேற்றனர்.
மெட்ரோ ரயிலில் பயணம் மேற்கொண்ட முதல்வர் விஜய்:
#CMVijay Metro Rail inspection Visuals. pic.twitter.com/6CbVePNQuv
— Vijay Fans Trends (@VijayFansTrends) July 29, 2026
இதையடுத்து, மெட்ரோ ரயிலில் பொதுப் பயணிகளுடன் இணைந்து பயணம் மேற்கொண்ட முதலமைச்சர், அங்கிருந்த பயணிகளிடம் மெட்ரோ சேவைகள், கட்டண வசதி, பயண அனுபவம் மற்றும் தேவையான கூடுதல் வசதிகள் குறித்து கேட்டறிந்தார்.
மேலும் படிக்க: 151 உயர் சிறப்பு அரசு மருத்துவர்களை நாம் இழந்துள்ளோம்.. மு.க ஸ்டாலினின் சரமாரி கேள்வி
மேலும், மெட்ரோ ரயில்களின் நிகழ்நேர இயக்கம், பயணிகளின் பாதுகாப்பு அம்சங்கள், கண்காணிப்பு கேமராக்களின் செயல்பாடு மற்றும் புதிதாக அறிமுகப்படுத்தப்பட்டுள்ள அதிநவீன செயற்கை நுண்ணறிவு தொழில்நுட்ப வசதிகள் குறித்து வல்லுநர்கள் மற்றும் உயர் அதிகாரிகளிடம் விரிவாக கேட்டறிந்தார்.
போரூர் மற்றும் பூந்தமல்லி மெட்ரோ ரயில் திட்டம் குறித்து ஆய்வு:
அதனைத் தொடர்ந்து, நந்தனம் மெட்ரோ ரயில் நிலையத்தில் இருந்து கிண்டி வரை மீண்டும் மெட்ரோ ரயிலில் பயணம் மேற்கொண்ட முதலமைச்சர், அங்கிருந்து சாலை மார்க்கமாக போரூர் மற்றும் பூந்தமல்லி பகுதிகளுக்கு சென்று சென்னை மெட்ரோ ரயில் 2-ஆம் கட்டப் பணிகளை நேரில் பார்வையிட்டு ஆய்வு செய்தார்.
மேலும் படிக்க: ஆகஸ்ட் 4ஆம் தேதி வரை நீடிக்கும் மழை.. எந்தெந்த மாவட்டங்களுக்கு மஞ்சள் அலர்ட் எச்சரிக்கை ?
சுமார் ₹63,246 கோடி மதிப்பீட்டில், 118 கிலோமீட்டர் தொலைவுக்கு நடைபெற்று வரும் சென்னை மெட்ரோ ரயில் 2-ஆம் கட்டத் திட்டப் பணிகளை ஆய்வு செய்த முதலமைச்சர், பொதுமக்களின் சிரமத்தை குறைக்கும் வகையில் பணிகளை விரைந்து முடிக்க அதிகாரிகளுக்கு தேவையான அறிவுறுத்தல்களை வழங்கினார்.
