Team India: டெஸ்ட் கிரிக்கெட்டிற்குத் திரும்ப விருப்பமா..? கோலி கொடுத்த க்யூட் பதில்! எழுந்த சிரிப்பலை!
Virat Kohli Test Comeback: இந்திய அணி வருகின்ற 2026 ஜூலை மாதம் இங்கிலாந்துக்குச் சுற்றுப்பயணம் மேற்கொள்ள உள்ளது. இந்தக் காலகட்டத்தில் இரு அணிகளும் ஒருநாள் தொடரிலும் விளையாடும். இந்தத் தொடருக்கான இந்திய அணியில் விராட் கோலியின் பெயரும் இடம்பெற்றுள்ளது. ஆனால் அவரது உடற்தகுதி சோதனையின் முடிவுகள் இந்தத் தொடரின் முடிவுகளைப் பொறுத்தே அமையும்.
இந்திய கிரிக்கெட்டின் (Indian Cricket Team) புகழ்பெற்ற நட்சத்திரமான விராட் கோலி, காயம் காரணமாக கிரிக்கெட் களத்தில் இருந்து விலகியிருந்தார். சமீபத்தில், இந்தியா மற்றும் ஆப்கானிஸ்தான் அணிகளுக்கு இடையே 3 போட்டிகள் கொண்ட ஒருநாள் தொடர் நடைபெற்றது. காயம் காரணமாக கோலியால் தொடர் முழுவதும் விளையாட முடியவில்லை. இருப்பினும், இங்கிலாந்துக்கு எதிரான ஒருநாள் போட்டிகளுக்கு விராட் கோலி தேர்ந்தெடுக்கப்பட்டுள்ளார். இந்தநிலையில், நேற்று அதாவது 2026 ஜூன் 21ம் தேதி விராட் கோலி (Virat Kohli) தனது ‘ஒன் 8’ பிராண்டின் உலகளாவிய அறிமுக விழாவில் கலந்துகொண்டார். அந்த நிகழ்வு முழுவதும், விராட் கோலி தனது வழக்கமான நகைச்சுவையான பாணியில் காணப்பட்டார்.
ALSO READ: இங்கிலாந்து அணிக்கு எதிரான ஒருநாள் தொடர்.. திரும்பிய கோலி.. இந்திய அணி அறிவிப்பு!
லாபத்தை அதிகரிக்கவும், தனது பிரத்யேக ரெட் ஷூ விற்பனையை உயர்த்தவும் டெஸ்ட் கிரிக்கெட்டிற்குத் திரும்பியது குறித்து விராட் கோலியிடம் கேள்விகள் கேட்கப்பட்டபோது, அவர் பதிலளித்த விதம் அங்கு கூடியிருந்த அனைவரையும் சிரிப்பில் ஆழ்த்தியது.
விராட் கோலி டெஸ்ட் அணிக்கு திரும்புகிறாரா..?
Virat Kohli on test cricket at one 8 world event
I’m done with it thank you 💔🙃🥲 pic.twitter.com/wEkXTA9nxN
— Santoshvk18 (@269signofff) June 21, 2026
விராட் கோலி கடந்த 2025ம் ஆண்டு டெஸ்ட் கிரிக்கெட்டிலிருந்து ஓய்வு பெறுவதாக அறிவித்ததைத் தொடர்ந்து, தற்போது ஒரே ஒரு ஃபார்மட் வீரராக ஒருநாள் போட்டிகளில் மட்டுமே விளையாடி வருகிறார். முன்னதாக, 2024 டி20 உலகக் கோப்பை வெற்றிக்கு பிறகு, டி20 கிரிக்கெட்டிலிருந்து விலகுவதாக விராட் கோலி அறிவித்திருந்தார். இதனை தொடர்ந்து, அடுத்த 2025ம் ஆண்டே விராட் கோலி தனது டெஸ்ட் கிரிக்கெட் வாழ்க்கையை 9,230 ரன்களுடன் முடித்தார். சுவாரஸ்யமாக, கோலி தனது புதிய ஷூக்களின் விலையை, அவர் எடுத்த ரன்களுக்கு இணையாக நிர்ணயித்துள்ளார்.
ALSO READ: இனி இந்திய அணி எப்போது, யாரை எதிர்கொள்ளும்? ஜூன், ஜூலை மாதங்களுக்கான அட்டவணை!
ஆகவே, தனது ரெட் நிறக் ஷூக்களின் விலையை உயர்த்தும் நோக்கில் டெஸ்ட் கிரிக்கெட்டுக்குத் திரும்புவாரா என்று விராட் கோலியிடம் கேட்கப்பட்டபோது, அவர் புன்னகைத்துக்கொண்டே, “அவற்றை நான் குறைந்த விலைக்கு விற்கவே விரும்புவேன்” என்று பதிலளித்தார். இவ்வாறு பதிலளித்த பிறகு, கோலியால் சிரிப்பை அடக்க முடியவில்லை. அங்கு கூடியிருந்த ரசிகர்கள் அனைவரும் சிரிக்கத் தொடங்கினர். இதன்மூலம், டெஸ்ட் கிரிக்கெட்டுக்கு விரட் கோலி திரும்ப மாட்டார் என்றே தெரிகிறது. தொடர்ந்து, தனக்கும் டெஸ்ட் கிரிக்கெட்டுக்கும் எந்த சம்பந்தமும் இல்லை என்றும் தெரிவித்திருந்தார்.
விராட் கோலி இங்கிலாந்துக்கு எதிரான ஒருநாள் தொடரில் விளையாடுவாரா?
இந்திய அணி வருகின்ற 2026 ஜூலை மாதம் இங்கிலாந்துக்குச் சுற்றுப்பயணம் மேற்கொள்ள உள்ளது. இந்தக் காலகட்டத்தில் இரு அணிகளும் ஒருநாள் தொடரிலும் விளையாடும். இந்தத் தொடருக்கான இந்திய அணியில் விராட் கோலியின் பெயரும் இடம்பெற்றுள்ளது. ஆனால் அவரது உடற்தகுதி சோதனையின் முடிவுகள் இந்தத் தொடரின் முடிவுகளைப் பொறுத்தே அமையும்.
விராட் கோலியின் உடற்தகுதித் தேர்வானது இன்று அதாவது 2026 ஜூன் 22ம் தேதி பெங்களூருவில் உள்ள சென்டர் ஆஃப் எக்ஸலன்ஸில் நடைபெறும். ஐபிஎல் 2026 இறுதிப் போட்டியின் போது விராட் கோலிக்கு தொடை தசைநார் காயம் ஏற்பட்டது. எனவே, கோலி அணிக்குத் திரும்புவதற்கு இந்த உடற்தகுதித் தேர்வில் தேர்ச்சி பெற வேண்டும்.
